Connect with Us

E bujshme/ PSG tenton Ronaldon, ofron Ikardin

Seria A

E bujshme/ PSG tenton Ronaldon, ofron Ikardin

Publikuar

-

Kristiano Ronaldo do të vendosë në fund të sezonit nëse do ta respektojë kontratën me Juventusin (skadenca 30 qershor 2022) apo të vendosë që të shpallë divorcin përpara kohe. Portugezi aktualisht është i përqendruar totalisht vetëm tek arritja e objektivave minimalë që i kanë mbetur për t’u arritur deri në fund, konfirmimi në zonën Champions dhe fitorja e Kupës së Italisë, ndërsa pas pushimeve dhe relaksimit do të shpallë edhe hapin e radhës.

36-vjeçari gjithsesi e di mirë se pagën që përfiton aktualisht te Juventusi (31 milionë euro neto në sezon) nuk është se ia garantojnë, por ndoshta arkat e klubit francez të PSG-së mund ta përballojnë. Të paktën kjo kuptohet nga lajmi që portali spanjoll, “Todofichajes”, konfirmon një ofertë të parë të kampionëve të Francës, por në të njëjtën kohë edhe faktin se Reali i Madridit ka hequr dorë përfundimisht nga një rikthim i mundshëm i CR7-ës në La Liga.

Sipas burimit në fjalë, Reali duket se çdo ditë e më shumë po afrohet me Kilië Mbapenë dhe për të zëvendësuar yllin e tyre në Paris, PSG-ja kërkon Kristiano Ronaldon. Portugezi e ka edhe një vit kontratë me Juven, por për të paguar kartonin e tij transalpinët kanë ofruar dje zyrtarisht Mauro Ikardin, i cili do ta pranonte me shumë lumturi të vishej bardhezi. Por, për momentin “Zonja e Vjetër” nuk është aspak e bindur mbi këtë mundësi, ndonëse duke parë se si po rrjedhin gjërat, ndoshta deri në fund të sezonit situata mund të ndryshojë.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Përballja e fundit e Juventus, trajneri i Bologna provokon sërish: Vë bast për arbitrin që do na sjellin

Publikuar

-

Nga

Bologna do të jetë skuadra e fundit për Juventusin në Seria A. Kjo ndeshje do të përcaktojë nëse bardhezinjtë do të jenë në Champions League ose do të mbeten jashtë saj. Bologna barazoi ndaj Veronës ditën e djeshme me rezultatin 2-2, një skuadër e cila u ka hapur probleme dhe skuadrave të mëdha.

Pas ndeshjes trajneri Sinisa Mihajloviç deklaroi se është i sigurt edhe për arbitrin që do të caktohet. Ai gjithashtu shtoi se asgjë nuk është e sigurt në letër, pavarësisht diferencave mes ekipeve.

“Jam i sigurt që me Juventus do të kemi një gjyqtar siç duhet, jo nga këta të rinjtë që na kanë bërë dëme. Jam i sigurt që do jetë një mea Valeri dhe Giacomelli, mund të vendos bast për këtë. Në letër duket mjaft e lehtë për Juventusin, po ne do të luajmë lojën tonë. Edhe Milan-Cagliari mendohej se do të ishte mjaft e lehtë për Milanin, por përfundoi 0-0”- deklaroi Sinisa Mihajloviç.

LEXO TE PLOTE

Seria A

Marash Kumbulla tregon ndeshjen më emocionuese në karrierën e tij

Publikuar

-

Nga

Marash Kumbulla është në përfundim të vitit të tij të parë me Romën, teksa mbrojtësi ka lënë shumë përshtypje pozitive.

Ato që e kanë penguar të kenë një vazhdimësi më të mirë ka qenë COVID-19 dhe dëmtimi. Megjithatë, Kumbulla ia ka dalë edhe pse në një komunikim me fansat në rrjetet sociale thekson se periudha e infektimit me koronavirus, ka qenë më e vështira.

“Çfarë mendova në momentin e parë që Roma më bëri ofertë? Wow. Momenti që më gëzon më shumë dhe bën që zemra të rrahë fort është kur futem në një stadium plot me tifozët.

A kam pasur frikë ndonjëherë? Po, ka ndodhur dy vite më parë kur u dëmtova. Ndërsa momenti më i vështirë i karrierës ishte kur u infektova me COVID-19. Ndeshja më emocionuese? Ndeshja me Milanin, kur shënova gol dhe dolëm 3-3″, shprehet Kumbulla.

LEXO TE PLOTE

Seria A

Italia “blindon” Mançinin, kontrata e re e mban në stol për… 2 Botërore

Publikuar

-

Nga

Është zyrtarizuar zgjatja e bashkëpunimit midis “axurrëve” dhe teknikut Roberto Mançini, teksa kontrata e re është nënshkruar deri në vitin 2026.

Mançi ka bërë mjaft mirë këto 3 vite me kombëtaren italiane duke e rritur shumë si ekip. Gjithashtu kontrata e parashikon Mançinin trajner të Italisë dhe për Botërorin 2026 që do të zhvillohet në SHBA, Meksikë dhe Kanada.

Vetë tekniku u shpreh mjaft i lumtur për këtë zgjatje të bashkëpunimit duke vendosur theksin tek marrëdhëniet e mira me numrin një të federatës, Gabriele Gravina.

“Gravina dhe unë kemi kaluar një kohë të mirë, kemi punuar shumë në këto dy vjet. Ne jemi përmirësuar dhe mund të përmirësohemi edhe më tej, nuk kishte asnjë arsye për t’u prishur. Qëllimi është të fitojmë dhe ne po ecim në atë rrugë së bashku.

Unë jam shumë i lumtur dhe falënderoj presidentin. Për ne është një moment i bukur. Ne kemi zgjatur kontratën, do të ketë shumë ngjarje, nuk është e lehtë të fitosh, por ne po përpiqemi të mbajmë mbi një punë të filluar 3 vjet më parë. Do të na duhet edhe pak fat në momente të caktuara dhe ne do të fillojmë të mendojmë për të bërë sa në mirë në Kampionatin Evropian”, u shpreh tekniku italian në konferencën për shtyp.

LEXO TE PLOTE