Connect with Us

“25 Prilli dita për tu ndarë nga politika e vjetër”/ Balla: Kemi ecur me shpejtësi të pakrahasueshme

Politikë

“25 Prilli dita për tu ndarë nga politika e vjetër”/ Balla: Kemi ecur me shpejtësi të pakrahasueshme

Publikuar

-

Drejtuesi politik i Partisë Socialiste në qarkun e Elbasanit Taulant Balla ka zhvilluar ditën e sotme takim me banorët e Cërrikut si fushatë e zgjedhjeve të 25 Prillit. Balla u shpreh se përpara 7 vitesh Cërriku ishte lënë në harresë dhe nuk ka qenë në hartën e investimeve të qeverisë së kaluar.

“7 vite më parë Cërriku ishte tërësisht i lënë në harresë dhe nuk ishte në hartën e investimeve të qeverisë së kaluar. Po të ndalemi tek shëndetësia, ne kemi arritur të rikonstruktojmë të gjitha qendrat shëndetësore. Ne do të vazhdojmë gjithashtu të investojmë në shkollat e qytetit dhe ato të njësive administrative”, tha Balla.

Teksa u premtoi banorëve që PS do të përmbushë të gjitha objektivat e vendosura sa i përket investimeve në infrastrukturë, Balla shtoi se 25 Prilli është dita për tu ndarë përundimisht nga politika e vjetër e Ilir Metës dhe Sali Berishës.

LEXO EDHE:  Ndeshja me Serbinë, Tahiri: Grup pune për të garantuar sigurinë

“Kemi ecur me një shpejtësi të pakrahasueshme me çfarë gjetëm. 25 prilli është një ditë e rëndësishme për tu ndarë përfundimisht nga politika e vjetër e Ilir Metës dhe Sali Berishës. Edi Rama është pengesa e vetme përballë tyre që ata të rikthehen dhe njëherë ta marrin peng Shqipërinë. Të jesh sot në krahun e Edi Ramës dhe PS është të jesh me Shqipërinë Europiane” u shpreh Balla./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Analisti ‘demoralizon’ demokratët/ “Opozita do ta ketë të vështirë të vërtetojë manipulimin e zgjedhjeve”

Publikuar

-

Nga

Analisti ‘demoralizon’ demokratët/ “Opozita do ta ketë të vështirë të vërtetojë manipulimin e zgjedhjeve”

Analisti Vehap Kola thotë se opozita do ta ketë të vështirë të vërtetojë se zgjedhjet parlamentare të 25 prillit janë manipuluar për shkak se i gjithë pushteti është përqendruar në duart e kryeministrit Edi Rama.

Ai thotë se shterimi i diskutimeve për ndershmërinë e zgjedhjeve është në interes të gjithë vendit dhe jo vetëm në favor të opozitës, pasi vota është i vetmi mekanizëm për gjykimin e qeverisjes.

“Çështja e zgjedhjeve të 25 prillit është një sfidë për të gjithë shqiptarëve jo vetëm për opozitën. Zgjedhjet janë i vetmi mekanizëm për publikun që të gjykojë dhe vlerësojë qeverisjen. Është shumë e vështirë të vërtetohet vjedhja e zgjedhjeve jo se nuk ekzistojnë prova dhe indicije që organet e drejtësisë të nisi hetimet, por kjo është e vështirë për një opozitë me të gjithë pushtetet në duart e kryeministrit”, deklaroi z. Kola.

LEXO EDHE:  Balla publikon fotot nga Elbasani/ I përgjigjet akuzave të Spahos

LEXO EDHE:   “Basha një humbës kronik”/ Balla: 30 Qershorin nuk e luan topi

Në një kohë kur opozita tha ai duke se nuk do ta njohë rezultatin e zgjedhjeve të 25 prillit, forcat politik opozita do të duhet të mendojnë “se si do të zbardhë manipulimin e zgjedhjeve që pretendon dhe se si do të veprojë dhe përballet me një pushtet që u ka mohuar shqiptarëve mundësinë për ndryshimin e qeverisë me votë”./euronews

LEXO TE PLOTE

Politikë

“Mik i vjetër”/ Veliaj publikon foton me ish-ambasadorin Arvizu

Publikuar

-

Nga

Kryetari i Bashkisë Erion Veliaj  ka publikuar në rrjetet sociale një foto nga Washington DC ku shfaqet bashkë me ish-ambasadorin amerikan në vendin tonë Alexander Arvizu.

Ai shprehet se për të është kënaqësi të takojë ish-ambasadorin në ditën e parë pa maska në SHBA. “Është gjithmonë kënaqësi të takohesh me një mik të vjetër, si ish ambasadori amerikan, Alexander Arvizu, në Washington DC, në ditën e parë pa maska në SHBA”, shkruan Veliaj./CNA.al

LEXO TE PLOTE

Politikë

Balla fton sërish demokratët për bashkëpunim/ ‘Është i rëndësishëm për anëtarësimin e vendit në BE’

Publikuar

-

Nga

Balla fton sërish demokratët për bashkëpunim/ ‘Është i rëndësishëm për anëtarësimin e vendit në BE’

Kreu i Grupit Parlamentar të Partisë Socialiste, Taulant Balla, ka përsëritur thirrjen për bashkëpunim ndaj demokratëve në një prononcim për mediat nga Cerriku.

Balla tha se ftesa është e sinqertë dhe se ky bashkëpunim është i domosdoshëm për proceset integruese të vendit.

Reformat që do të kërkojë kjo fazë e fundit për anëtarësimin e Shqipërisë, nisja e bisedimeve të anëtarësimit, në këtë kuadër ftesa për të bashkëpunuar me opozitën është e sinqertë që bazohet në interesa madhore të vendit dhe kontributi i çdo faktori vendimmarrës dhe përfaqësues dhe sidomos kontributi i PD duhet të bëhet pjesë e kësaj aspirate dhe këtij procesi”, tha Balla.

Ai shtoi se pret që PD ta pranojë këtë ofertë pasi të ketë përmbyllur procesin zgjedhor të brendshëm.

“Pas këtyre momenteve të përzgjedhjes dhe rikonfirmimit të lidershipit të PD, në ato proceset e brendshme të tyre, do të kemi mundësi në shtator që të identifikojmë se cilat janë çështjet që ne e kemi të nevojshme bashkëpunimin me njëri-tjetrin”, tha Balla./CNA.al

LEXO TE PLOTE