Connect with Us

“Kryeministri ka marrë peng Durrësin”/ Igli Cara rendit dëmet që Rama ka bërë në 8 vite

Politikë

“Kryeministri ka marrë peng Durrësin”/ Igli Cara rendit dëmet që Rama ka bërë në 8 vite

Publikuar

-

Kandidati i PD-së në Durrës, Igli Cara, ka renditur dëmet që kryeministri Edi Rama i ka bërë qytetit bregdetar dhe qytetarëve këto 8 vite të qeverisjes së tij. Sipas tij, rrugët janë të pashtruara, ndriçimi publik mungon dhe uji i pijshëm nuk u shkon qytetarëve në shtëpi.

Cara në një intervistë për CNA.al shprehu shqetësimin e qytetarëve të cilat paguajnë taksa dhe nuk marrin asnjë shërbim. Ai shtoi se në këtë kohë pandemie disa fonde  duhet të ishin përdorur  për të mirë të qytetarëve dhe jo për të shtruar qendrën me gurë.

Shumë gjëra ka bërë keq, jetën e qytetarëve e bërë më të vështirë. Për hir të së vërtetës, nuk ka qenë as qeverisje socialiste, pasi Rama në qendër dhe miqtë e tij në Durrës nuk kanë asgjë të përbashkët me të majtën dhe PS. Ai dhe një grusht bashkëpunëtorësh të tij në vjedhje e kanë marrë peng Durrësin dhe gjithë vendin. Në tetë vite, në Durrës janë investuar mbi 35 milionë euro në punë publike dhe të gjitha janë përqendruar në qendër të qytetit për zbukurime dhe për të kënaqur manitë e Ramës. Gati dy të tretat e qytetarëve të Durrësit banojnë larg qendrës dhe atje ende ka rrugë të pashtruara, ndriçimi publik mungon, uji i pijshëm nuk u shkon.

35 milionë euro do të mjaftonin për të shtruar çdo rrugë e rrugicë të Durrësit. Qytetarët paguajnë taksa dhe në tetë vite nuk kanë marrë asnjë shërbim. Në këtë kohë pandemie apo rindërtimi pas tërmetit, ato fonde duhet të ishin përdorur në të mirë të qytetarëve dhe jo për të shtruar qendrën me gurë nga Italia. Qindra e qindra familje në Durrës janë pa shtëpi nga tërmeti dhe Rama nuk ka bërë asgjë”, u shpreh kandidati i PD-së.

Cara deklaroi se këto zgjedhje janë shumë të rëndësishme jo vetëm për qytetin e Durrësit por për të gjithë Shqipërinë. Ndër të tjera ai përmendi fjalën e ambasadores të ShBA-së në Shqipëri Yuri Kim ku tha se nëse doni ndryshim votoni ndryshim dhe nëse doni kriminel votoni kriminelë.

LEXO EDHE:  Edi Paloka tregon se kush është 'peshku i madh'

Këto zgjedhje janë shumë të rëndësishme për Durrësin dhe për gjithë vendin, dhe jo thjesht se do të zgjidhet qeveria, por se më 25 prill do të vendoset e ardhmja. Madje, edhe partnerët tanë ndërkombëtare presin që gjendja të ndryshojë. Ambasadorja Kim e tha fare qartë: “Nëse doni ndryshim, votoni për ndryshim. Nëse doni kriminelë, votoni për kriminelë.”

 Këto zgjedhje janë për t’i kthyer vendit normalitetin dhe shpresën, për të ndaluar keqqeverisjen dhe vjedhjen, për të ndërtuar një Shqipëri ku fëmijët tanë të kenë dëshirë të qëndrojnë dhe të jetojnë”, u shpreh kandidati i PD-së në një intervistë për CNA.al.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Refuzimi i Metës/ Komisioni Hetimor ndryshon planin

Publikuar

-

Nga

Refuzimi i Metës/ Komisioni Hetimor ndryshon planin

Komisioni hetimor ka nisur mbledhjen për shkarkimin e presidentit Ilir Meta.

Në nisje të tij, shkresa e presidentit Meta drejtuar Kuvendit ka ndryshuar rrjedhën e vijimit të mbledhjes se Komisionit Hetimor Parlamentar.

Mbledhja është ndërprerë me kërkesë nga anëtarët e Komisionit për të lexuar shkresën e presidentit dhe më pas do të rikthehen për të marrë një vendim.

Në nj ëshkresë prej 29 faqesh, presidenti Meta i është përgjigjur kërkesës të Komisionit Hetimor për ftesën e seancës dëgjimore.

LEXO EDHE:  “Shpërthen” regjisori i njohur/ “Më mirë qen në Itali, se njeri në Shqipëri. Rrini ju idiotë e votoni Ramën”

LEXO EDHE:  Pse bërtet mo, pse bërtet?!/Çfarë ndodhi në takimin e Ramës me vlonjatët

Sipas presidentit kërkesa, nuk referon asnjë dispozitë kushtetuese dhe ligjore për bazueshmërinë e saj./ CNA.al

LEXO TE PLOTE

Politikë

Hapja e hetimeve për vrasjen e Artan Santos/ A do të thirret Grida Duma në SPAK

Publikuar

-

Nga

Duma paralajmëron Ramën/ Çfarëdolloj gjëje të bësh, nuk e ndalon dot rotacionin politik

Struktura e Posaçme për hetimin e Krimit të Organizuar dhe Korrupsionit ka marrë në dorëzim dosjen hetimore për vrasjen e bankierit Artan Santo.

Dosja që ka qenë në Prokurorinë Tiranës i ka kaluar SPAK, pasi është arritur në përfundimin se vrasja është kryer nga një grup i strukturuar kriminal.

Kujtojmë se bankieri i njohur, u ekzekutua 7 vite më parë, në qershorin e vitit 2014, ndërsa po hynte në selinë e bankës ku punonte.

Lidhur ngushtë me këtë ngjarje është lakuar edhe emri i Grida Dumës e cila ka pasur miqësi me Santon.

Ka foto në ambientet e UET, ku Santo ndodhet në krah të Grida Dumës së bashku me kolegë të tjerë të këtij universiteti që në atë kohë ishte në pronësi të Henri Çilit dhe shumë nga personazhet në tavolinë janë personazhe publike, politike dhe njerëz që shfaqën pranë Lulzim Bashës, në atë kohë të mbështetur dhe të sponsorizuar nga ish pronari i UET.

Menjëherë pasi ka ndodhur vrasja, është mësuar se Grida Duma ka tentuar të lidhet me kryeministrin Edi Rama dhe ka qenë më pas zëvendëskryeminsitri, Niko Peleshi i cili e ka shoqëruar në zyrën e ministrit të Brendshëm, Saimir Tahiri.

Ky i fundit ia ka rikujtuar Dumës këtë fakt, në vitin 2018, në emisionin, Opinion”, ndërsa zonja Duma po fliste për të.

LEXO EDHE:  Pse bërtet mo, pse bërtet?!/Çfarë ndodhi në takimin e Ramës me vlonjatët

LEXO EDHE:  E akuzoi se gënjen publikisht/ Rama i përgjigjet Metës: Unë nuk quhem Yuri Kim

 “Grida e di shumë mirë si punoj unë”. Ka qenë kjo deklarata e Tahirit, duke i rikujtuar kështu Dumës, me mesazh të koduar, çështjen e Santos.

Se përse ka shkuar Grida Duma në zyrën e Saimir Tahirit, ende nuk dihet, duhet ta thotë ajo këtë gjë.

Por tashmë që janë rihapur hetimet, a do ta thërrasë SPAK, Grida Dumën, për të sqaruar enigmat rreth kësaj ngjarjeje?

Janë shumë pikëpyetje, mbi të cilat duhet të hidhet dritë, pasi Duma, është personazh politik-publik që është paguar me taksat e qytetarëve. Ajo duhet të flasë në SPAK, dhe mos të lërë enigmë, fijet që e lidhnin atë me Artan Santon./CNA.al

LEXO TE PLOTE

Politikë

Meta refuzon Komisionin Hetimor/ I përgjigjet përmes një letre

Publikuar

-

Nga

Meta refuzon Komisionin Hetimor/ I përgjigjet përmes një letre

Presidenti Ilir Meta i është përgjigjur Komisionit Hetimor lidhur me ftesën për tu paraqitur në seancën dëgjimore në Komisionin Hetimor Parlamentar.

Në letrën e tij, presidenti Meta thekson se kërkesa, nuk referon asnjë dispozitë kushtetuese dhe ligjore për bazueshmërinë e saj.

Sipas tij Presidenti i Republikës e ka përmbushur dhe do të vijojë ta përmbushë detyrimin kushtetues për të qenë transparent në raport me popullin shqiptar, pasi çdo akt, vendimmarrje, dekret , i ka bërë publike në faqen e Institucionit të Presidentit të Republikës dhe në mjetet e informimit publik.

Që në krye të herës, vlen të theksohet se, kjo kërkesë, në përmbajtje të saj, nuk referon asnjë dispozitë kushtetuese dhe ligjore për bazueshmërinë e saj”, thuhet në shkresën e Presidentit Meta.

Pjesë nga letra e Presidentit drejtuar Kuvendit:

 

I nderuar zoti Kryetar i Kuvendit,

 

Pas komunikimit të fundit përmes shkresës me nr. prot. 1533/2, datë 6.5.2021, me lëndë “Mbi njoftimin e Komisionit për Çështjet Ligjore, Administratën Publike dhe të Drejtat e Njeriut të datës 5 maj 2021”, pranë Institucionit të Presidentit të Republikës, me shkresat përcjellëse të Sekretarit të Përgjithshëm të Kuvendit, janë dërguar bashkëlidhur këto akte të Kuvendit:

 

1.Shkresa me nr. prot. 1131, datë 10.5.2021, administruar pranë Institucionit të Presidentit të Republikës, me nr. prot. 1610, datë 11.5.2021, me anë të së cilës, janë përcjellë disa vendime të Kuvendit për rrëzimin e dekreteve të Presidentit të Republikës, për kthimin e ligjeve për rishqyrtim. Ndërkohë që, në këtë shkresë mes këtyre vendimeve, gjenden dhe janë përcjellë:

 

– Vendimi nr. 44/2021, datë 7.5.2021, “Për miratimin e raportit dhe propozimit të Komisionit për Çështjet Ligjore, Administratën Publike dhe të Drejtat e Njeriut “Për ngritjen e një Komisioni Hetimor bazuar në kërkesën e një grupi deputetësh për shkarkimin nga detyra të Presidentit të Republikës””; dhe

 

– Vendimi nr. 45/2021, datë 7.5.2021, “Për ngritjen e Komisionit Hetimor të Kuvendit “Për hetimin e shkeljeve të rënda kushtetuese nga Presidenti i Republikës së Shqipërisë””.

 

2.Shkresa me nr. prot. 1081/10, datë 10.5.2021, e Sekretarit të Përgjithshëm të Kuvendit, administruar pranë Institucionit të Presidentit të Republikës me nr. prot. 1533/3, datë 10.5.2021, me anë të së cilës është përcjellë shkresa me nr. prot. 1081/10, datë 10.5.2021, e nënshkruar nga Alket Hyseni, cilësuar nën atributet e Kryetarit të Komisionit Hetimor me emërtimin “Për hetimin e shkeljeve të rënda kushtetuese nga Presidenti i Republikës së Shqipërisë”, me lëndë “Njoftim i Presidentit të Republikës në lidhje me ngritjen e Komisionit Hetimor, objektin e hetimit, si dhe të drejtën për t`u shprehur në Komision”.

 

3.Shkresa me nr. prot. 1081/17, datë 11.5.2021, e Sekretarit të Përgjithshëm të Kuvendit, administruar pranë Institucionit të Presidentit të Republikës, me nr. prot. 1533/4, datë 11.5.2021, me anë të së cilës përcillet shkresa e nënshkruar nga Alket Hyseni, cilësuar nën atributet e Kryetarit të Komisionit Hetimor me emërtimin “Për hetimin e shkeljeve të rënda kushtetuese nga Presidenti i Republikës së Shqipërisë”, me lëndë “Kërkesë për informacion”.

LEXO EDHE:  Super-skandali shqiptar me kimikatet “plas” në mediat italiane/ Ja çfarë po ndodh

LEXO EDHE:  “Eurobondi, pozitiv për tregjet dhe investitorët e huaj”/ Malaj: Nëse përdoret pa mençuri, vret ekonominë

 

4.Shkresa me nr. prot. 1081/23, datë 14.5.2021, e Sekretarit të Përgjithshëm të Kuvendit, administruar pranë Institucionit të Presidentit të Republikës me nr. prot. 1533/5, datë 14.5.2021, me anë të së cilës përcillet shkresa e nënshkruar nga Alket Hyseni, cilësuar nën atributet e Kryetarit të Komisionit Hetimor me emërtimin “Për hetimin e shkeljeve të rënda kushtetuese nga Presidenti i Republikës së Shqipërisë”, me lëndë “Thirrje për seancë dëgjimore”, të Presidentit të Republikës e që përmban bashkëlidhur edhe Vendimin e ndërmjetëm nr. 4, datë 14.5.2021, “Për miratimin e Planit të Hetimit”, që gjendet po bashkëlidhur saj.

 

Para së gjithash evidentoj se, në dy shkresat e para të sipërcituara, nuk parashtrohet ndonjë qëllim i veçantë, përveç atij informues dhe për të cilat Institucioni i Presidentit të Republikës i ka administruar, ndërkohë që në shkresën me nr. prot. 1081/17, datë 11.5.2021, parashtrohet kërkesa për informacion ndaj Institucionit të Presidentit të Republikës, duke kërkuar:

Titujt/dekoratat e akorduara nga Presidenti i Republikës, për periudhën 25.3.2021 deri më 25.4.2021, personat që u janë akorduar, si dhe procedura e akordimit dhe dhënies së tyre.

Aktivitetet protokollare, vizitat, si dhe takimet e organizuara, nga Zyra e Presidentit me individë, institucione apo subjekte të ndryshme, në të cilat ka qenë pjesëmarrës Presidenti, për periudhën 25.3.2021 deri më 25.4.2021.

Madje, citohet se ky informacion, me dokumentacionin justifikues, kërkohet brenda datës 17.5.2021.

Që në krye të herës, vlen të theksohet se, kjo kërkesë, në përmbajtje të saj, nuk referon asnjë dispozitë kushtetuese dhe ligjore për bazueshmërinë e saj.

I nderuar zoti Kryetar,

Nëse Kuvendi i Shqipërisë, dëshiron të njihet apo konsultohet për qëllime studimore, me aktivitetin që Presidenti i Republikës realizon në përmbushje të rolit, funksionit, dhe përgjegjësive të tij kushtetuese, ju bëj me dije se, i gjithë aktiviteti i Presidentit, që prej fillimit të ushtrimit të funksionit më 24 korrik 2017 e në vijim, është i publikuar në faqen zyrtare të institucionit “https://president.al/”, ku në mënyrë kronologjike, janë të pasqyruara të gjitha aktivitetet e Kreut të Shtetit, nga aktivitetet, vizitat dhe takimet e organizuara, deri te aktet, dekretet, vlerësimet me tituj e dekorata, vendimmarrjet dhe arsyetimet e tyre, përfshirë këtu edhe qëndrimet publike të Tij.

Presidenti i Republikës e ka përmbushur dhe do të vijojë ta përmbushë detyrimin kushtetues për të qenë transparent në raport me popullin shqiptar, pasi çdo akt, vendimmarrje, dekret etj., i ka bërë publike në faqen e Institucionit të Presidentit të Republikës dhe në mjetet e informimit publik.  / CNA.al

LEXO TE PLOTE