Connect with Us

VIDEO/ Partizani mposht Kastriotin dhe merr kreun, eurogola për një pikë te Kukësi-Tirana

Sport

VIDEO/ Partizani mposht Kastriotin dhe merr kreun, eurogola për një pikë te Kukësi-Tirana

Publikuar

-

Partizani ka marrë vendin e parë, pasi mposhti me rezultatin 3-1 Kastriotin, kurse Kukësi ka frenuar Tiranën me një supergol të kapitenit Agim Ibraimi. Në kryeqytet “demat” u befasuan që në minutën e katërt, kur Klejdi Daci i ndëshkoi.

Partizani u hodh në sulm dhe pati disa raste shënimi. Esin Hakaj, pas gjysmë ore lojë, vendosi baraspeshën me një goditje të bukur diagonal. Fraksioni i parë i lojës u mbyll në barazim dhe në të dytën vendasit shënuan edhe dy gola të tjerë.

Stenio Junior ishte ai që i dha epërsinë skuadrës së Partizanit, kurse Jasir Asani vulosi gjithçka. 3-1 dhe Partizani parakalon Teutën kryesuese, që nesër luan në transfertë kundër Skënderbeut.

NDESHJA TJETËR – Kukësi barazoi 2-2 me Tiranën, në një ndeshje të hapur dhe me shumë raste. Eze realizoi i pari, ndërkohë që u ndal më pas edhe në një pozicion jashtë loje të dyshimtë. Seferi dsa herë rrezikoi portën e Tafas, por vetëm në minutën e 71-të realizoi me kokë.

Cale realizoi më pas një perlë, duke përmbysur rezultatin me Kukësin. Gjithsesi kapiteni Agim Ibraimi shtangu portierin Visar Bekaj me një goditje dënimi. 2-2, rezultat që nuk u shkon për shtat skuadrave si Tirana e Kukësi.

KATEGORIA SUPERIORE – JAVA 28
E shtunë, më 17 prill, ora 16:00

PARTIZANI-KASTRIOTI 3-1
Shënues: 
Hakaj 31′, Stenio Junior 75′, Asani 85′Daci 4′
PARTIZANI:
 Hoxha, Mala, Bitri, Belica, Hakaj, Broja, Murataj, Bardhi, Asani, Çinari, Stenio Junior. Trajner: Ilir Daja.
KASTRIOTI: Hidi, Neziri, Zhivanaj, Çela, Rami, Shkalla, Moraes, Mehmeti, Bardhi, Prodani, Daci. Trajner: Ramazan Ndreu.

KUKËSI-TIRANA 2-2
Shënues: Eze 24′, Ibraimi 88′ / Seferi 71′, Cale 84′
KUKËSI:
 Tafas, Baravykas, Bytyçi, Lulaj, Kotobelli, Demiri, Taipi, Limaj, Ibraimi, Gashi, Eze. Trajner: Mirel Josa.
TIRANA: Bekaj, Vangjeli, Najdovski, Hoxhallari, Toshevski, Çelhaka, Batha, Ismajlgeci, Torassa, Cale, Seferi. Trajner: Orges Shehi

88′ Tjetër eurogol në “Elbasan Arena”. Avantazhi i Tiranës zgjat pak, pasi Agim Ibraimi realizoi një gol të mrekullueshëm pas një goditje dënimi.

85′ Partizani gjen golin e tretë. Autori është Jasir Asani, i cili vulos fitoren e ekipit të tij kundër Kastriotit. 

84′ Tirana realizon përmbysjen e madhe. Eurogol i brazilianit Elton Cale dhe Tirana në avantazh 1-2 përballë ekipit të Josës.

75′ Stenio Junor ka realizuar pas një pasimi të Esat Malës. Partizani në epërsi me Kastriotin, që kishte realizuar i pari

71′ Tirana gjen golin e barazimit në “Elbasan Arena”. Kros nga e majta e Marsel Ismajlgecit dhe finalizim me kokë i Taulant Seferit.

31′ Esin Hakaj ka realizuar një gol mjaft të bukur në portën e Kastriotit, duke baraspeshuar shifrat në “Air Albania Stadium”

24′ Vjen goli i parë në “Elbasan Arena”. Gafë e Çelhakës dhe finalizim i nigerianit Eze. Kukësi i Mirel Josës në avantazh.

4′ Daci ka realizuar për Partizanin dhe Partizani kalon kështu në epërsi. Portieri Alban Hoxha u mundua ta ndalte, por pa sukses

 

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

VIDEO/ Fitore me aromë Champions League, Napoli kalon pengesën Fiorentina

Publikuar

-

Nga

Napoli ia del të kalojë pengesën Fiorentina dhe mjafton të fitojë ndeshjen e fundit ndaj Veronës në “Diego Armanda Maradona” për të siguruar kualifikimin në Champions League.

Ekipi i Gennaro Gattusos fitoi 0-2 në Firence. Vendasit rezistuan vetëm një pjesë. Napolit i bëri mirë pushimi dhe në minutën e 56-të gjeti golin e avantazhit.

Penallti për miqtë (e fitoi Amir Rrahmani), Lorenzo Insigne dështoi në tentativën e parë, por kapiteni përfitoi nga topi i rikthyer dhe e dërgoi atë në rrjetë. 11 minuta më vonë erdhi edhe goli i qetësisë.

Piotr Zielinski goditi drejt portës, topi u devijua nga një mbrojtës vendas dhe përfundoi në rrjetë. Përfundimisht 0-2 për Napolin, që siguron një sukses të madh për objektivin Champions.

Elseid Hysaj dhe Amir Rrahmani e filluan ndeshjen si titullarë dhe e luajtën të plotë atë. Tani është radha e “finales” që fundit ndaj Hellas Veronës, aty ku vlejnë vetëm tre pikët.

LEXO TE PLOTE

La Liga

VIDEO/ Fantastik Manaj, shqiptari realizon dopietë me Barcelonën

Publikuar

-

Nga

Rei Manaj është duke kaluar një moment fantastik me Barcelonën B. Sulmuesi lushnjar, realizoi dopietë në përballjen ndaj Murcias, të vlefshme për gjysmëfinalen e “Play-Off”-it.

Vendasit kaluan të parët në avantazh me Fernandez në minutën e 24-t, teksa pjesa e parë u mbyll me shifrat 1-0.

Në fragmentin e dytë të lojës, vjen dhe shpërthimi i bomberit shqiptar, i cili në minutën e 47-të, barazon shifrat nga pika e bardhë e penalltisë, teksa në të 64-t, rrëmben skenën me një shpërthim spektakolar nga mesfusha, afrohet bukur në hyrje të zonës dhe godet në mënyrë të kalibruar duke e dërguar topin në cepin e portës. Një gol i gjithi për t’u shijuar.

Barcelona B nuk arriti ta ruante këtë triumf, teksa në minutën e 82-të, vendasit barazuan shifrat me anë të Xemit. Koha e rregullt përfundoi në barazim 2-2.

LEXO TE PLOTE

Seria A

“Italia i ngre në piedestal futbollistët”, De Ligt: Në Holandë jam djalë i thjeshtë

Publikuar

-

Nga

Matthijs De Ligt ka dhënë një intervistë të gjatë për mediet holandeze dhe ka folur shumë mbi mënyrën e tij të thjeshtë të jetesës dhe mënyrës sesi i trajtojnë futbollistët në Itali dhe Holandë. Mbrojtësi i Juventusit tregon ndryshimin e madh.

“Nuk vishem me rroba të shtrenjta të dizenjuara vetëm për mua. Jam vetvetja dhe nuk do më shihni asnjëherë të shkoj në stërvitje me një kostum të dizenjuar vetëm për mua. Profesioni im është futbollist. Dua të jem yll në fushë. Ndonjëherë qeshim në klub për rrobat që vesh.

Por kjo nuk ka rëndësi për mua. Ndihem mirë për mënyrën sesi sillem dhe vishem. Gjëja më e rëndësishme është të bëj mirë në fushë. Atëherë të repsektojnë më shumë sesa kur vishesh me rroba të shtrenjta. Në Itali, pavarësisht nëse bën mirë ose keq, mbetesh hero për tifozët.

Këtu të ngrenë në piedestal dhe presin shumë nga ty. Në Holandë isha një djalë normal, që luan futboll. Në Itali futbollistët janë mbi shoqërinë. Më pëlqen vlerësimi që të japin këtu, por më pëlqen gjithashtu të eci në rrugët e Holandës i shpenguar dhe i pashqetësuar nga tifozët”, tregon De Ligt.

LEXO TE PLOTE