Connect with Us

Danimarka ndalon plotësisht përdorimin e vaksinës AstraZeneca

Bota

Danimarka ndalon plotësisht përdorimin e vaksinës AstraZeneca

Publikuar

-

Danimarka ndalon plotësisht përdorimin e vaksinës AstraZeneca

Danimarka ka ndaluar imunizimin përmes vaksinës AstraZeneca-Oxford kundër koronavirusit.

Vendimi pason shqetësimet për efektin anësor të mpiksjes së gjakut. Zyrtarët thanë se 2.4 milionë dozat që posedon vendi, do të tërhiqen deri në një njoftim të ri.

Autoritetet shëndetësore kanë thënë se në bazë të studimeve, një në 40.000 njerëz është prekur nga mpiksja e gjakut. Ky është një rezultat më i lartë sesa ishte pritur.

Danimarka bëhet vendi i parë evropian që e ndalon plotësisht përdorimin e kësaj vaksine. Programi i imunizimit të këtij vendi pritet të vonohet për disa javë.

Agjencia Evropiane e Barnave javën e kaluar njoftoi për një lidhje të mundshme me mpiksjen e gjakut që shkaktohet nga kjo vaksinë. Por, megjithatë agjencia tha se rreziku për vdekje nga sëmundja COVID-19 është shumë më i madh.

LEXO EDHE:  “Do e marr edhe dozën e dytë të vaksinës”/ Pipero tregon kur do të ulet kurba e infektimeve

Më parë, disa vende evropiane kishin pezulluar vaksinimet përmes kësaj vaksine.

Shumica kanë rinisur përdorimin e saj, mirëpo e kanë kufizuar për përdorim vetëm te grupmoshat më të vjetra. Të martën, SHBA-ja, Kanadaja dhe Bashkimi Evropian ndaluan vaksinën e Johnson&Johnson. Arsyeja ishte e ngjashme: rreziku nga mpiksja e gjakut.

AstraZeneca por edhe kompania Johnson & Johnson kanë thënë se efektet anësore të mpiksjes së gjakut janë jashtëzakonisht të rralla./rel

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Dhjetëra të zhdukur nga stuhia në Indi

Publikuar

-

Nga

Dhjetëra të zhdukur nga stuhia në Indi

Më shumë se 90 njerëz u zhdukën, pasi anija me të cilën lundronin, u fundos në brigjet e qytetit Mumbai të Indisë, si pasojë e një cikloni të fuqishëm.

Flota detare indiane tha se ka shpëtuar 177 nga 270 personat në bord dhe se përpjekjet për të gjetur të mbijetuar të tjerë po vazhdojnë.

Anija, në pronësi të Korporatës së Naftës dhe Gazit Natyror të Indisë, po transportonte personelin për shpime në det të hapur.

Flota detare indiane organizoi një mision masiv të shpëtimit ajror dhe detar për punonjësit e zhdukur të naftës, por që po pengohet nga valët e mëdha.

“Ka valë nga 20 deri në 25 metra, erërat janë të fuqishme dhe dukshmëria e ulët”, tha zëdhënësi i marinës, Vivek Madhwal.

LEXO EDHE:  Manastirliu nga Korça: 150 mijë të moshuar kanë marrë doza të vaksinës anti-Covid

LEXO EDHE:  Kompania gjermane Formycon zhvillon ilaçin kundër COVID-19/ Parandalon infektimin e qelizave

Tri anije të tjera tregtare, me rreth 700 persona në bord, janë bllokuar po ashtu në det, pas ciklonit Tauktae, i cili goditi bregun perëndimor të Indisë.

Tauktae zbarkoi të hënën në shtetin Gujarat, me erëra deri në 160 kilometra në orë.

Stuhia është duke u dobësuar, por së paku 19 njerëz tashmë kanë humbur jetën dhe rreth 200,000 të tjerë janë zhvendosur nga disa rajone.

Stuhia ka goditur në kohën kur India po përballet me një valë shkatërruese të pandemisë së koronavirusit.

Për disa javë, ky vend ka regjistruar mbi 300,000 raste të reja në ditë dhe mbi 4,000 viktima.

Shifrat kanë nisur të bien pak këtë javë./rel

LEXO TE PLOTE

Bota

Urrejta kundër aziatikëve ndikon tek studentët e huaj në SHBA

Publikuar

-

Nga

Urrejta kundër aziatikëve ndikon tek studentët e huaj në SHBA

Është rritur në Shtetet e Bashkuara niveli i krimeve të urrejtjes ndaj aziatikëve që kur filloi pandemia në 2020-tën. Siç njofton korrespondentja e Zërit të Amerikës, Kathleen Struck, studentët ndërkombëtarë në Shtetet e Bashkuara raportojnë incidente të izoluara.

Shumica e studentëve ndërkombëtarë në Shtetet e Bashkuara janë studentë me ngjyrë. Pasi filloi pandemia. e cila e pati origjinën në Kinë, krimet e urrejtjes ndaj aziatikëve janë rritur në nivelin 150% në mbarë SHBA-në, sipas të dhënave të policisë.

Që nga marsi 2020, organizata “Stop AAPI Hate”, një grup që monitoron racizmin ndaj aziatiko-amerikanëve dhe banorëve të ishujve të Paqësorit, thotë se ka marrë mbi gjashtë mijë raportime për incidente urrejtjeje.

Studenti i Universitetit të Kolumbias, Joon Baek, thotë se erdhi në SHBA në vitin 2015 nga Koreja e Jugut, për shkak të cilësisë së arsimit.

“Amerika ofron universitetet më të mira, më të mirënjohura. Mendova se po të shkoja në Amerikë, të studioja atje, do të hapeshin mundësi të reja që nuk do t’i kisha patur nëse do të kisha studiuar në Kore”, thotë ai.

Ndërsa po udhëtonte me tren vitin e kaluar, dëgjoi një grua që filloi të bërtiste. Kjo nuk është aq e pazakontë në qytetin e Nju Jorkut, por ai kuptoi se bërtimat i drejtoheshin atij.

“U mundova mos të them gjë, të shikoja punën time… Por u bë edhe më keq, dhe nuk ishte më thjesht sulm verbal. Kuptova që e kishte me mua, kështu që vendosa të zbres në stacionin tjetër”, thotë zoti Baek.

Një sulm me armë në muajin mars pranë qytetin Atlanta, të shtetit Xhorxhia, la tetë të vdekur; gjashtë prej tyre ishin gra aziatike. Ndërsa autori i dyshuar tha se motivet e tij nuk ishin racore, aziatikët në Shtetet e Bashkuara thanë se incidenti ua shtoi frikën.

Jessica, një shtetase kineze nga Afrika e Jugut po diplomohet nga Shkolla Parsons për Projektimin në Nju Jork. Ajo thotë se njoftimet për incidente kundër aziatikëve e kanë bërë të jetë më e kujdesshme.

LEXO EDHE:  “Do e marr edhe dozën e dytë të vaksinës”/ Pipero tregon kur do të ulet kurba e infektimeve

LEXO EDHE:  Vaksina anti-Covid/ Specialisti deformon deklaratën e Manastirliut: Do prodhohet në Indi

“Ndjehesha vërtet e sigurtë në Nju Jork, por nuk ka qenë më kështu që nga 2020-ta… Për herë të parë ndjehem e vendosur në objektiv kur kaloj rrugës… Është për të ardhur keq pasi më duhet të shmang errësirën, të shmang rrugët pa ndriçim. Duhet të jem gjithnjë shumë e kujdesshme dhe shumë e vetëdijshme për identitetin tim aziatik”, thotë ajo.

Të gjithë studentët me të cilët bisedoi Zëri i Amerikës, thanë se ndjeheshin përgjithësisht komodë në kampuset universitare dhe mes popullsisë urbane me diversitet të Amerikës. Ata thonë se eksperienca e të jetuarit në një shoqëri shumë-kulturore ka qenë një mësim i madh.

“Ka qenë një udhëtim i jashtëzakonshëm, në veçanti nëse hedh një sy pas dhe shikoj kaq shumë kultura të ndryshme bashkë, miq të rinj nga vende dhe kultura të ndryshme, secili me historitë e tyre. Më ka zgjeruar botëkuptimin dhe e vlerësoj këtë lloj lirie për të eksploruar botën”, thotë Andy Mao, student në Universitetin e Nju Jorkut.

Por të kesh tipare aziatike krijon rishtazi ankth.

Me lajmet e fundit, u ndjeva vërtet i trishtuar për sulmet jo vetëm në qytetin e Nju Jorkut, por edhe në qytetet e tjera. Ndonjëherë ndjehem i pasigurtë në situata të tilla… Por, jam me fat që kam marrë shumë dashuri dhe mbështetje”, thotë zoti Mao.

Megjithëse krimet e urrejtjes ranë me 7% vitin e kaluar, ndoshta për shkak të masave të izolimit, raportimet për krime urrejtjeje ndaj aziatikëve u rritën me gati 150% në 16 qytetet më të mëdha amerikane, thonë të dhënat e policisë.

“Kthehuni në vendin tuaj. Çfarë bëni në SHBA? Gjëra të tilla. Raste të izoluara dhe të rralla. Nuk janë të atilla që të më bëjnë të ndjehem i pasigurtë. Sidoqoftë të lënë shije të keqe kur ndodhin”, thotë Archit Choudhury, student në Universitetin e Kolumbias./ VOA

LEXO TE PLOTE

Bota

Spanjë/ Arrin numër rekord i migrantëve 

Publikuar

-

Nga

Spanjë/ Arrin numër rekord i migrantëve 

Së paku 6,000 migrantë arritën të martën në qytetin Ceuta të Spanjës nga Maroku fqinj. Shifra theu rekordin në një ditë të vetme, thanë zyrtarët spanjollë. Sipas tyre, migrantët, që përfshijnë edhe rreth 1,500 të mitur, ose kanë notuar, ose kanë ecur rreth gardheve kufitare. Autoritetet thanë se i kanë kthyer prapa rreth 2,700 vetë, por jo të miturit.

Qytetet Ceuta dhe Melilla të Spanjës janë bërë së voni destinacione kryesore për migrantët afrikanë. Trupat spanjolle u vendosën në plazhe, për të ndihmuar policinë kufitare në pikën kryesore të hyrjes në Ceutë – Tarajal. Më vonë, forcat marokene të sigurisë në Fnideq – qytetin ngjitur – hodhën gaz lotsjellës për të shpërndarë një turmë të madhe migrantësh pranë gardhit kufitar, njoftoi agjencia e lajmeve AFP.

Kryeministri spanjoll, Pedro Sanchez, e anuloi një udhëtim në Paris, ku do të merrte pjesë në një samit të udhëhequr nga Franca, për ndihmën financiare për Afrikën. Sanchez tha se do të përqendrohet në krizën e Ceutës dhe u zotua se do ta rivendosë normalitetin në qytet. Në qytetin tjetër, Mellila, të martën hynë 86 afrikanë.

Agjencia spanjolle e lajmeve Efe tha se disa qindra migrantë të tjerë u bllokuan nga forcat e sigurisë. Forca kufitare e Bashkimit Evropian, Frontex, raportoi se migrimi i paligjshëm në Ishujt Kanarie të Spanjës – në brigjet e Marokut – është rritur këtë vit.

LEXO EDHE:  Vaksina anti-Covid/ Specialisti deformon deklaratën e Manastirliut: Do prodhohet në Indi

LEXO EDHE:  Vaksina AstraZeneca mpiks gjakun?/ OBSH: Nuk e di çfarë ka ndodhur, por...

Në shumicën e rasteve, afrikanët nën-saharianë bëjnë udhëtime të rrezikshme me anije. Megjithatë, numri i përgjithshëm i migrantëve të padokumentuar që kanë arritur në Evropë deri më tani këtë vit, mbetet shumë poshtë niveleve të para më 2015-2016. Atëbotë, mbi 1 milion migrantë, kryesisht nga Lindja e Mesme dhe Afrika, kanë hyrë në kontinentin evropian. REL

LEXO TE PLOTE