Connect with Us

“15 mijë euro për të vrarë dy persona”/ Oferta e porositësit që u arrestua pas interesimit të Fiks Fare

Denoncim

“15 mijë euro për të vrarë dy persona”/ Oferta e porositësit që u arrestua pas interesimit të Fiks Fare

Publikuar

-

“15 mijë euro për të vrarë dy persona”/ Oferta e porositësit që u arrestua pas interesimit të Fiks Fare

Në pjesën e dytë të bisedës mes porositësit dhe vrasësit me pagesë diskutohen detajet e sigurimit të armëve dhe personave që do marrin pjesë.

Porositësi i kërkon disa herë vrasësit që të veprojë vetëm dhe mos të përdorë mjet, por në këmbë. Ndërkohë, refuzon në mënyrë kategorike kërkesën prej 50 mijë eurosh, pasi “nuk vlen kaq ai”. Më tej i bën një ofertë, e cila është edhe e fundit; 15 mijë euro për të vrarë dy persona. “Unë për atë njeri më shumë se 10 mijë euro nuk jap. Nuk jap! Biles, aq është shumë. Është shumë për 10 mijë euro, është shumë” i thotë porositësi, ndërsa vrasësi i thotë se rrezikon burg.

Po të më japësh 15 mijë Paund të iki në Angi. 15 mijë paund unë i dua. Vetëm veglat do venë 4 mijë” i përgjigjet vrasësi. Ndërkohë, porositësi i thotë se “… nuk të duhet asnjë lloj velge, një pistoletë”. Më tej i kërkon që, nëse e merr përsipër, ta lajmërojë një ditë më përpara që të mbledhë plaçkat dhe të iki nga Shqipëria. “Një natë më parë të më thuash largohu ik, unë mbledh plaçkat dhe ika. Kaq. Unë duhet të iki që këtej, jam unë” i thotë ai.

Ky regjistrim është dorëzuar në Policinë e Vlorës në datën 12 prill 2021. 9 ditë më vonë, në datën 21 prill, emisioni “Fiks Fare” i kërkoi zyrtarisht Policisë së Shtetit dhe Policisë së Vlorës informacion për shpërthimin e tritolit dheregjistrimin. Në këtë kohë, para, gjatë dhe pas zgjedhjeve të 25 prillit, policia nuk ndërmori asnjë veprim. 1 javë pas interesimit të Fiks Fare, Policia e Shtetit publikoi një deklaratë për mediat, ku ndër të tjera lajmëron se është zbardhur shpërthimi me eksploziv.

“Si rezultat i informacioneve të siguruara në rrugë policore, është bërë e mundur kapja dhe ndalimi i shtetasit: R. K., 42 vjeç, banues në Orikum” thotë policia. Ndërkohë, po më 29 prill, Policia e Vlorës i ka kthyer përgjigje emisionit Fiks Fare se materialet për të arrestuarin i kanë kaluar pas 17 ditësh Prokurorisë së Vlorës për dy akuza “shkatërrim prone me eksploziv” dhe “sigurimi i kushteve dhe i mjeteve për të kryer vrasje”.

Më poshtë, po publikojmë vijimin e bisedës mes vrasësit me pagesë dhe porositësit, ku ky i fundit ofron vetëm 15 mijë euro për të vrarë 2 persona;

Vrasësi me pagesë – Do më japësh një ofertë që të ngrihemi, të iki. Do më thuash çfarë do bëhet, të vazhdoj unë të mbaroj hallin tënd, të mbaroj hallin tim dhe kaq vëlla.

Porositësi – Unë e di shumë mirë mos të rrimë.
Vrasësi me pagesë – Mos rrimë të keqen vëllai.
Porositësi – Ai njeri nuk bën aq lekë, ta dish.
Vrasësi me pagesë – Sa bën për ty mo vëlla.
Porositësi – Nuk bën.
Vrasësi me pagesë – Sa bën për ty?
Porositësi – Hajde, hajde këtëj…
Vrasësi me pagesë – Ti sa jep, dhe unë të zgjidh hallet e mia.
Porositësi – F.
Vrasësi me pagesë – Unë jam në hall vëlla.
Porositësi – Hallet e tua nuk janë njësoj me të miat, ti ke të tuat, unë kam të miat ai tjetri të tijat. E kupton?
Vrasësi me pagesë – Ti do më japësh ofertën tënde, unë të thashë. Unë normalisht do qëlloj çik lart.
Porositësi – Unë e di shumë mirë F., këto janë muhabete… O F., unë për atë njeri më shumë se 10 mijë euro nuk jap. Nuk jap! Biles, aq është shumë. Është shumë për 10 mijë euro, është shumë. Ai njeri është shumë. Se ai njeri është fundërrinë, asnjë gjë tjetër.
Vrasësi me pagesë – Po jo 10 se rrezikoj burgun unë i shkreti. Po të më japësh 15 mijë paund të iki në Angi. 15 mijë paund unë i dua. Vetëm veglat do ventë të 4 mijsha.
Porositësi – Nuk të duhet asnjë lloj velge, një pistoletë…
Vrasësi me pagesë – Po si, bën 2 mijë euro pistoleta me silenciator o burrë i dheut mos më q… n… mua, s’ta lëshon njeri.
Porositësi – E di shumë mirë, e di shumë mirë. Unë për atë njeri, asnjë… kaq! Se si, se qysh, se tek. Një natë më parë të më thuash largohu ik, unë mbledh plaçkat dhe ika. Kaq. Unë duhet të iki që këtëj, jam unë.
Vrasësi me pagesë – Një sekondë. Do e ngresh edhe një çik pazarin.
Porositësi – Nuk bën më shumë ai, biles e ka për dy.
Vrasësi me pagesë – S’bën më shumë, po mua.
Porositësi – Lërë të mbarosh punë, më vonë, më vonë, do dalësh kam gjëra këtu, lërë në dorëzim.
Vrasësi me pagesë – Dy copë në një moment, nuk ja vlen ti heqësh.
Porositësi – Po, po. Për atë tjetrin do të të jap edhe një 5-çe. E kupton, hiqe edhe atë q… r… Hiqe
Vrasësi me pagesë – Kë do ti. Mirë, të mendohem unë njëherë edhe unë do të them po apo jo. Ti do më japësh, shiko unë jam në borxh. Ai pret të paguaj punëtorin, të paguaj hekurin.
Porositësi – Punë e kryer, borxh i larë e kam unë. Në momentin që do mbarojë punë s’do jem më unë këtu, nesër në mëngjes ke lekët. Kaq di unë.
Vrasësi me pagesë – Po mirë parapagim të paktën, i q… m… me çfarë do lëviz unë.
Porositësi – Po ske punë lëvizje, ti nuk e kupton. Dy netë, tre netë, do të dalë aty, aty ja bën ti.
Vrasësi me pagesë – Po.
Porositësi – Dy netë, tre netë, u krye si punë…
Vrasësi me pagesë – Edhe unë s’jam i garantuar që do të mi japësh ti, ku e di unë ça do bëhet.
Porositësi – Te unë do të rrish me 5000 përqind je i garantuar, jo me 1000 përqind, 5000 përqind. Të gjen vëllai ty, mos e vri mendjen ti.
Vrasësi me pagesë – Do e bëjmë kështu ne, ti do e ngresh edhe pak çmimin. A do më ndihmosh mua.
Porositësi – Vëllai, vëllai nuk është ndonjë hall shumë i madh, nuk e shikoj dot me sy nuk kam ndonjë hall. Nuk e shikoj dot më, nuk e shikoj dot më. Unë të thashë, këputi të dy, 15 mijë euro dhe as të kam parë as më ke parë.
Vrasësi me pagesë – Të dy në një ditë, jo…
Porositësi – Jo në një ditë.
Vrasësi me pagesë – Se do bëhet Gërdec këtu o vëlla, vend i vogël.
Porositësi – Jo në një ditë. Mbarove të parin, ke një 10-çe. Këput të dytin ke 5-çe. Më ka thënë dy fjalë jemi të fortë, e kupton. Kaq, jemi të fortë!
Vrasësi me pagesë – Më shumë kapriço.
Porositësi – Bravo, i këput të dy. Të dy i ke… të parin 10 se është ai, që s’është asnjë gjë, ai me nivelin e T… Asnjë gjë tjetër, vetëm llafet.
Vrasësi me pagesë – Është T… more burrë i dheut, s’është vetëm ai o babale, mos i bëj muhabetet kështu ti.
Porositësi – E kupton ti, të thashë që dje; unë dua kaq lekë, të them kaq lekë. Unë për atë njeri 10 mijë euro.
Vrasësi me pagesë – Gjysmat do mi japësh në dorë mua ti vëlla, unë sdo rri me 5 mijë lekë në xhep.
Porositësi – O F. dëgjo çik R., po ske lëvizje për të bërë te ai ti. S’ke lëvizje mo F.
Vrasësi me pagesë – Me ça do lëviz unë, do zhdukem unë o Babale.
Porositësi – E mbarove sonte, do të them unë ku të shkosh të marrësh lekët. E ke të garantuar, çdo gjë e ke të garantuar. E ke të programuar o vëlla. Zgjidhjen e kësaj e kam unë. Ik në Londer ti, a ik në Kinë. Në Londër mund të ndihmojmë, mund të ndihmojmë me njerëz atje.
Vrasësi me pagesë – Unë dua të iki, dua të iki.
Porositësi – O F. unë të them një gjë, u krye sonte…
Vrasësi me pagesë – Po.
Porositësi – Pastaj më takon mua.
Vrasësi me pagesë – Mirë.
Porositësi – Dëgjo, mos mu afro me njerëz Vlore se del llafi. Këtu në Shqipëri.
Vrasësi me pagesë – Takohemi në ndonjë vend tjetër.
Porositësi – Vënë ti.
Vrasësi me pagesë – Do të kthej përgjigje. Unë po të them 5 lekë do më japësh se unë do paguaj tjetrin në Vlorë. Do paguaj edhe atë, ai do lekët. I do lekët.
Porositësi – Po s’të duhet motorr o vëlla.
Vrasësi me pagesë – Nga e di ti, do e marr unë atë përsipër.
Porositësi – Mirë në rregull.
Vrasësi me pagesë – Se me q… n…
Porositësi – O F. mos ma thuaj më këto fjalë dhe këto muhabete.
Vrasësi me pagesë – Më duhet se duhet të iki. Do iki më shpejt, bam, bam.
Porositësi – Ikën më shpejt në këmbë sesa me…
Vrasësi me pagesë – Në këmbë, po është në p…. s…
Porositësi – E di, mo e di.
Vrasësi me pagesë – Kështu që më thuaj vetë do pimë një kafe atje dhe…
Porositësi – Të thashë unë, do bëj budallain me telefon unë.
Vrasësi me pagesë – Mos bëj budallain me mua, se…
Porositësi – Mos fol më, mos fol më.
Vrasësi me pagesë – Ok.
Porositësi – Ik, mos fol më shumë.

LEXO EDHE:  Video/ Rrihet barbarisht biznesmeni, policia hesht

Vrasësi me pagesë takon shënjestrën…

Vrasësi me pagesë – Futja shpejt, hë të keqen vëllai futja shpejt. Ec, eçc
Shënjestra – E inçizove?
Vrasësi me pagesë – Ec more ec, ec, ec. Se kam besim, s’është hera e parë që bëj këto lloj gjërash unë. Kanë besim te unë ata, e kupton ëëë. Se jam këtu me, e kam këtu akoma (regjistruesin).
Shënjestra – Fike./ tch

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Stop interesohet për punonjësen e shkarkuar/ Kryebashkiaku Ervin Demo bën sjellje arrogante me gazetaren

Publikuar

-

Nga

Stop interesohet për punonjësen e shkarkuar, kryebashkiaku Ervin Demo bën sjellje arrogante me gazetaren

Emisioni Stop në Tv Klan ka marrë një denoncim nga qyteti i Beratit. Bëhet fjalë për ankesën e zonjës Mimoza Xhani, e cila ka punuar si shefe e Inspektimit dhe Parandalimit në Zjarrfikëse ose Drejtoria e Mbrojtjes nga Zjarri dhe Shpëtimi, Berat. Ajo tregon se prej 10 vitesh ka qenë punonjëse aty.

Në vitin 2017, Mimoza Xhani komandohet si drejtoreshë dhe me varësi nga Drejtoria e Përgjithshme e MZSH-së në Ministrinë e Brendshme. Sipas strukturës, sektorët e dy punonjësve Artan Merko dhe Dilaver Gremshi nuk ishin të përfshira dhe ata prej 2 muajsh nuk ishin në atë drejtori.

Zonja thotë se kërkon delegimin e saj në funksionin e mëparshëm, pasi ish-kryetari i Bashkisë Berat i kërkonte largimin e dy punonjësve të tjerë, që nuk ishin në kompetencën e saj.

Një vit pas vendosjes së drejtorit të ri, dy ish-punonjësit Artan Merko dhe Dilaver Grëmshi kishin bërë një kallëzim për zonjën Xhani, me pretendimin se nuk i kishte marrë në punë dhe për shpërdorim detyre.

Ajo thotë se menjëherë pas kësaj u pezullua nga puna në Tetor të vitit 2020, edhe pse Bashkia e Beratit duhet të mbante përgjegjësi, pasi struktura ishte e miratuar nga vetë ajo.

Mimoza Xhani: Unë jam punonjësve prej 10 vjetësh. Në 2017 jam komanduar drejtoreshë, përveç detyrës funksionale që mbaja. Kur fillova detyrën si drejtoreshë e komanduar më vihet një dispozicion organika e MZSH dhe në bazë të kësaj organike unë nuk kisha në organikë sektorët e dy punonjësve të shkurtuar nga kjo organikë. Varësia jonë është nga Bashkia Berat dhe Drejtoria e MZSH-së pranë Ministrisë së Brendshme. Sipas nenit 10 të ligjit 152/2015 janë një sërë detyrash. Unë i kam zbatuar korrektësisht. Në këtë nen nuk ka të përfshirë që unë si drejtore e komanduar të heq apo të shtoj në organikë punonjës. Problematika qëndron sepse në bazë të kësaj strukturë që kam në dorë, emrat e dy punonjësve të shkurtuar me organikë nuk janë të përfshirë në listë-prezencë, Artan Merko dhe Dilaver Gramshi. Kishin mëse dy muaj të shkurtuar nga organika. Për këto arsye, i kërkoj Drejtorisë së Përgjithshmë të MZSH dhe Bashkisë Berat në lidhje me dy punonjësit e shkurtuar nga organika se si duhet të veproja më vonë pasi ata nuk kishin marrë edhe urdhrin e largimit nga Drejtoria e Përgjithshme dhe këta nuk më kanë kthyer përgjigje, por nga Drejtoria e Përgjithshme më është thënë që vazhdo detyrën ashtu siç e ke gjetur, me atë strukturë që e ke gjetur. Në vitin 2019 delegohem në funksionin e mëparshëm, shefe e sektorit të parandalimit të zjarreve pasi nga kryetari i Bashkisë së mëparshme më kërkohej për largim nga puna të punonjësve të nivelit bazë, gjë që unë nuk mund ta bëja për arsye se nuk mund të shkelja kompetenca e drejtorit të përgjithshëm. Në vendin tim emërohet një drejtor tjetër dhe pas 1 viti të drejtorit tjetër, dy punonjësit e shkurtuar me organikë bëjnë kallëzim penal ndaj meje që pse nuk i kisha futur në listë-prezencë dhe në bordero sipas strukturës që kjo nuk ishte kompetencë e drejtorisë vendore. Në 16 Tetor 2020, pezullohem nga detyra për shpërdorim detyre. Se ku ndodhet shpërdorimi i detyrës, unë këtë nuk e kam kuptuar dhe nuk e kuptoj asnjëherë. Pasi mbarova procesin gjyqësor në Shkallën e Parë dhe çështja u pushua, unë i drejtohem kryetarit të Bashkisë. Kryetari i Bashkisë nuk më pranoi që të shpjegohesha dhe më përplasi derën në fytyrë. Dy punonjësit e shkurtuar në organikë janë rikthyer në detyrë sipas një strukture të re të ribërë në 2020 nga kryetari i Bashkisë. Sikur dhe një fije floku shkelje penale të kem, le të ndëshkohem penalisht deri në një. Vetëm dua të dali e drejta ime në shesh.

Qytetarja Mimoza Xhani shkon të takohet me kryetarin e Bashkisë dhe ai i thotë të bëjë shkresë, edhe pse ajo ka qenë disa herë aty dhe ka paraqitur shkresë.

Kryebashkiaku Demo: Kush të ngjiti ty këtu? Si moj ngjiteni ju? Po s’ke takim me mua. Se unë kam mbledhje, kam mbledhje.

Denoncuesja: Jam e detyruar, se për shkak të urdhrit tuaj jam pezulluar.

Kryebashkiaku Demo: Jo, moj me shkresë! Të gjitha me shkresë!

Denoncuesja: Po e kam bërë dhe shkresën.

Kryebashkiaku Demo: Më ço në prokurori, moj goc, tani! Qenke në detyrim me mu. Më lër rehat tani!

Denoncuesja: Ç’është kjo fotokopje?

Kryebashkiaku Demo: Me shkresë zonjë, me shkresë! Mos hajde më!

Denoncuesja:Ta kam bërë shkresën.

Kryebashkiaku Demo: Shumë mirë! Do të kthej unë përgjigje të shkruar!

Për problemin që shtron zonja Mimoza Xhani, ekziston një vendim i Gjykatës Administrative të Shkallës së Parë, që detyron Drejtorinë e MZSH të pranojë në punë dy punonjësit e larguar, por gjithmonë duke u mbështetur tek shkeljet e drejtorit të mëparshëm. Emisioni Stop shkoi të takonte kryetarin e Bashkisë së Beratit Ervin Demo, por kryebashkiaku jo vetëm nuk ktheu asnjë përgjigje, por u tregua arrogant në komunikim me gazetaren, duke mos marrë përsipër as përgjegjësinë e situatës.

LEXO EDHE:  Manjani “qahet” publikisht/ Partitë politike nuk më kanë bërë oferta

LEXO EDHE:  Degjeneron në dhunë ngujimi i studentëve në Shkodër

 

Kryebashkiaku Demo: Të lutem, thuaji kamerës të rrijë jashtë!

Gazetarja: Po unë bashkë me djalin jam.

Kryebashkiaku Demo: Jo, jo! Të lutem!

Gazetarja: Po kështu është puna ime. Unë nuk mund të hyj vetëm. Unë jam gazetare, hyj së bashku me operatorin.

Kryebashkiaku Demo: Shumë mirë, po mos hajde me dhunë në zyrë!

Gazetarja: Me dhunë? Më tha: hyr! (sekretarja)

Kryebashkiaku Demo: Hiqe pak mikrofonin brenda, të lutem!

Gazetarja: Dhe jo ironi..

Kryebashkiaku Demo: Dakord! Mbaje mikrofonin ndezur dhe më thuaj ca halli ke!

Gazetarja: Halli im është për një inspektore të Mzsh-së, që ka qenë drejtoreshë e komanduar dhe është pezulluar dhe nga detyra e inspektores. Të flasë me burimet njerëzore!

Kryebashkiaku Demo: Më thuaj, cili është shqetësimi juaj?

Gazetarja: Po! Kam ardhur për ankesën e saj. Meqë organika varet nga ju, varet direkt nga Kryetari i Bashkisë, pse është pezullkuar dhe është akuzuar për shpërdorim detyre, kur organika për dy punonjësit, që është akuzuar, ka qenë e miratuar nga ju?

Kryebashkiaku Demo: Stop një sekondë, e para e punës!

Gazetarja: E para e punës, mos më ngri mua zërin!

Kryebashkiaku Demo: Jo, të lutem!

Gazetarja: Mos më ngri zërin mua!

Kryebashkiaku Demo: Po të lutem më dëgjo mua këtu!

Gazetarja: Po, të dëgjoj, po mos më ngri zërin! Thuaj, të lutem më dëgjo dhe të dëgjoj!

Kryebashkiaku Demo: Të lutem më dëgjo, se qenke totalisht pa etikë!

Gazetarja: Unë pa etikë, apo ju, që flisni kështu?

Kryebashkiaku Demo: Buzëqesh me, patjetër me zemër.

Kryebashkiaku Demo: Unë e di, që ju doni të bëni shoë, po është turp. Është skandaloze.

Gazetarja: Unë dua të bëj shoë? Ju qënkeni arrogant, ironia në maksimum. Gjithsesi vazhdoni zoti Kryetar!

Kryebashkiaku Demo: Buzëqesh me.Po patjetër me zemër.

Gazetarja: Ju e dini shumë mirë si rast.

Kryebashkiaku Demo: Jo, nuk e di fare shumë mirë.

Gazetarja: Po mos e ngri zërin! Mos më ngrini mua zërin, e para e punës! Po bisedojmë.

Kryebashkiaku Demo: Tani shiko!

Gazetarja: Një pyetje, por nuk po ta bëj për rastin konkret!

Kryebashkiaku Demo: Jo, jo, jo! Nuk ke ardhur këtu, të më marrësh mua në provim! Të lutem! Jo, të lutem një sekondë!

Gazetarja: Po të flas në përgjithësi!

Kryebashkiaku Demo: O të lutem zonjë, se je fut në zyrë me dhunë!

Buzëqesh me. Patjetër me zemër! Jo, pra, se nuk ke ardhur këtu të më marrësh mua në provim! Të lashë në zyrë për mirësjellje.

Gazetarja: Më le të hyja, m’u përgjigj tani! Unë s’erdha të të shoh ty!

Kryebashkiaku Demo: Të lashë të hyje me mirësjellje. Erdhe me kamer, me mikrofon ndezur. Bravo të qoftë!

Gazetarja: Nuk po të pyes për rastin konkret! Po të pyes për një rast të përgjithshëm. A varet nga ju? Më the: ka një hierarki të dyfishtë. Nga kush varet?

Kryebashkiaku Demo: Jo ka varësi të dyfishtë.

Gazetarja: Po ka varësi të dyfishtë. Nga kush varet?

Kryebashkiaku Demo: Po ca pyetjesh janë këto tani, se s’po të kuptoj?

Gazetarja: Mimoza Xhani, sapo ishte këtu. Sapo ishte tek ju, për të kërkuar një përgjigje, se pse nuk është rikthyer në punë.

Kryebashkiaku Demo: Do ta marr unë përgjigje, ta jap unë.

Gazetarja: Po pse s’ia keni kthyer zonjës asnjëherë?

Kryebashkiaku Demo: Mimoza Xhani ka qenë në prokurori.

Gazetarja: Po, ka qenë në prokurori.

Kryebashkiaku Demo: Bravo!

Gazetarja: Është pushuar!

Kryebashkiaku Demo: Tani, kur shkon në prokurori, nuk shkon edhe për qejf. Do ta marr do ta shikoj vendimin e prokurorisë.

Gazetarja: Po pse s’e keni parë deri tani? Mund t’ia ktheni një përgjigje në kohë!

Kryebashkiaku Demo: Të detajuar!

Gazetarja: Të detajuar? Kthejani pra, në kohë!

Kryebashkiaku Demo: Me kënaqësi shumë të madhe. Sidomos ty, me kënaqësi shumë të madhe.

Gazetarja: Faleminderit! Jeni shumë i sjellshëm!

Kryebashkiaku Demo: Mirupafshim! Të fala!

Gazetarja: Dhe mbaj përgjegjësi herën tjetër!

Kryebashkiaku Demo: Të fala!

Gazetarja: Të fala paç!

Drejtuesi i emisionit Stop, Saimir Kodra paralajmëroi se Stop do të bëjë padi ndaj kryebashkiakut të Beratit Ervin Demo për shkelje administrative. /tvklan.al

LEXO TE PLOTE

Denoncim

Bullizohej nga moshatarët e mësuesit/ Njësia e Mbrojtjes së Fëmijës e nxori të dhunuar seksualisht, psikologia e NJMF: Raporti gabim

Publikuar

-

Nga

Bullizohej nga moshatarët e mësuesit/ Njësia e Mbrojtjes së Fëmijës e nxori të dhunuar seksualisht, psikologia e NJMF: Raporti gabim

Fiks Fare solli rastin e një fëmije i cili për shkak të bullizimit nga mësuesja dhe nxënësit ka shkuar deri në mëndime për vetëvrasje, ndërkohë Njësia e Mbrojtjes së Fëmijëve në raportin e hartuar prej tyre thonë se fëmija ka patur dhunë seksuale dhe se kjo është e dokumentuar, duke mos u marrë kështu fare me problemin e tij në shkollë. Pas ankesës së nënës , zyra pohon se formati ka qrenë i gatshëm : Kemi bërë gabim në printim.

Në emisionin Fiks Fare ankohet Adelina Pjetri nga Fieri e cila ankohet për bullizmin që i është bërë djalit të saj 16 vjeçar nga mësuesit dhe shokët në shkollë. Gjë e cila ka rënduar shumë anën psikologjike të adoleshentit sa e ka çuar deri në veprime ekstreme, t’i bëj keq vetes. Adelina shprehet se djali i saj ka jetuar në Greqi deri në shtator të vitit 2020. Pas kësaj kohe ka ardhur në Shqipëri ku dhe e kanë regjistruar për të vazhduar studimet në një shkollë publike në Fier në klasë të nëntë. Meqënëse fëmija vinte nga një sistem tjetër shkollor por edhe shoqëror për mos ta patur të vështirë të përshtatjen, nëna ka kërkuar që fëmija të kishte përkujdesje nga shërbimi psiko social i shkollës. Ndërkohë që djali kishte bërë disa mungesa në shkollë një nga mësuesit e kishte vënë para përgjegjësisë duke i thënë se nuk do ta kalote klasën duke bërë mungesa. Por kishte shtuar edhe se 16 vjeçari ishte i regjistruar si i paligjshëm në shkollë.

Nëna tregon se që nga ky moment gjëndja psikologjike e të birit është rënduar shumë deri në mendime për të dëmtuar veten e tij. Ndërkohë që fëmija kishte këtë problem ajo iu drejtua Njësisë së Mbrojtjes së Fëmijëve . Por kjo njësi nuk u morë me problemin, me marrëdhënien mesues fëmijë, por me marrëdhënien nënë -djalë ku në fund të një raporti shënojnë se djali është i dhunuar seksualisht. Madje shkojnë edhe më larg kur thonë se për dhunën seksuale kanë prova. Adelina rrëfen se kjo gjë do të jetë shumë e rëndë për 16 vjeçarin kur ta lexojë këtë raport dhe ka kërkuar që të takojë psikologen e Njësisë së Mbrojtjes së Fëmijëve për një shpjegim, se si kishte arritur ajo të dilte në këtë përfundim dhe çfarë provash kanë? Punonjësja hedh poshtë dhunën seksuale tëk 16 vjeçari por i pohon se është bërë një gabim në printimin e raportit. Ajo pohon se formati i raportit ka qenë i gatshëm, ky gabim do rregullohet sipas psikologes dhe dosja do të bëhet nga fillimi.

LEXO EDHE:  Denoncimi i “Fiks Fare”/ Punonjësi vdes në pusetë, UKSH-ja mundohet të mbulojë krimin

LEXO EDHE:  Fiks Fare/ Procesionarja, 80 mijë ha pisha të infektuara në gjithë vendin

Për të kuptuar më shumë se çfarë masash janë marrë në shkollën ku 16 vjeçari është bullizuar dhe dhunuar nga stafi i mësuesve dhe nxënësit gazetarët e Fiksit shkojnë për të takuar drejtoreshën e shkollës “Sheq”. Edhe pse e kanë pritur 2 orë drejtoresha kërkon që gazetarët t’i lënë kërkesë me shkrim. Por pas këmbënguljes së tyre drejtoresha thotë që mësuesja ka gabuar që është shprehur ashtu para djalit. Për këtë është ngritur një komision disipline, por nuk i ka dhënë vërejtje. Gjithashtu drejtoresha thotë se në shkollë është ngritur një komision për të vlerësuar se në çfarë klase duhet të shkojë fëmija dhe se ky komision ka vendosur se fëmija duhet të rregjistrohet në klasë të 9-të. Kur gazetarët e pyesin drejtoreshën se komisioni duhej ngritur në shkollë apo në ZVA, ajo anashkalon pyetjen duke kërkuar serish kërkesë me shkrim. Largohet duke thënë se i vjen keq për gjëndjen psikologjike të djalit. Gazetarët e Fiksit lënë një kërkesë me shkrim në Zyrën Arsimore Vendore mbi procedurat që jane ndjekur për regjistrimin e fëmijës . Po ashtu shkojnë edhe në bashki në Njësinë e Mbrojtjes së Fëmijëv, por nuk eshtë kthyer përgjigje nga asnjë institucion deri më sot. Gazetarët pyesin edhe psikologen private e cila thotë se djali ka shkuar deri në mendime për të dëmtuar veten nga bullizmi në shkollë dhe nga mësuesja që në klasë i ka thënë ti ligjërisht nuk je në këtë shkollë.
Fiksi solli telefonatën e mësueses Alkida Mehmeti me maman e 16 vjeçarit që u bë shkak që gjendjen e tij të degradojë.Ajo tregon se e ka dhunuar 16 vjeçarin dhe se në atë shkollë mësuesit ushtrojnë dhunë ndaj nxënësve duke i rrahur . Vetë mësuesja shprehet ” kam zënë mend pas rastit të 16 vjeçarit, nuk do ushtroj më dhunë”./tch

LEXO TE PLOTE

Denoncim

Fiks Fare/ 68 vjeçarja, 15 vjet në dyert e Gjykatës dhe hipotekës për të regjistruar 637 metra katrorë!

Publikuar

-

Nga

Fiks Fare/ 68 vjeçarja, 15 vjet në dyert e Gjykatës dhe hipotekës për të regjistruar 637 metra katrorë!

Një 68 vjeçare po endet prej 15 vitesh në dyert e gjykatës dhe hipotekës për të regjistruar 637 m² truall në afërsi të banesës.

Rexhina Hila ka 8 vendime gjykate, disa të formës së prerë dhe sërish Hipoteka nuk ia njeh këto vendime. Gjykata e Apelit Administrativ ka urdhëruar Kadastrën e Shkodrës t’ia regjistrojë, por këta të fundit nuk ia regjistrojnë, pasi pretendojnë se ka mbivendosje me disa banorë që ende nuk u është regjistruar dhe s’kanë marrë certifikata për pronat!

Në redaksinë e emisionit investigativ “Fiks Fare” u ankua zonja Rexhina, e cila thotë se ka filluar gjyqet që në vitin 2006, ku kërkonte t’i regjistrohej një pronë prej 1200 metra katrorësh.

Në vitin 2008, Gjykata e Shkodrës ka vendosur ta njohë pronere për 1200 m2 dhe detyron Hipotekën t’ia regjistrojë. Apeli i Shkodrës dhe Gjykata e Lartë e lënë në fuqi këtë vendim. Më pas, në 2014, Gjykata e Shkodrës urdhëron ZVRPP të regjistrojë pronën e zonjës Rexhina. Çështja shkoi në Apel, që vendosi ta dërgonë çështjen në Gjykatën Administrative të Apelit në Tiranë. Kjo gjykatë, në mars 2016, e riktheu në Shkodër, ku iu dha e drejtë sërish zonjës Rexhina. Çështja shkoi në vitin 2019 në Gjykatën e Apelit Administrativ. Kjo e fundit vendosi të lërë në fuqi vendimin e Shkallës së Parë, pra rëgjistrimin e 637 m2. Por, nga viti 2019, e deri në vitin 2021, Kadastra e Shkodrës ia ka refuzuar.

“Jam 68 vjeçe, e vetme po përballem për të regjistruar 637 metër katrorë. Kam regjistruar gjysmë dhe gjysmën tjetër më sorollasin. Kam 8 vendime gjyqësore, nga të tria shkallët po sërish më thonë jo. Nuk e di çfarë të bëj më, vetëm ju të Fiksit më ndihmoni. Ja kjo është prona, pas shtëpisë sime. Kam shkuar andej e këndej dhe do luftoj deri në fund. Gjykatat ma kanë dhënë, janë bërë 15 vjet gjyqe” thotë me lot në sy zonja.

LEXO EDHE:  Denoncimi në Fiks Fare/ Shkodër, mjekja ndërpret shtatëzaninë në muajin e pestë

LEXO EDHE:  Degjeneron në dhunë ngujimi i studentëve në Shkodër

Gazetarët shkojnë bashkë me Rexhinën në zyrën e Kadastrës në Shkodër. Drejtori dhe juristja pohojnë se e kanë trajtuar disa herë dhe ia kanë refuzuar regjistrimin me arsyetimin se ka sërish mbivendosje. Gazetarët e pyesin se me cilët persona ka mbivendosje dhe nëse këta persona e kanë regjistruar apo jo pronën. Juristja pohon se personat e tjerë nuk kanë marrë akoma certifikatë pronësie. Pyetjes se përse nuk zbatohen vendimet e gjykatave, pasi edhe ZVRPP ka qenë palë dhe nëse do ishte kundërshtime i bën në seancë, juristja thotë se ka sërish mbivendosje! Gazetarët i bëjnë me dije se është vendim i formës së prerë dhe personat e tjerë s’kanë certifikatë. Por, juristja dhe drejtori pohojnë se ky vendim është marrë nga kjo zyrë, nga paraardhësit e tyre, dhe tani është në “dorën” e zyrës qendrore. Në fund pohojnë se prioritet në regjistrim kanë vendimet, por sërish zonja Rexhina po endet në dyert e këtij institucioni prej shumë vitesh.

Pas kësaj përgjigje, gazetarët pyesin përmbaruesin që është marrë me këtë çështje. Edhe ai ka ngelur i befasuar nga vendimmarrja e Kadastrës, ndërsa pohon se nuk e kupton përse nuk e zbatojnë. Ka bërë edhe një kallëzim penal për kadastrën, procedim që është i regjistruar në prokurorinë e Shkodrës për hetime./TCH

LEXO TE PLOTE