Connect with Us

Cila është e reja në zgjedhjet e 25 prillit?

Opinione

Cila është e reja në zgjedhjet e 25 prillit?

Publikuar

-

Nga: Arta Feta

Përveç dëshirës për të kontribuar në stabilitetin e vendit, shmangien e incidenteve zgjedhore, ambasadorët perëndimorë janë përfshirë në nxitjen dhe promovimin e figurave apo partive të reja në gjithë Shqipërinë, me fokus Shkodrën dhe Elbasanin, ku Nisma Thurrje e Rudina Hajdarit, Lëvizja për Ndryshim e Jozefina Topallit, apo dhe PSD e Tom Doshit janë mbi ujin e sondazheve. Dmth pluskojnë. Janë mbi 1% e votave në nivel kombëtar sipas sondazheve. Por mbi të gjitha, ato përfaqësojnë risi, dukuri të re, figura të reja në raport me politikën dominante PS-PD-LSI.

Në secilën prej këtyre partive ka figura mjaft interesante dhe moderne:

Bindja, ka plot demokratë të rinj që kanë studiuar jashtë; të pakënaqur me prirjen përjashtuese të Bashës.

Nisma Thurrje, bijën e tribunit të demokracisë, Rudina Hajdari dhe një aktivist social si Endri Shabani.

Lëvizja për Ndryshim, përveç zonjës Topalli që nuk ka patur pushtet ekzekutiv gjatë PD-së, ka plot figura të reja, ndonëse disa prej tyre muzikantë shkodranë me prestigj të lartë.

PSD-ja e zotit Doshi, ka mjekë, estetistë, manaxherë shëndetësorë gjithashtu me një lloj rrjeti të ndikimit të tyre jo thjesht tek pacientët.

Perëndimi, për skrupujt e vet, për përkatësinë e vet ideologjike, duhet të mbështesë të renë. Deri këtu gjithçka është legjitime. Ne duhet të duartrokasim për çdo “cënim të sovranitetit”, prej tyre, që e forcon Shqipërinë, që e modernizon atë.

Mirëpo si e tregojnë sondazhet, edhe më pesimistët, të kontraktuara nga e majta, apo nga e djathta, partia që ngjan në sondazhe se mund të arrijë një deputet në një qark të caktuar është PSD-ja, e zotit Tom Doshi. PSD-ja pretendon madje se do të arrijë dy deputetë në Shkodër dhe më shumë se një deputet në Tiranë. Si shpjegohet kjo? Cfarë e veçon PSD-në nga këto parti të reja?

Me siguri fakti që kësaj partie me figura tërësisht të reja i prin një figurë e vjetër, e sulmuar rregullisht, që zhvillon një industri farmaceutike që bën armiq, lobet e përfaqsuesve të kompanive të huaja në një treg prej 500 milionë eurosh.

Fakti që Doshi është figurë me peshë të madhe financiare, dikur aktiv në parlament, me ndikim lokal në Shkodër ku ka bërë ndere të mëdha, me numër të madh të punësuarish në Tiranë, i sulmuar ndonëse jo gjithmonë nominalisht nga ambasadorja amerikane, apo nga PD-ja, është diferenciali i kësaj partie. Pra aliazhi i figurave të reja, me një figurë me fuqi të madhe financiare si Doshi mund të ketë krijuar rrjetën e klientëve elektoralë që dalin nëpër sondazhe.

Mirpo mbështetja e kësaj partie nuk ngjan se është objektiv i miqve perëndimorë. Përkundrazi. Ambasadorja amerikane e ka zgjedhur si shembull të kritikave për korrupsion madhor, zotin Doshi që është non grata pikërisht për këtë. Ai kritikohet për shitblerje të votave, ndonëse jo drejtpërdrejt. Një fuqi e madhe si SHBA-ja, shpesh e vendos autoritetin nëpërmjet shembullit. Duket se ambasadorja i tregon votuesve: mos votoni partinë e Doshit, por votoni partitë e tjera të reja. Ato janë ndryshimi!

Idealisht, ne do donim që të fitonin partitë e reja. Kështu do t’i jepej fund dominimit të partive dhe liderëve të vjetër. Mirëpo si do afirmoheshin figurat e reja, partitë e reja në një treg mediatik të kontrolluar nga të ashtuquajturit oligarkë, pa patur fuqi financiare, apo barazi në kushtet e hyrjes në tregun politik?

Ambasadorët janë dëshmi e integrimit të Shqipërisë, e ritmeve të këtij integrimi. Mirëpo ata janë me mandate të shkurtra. Kësisoj ata nuk arrijnë dot të imponojnë ndryshimin e ligjit elektoral. As në miratimin e ndonjë ligji që imponon konkurencën e lirë në industrinë farmaceutike, ku duhet të jesh i fuqishëm si Doshi, që të mbijetosh, me çmime të lira ilaçesh për spitalet tona. Po ashtu, ndonëse Doshi etiketohet si i lidhur me raste të korrupsionit madhor, kjo akuzë nuk duket se ka ngjitur në opinion. Korrupsioni ka dy anë. Toma ka qenë njera anë, po ata që kanë patur apo kanë pushtet publik për të bërë korrupsion, a nuk mund të ishin pjesë e kësaj liste të zezë?

Me pak fjalë, mbështetja perëndimore për të renë është jetike. Mirëpo duhet të luhet krahas angazhimit në objektiva afatshkurtër edhe në ato afatgjatë, prej ambasadorëve që rrinë maksimumi 4 vjet. Përndryshe, nga fokusimi i mbështetjes perëndimore për të renë nuk fitojnë domosdoshmërisht të rinjtë në gjithçka. Pa fuqi financiare, apo barazi kushtesh, e reja ka vështirësi të afirmohet, si në biznes ashtu dhe në politikë. Dhe në shndërrimin e Doshit si shembull i së keqes, kemi një paradoks absurd: dënohet korruptuesi, ndonëse i padënuar nga gjykata dhe falet apo përjashtohet politikani i korruptuar jo vetëm prej tij, por në qindra e mijëra tendera ( jo thjesht ilaçesh).

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Nga Bislim Ahmetaj/ Basha nuk plotëson asnjë kusht për rikandidim në krye të PD-s

Publikuar

-

Nga

Basha nuk plotëson asnjë kusht për rikandidim në krye të PD-s.

Kandidati që nuk plotëson asnjë prej kritereve të vendosura nga Komisioni për zgjedhjen e nxituar të Kryetarit në Partinë Demokratike tani për tani është vetëm Lulzim Basha.

Ai është shkaktari dhe kontribuesi më i qënësishëm në të paktën tri humbjet e radhës që i janë shkaktuar PD-s, por jo vetëm asaj si forcë politike por edhe vendit.

Dy palë zgjedhje parlamentare 2017&2021 si dhe atyre lokale të 2019-s të cilat i humbi afrofe pa u paraqitur fare në fushë-betejen elektorale të votave.

Më e pakta që mund të bëjë Lulzim Basha për të treguar që është bartës i vlerave minimale  demokratike dhe qytetare do të ishte refuzimi kategorik i kandidimit për pozicionin e kreut të forcës politike të cilën e ka katandisur në kazino funksionale për pushtetin apsolut të Edi Ramës.

Kjo do ti lexohej edhe si një ndjesë ndaj demokratëve të cilët po i çon nga humbja në humbje.

A do të ndodhë?

Jo, bile të kundërtën e kësaj sjellje do të shohim përgjatë këtyre tri javëve në vijim.

Kur shkel  çdo parimësi dhe rregull në shtëpinë tënde, të humb e drejta për të folur në emër të parimeve dhe vlerave.

Ti mund të rizgjidhesh në krye të Partisë Demokratike, por kjo nuk do të fisnikëroj, aq më pak të lartësoj.

Përkundrazi thjesht do të konsolidosh pushtetin e oligarkisë politike të vendit.

Do ta përçash dhe dobësosh akoma  më shumë opozitarzmin. Do ti kontribosh braktisjes së vendit si një politikë ç’qeverisëse përmanente e Edi Ramës.

Do zotërosh një vulë që do ta vulos përjetësisht rolin tënd negativ në prosperitetin e Shiipërisë.

Do mbahesh mend në histori si ndihmësi kryesor i pushtetërimit që Edi Rama ka ushtruar mbi shqiptarët.

Në përvjetorin e katërt të mbylljes së çadres do të ishte në nderin tënd ta mbyllje edhe karrjerën si bashkëpunëtor me të keqen që tashmë ka ftyrën dhe emrin e Edi Ramës.

17 Prill 2021

LEXO TE PLOTE

Opinione

Diktatori Edi Rama, që na mori frymën

Publikuar

-

Nga

Diktatori Edi Rama, që na mori frymën

Nga Blendi Kajsiu

Prej kohësh tashmë, në rrethet opozitare është krijuar ideja se Edi Rama ka instaluar në Shqipëri një “regjim”. Ndonëse të gjithë e përdorin dhe askush nuk e përkufizon, termi regjim përdoret si sinonim për diktaturë apo sistem autoritar.

Kjo del qartë nga fakti që në leksikun tonë, termi “regjim” historikisht është përdorur në tri raste; regjimi zogist, fashist dhe komunist. Të tria ishin regjime pa demokraci. Ndaj jo rastësisht Rama krahasohet me Erdoganin dhe Putinin në mediat tona.

Pak rëndësi ka që analistë dhe gazetarë të njohur e sulmojnë Kryeministrin ditë e natë në ekranet dhe gazetat kryesore dhe nuk u hyn gjemb në këmbë. Shumë ndryshe nga kolegët e tyre gazetarë në Turqi apo Rusi, ku një kritikë ndaj Erdoganit apo Putinit të çon në burg ose varr. Përveçse tejet i pasaktë ky karakterizim i qeverisjes Rama si diktaturë, prodhon tri efekte negative.

Së pari, injorimin e problemeve reale të qeverisjes aktuale, siç është degradimi i administratës publike. Së dyti, kërkimi i rrugëve antidemokratike për “rrëzimin” e Ramës. Së treti, mungesën e reformimit të opozitës. Lufta kundër diktaturës imagjinare të Ramës jo vetëm injoron, por edhe delegjitimon kritikën reale që mund t’i bëhet qeverisjes së tij siç është degradimi i administratës publike.

Ndonëse para 8 vitesh socialistët premtuan se do bëjnë shtet, sot jemi ende larg këtij qëllimi. Burokracia, që është shpirti i shtetit, si dhe punësimi në sektorin publik në përgjithësi, janë shumë larg të qenurit meritokratike. Ky problem themelor i shtetit shqiptar duket pothuajse i parëndësishëm përballë luftës e kundër “diktaturës” Rama.

Por nëse mund të tregohet qartë që Shqipëria sot ka një problem madhor me degradimin e administratës dhe sektorit publik, është e pamundur të argumentosh se jemi në Putinizëm apo Erdoganizëm.

Madje, qeverisja Rama nuk arrin as nivelet e autoritarizmit të Viktor Orban në Hungari, në zemër të Europës. Ndaj kritika opozitare e legjitimon qeverisjen Rama kur godet problemet e saj imagjinare dhe jo ato reale. Kjo prodhon zgjidhje sa të varfra, aq edhe jo demokratike, që bazohen te rrëzimi i dhunshëm i “diktaturës Rama”, që nuk mund të ndryshojë me votë.

Ndaj në krahun opozitar ka thirrje për mospjesëmarrje në zgjedhje, dalje nga sistemi dhe protesta. Ajo që të habit është se ideja që Rama nuk përmbyset me votë bazohet thjesht te dështimi elektoral i opozitës aktuale.

Pra, fakti që Basha, Berisha dhe Meta nuk fituan shumicën e votave në zgjedhjet e 2021, vërteton se në Shqipëri nuk ka zgjedhje të lira. Ama, të thuash se në Shqipëri nuk ka zgjedhje të lira sot sepse shumica e shqiptarëve nuk duan të qeverisen nga e njëjta aleancë PD-LSI dhe të njëjtat fytyra që penalizuan në zgjedhjet e lira të vitit 2013, është sa absurde, aq edhe problematike.

Sipas kësaj logjike problem nuk është opozita, por zgjedhjet. Ndaj duhet të ruajmë opozitën që kemi dhe të zëvendësojmë zgjedhjet me revolucion. Ky lloj argumentimi vret dy zogj me një gur. Eliminon nevojën e reformimit të opozitës dhe deligjitimon zgjedhjet si mekanizëm për rrotacionin e pushtetit. Pa këta dy zogj, demokracia në Shqipëri gjithmonë do zvarritet dhe kurrë nuk do të ngrihet nga toka.

LEXO TE PLOTE

Opinione

Dreka e Bashës me Komisionin Gjana dhe një fitore në 14 Qershor

Publikuar

-

Nga

Dreka e Bashës me Komisionin Gjana dhe një fitore në 14 qershor

Lulzim Basha sot në mënyrë krejt demostrative mblodhi Komision Zgjedhor të PD të kryesuar nga Jemin Gjana dhe disa anëtarë të propozuar prej tij për një drekë në restorant B.Vita pas piramidës.

Gati tre javë përpara zgjedhjeve ku Lulzim Basha do të rikandidojë pasi ka humbur katër herë zgjedhjet, sërish në skenë do të jetë i zgjedhuri i tij, për të mbuluar këtë proces dhe një komision tashmë krejtësisht i manipuluar.

Nuk është i manipuluar komisioni sepse thjesht dhe vetëm do të vulosë një çertifikim formal, ku Lulzim Basha do të fitojë me 90% të votave nga 60 mijë vota.

Rivali i tij do marrë gati 4 apo 5 mijë, në fakt rivali mund të ketë më pak por kaq do të jetë rezultati, kur në r ealitet pjesëmarrja nuk shkon mbi 15 apo 16 mijë.

Lulzim Basha nuk shkon më shumë se 13 apo 14 mijë vota përpiqet të japë dhe një mesazh tjetër të tregojë se ka dhe mendim kundër.

Në fakt çdo kritikë dhe mendim kundër ai e përjashton, e sulmon e akuzon. Por akti i sotëm ka dhe një sinjal tjetër, sinjalin e një procesi të manipuluar shifrash dhe publikimesh një farsë të vërtetë, që nuk tregon gjë tjetër thjesht dhe vetëm se PD nuk demokratizohet, PD nuk hapet nuk ndryshon. Dhe një forcë politike që nuk demokratizohet dot, nuk hapet dot brenda saj dhe nuk ndryshon për të disatën herë si mund të pretendojë të mundë kundërshtarin e të ndryshojë pushtetin apo Shqipërinë?

Si mund të pretendojë ti thotë Edi Ramës hajde largohu, sepse ti ke vjedhur votat, kur në fakt vjedh s

htëpinë e saj?

Është fakt tashmë, janë disa procese zgjedhore që nga gara Basha- Olldashi ku fletët e votimit u bënë me numra serie, ndërhyrja e Berishës, mbështetësve të tij për të nxjerrë Lulzim Bashën e deri tek blerja e votave.

Pa folur për heqjen e mijëra demokratëve nga listat e votimit në strukturat brenda PD.

Për të shkuar në një proces farë siç ishte ai me Eduard Selami ku në pjesëmarrjen reale të votimit, nuk ishin më shumë se 15 mijë vetë në të gjithë Shqipërinë, u deklaruan gati 60 mijë, Selamit ju dhanë disa vota më shumë, u deklarua një proces i pastër, në fakt nuk ishte i tillë. Thjesht farsë.

Megjithëse ky proces vazhdon të jetë strumbullari i mashtrimit të Lulzim Bashës, në vitin 2013 ku pasi u zgjodh kryetar partie deklaroi PD kishte gati 100 mijë anëtarë.

Të qëndrojmë tek dreka e sotme, tek ajo që do të tregojë Lulzim Basha. Atë që e ka thënë që ditën e parë, nuk ka për ta lëshuar më karrigën e kësaj partie sikur të shkojë edhe 5 %. Se çfarë ka dashur të thotë me këtë nuk e dimë.

Pa shkuar tek qëndrimet se s’ja ka dhuruar kush. Ndoshta e ka blerë, ndoshta ka disa gjynahe të tjera, por një gjë është e vërtetë sa herë i shkojnë amba

sadorët në zyrë e kur do t’ju rrëfejë ndonjë gjynah apo hall që ka me Sali Berishën del në ballon. Kryetari i partisë ka frikë në zyrën e tij.

Sot ndoshta kishte frikë të rrinte në zyrën e tij me Komisionin, kishte frikë se mos muret e zyrave të tij kanë “veshë” dhe është detyruar ta nxirrte të gjithë komisionin në një restorant, thjesht dhe vetëm për ta trajtuar si një drekë.

Po çfarë do të ndodhte në rast se Edi Rama do të drekonte me Celibashin e KQZ, në mes të Tiranës tre javë tre javë para zgjedhjeve?

Cili do të ishte reagimi i Lulzim Bashës?

Çfarë do të thotë çdo kandidat në garë qoftë edhe Fatbardh Kadilli i cili pretendon apo ndonjë tjetër?

A mund të hyjë kush të garojë tashmë ku Lulzim Basha e merr Komisionin e nxjerr në drekë?

Lehtësisht Basha po tregon se çdo rival në këtë garë nuk do mundet të zbardhë të vërtetën e proceseve farsë të bëra prej tij.

Ashtu siç di të bëjë vetëm Lulzim Basha humbje të vazhdueshme dhe pas tyre manipulime dhe vjedhje votash brenda struktuarave, ekspozimi i forcës dhe dhunës brenda strukturave, ekspozimi i pa aftësisë dhe rrëmbimit të votave brenda struktuarave.

Ai ka vendosur që të marrë

 peng një forcë politike, edhe me ndihmën e Berishës po ishte nevoja, thjesht sot po tallet me demokratët, i përqësh ata, edhe duke ju vënë Jemin Gjanën  apo edhe duke e marrë Komisionin duke e çuar nëpër dreka në restorantet e sponsorave të LSI.

Lulzim Basha do të qëndrojë në krye të PD me çdo kusht. Lulzim Basha do të qëndrojë në krye të PD me çdo lloj kostoje dhe për këtë do të përdorë një komision që do na japë një rezultat farsë, një procedurë zgjedhore farsë dhe një fitore farsë të Lulzim Bashës e cila është në fakt garancia e Edi Ramës për mandatin e katërt.

Pra zgjdhjet e Lulzim B ashës së shpejti nuk na thonë asgjë tjetër, thjesht dhe vetëm na tregon se si Lulzim Basha po shlyen çdo borxh te kryeministri në detyrë 

për 16 milionë euro të dhëna vjerrit të tij në një proces gjyqësor, apo për disa miljona euro të tjera dhënë së fundmi për procesin e indetifikimit të zgjedhëve. Pa folur për 12 milionë eurot të mbledhura në selinë e PD thënë se fundi thënë së fundi si akuzë nga Arben Ristani.

Pra janë disa dhjetra milionë euro që tregojnë se Lulzim Basha, nuk largohet nga PD, sepse ai nuk mendon se ka humbur, por ai nuk largohet sepse ai është i bindur që ka fituar. Dhe ka fituar jo pak, kemi tre raste si denoncime. Deri diku edhe të provuara që Lulzim Basha ka fituar të paktën mbi 40 milionë euro.

Tashmë ska çfarë të presim dhe çfarë të shohim pas drekës me komisionin është një sy gjumë dhe Luli në datë 14 Qershor është kryetar i ri i partisë në shërbim të Edi Ramës për të marrë disa dhjetra milionë euro të tjera, për xhepat e tij dhe të familjarëv të tij. Kuptohet do ketë kocka edhe për Jeminin dhe komisionin e tij./ CNA.al

LEXO TE PLOTE