Connect with Us

Topalli zbulon ‘prapaskenat’/ Lëvizja për Ndryshim është sulmuar nga Basha, që para se të lindte

Politikë

Topalli zbulon ‘prapaskenat’/ Lëvizja për Ndryshim është sulmuar nga Basha, që para se të lindte

Publikuar

-

Topalli zbulon ‘prapaskenat’/ Lëvizja për Ndryshim është sulmuar nga Basha, që para se të lindte

Drejtuesja e Lëvizjes për Ndryshim, Jozefina Topalli ka bërë deklarata të forta lidhur me fushatën dhe zgjedhjet e 25 prillit.

Në një intervistë për CNA.al, Topalli u shpreh se nëse nuk do të hynte në garë Lëvizja për Ndryshim kjo fushatë do ishte njësoj si fushata e 2017.

Më tej Topalli u shpreh e bindur se Rama, Meta dhe Basha kanë qenë dhe vazhdojnë të jenë bashkë ndërsa kanë ndanë vetëm rolet teatrale.

“Nese nuk do hynte ne garë Levizja per Ndryshim, si e vetmja Alternative kundra klases se korruptuar politike, kjo fushate do ishte fushata e 2017 bis. Shqiptarët e kanë të qartë se ata të tre janë bashkë.
Ata kanë ndarë vetëm rolet teatrale, që luajnë në skenën politike aktuale. Ata kanë qenë bashkë edhe në qeveri. Ata janë bashkë edhe ne interesa ekonomike. Ata janë bashkë si monopolist jo vetëm të skenës politike, por edhe të pasurise publike”, tha Topalli për CNA.al.

Topalli thotë se ekipi i Lëvizjes për Ndryshim është pritur me shumë kuriozitet e shpresë nga qytetarët, por nga ana tjetër është sulmuar nga të tre Kryetarët.

Ajo thekson se Lëvizja për Ndryshim është sulmuar nga Lulzim Basha, që para se të lindte, duke e krahasur me sulmin e Ramiz Alisë 3 dekada më parë për Partina Demokratike.

LEXO EDHE:  Basha me kandidat surprizë në Korçë/ Zbulohet emri i pedagogut që mund të kryesojë listën e demokratëve

“Njerëzit duan Ndryshimin. Ata e kanë të qarte së nuk ka Ndryshim me 3 Kryetarët e partive.
Nuk ka Ndryshim me Kryetarë të korruptuar. Lëvizja për Ndryshim synon një kryeministër të pakorruptuar, që të punojë për tre milionë shqiptare dhe jo për 3 kryetarët. Ekipi i Lëvizjes për Ndryshim është pritur me shumë kuriozitët e shpresë nga qytetarët. Por nga ana tjetër ajo është sulmuar nga të tre Kryetaret e korruptuar. Që para se të lindte ajo është sulmuar nga Lulzim Basha, njëlloj siç sulmonte Ramiz Alia, 3 dekada me parë Partinë Demokratike. Sulmet e shpifjet kundër të rinjve dhe profesionistëve të pakorruptuar të Levizjes për Ndryshim dëshmojnë mendesinë enveriste të tre Kryetarëve, por në të njëjtën kohë tregojnë sa frikë këta 3 kane nga Ndryshimi”, u shpreh Topalli për CNA.al

Më tej ajo theksoi se gjatë fushatës , kudo shohin humbjen e shprëses dhe nevojën për Ndryshim, nevojën për punësim dhe siguri.

“Kudo shohim fshatra e qytete të boshatisura dhe të rinj që thonë se nëse nuk ndodh ndryshimi ne do ikim. Papunësia dhe korrupsioni janë plaga më e rënde aktualisht, por boshtaisja e vendit është momenti më dramatik. Shqipëria është në një udhëkryq kritik. Ndryshimi është nevojë emergjente.
Largimi i tre Kryetarëve dhe krijimi i një klase të re politike eshte fillimi i Ndryshimit”, u shpreh Topalli./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Vendimi për zgjedhje të parakohshme në PD nuk u konsultua”/ Nishani: Tentativë për manipulim

Publikuar

-

Nga

“Vendimi për zgjedhje të parakohshme në PD nuk u konsultua”/ Nishani: Tentativë për manipulim

Ish-presidenti Bujar Bishani dhe kryetari i Këshillit Kombëtar të PD-së, Bujar Nishani, ka deklaruar se vendimi për të shkuar në zgjedhje të parakohshme për kryetarin e ri nuk u konsultua me demokratët.

Nishani tha në emisionin “5 pyetje nga Babaramo” se qartazi duket se ka një tentativë për manipulim të procesit të zgjedhjes së kryetarit të ri të PD-së.

Nishani deklaroi se procesi  është i imponuar dhe sipas tij tregon se kjo është bërë për t’i ikur përgjegjësisë reale të analizës së zgjedhjeve që solli humbjen PD.

“Mbledhja e Këshillit ishte e nevojshme, pas procesit zgjedhor është vendi ku mund të merren vendimet më të rëndësishme të PD. Çështjet që u vunë në diskutim ishin të pakonsultuara. Ishte me faktin vendimi për të shkuar në zgjedhje të parakohshme për kryetarin e PD, duke imponuar një proces i cili është i parakohshëm, por duket qartazi që ka një tentative manipulimi të theksuar dhe për t’i ikur përgjegjësisë reale të analizës së zgjedhjeve. 

LEXO EDHE:  Pyetjet që kapin “mat” kreun e PD-së/ Pse hesht Lulzim Basha?!

LEXO EDHE:  Gazetari ja thotë copë Bashës/ “Ju s’keni frymë, po mos ishte Berisha …”

PD ka dalë e humbur nga zgjedhjet e 25 prillit. Për shkak të pritshmërive që kishte PD, ka krijuar dhe ka përcjellë një situatë drame të anës psikologjike, një zhgënjim të strukturave të PD, ka sjellë një kauz brenda strukturës organizative dhe jetës së PD, ka paqartësi të plota tek opinioni publik. Ajo që duhej në këtë moment ishte që Këshilli Kombëtar duhej të ishte mbledhur të të përcaktonte objektivat emergjent të adresimit të situatës”, nënvizoi ish-presidenti./ CNA.al

LEXO TE PLOTE

Politikë

Duma i tregon Bashës si mundet Edi Rama

Publikuar

-

Nga

Deputetja e zgjedhur e PD, Grida Duma, ishte e ftuar mbrëmjen e sotme në Syri tv, ku deklaroi ku u pyet nëse beson që Lulzim Basha do ta mundë ndonjëherë Edi Ramën.

Duma tha se pasi të kenë fitusr besimin tek publiku Basha mundet plotësisht.

‘Besoj që ai mundet.  Trajektorja e kësaj rruge ka qenë e gjatë. Ka qenë me eksperienca nga të cilat automatikisht duhet të mësojmë dhe duhet të përmirësohemi në një lloj perfeksionimi të situatës. Nëse kemi marrë vendimin që të mos përdorim mjetet e paduhura drejt pushtetit, gjithçka që i duhet Lulzim Bashës dhe çdo korpusi të lartë të PD, të forcojë me mjetet e forta që ka dhe të mos të bëjë më çështje ekuilibrash, balancash, qokash.

Parimet e duhura që ka ndjekur të bashkohen me mjetet e duhura dhe me një organizim supereficent. Nëse do ta bëjmë këtë pasi e kemi fituar besimin te publiku unë them që po mundet plotësisht, dhe këtë nuk e them me patetizëm partiak.’

Nuk kam asnjë iluzion ndryshe për Edi Rama, Unë kërkoj një mirëkuptim. Unë mund të kem sugjerimet e mia për formulën e bërë. Ne nuk duhet të jemi me më formulën përbashkuese, por me formulën përbashkuese që bën eficencën e madhe. Herë pas here ne kemi qenë më shumë luajal se eficente.’/CNA.al

LEXO TE PLOTE

Politikë

Mentor Kikia: PD-ja duhet të zbresë që tani në terren për zgjedhjet e ardhshme

Publikuar

-

Nga

Mentor Kikia: PD-ja duhet të zbresë që tani në terren për zgjedhjet e ardhshme

Gazetari Mentor Kikia shpjegoi në “Ilva Now” se si duhet të veprojë Partia Demokratike që tani e tutje sipas tij, në mënyrë që të ketë një rezultat më të mirë në zgjedhjet e ardhshme.

Z. Kikia tha për PD-në se duhet të dalë që tani në terren për zgjedhjet e ardhshme, si edhe të gjejë një udhëheqës dhe një strukturë organizative e cila do të jetë e aftë për t’u përballur me Partinë Socialiste.

“Nëse ne themi se PS duhet mundur me frymë, unë mendoj se PD në këto zgjedhje, më shumë kishte frymë se sa kishte kalkulime konkrete. Duhet një PD që të zbresë në terren që tani për zgjedhjet e ardhshme dhe jo dy muaj para zgjedhjeve. PD-ja duhet të gjejë një udhëheqës dhe një strukturë organizative që të përballet me PS-në”, u shpreh z. Kikia.

“PD-ja duhet të zbresë në terren dhe të organizojë zgjedhjet e ardhshme dhe të mos ecë me idenë se na ka ardhur radha dhe do të dalim dy muaj para”, shtoi ai.

Mentor Kikia tha se në Shqipëri pritet që Partia Demokratike të jetë një model i demokracisë, mirëpo sipas z. Kikia në një vend ku sipas tij demokracia nuk është ende në nivelin e duhur, një parti nuk mund të përbëjë model të demokracisë.

LEXO EDHE:  Andi Përmeti bën paralajmërimin e fortë/ Demokratët nuk falin, do vijë ditë kur populli do i largojë që të tre

LEXO EDHE:  Basha "shtyn" datën për çeljen e negociatave

“Po i kërkojmë PD-së që të jetë shkolla e demokracisë në Evropë. Unë mendoj që përpara se të jetë modeli i demokracisë, ku ta gjejmë të jetë, por s’mund të jetë një parti e veçantë modeli i demokracisë, në një shoqëri ku demokracia është shumë çalamane”, tha Mentor Kikia.

Sipas z. Kikia, PD-ja duhet të pranojë humbjen pasi rezultati i zgjedhjeve nuk do të ndryshojë, por megjithatë duhet ta çojë deri në fund procesin e kallëzimeve, në mënyrë që të vendoset drejtësi.

“Nuk ka çfarë t’i pranojë më humbjes, humbja ka mbaruar. Procesi i kallëzimeve dhe i ndjekjeve duhet të vazhdojë deri në votën e fundit dhe kjo nuk ka pikë dyshime. Thjesht do të bëhet drejtësi, nëse do të bëhet ai rezultat zgjedhjesh nuk do të  tjetërsohet”, u shpreh z. Kikia./euronews

LEXO TE PLOTE