Connect with Us

BKH pa hetues/ Aida Hajnaj thirrje për kandidim

Aktualitet

BKH pa hetues/ Aida Hajnaj thirrje për kandidim

Publikuar

-

Drejtoresha e Byrosë Kombëtare të hetimit, Aida Hajnaj ka bërë thirrje të gjithë të interesuarve që të kandidojnë për tu bërë pjesë e institucionit që ajo drejton.

Për tu plotësuar përfundimisht BKH duhet të ketë 60 anëtarë. Ndaj vijon procesi i rekrutimit për 32 pozicionet  “Hetues”, të pa plotësuara.

Kujtojmë se 28 kandidatet e BKH të përzgjedhur nga SPAK kanë nisur trajnimet me prokurorë e partnerë ndërkombëtarë. Kandidatët do të duhet të kalojnë testin fizik fillimisht dhe më pas një seri kontrollesh./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

PD dorëzon në KQZ dosjen ankimore për zgjedhjet e 25 prillit/ Zgjedhje të reja në 9 qarqe

Publikuar

-

Nga

PD dorëzon në KQZ dosjen ankimore për zgjedhjet e 25 prillit: Zgjedhje të reja në 9 qarqe

Partia Demokratike ka dorëzuar sot në Komisionin Qendror të Zgjedhjeve ankimimet për zgjedhjet e 25 prillit.

Mësohet se PD kundërshton rezultatin në 9 qarqe të vendit, me përjashtim të Dibrës, Kukësit dhe Lezhës.

Në dosjen e përgatitur nga selia blu, theksohet se ka pasur “masakër elektorale” dhe pretendohet se kjo është realizuar përmes blerjes së votës, përdorimit të administratës publike e madje edhe kërcënimit të qytetarëve.

Kërkesa e PD-së nuk bën fjalë për hapje të kutive apo rinumërim të votave, po shpallje të pavlefshme të rezultatit për këto qarqe pasi sipas tyre provohet se procesi zgjedhor nuk ka qenë i drejt dhe vullneti është deformuar.

Sipas fakteve dhe provave që kandidatët e PD-së, numëruesit dhe vëzhguesit kanë mbledhur në terren mbi parregullsitë, mazhoranca ka përdorur asetet e shtetit për të manipuluar rezultatin e 25 prillit.

LEXO EDHE:  Gratë naftëtare në ditën e 13 të grevës së urisë/ Nuk dalim që këtu, do rrimë deri në vdekje

LEXO EDHE:  Aleati i çadrës thirrje Bashës/ Dorëhiqu që të pastrosh biografinë dhe partinë

Ndër provat që PD do të paraqesë para KAS janë punësimet e fundit në administratë në tre muajt e fundit, dyfishimi i ndihmës ekonomike apo përdorimi i aseteve shtetërore në zgjedhje si dhe fakte të tjera si dhënia e dëmshpërblimeve për tërmetin 26 nëntorit të dhënë javën e fundit para zgjedhjeve.

Ankimimi i PD në KAS do të bëjë automatikisht që KQZ të shtyjë me të paktën 20 ditë shpalljen e rezultatit përfundimtar të rezultatit për zgjedhjet e 25 prillit./CNA.al

LEXO TE PLOTE

Politikë

Shpërndarja e grantit 5 mijë euro për emigrantët/ Balla: Nuk kemi kohë të pushojmë

Publikuar

-

Nga

Shpërndarja e grantit 5 mijë euro për emigrantët/ Balla: Nuk kemi kohë të pushojmë

Shumë shpejt do të nisë të vihet në aplikim shpërndarja e grantit prej 5 mijë eurosh për çdo familje emigrantësh që kthehet në Shqipëri për të investuar tek shtëpia e tyre në mënyrë që ta vërë atë në funksion të zhvillimit të agro-turizmit.

Kreu i grupit parlamentar të PS Taulant Balla deklaroi sot nga Rrajca se përpos infrastrukturës dhe ndërtimit të godinave qeveria ka përmbyllur investimin në rrjetin e ujit të pijshëm në mënyrë që kjo zonë të ketë një infrastrukturë komode për turistët.

Me parimin tonë qe nuk kemi asnjë ditë për të humbur dhe nuk kemi për pushim edhe sot jemi në Rrajcë me përfaqësuesit zonës për të ndjekur nga afër punimet për rrugën e Rrajcës që do të lidhin qendrën e Komunës.

Synojnë që rruga të lidhë edhe dy fshatrat e thellë Bardhaj dhe Skënderbe në mënyrë që të lidhim sa më shumë aksesin e banorëve të zonës në lidhje me qendrën e njësisë administrative dhe zhvillimi i agro-turizmit në këtë zonë duke qenë se  kjo pjesë është e integruar në kuadër të një zone me shumë resurse turistike pjesë e parkut kombëtar të Shebenik Jabllanicë dhe në këtë këndvështrim synimi mbetet që zhvillimi i infrastrukturës të shoqërohet edhe me zhvillimi i agro-turizmit.

 Thirrja ime është që të gjithë rrajcarët kudo ku ndodhen, është koha ta zhvillojmë duke u fokusuar në këtë pikë. Ne do të fillojmë shumë shpejt të financojmë me një grant prej 5 mijë eurosh çdo familje që ka dëshirë që shtëpinë ta shndërrojë në bujtinë. Është mbyllur edhe investimi në rrjetin e ujit të pijshëm, një investim rreth 5 milion eurosh. Këto investime e bëjnë Rrajcën një zonë më një infrastrukturë komode për turistët”, deklaroi Balla./CNA.al

LEXO TE PLOTE

Politikë

Ngjela tallet me opozitën/ “Nuk kanë dimensionin e burrit, janë fëmijë”

Publikuar

-

Nga

Ngjela rrëfen fëmijërinë e tij/ Tregon si u arratis nga kopështi dhe ra në duart e policisë

Avokati Spartak Ngjela në një postim në rrjetet sociale e ka cilësuar sjelljen e opozitës si fazë adoleshence. Sipas tij, ata nuk kanë dimensioin e burrit ku shtoi se shitblerja e votës kërkon kohë dhe këta nuk e morën vesh në datë 26 prill që të denoncojnë tani.

Ngjela shtoi se kjo adoleshencë është sepse kanë frikë nga e vërteta dhe kështu fshehin arsyetimin fëminor.

Si nuk u rritën një herë në moshë individët që duan të drejtojnë Shqipërinë, apo edhe ata që e kanë drejtuar atë! Nuk kanë dimensionin e burrit, prandaj. Burri, është dimension i veçantë, po nuk u arrit ky dimension, individi, në sjellje dhe mendim, mbetet ngaherë një adoleshent. Elementi kryesor i dimensionit të burrit, është e vërteta. Adoleshenca nuk e kupton dot të vërtetën si nevojë parësore, se ajo shpesh e tremb.

Ja, si ka mundësi të kenë dimensionin e burrit ata që një ditë para zgjedhjeve thanë me brohoritje: kemi fituar, dhe fitorja jonë është nëpër kuti. Por, pasi humbën në 25 prill, në datën 27 prill, thanë: i kemi fituar zgjedhjet, por kundërshtari ka blerë votuesit. Po mirë, në datën 26 prill e morën njoftimin e blerjes këta? Nuk e dinë këta që shitblerja është proces që zgjat? Turp. Jo, jo, nuk është turp: është adoleshencë, sepse adoleshenti ka frikë nga e vërteta, dhe mundohet ta fshehë atë me arsyetimin e tij fëminor”, ka shkruar Ngjela.

LEXO EDHE:  Tahiri: Dorezoni armet nuk ndiqeni penalisht

LEXO EDHE:  Gratë naftëtare në ditën e 13 të grevës së urisë/ Nuk dalim që këtu, do rrimë deri në vdekje

Gjithashtu avokati shtoi se këta individë ë gjykimin e tyre kanë mbetur fëmijë në mendime dhe sjellje të tyre.

Ngjela e cilëson politikën shqiptare një komedi ku shtoi se kur të vijë pjekuria e shtetit shqiptar këto fjalë që kemi dëgjuar do kthehen në skeçe.

Mos mendoni se kjo është rastësi. Jo kështu ka qenë gjithmonë: një arsye fëminore për të mbuluar të vërtetën. Por, a e kanë mbuluar ndonjëherë? Jo, asnjëherë, por vetë me veten e tyre kanë qenë e janë të kënaqur me gënjeshtrat fëminore që kanë thënë e po thonë. Pse, a nuk tha Enver Hoxha, një mediokër ky: “unë drejtoj progresin botëror”?!!  Mos iu duket gjë dimension burri kjo gënjeshtër fëminore!

Domethënë, si rrjedhim logjik, këta individë nuk kanë dalë dot prej fëminisë së tyre. Jo, nuk kanë dalë dot, sepse në gjykimin e tyre kanë mbetur fëminorë. Po ata që i kanë besuar?

Sigurisht që edhe ata mendim adoleshence kanë.

Domethënë, politika shqiptare në thelb është komedi? Sigurisht, komedi është por, kur të vijë pjekuria e shtetit shqiptar me dimensionin e burrit në drejtim, të gjitha këto që dëgjoni, dhe ato që keni dëgjuar, do të shkruhen si skeçe komedish.

Atëherë, ata që do t’i dëgjojnë, do thonë: mjerë ata që i vuajtën! Sigurisht që kështu do të thonë”, u shpreh Ngjela./ CNA.al

LEXO TE PLOTE