LEXO PA REKLAMA!

SHKARKO APP

Falsifikuan mijëra euro e lekë/ Ndalohen 7 persona në Elbasan

20 Prill 2021, 07:03, Kronika CNA
Falsifikuan mijëra euro e lekë/ Ndalohen 7 persona në Elbasan

Finalizohet me sukses operacioni policor i koduar ?World Coins?, për goditjen e veprimtarisë kriminale të falsifikimit të monedhave.

Në kuadër të këtij operacioni  u ndaluan shtetasit: A. L., 29 vjeç, banues në Fier; J. H., 26 vjeç, banues në Tiranë; F. K., 31 vjeç, banues në Kavajë; K. B., 26 vjeç, banues në Elbasan; D. K., 48 vjeç, banues në Elbasan dhe M. M., 34 vjeç, banues në Elbasan. Gjithashtu është arrestuar në flagrancë shtetasi N. Ll., banues në Elbasan.

Këta shtetas, në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete si Elbasan, Tiranë, Fier etj.

Gjatë operacionit, këtyre shtetasve u janë gjetur dhe sekuestruar në cilësinë e provave materiale: 150.000 lekë shqiptare të dyshuara si të falsifikuara, 2760 euro të dyshuara si të falsifikuara, 8 aparate celular, një presë që shërbente për prodhimin e kartëmonedhave, një presë elektrike që shërbente për prodhimin dhe ngjitjen e kartëmonedhave të dyshuara të falsifikuara, pllaka stampuese metalike dhe plastike që shërbenin për stampimin e tyre, shirita ngjitës, letër e bardhë kalk, fletë karboni, rulo me letër varaku, etj.

Materialet i kaluan Prokurorisë së Rrethit Gjyqësor Elbasan, për veprën penale ?Falsifikimi i monedhave” kryer në bashkëpunim./CNA.al

Lajmet e fundit nga