Connect with Us

“E papranueshme sjellja e Çinarit”, Daja: Nuk është mirë që ndeshjet e fundit t’i…

Sport

“E papranueshme sjellja e Çinarit”, Daja: Nuk është mirë që ndeshjet e fundit t’i…

Publikuar

-

Trajneri i Partizanit, Ilir Daja, padyshim ishte i gëzuar që ekipi i tij vazhdoi serinë e fitoreve dhe për momentin e sheh veten në vendin e parë në renditje. Por tekniku i të kuqve pranoi për “SuperSport” se ishte i pakënaqur nga luhatja e përqendrimit që kishte skuadra në këtë moment kyç të sezonit, ndërsa kritikoi edhe sjelljen e Çinarit për nervozizmin në fund të sfidës.

“Më gëzon fakti që morëm tre pikët dhe vazhdojmë ecurinë e rezultateve pozitive. Por nëse bëjmë krahasim me javën e kaluar, në aspektin taktik kemi pasur goxha probleme, sa u përket atyre që u kërkuam lojtarëve dhe çfarë bëmë, Në momentin që disa lojtarë dalin nga detyrat, përgjegjësinë e merr stafi dhe unë jam përgjegjësi kryesor. Na kënaq fitorja, por duhet të bindim e kemi vazhdimësi në përqendrim e ritëm se këto ndeshjet e fundit nuk është mirë t’i fillosh me disavantazh, edhe pse reaguam. Do të bëjmë analizë për të parë çfarë kemi bërë mirë e çfarë jo në këtë ndeshje.

Ajo që është e veçantë, përveç shënimit të golave, edhe në ndeshjen e kaluar, edhe në këtë, shkuan te goli dy lojtarët e sulmit, qoftë Zhunior, e qoftë goli i Asanit. Duhet komplimentuar edhe goli i Hakajt se bëri veprim e goditje të shpejtë që rrallë i përdor. Sot e dinim që Kastrioti do të shfaqej në dy mënyra, ose me presing lart si me Kukësin, ose poshtë. Kishim punuar dhe ajo që duhet të përmirësojmë nuk është problemi i motivimit, se lojtarët janë të motivuar se e ndjejnë që është fundi, por kanë mungesë përqendrimi në raport me ndeshjen me Bylisin.

Reagimi i Çinarit nuk është aspak i pranueshëm, çfarëdo të ketë ndodhur në fushë. Nuk i kam takuar lojtarët e jam futur në zyrën e trajnerëve dhe nuk doja që në dozë emocionale të diskutoja. Por do të ulemi gjatë se nuk i takon as Çinarit, as një lojtari tjetër që në një moment si në fitore e si në disavantazh, nuk i takon të lërë ekipin me 10 në një situatë të tillë. Edhe në aspektin e sjelljes e anës profesionale nuk janë të pranueshme për t’i bërë një lojtar i Partizanit.

Kordeiro ka pasur dëmtim në seancë stërvitore, presim përgjigje për dëmtimin. Por ne i kemi kërkuar me forcë që ata që nuk aktivizohen, duhet të mbështetin ata në fushën e lojës se vetëm me frymë grupi mund të arrijmë objektiva që në fund të sezonit ndoshta mund të jemi aty ku na takon të jemi.

Kërkuam ne pjesën ë dytë që të ulnim topin, të mos luanim me top të gjatë se ata po luanin në gjysmëfushën e tyre e nuk janë efektiv. Na ndihmoi futja e Kotes se luan në zona të vogla si dhe Hasani që në fazën ë fundit e ka në bagazhin e tij. Goli i Hakajt na dha qetësi dhe pastaj goli i Zhunior i dha ekipit shansin të kontrollonte lojën në minutat e mbetura”, tha Daja.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

LIVE| Zhbllokohen 3 sfida, Skënderbeu në avantazh të dyfishtë! Mësoni rezultatet në kohë reale (VIDEO)

Publikuar

-

Nga

Takimi mes Teutës dhe Partizanit, pa diskutim që do të marrë vëmendjen më të madhe të javës së 34-ët në Kategorinë Superiore. Të pesta sfidat e kësaj jave kanë startuar në orën 17:00, por shumë sy do të jenë të drejtuar në “Niko Dovana”, aty ku mund të vendosen dhe fatet e titullit kampion.

Se sa e rëndësishme është kjo sfidë për Partizanin, mjafton të shikosh renditjen. “Demat” e kanë detyrim fitoren! Pasi çdo rezultat tjetër, do ta komplikonte ndjeshëm objektivin titull.

Përballje tepër e luftuar pritet të jetë dhe ajo mes Tiranës dhe Laçit. Të dy skuadrat kanë në përbërje lojtarë cilësorë dhe do të tentojnë të marrin maksimumin nga ky sezon.

Ndërkohë në sfidat e tjera, Skënderbeu, Vllaznia dhe Kukësi, vijnë si favoritë në letër, përballë kundërshtarëve respektivë si Apolonia, Kastrioti dhe Bylisi.

REZULTATET LIVE: 

TEUTA-PARTIZANI 0-1

Çinari 25′

VLLAZNIA-KASTRIOTI 0-0

TIRANA-LAÇI 0-0

SKËNDERBEU-APOLONIA  2-0

Meksi 26′, Pusi 30′

KUKËSI-BYLIS  0-1

Ntephe 14′

LEXO TE PLOTE

Seria A

Italia “blindon” Mançinin, kontrata e re e mban në stol për… 2 Botërore

Publikuar

-

Nga

Është zyrtarizuar zgjatja e bashkëpunimit midis “axurrëve” dhe teknikut Roberto Mançini, teksa kontrata e re është nënshkruar deri në vitin 2026.

Mançi ka bërë mjaft mirë këto 3 vite me kombëtaren italiane duke e rritur shumë si ekip. Gjithashtu kontrata e parashikon Mançinin trajner të Italisë dhe për Botërorin 2026 që do të zhvillohet në SHBA, Meksikë dhe Kanada.

Vetë tekniku u shpreh mjaft i lumtur për këtë zgjatje të bashkëpunimit duke vendosur theksin tek marrëdhëniet e mira me numrin një të federatës, Gabriele Gravina.

“Gravina dhe unë kemi kaluar një kohë të mirë, kemi punuar shumë në këto dy vjet. Ne jemi përmirësuar dhe mund të përmirësohemi edhe më tej, nuk kishte asnjë arsye për t’u prishur. Qëllimi është të fitojmë dhe ne po ecim në atë rrugë së bashku.

Unë jam shumë i lumtur dhe falënderoj presidentin. Për ne është një moment i bukur. Ne kemi zgjatur kontratën, do të ketë shumë ngjarje, nuk është e lehtë të fitosh, por ne po përpiqemi të mbajmë mbi një punë të filluar 3 vjet më parë. Do të na duhet edhe pak fat në momente të caktuara dhe ne do të fillojmë të mendojmë për të bërë sa në mirë në Kampionatin Evropian”, u shpreh tekniku italian në konferencën për shtyp.

LEXO TE PLOTE

Kombëtare

Sa shumë yje/ Kroacia shpall listën për Europianin “Euro 2020”

Publikuar

-

Nga

Kroacia ka publikuar listën paraprake me 32 lojtarë të ftuar nga Zlatko Dalic për Kampionatin Evropian “Euro 2020”.

Lista përfundimtare do të ketë 26 lojtarë dhe gjashtë lojtarë të kësaj liste do të kthehen në “shtëpi” nga Dalic.

Megjithatë, lista përmban emra të njohur dhe talentë të mëdhenj nga mbarë klubet evropiane.

Vrsalko, Kovacic dhe Budimir rikthehen në Kombëtare, ndërsa i ftuar është edhe Milan Badelj.

Lista e plotë e lojtarëve të ftuar nga Zlatko Dalic për “Euro 2020”

LEXO TE PLOTE