Connect with Us

Kryeministri i Maqedonisë së Veriut bëhet pjesë e fushatës për 25 prillin/ Votoni Edi Ramën!

Politikë

Kryeministri i Maqedonisë së Veriut bëhet pjesë e fushatës për 25 prillin/ Votoni Edi Ramën!

Publikuar

-

kryeministri i republikes se maqedonise veriore, zoran zaev

Kryeministri maqedonas, Zoran Zaev nëpërmjet një videoje i ka bërë thirrje shtetasve maqedonas që jetojnë në Shqipëri të votojnë Edi Ramën dhe Vasil Sterjovskin, maqedonasin që kandidon në Korçë

“Të dashur maqedonas, qytetarë të Republikës së Shqipërisë, Shqipëria do të mbajë zgjedhjet parlamentare më 25 prill, dhe një nga kandidatët në listën e Partisë Socialiste, mikut tim të dashur Edi Rama, është edhe Vasil Sterjovski, një maqedonas”, shprehet Zaev.

Zaev deklaron se kandidati Sterjovski ka përfaqësuar gjithmonë interesat e maqedonasve në parlamentin shqiptar dhe se ka qenë gjithmonë i përkushtuar ndaj rolit të tij si deputet.

” Maqedonasit në Shqipëri dhe shqiptarët në Maqedoninë e Veriut janë ura e bashkëpunimit, fqinjësisë së mirë dhe unitetit. Dita kur Vasil Sterjovski u bë deputet në parlamentin shqiptar ishte historike. 25 prilli është gjithashtu një ditë e rëndësishme, dita kur ju do të votoni si maqedonas në Republikën e Shqipërisë që Vasili të vazhdojë misionin e tij për të perfaqësuar maqedonasit në Parlamentin e Republikës së Shqipërisë”, tha Zaev./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Tërheqjet masive në PD e Korçës/ Harxhi del me reagimin e fortë: Alarmi i fundit për Bashën

Publikuar

-

Nga

Tërheqjet masive në PD e Korçës/ Harxhi del me reagimin e fortë: Alarm i fundit për Bashën

Tërheqje masive kanë ndodhur në degën lokale të PD-së në Korçës, ku rreth 13 zyrtarë kanë dhënë dorëheqjen nga funksionet e tyre.

Lidhur me këtë ka reaguar dhe Edith Harxhi e cila e cilëson si sinjalin e fundit të alarmit për situatën në të cilën ndodhet sot PD-ja.

Sipas saj pakënaqësia dhe dorëheqja masive e disa prej anëtarëve të kryesisë së degës Korçë,  tregon edhe një herë se PD-ja është kapur në çdo segment të saj dhe se anëtarët e saj nuk munden më të bëhen pjesë e lojrave të kryetarit në detyrë Basha.

Harxhi shton se situata paraqitet po aq dramatike me dorëheqje edhe në degë të tjera si Durrësi, Fieri, Shkodra, Saranda dhe të tjera.

Reagimi i plote

Raporti përfundimtari OSBE-ODHIR për zgjedhjet e 25 prillit në Shqipëri ishte një përsëritje e Raportit paraprak. Pra, zgjedhjet kanë përfunduar dhe në shtator Edi Rama dhe qeveria e tij do të qeverisin përsëri keq e më keq vendin. Ndërsa opozita do të vazhdojë të paguajë haraçin e daljes nga parlamenti dhe mosfutjes në zgjedhjet vendore të vitit 2019, duke fajësuar përsëri shumicën dhe jo veten për mosmbajtjen e premtimeve për një aksion të fortë opozitar dhe për dhënien e garancive për mbrojtjen e votës që qytetarëve shqiptarë. Raporti flet qartë mbi përdorimin e burimeve të administratës qëndrore dhe vendore nga ana e shumicës. Por Kryetari në detyrë nuk merr përgjegjësinë e vendimeve për largimin nga parlamenti dhe për dorëzimin e të gjitha pushteteve Edi Ramës. Po si mund të kërkohen zgjedhje të rregullta, të lira dhe të barabarta në vend, kur këto nuk garantohen në zgjedhjet e brendëshme për Kryetar në Partinë anti-komuniste, partinë kryesore të opozitës? Partia Demokratike nuk është më demokratike dhe e lirë, dhe kryetari në detyrë, i dalë me votat e vetëm 30% të anëtarësisë, pasi përjashtoi rreth 30 mijë demokratë nga e drejta për të zgjedhur dhe për t’u zgjedhur nuk mban përgjegjegjësi për shtëpinë e tij.

Ajo çfarë është më shqetësuese sot është pozicioni ku ka rënë Partia Demokratike. Ajo vazhdon dhe tkurret përditë në një moment kaq kritik për vendin. Kryetari në detyrë, në konferencën e tij për shtyp anashkalon faktin që PD-ja po zien dhe po largohen demokratët e mbetur në detyrë dhe që kanë qenë në vijën e parë të sulmit në të gjitha protestat dhe aksionet opozitare, pavarësisht vaktësisë së tyre.

Dorëheqja e 14 anëtarëve të PD-së në Korçë me në krye Sekretarin e Përgjithshëm Devi Osmani dhe ish Kryetarin e PD-së në Korçë Andrea Mano, janë sinjali i fundit i alarmit për situatën në të cilën ndodhet sot PD-ja. Pakënaqësia dhe dorëheqja masive e disa prej anëtarëve të kryesisë së degës Korçë, disa prej të cilëve qëndrestarë që prej vitit 1991, tregon edhe një herë se PD-ja është kapur në çdo segment të saj dhe se anëtarët e saj nuk munden më të bëhen pjesë e lojrave të kryetarit në detyrë Basha. Të atij kryetari, i cili vetëm një vit më parë u kish premtuar demokratëve të Korçës se do të kandidonte në listat e deputetëve të Korçës vetëm të zgjedhurit e tyre dhe jo ata të përcjellë me urdhër politik nga Tirana. Ndodhi e kundërta dhe nuk është çudi, sepse Kryetari në detyrë kudo premton, por ka problem me mbajtjen e premtimit. Ҫfarë aksioni opozitar do të bëjë ky kryetar në detyrë në shtator për mbrojtjen e votes, kur nuk do ketë më mbështetjen e demokratëve më të përkushtuar?

LEXO EDHE:  Nga Andi BUSHATI/Pse Rama e la kolltukun… në studion e Opinion

LEXO EDHE:  Video-Berisha demaskon Ramën/ Si i mashtroi qytetarët për rritjen e rrogave

Në Korçë PD-ja ka pasur në zgjedhjet e 25 prillit 3000 antarë aktivë. Ndërkohë në zgjedhjet për Kryetar Partie në 13 qershor, në listat e përgatitura nga Tirana ishin vetëm 2000 anëtarë, nga të cilët votuan vetëm 630 anëtarë. Pjesa tjetër nuk u la të votojë, sepse gjoja nuk kishin dokument identifikimi si anëtarë të PD-së. Rasti i degës së Korçës, një nga më të vjetrat dhe më të mëdhatë të Shqipërisë është flagrant, por jo i vetëm. Përgëzoj demokratët e Korçës për vendimin e tyre të përgjegjshëm. Ka qenë dhe mbetet bindja ime dhe e kam shprehur publikisht se ndryshimi do të vijë nga Korça. Situata paraqitet po aq dramatike me dorëheqje edhe në degë të tjera si Durrësi, Fieri, Shkodra, Saranda dhe të tjera. Tirana është rast i veçantë, sepse që prej vitit 2014 kryetari në detyrë Basha e ka shuar degën më të madhe të gjithë Shqipërisë, Tiranën. Tirana nuk ka degë të veçantë, dhe afërsisht 900 mijë banorë dhe afërsisht 200 mijë demokratë i komandon “lideri suprem” i opozitës nga selia qëndrore e kapur prej tij.

Kjo është situata aktuale në vend! Në Shqipëri, ku korrupsioni është një me shtetin dhe kur opozita është bërë një me shumicën qeverisëse, shqiptarët janë në rrugë të madhe. Opozita është shterur dhe bjerrur dhe është reduktuar vetëm në disa numra në parlamentin e ardhshëm. Prandaj vendi ka nevojë urgjente për një opozitë të fortë, për një PD të madhe dhe të bashkuar, për një forcë opozitare që thërret një aksion politik disa dimensional. Duke filluar nga fitimi i besimit të popullit opozitar, që përbën shumicën sot për karshi një qeverie të korruptuar dhe një opozite të kapur. Ngritja e vetëdijes dhe besimit të popullit opozitar është parësore në këtë rast. Nuk është e thënë të jesh në forume të Partisë për të bërë opozitën. Ajo do të ringrihet e fuqishme dhe tejet e vendosur dhe e përkushtuar jashtë kulisave të tenderave abuzivë të qeverisë dhe opozitës të kapur nga kryetari në detyrë. Pa ringritjen e opozitës nuk do të ketë çlirim nga e keqja aktuale!

LEXO TE PLOTE

Politikë

Qasja e opozitës ndaj raportit të ODHIR/ Nishani: Ka notuar në një pellg oportunizmi me veten e saj

Publikuar

-

Nga

Ish presidenti Bujar Nishani e cilëson oportuniste qasjen e opozitës ndaj raportit përfundmtar të OSBE ODHIR mbi zgjedhjet e 25 prillit.

I ftuar në emisionin Përballë të gazetarit Lutfi Dervishi Nishani tha se opozita ka notuar në një pellg oportunizmi me veten e saj për qëllime të brendshme politike.

“Shikoj nota të oportunizmit. Ka qëne më i ashpër raporti paraprak i OSBE ODHIR. Prandaj them oportunizëm nga ana e opozitës sepse opozita sot nuk mund të dalë dhe të dramatizojë një proces ku ka kontributin e saj si përgjegjshmëri dhe përgjegjësi. Duke parë që raporti paraprak ishte një raport më i ashpër në gjykimin tim, raporti përfundimtar nuk e ka atë tonalitet dhe atë ngjyrim aq të ashpër sa e kishte parapraku tregon që opozita ka notuar në një pellg oportunizmi me veten e saj për qëllime të brendshme politike dhe aspak parimore.“- theksoi Nishani në Përballë.

LEXO TE PLOTE

Politikë

Mungoi në mbledhjen e Kuvendit Kombëtar të PD/ Sqarohet Nishani: Refuzoj të jem pjesë e teatrit absurd

Publikuar

-

Nga

Mungoi në mbledhjen e Kuvendit Kombëtar të PD/ Sqarohet Nishani: Refuzoj të jem pjesë e teatrit absurd

Ish presidenti Bujar Nishani sqaron se përse nuk u bë pjesë e punimeve të Kuvendit Kombëtar të Partisë Demokratike të mbajtur 10 ditë më parë.

Në një intervistë me gazetarin Lutfi Dervishi në emisionin Përballë Nishani thotë se u distancua nga një teatër absurd.

“Plotësisht dakord me parimin i munguari është gabim por në këtë rast nuk ishte një mungesë por ishte distancim. Gjithcka pas 25 prillit po tentohej të shnderrohej në një teatër absurd. Pra u distancova nga të qënit teatër absurd sepse ne nuk kemi nevojë për absurdin. Ne kemi nevojë për një të vërtetë dhe e vërteta mund të jetë e hidhur, mund të jetë e dëmshme për dikë në kuptimin e kostove që mund të marr në karrierën politike në përgjithësi individuale por në fund të fundit është mundësia më e mirë për tu adresuar në ditët që pasojnë.” – tha Nishani në Përballë./CNA.al

LEXO TE PLOTE