LEXO PA REKLAMA!

SHKARKO APP

E fundit!

x

“Unë kam dështuar”/ Arian Galdini: Partitë e mëdha përdorën shuma marramendëse për fushatë

1 Maj 2021, 15:51, Politikë CNA
“Unë kam dështuar”/ Arian Galdini: Partitë e

Disfata e partive të vogla në zgjedhjet e 25 prillit, ku nuk arritën të siguronin asnjë mandat ka sjellë një sërë reagimesh dhe akuzash në drejtim të partive të tjera më të mëdha.

Përveç partive tradicionale, PS, PD dhe LSI apo PSD e Tom Doshit, për zgjedhjet parlamentare garuan edhe 8 parti të reja.

Lëvizja e Re e drejtuar nga Arian Galdini arriti të siguronte 3771 vota, të cilat ishin të pamjaftueshme për të hyrë në Parlament.

Në një reagim për CNA.al, Galdini shprehet se LRE ishte e vetmja parti që u regjistrua në zgjedhje nga mbështetja e mbi 6 mijë qytetarëve, ndërsa shton se asnjë prej kandidatëve të tij nuk ka pasur poste apo emërime politike për 30 vite me rradhë.

?LRE – Lëvizja e Re, ka qenë në këto zgjedhje të 25 prillit, e vetmja parti politike konkuruese, që u mohua, pengua, çensurua, bllokua dhe shpërfill nga mediat shqiptare. Edhe pse ishim e vetmja parti që u regjistruam në zgjedhje me firmat mbështetëse të 6432 qytetarëve, edhe pse ne kemi një ekip të shkëlqyer, neve kurrë nuk na u lejua e as na u mundësua asnjë mundësi, asnjë minutë, asnjë sekondë, që tia paraqesim qytetarëve shqiptarë njerëzit tanë, idetë tona, programin tonë, vizionin tonë.

Ne si LRE hymë në këto zgjedhje si partia e mohuar dhe në kushte krejtësisht të pabarabarta.  Ne si LRE hymë në këto zgjedhje vetëm me një celular dhe një faqe facebooku.

Dhe mbi 90% e shqiptarëve, as e patën mundësinë të dëgjonin për LRE apo të mësonin për ekzistencën e LRE. Ne hymë në këto zgjedhje si parti tipikisht e qytetarëve të thjeshtë, të ndershëm, intelektualë, ekspertë e të papërlyer.

Asnjëri prej nesh nuk ka pasur kurrë poste, detyra, ofiqe, as ka qenë i/e zgjedhur e as i/e emëruar në asnjë nivel politik apo administrativ të këtyre 30 viteve?, tha ai.

Galdini tha se rezultati i dalë nga zgjedhjet e 25 prillit në të gjithë territorin ishte zhgënjyes, ku theksoi se ai vetë ka dështuar më shumë se kandidatët e tjerë.

?Rezultati ynë me 3700 vota në të gjithë Shqipërinë, ishte zhgënjyes, dërrmues, lëndues.

Por e pranojmë si dështim e në këtë pikë duhet të shtoj se i vetmi që ka dështuar jam unë Arian Galdini. 152 kandidatët e tjerë të LRE kanë shkëlqyer. Ata janë qytetarë të thjeshtë që kanë bërë mrekulli në kaq pak kohë.

Unë dhe vetëm unë kam dështuar dhe përgjegjësia e këtij dështimi bie mbi mua si Kryetar i LRE.

E marr përsipër dështimin por edhe duhet të them se të marrësh 3700 vota në një garë të pabarabartë, e vetëm me 1 celular e 1 faqe facebooku, është gjithësesi një arritje jo për tu shpërfillur?, tha Galdini për CNA.al.

Kreu i LRE shtoi se PS, PD dhe LSI kanë përdorur shuma marramendëse për fushatën që arritën rezultatin e tyre.

?Makineria Politike e PS, PD, LSI ka përdorur shuma marramendëse në këtë fushatë.

Të treja partitë ishin 24 orë në 24, çdo ditë live në çdo media.

Edi Rama me patronazhistët e sistemin e fuksave por edhe PD me patronazhistët e saj për çdo kuti votimi, i vendosën shqiptarët nën shantazhin e një Big Brother (Syri të Madh) që po i shikonte dhe ua dinte të gjtha.

Shantazhi i drejtpërdrejtë nga administrata, drejtues institucionesh, taksidarët, e futi popullin në një centrifugë traumatike prej ngaku ishte e qartë se do të prodhohej vota e rreshtuar.

Dy centrifuga gjigande, PS dhe PD, i futën shqiptarët nën një trysni shtrydhëse të paparë e të pandodhur më parë?, tha Galdini./CNA.al  

Lajmet e fundit nga