Connect with Us

Shkelmi i famshëm ndaj tifozit, Kantona nuk pendohet: Duhej ta godisja më fort!

Premier Liga

Shkelmi i famshëm ndaj tifozit, Kantona nuk pendohet: Duhej ta godisja më fort!

Publikuar

-

Erik Kantona, përveç se një lojtar i madh dhe me shumë klas në fushën e lojës, do të mbahet mend edhe për episodin e veçantë të ndodhur në vitin 1995. Gjatë një ndeshje me Kristal Palas, francezi nuk i mbajti nervat dhe goditi me shkelm njërin nga tifozët kundërshtarë pranë vijës së fushës.

Mirëpo, kur kanë kaluar plot 26 nga episodi, Kantona ka theksuar se nuk është penduar për atë veprim, madje thekson se do të duhej ta kishte goditur më fortë tifozin.

“Goditja ndaj tifozit? Duhej ta kisha goditur më fortë. Unë jam ofenduar shpeshherë, por për atë episod nuk jam penduar. Në atë rast, do të doja ta kisha goditur më fortë. Më skualifikuan për nëntë muaj që të më bënin shembull”, u shpreh Kantona.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Premier Liga

Merkato në Madrid, Evertoni dhe Ancelotti projektojnë goditjen e madhe

Publikuar

-

Nga

Everton ka ambicie të mëdha. Drejtuesit e klubit anglez i kanë besuar pankinën një emri të madh si Carlo Ancelotti, teksa nuk ka munguar merkato cilësore.

Ekipi e filloi mirë kampionatin dhe gjatë gjithë kohës ka qenë afër objektivit Champions League, por ndeshjet e fundit nuk kanë qenë shumë pozitive.

Tifozët presin një skuadër edhe më të fortë sezonin e ardhshëm, ndërsa drejtuesit janë gati t’i dhurojnë një futbollist të madh trajnerit Ancelotti.

El Chiringuito raporton se Everton është futur në garë për Gareth Bale. Ylli uellsian po luan i huazuar te Tottenham, por klubi londinez nuk ka ndërmend të shpenzojë për të.

As te Real Madrid nuk e duan më. Klubi nga Liverpuli po përgatit një ofertë, teksa Ancelotti shpreson të punojë sërish me Bale, pas aventurës të suksesshme në La Liga me Realin.

LEXO TE PLOTE

Premier Liga

“Shpikja” e Guardiolës ndaj PSG-së, ja pse është trajneri më i mirë në botë

Publikuar

-

Nga

Ruben Dias ishte muri i pathyeshëm që i dha një dorë të madhe Manchester City-t në kualifikimin për finalen e Champions League. I rritur te ekipi i Benfikas, mbrojtësi nuk e mendoi dy herë punën me trajnerin Guardiola pas interesimit që mbërriti në Portugali.

Guardiola i besonte së tepërmi Dias dhe besimi u shpërblye. Në ndeshjen e fundit kundër PSG, futbollisti 23-vjeçar u shpall si lojtari i ndeshjes. Më poshtë mund të gjeni edhe performancën e tij teksa u shndërrua në murin e pakalueshëm.

LEXO TE PLOTE

Premier Liga

Kur Aguero premtonte Champions League në vitin 2014

Publikuar

-

Nga

Mançester Siti u kualifikua për herë të parë në histori në Ligën e Kampioneve, teksa do të presë fituesin e çiftit Çelsi-Real Madrid.

Megjithatë menjëherë pas kualifikimit të Sitit, në mendjet e tifozëve të Sitit ka ardhur një deklaratë e bërë nga sulmuesi i tyre, Serxho Aguero në vitin 2014. Asokohe sulmuesi argjentinas, i dashuruar me skuadrën angleze, para tifozëve deklaronte: “Unë do të qëndroj këtu deri sa të fitojmë Ligën e Kampioneve.”

Tashmë fitimi i trofeut është vetëm një ndeshje larg, teksa Aguero ka njoftuar zyrtarisht largimin në fund të sezonit. Në këtë situatë, tifozët e Sitit kanë filluar të ëndërrojnë për fitimin e Champions-it, ku do të ishte si një profeci e sulmuesit.

LEXO TE PLOTE