Connect with Us

Pse humb Jozefina e fiton Doshi e Sterkaj në Shkodër?

Politikë

Pse humb Jozefina e fiton Doshi e Sterkaj në Shkodër?

Publikuar

-

Zgjedhjet parlamentare/ Paralajmërimi i Topallit: Rama, Basha e Meta janë bashkë! Vendi s’ka alternativë

Nga Ylli Pata

Ka dy ditë që flitet për fenomenin e përkrahjes së kandidatëve që quhen “të fortë” dhe mos suksesit të emrave të njohur politik të vendit.

Jozefina Topalli është dëshmia më domethënëse e këtij fenomeni. E cila dje dha dorëheqjen pas një rezultati të dobët që arriti në rang kombëtar e në veçanti në bastionin e saj në SHkodër.

Ku Lëvizja për Ndryshim ka marrë në rang qarku 1389 vota, ndërkohë ku Partia Socialdemokrate e Tom Doshit ka korrur një triumf politik në të gjitha bashkitë e qarkut Shkodër. Ka marrë 16425 vota, që realisht janë gati sa votat e marra në vitin 2017, por që këtë radhë PSD ka dëmtuar rëndë Partinë Socialiste, duke i hequr një mandate. Kjo ka ndodhur se Partia Demokratike ka pasur një rritje votash, një mobilizim i mbështetësve të opozitë që në Shkodër janë në shumicë prej 30 vjetësh.

Në fund të numërimit ka dalë që më shumë vota në këtë qark kanë marrë Tom Doshi, Paulin Sterkaj, Agron Çela, apo edhe të tjerë kandidatë që nuk e kanë aureolën politike të zonjës Topalli. Pse ndodh kjo?

E nëse shikojmë me vëmendje, zonja Topalli nuk  është se ka marrë pak vota në zonat rurale të qarkut por edhe në Bashkinë Shkodër, ku PSD-ja e Doshit është sa dyfishi i ish-kryeparlamentares.

Ky fenomen do analizuar realisht, pasi kemi të bëjmë me thyerjen e nje miti, që ishte cilësuar si “Zonja e Hekurt”e Partisë Demokratike.

Mbështetësit e Partisë Demokratike, me një turr kanë nisur ta sulmojnë Topallin, duke e konsideruar që ajo është ndëshkuar si “tradhëtare”, ndërkohë nuk shqetësohen fare për votat e tyre, ku PD e ka humbur Shkodrën; ka marrë 5 mandate nga 11 që ka gjithsej, pra është në minorancë në qark.

Shkodra realisht prej vitesh po përjeton një realitet që nuk ka të bëjë me politikën: është e polarizuar skajshëm, që është fenomen që ka sjellë përplasjen. Ku promovon kandidatët që nuk vendosin politikën e arsyen si argument, por forcën dhe përballjen. Burrërinë, kanunin, marrëdhënien tribal e jashtëpolitike.

Në këtë fushë, persona që vijnë nga biznesi, nga marrëdhënia ekstrapolitike kanë precedencë. Tom Doshi për shembull, ka marrë një pjesë të madhe të fetës së elektoratit socialist në qark, pasi ata e shikojnë Tomën, si njeriun që përballet dhëmbë për dhëmbë me sulmin e demokratëve. Por ka edhe një element tjetër të suksesit të Doshit në Shkodër; një marrëdhënie që ai e ka lidhur me njerëzit me vite që nga 2005.

LEXO EDHE:  Tentuan t’i grabisin shtëpinë/ 62 vjeçari përleshet me “skifterët”

Tom Doshi, kandidoi në vitin 2005 në një zonë mazhoritare që përfshinte Anën e Malit e Velipojën që ishin të majta dhe Bushatin që ishte i djathtë. Me të dy zonat ai arriti të punojë familje për familje me njerëzit, duke ndihmuar edhe individualisht njerëz e familje në çaste dramatike për ta. Dhe këto histori në Shkodër janë kronikë.

Ndërkaq, edhe kandidati socialist Paulin Sterkaj ka një popullaritet të njohur në zonën e tij; Malësinë e Madhe, prej shumë vitesh, si kur ka qenë deputet i PS-së, por edhe i PD-së në vitin 2009.

Ka një marrëdhënie të afërt me komunitetin, të cilin e ka mbrojtur edhe në beteja ligjore, që nga historia e kërpit industrial e deri tek bindja e Edi Ramës për të sjellë investime në atë zonë. Malësia e Madhe ka pasur një sërë investimesh të rëndësishme në zonë, kryesisht në infrastrukturë, turizëm etj që kanë sjellë një rritje të ekonomive të vogla. E ku Sterkaj ka qenë protagonist në lobimin e tij.

Në të njëjtën skemë ka pasur sukses Agron Çela i LSI, i cili është një ndër të katër deputetët e LSI që arriti të përballojë presionin “vrastar” të Ilir Metës për partinë e Ilir Metës.

E në këtë panoramë të rëndë dhe polarizuese, duket nuk ka pasur vend për alternative të qeta, të treta, por ka pasur një betejë të fortë ku Tom Doshi ja ka arritur të mbajë pozitat e tij.

Zonja Topalli, realisht edhe nuk ka bërë fare fushatë të fortë në territor, duke i besuar asaj që ajo mendonte se mund të kishte si trashëgimi politike në Shkodër. Por fakt është se mbështetësit e Jozefina Topallit ka disa herë që e propozojnë atë si një kandidate për deputete, por kur Jozefina vjen me një parti tjetër, ata nuk e tradhëtojnë Partinë Demokratike. Kjo është logjikë bastioni. Ato 1389 votat e Lëvizjes për ndryshim, duken pak, por gjithsesi janë një shenjë, që në të ardhmen ndoshta do të jenë përcaktuese, sidomos për bashkinë Shkodër kur të jenë zgjedhjet lokale.

Sepse, nëse i referohemi faktit që Agron Çela, kandidat i LSI-së, ka marrë gjithmonë vota të majta në qytet dhe zonat përreth, Partia Demokratike nuk është shumicë në bashkinë Shkodër. Dhe me një kandidat jot ë PS-së, por që vjen nga e djathta por që të mos ketë lidhje me PD-në e Bashën, do të fitonte menjëherë sipas rezultateve të 25 prillit…

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Gjendet një valixhe e braktisur te stadiumi Dinamo/ Dyshohet për eksploziv

Publikuar

-

Nga

Gjendet një valixhe e braktisur te stadiumi Dinamo/ Dshohet për eksploziv

Një valixhe e braktisur është konstatuar mbrëmjen e sotme në Tiranë në rrugën ”Sulejman Delvina”.

Shërbimet e Policisë kanë vendosur perimetër sigurie rreth valixhes dhe menjëherë janë njoftuar forcat xheniere për veprime të mëtejshme.

Pritet të zbulohet se cfarë ka brenda valixhja e dyshimtë.

Tiranë/Informacion paraprak

Me datë 26.07.2021, në rrugën “Sulejman Delvina”, sherbimet e Policisë kanë konstatuar në trotuar një valixhe të braktisur.

LEXO EDHE:  Problemet me përmbytjet në Shqipëri/ Topalli jep zgjidhje

LEXO EDHE:  Shkrimtarja shkodrane i “vërsulet” Bashës/ Hap rrugë, mos na humb durimin

Menjeherë pas konstatimit është vendosur perimetri i sigurisë dhe është bërë njoftimi i forcas xheniere për veprime të metejshme.

Grupi hetimor punon për sqarimin e rrethanave të ngjarjes.

 

LEXO TE PLOTE

Politikë

Djali i George Soros pushime në Shqipëri/ Takohet me Ramën dhe poston foto nga Vlora

Publikuar

-

Nga

Djali i George Soros pushime në Shqipëri/ Takohet me Ramën dhe poston foto nga Vlora

Djali i George Soros, Alexander Soros është takuar sot me kryeministrin Edi Rama në jug të vendit ku  ka zgjedhur të pushojë këtë fundjavë.

Soros ka ndarë fotot në rrjetet sociale, duke e quajtur Ramën mikun e tij të mirë, ndërsa ka postuar edhe pamje nga riviera shqiptare teksa e cilëson më të bukurën në Europë.

LEXO EDHE:  Tentuan t’i grabisin shtëpinë/ 62 vjeçari përleshet me “skifterët”

 “Ishte e mrekullueshme të kthehesha në bregdetin e bukur shqiptar me mikun tim të mirë Kryeministrin shqiptar Edi Rama. Shfletoni disa fotografi të nje nga rivierave më të bukura dhe të paprishura të Evropës“, shkruan djali i Soros.

LEXO EDHE:  Topalli zbulon emrat e oligarkëve të politikës/ “Ata i shohin njerëzit si numra”

 

LEXO TE PLOTE

Politikë

Dje gërmadhë e tërmetit, sot fituese e çmimit të arkitekturës/ Rama nxjerr pamjet nga shkolla në Durrës

Publikuar

-

Nga

Dje gërmadhë e tërmetit, sot fituese e çmimit të arkitekturës/ Rama nxjerr pamjet nga shkolla në Durrës

Shkolla “Bedrie Bebeziqi” në Durrës, është shpallur fituese e çmiimit prestigjioz ndërkombëtar të arkitekturës.

Kryeministri Edi Rama ka publikuar dhe fotot në rrjetet sociale ku shkruan se shkolla “Bedrie Bebeziqi” e cila dje ishte gërmadhë e tërmetit ka fituar një çmim prestigjioz në fushën e arkitekturës.

Statusi i Ramës

SHKOLLA “Bedrie Bebeziqi” dje gërrmadhë e tërmetit në Durrës, sot FITUESE E ÇMIMIT PRESTIGJOZ NDËRKOMBËTAR TË ARKITEKTURËS

LEXO EDHE:  Video-Bashkia e Shkodrës, aktivitete në kuadër të “Javës së Tokës”

LEXO EDHE:  “50 minus 2 baraz me 10”/ Topalli mbështet protestën e maturantëve, nuk lë pa thumbuar Bashën

“BigSEE Architecture Award 2021”

LEXO TE PLOTE