Connect with Us

Iran, probleme elektrike në centralin bërthamor

Bota

Iran, probleme elektrike në centralin bërthamor

Publikuar

-

Iran, probleme elektrike në centralin bërthamor

Kompleksi bërthamor Natanz i Iranit pësoi avari të dielën në rrjetin elektrik të shpërndarjes vetëm pak orë pasi vuri në punë centrifugat e reja që pasurojnë më shpejt uraniumin, njoftoi televizioni shtetëror i atij vendi.

Ky është incidenti i fundit që ndodh në një prej objekteve më të sigurta të Teheranit ndërsa vazhdojnë negociatat lidhur me marrëveshjen bërthamore me fuqitë botërore. Televizioni shtetëror citoi zëdhënësin e programit bërthamor civil të Iranit, Behrouz Kamalvandi, të njoftonte për incidentin.

Fatmirësisht, incidenti nuk ka shkaktuar ndonjë dëm njerëzor ose ndotje. Shkaku i incidentit po hetohet”, e citoi televizioni shtetëror të ketë thënë zëdhënësin Kamalvandi.

Fjala që televizioni shtetëror përdori në njoftimin për cituar zëdhënësin Kamalvandi në gjuhën farsi ka edhe kuptimin e “aksidentit”.

Organizata e Energjisë Atomike e Iranit, krahu civil i programit të saj bërthamor, më vonë publikoi një deklaratë duke përdorur të njëjtin formulim si njoftimi televiziv, por pa dhënë hollësi.

Kompleksi bërthamor Natanz, i goditur më parë nga virusi kompjuterik Stuxnet, është ndërtuar kryesisht nën tokë për t’u bërë ballë sulmeve ajrore. Në vitin 2002, ky kompleks u bë epiqendër e shqetësimeve perëndimore mbi programin bërthamor të Iranit, ndërsa pamjet satelitore tregonin ndërtimin nën tokë të objektit me centrifuga, që ndodhet rreth 200 kilometra në jug të kryeqytetit Teheran.

LEXO EDHE:  Incident në protestë/ Biznesi përplaset me deputetët e LSI-së

Kompleksi Natanz pati një shpërthim misterioz në korrik në fabrikën e saj të avancuar të centrifugave, që më vonë autoritet e përshkruan si sabotim. Aktualisht Irani po e rindërton atë fabrikë në thellësi brenda një mali aty pranë. Ka patur dyshime se Izraeli, armiku rajonal i Iranit, ka kryer një sulm atje, si dhe ka ndërmarrë veprime të tjera, pasi fuqitë botërore negociuan me Teheranin në Vjenë mbi marrëveshjen e saj bërthamore.

Irani gjithashtu fajësoi Izraelin për vrasjen e një shkencëtari i cili filloi programin ushtarak bërthamor të vendit dekada më parë. Izraeli nuk ka marrë përsëripër asnjë nga sulmet, megjithëse Kryeministri Benjamin Netanyahu vazhdimisht e ka cilësuar Iranin si kërcënimin kryesor me të cilin përballet vendi i tij./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

SHBA përqendrohet tek vaksinimi/ Vazhdojnë të bien rastet me COVID-19

Publikuar

-

Nga

Ekipi i Shtëpisë së Bardhë për Përgjigjen ndaj COVID-19 tha të premten se është i përqendruar tek përmbushja e objektivit të ri të presidentit për të vaksinuar plotësisht 160 milionë amerikanë deri më 4 korrik, ndërkohë që vazhdon të ulet numri i infeksioneve, shtrimeve në spital dhe vdekjeve.

Në konferencën për shtyp të këtij ekipi, Koordinatori i Shtëpisë së Bardhë për COVID-19, Jeff Zients tha se në fund të ditës së premte, 110 milion Amerikanë do të jenë vaksinuar plotësisht dhe 150 milion Amerikanë, ose 57%, do të kenë marrë të paktën një dozë.

Zoti Zients tha se për të ndihmuar në përmbushjen e synimit të presidentit, qeveria do të vërë në dispozicion vaksina pa pasur nevojë për takim në 20,000 farmaci në të gjithë vendin. Agjencia Federale e Menaxhimit të Emergjencave (FEMA) gjithashtu do të dërgojë vaksina nga qendrat me kapacitet të lartë vaksinimi në të gjithë vendin në objekte më të nëpër komunitetet ku ka më shumë nevojë. Edhe mjekët e familjes dhe pediatrët do të jenë në gjendje të administrojnë vaksina.

Drejtorja e Qendrave për Kontrollin dhe Parandalimin e Sëmundjeve (CDC) Rochelle Walensky tha se mesatarja ditore kombëtare për infeksionet vazhdoi të binte gjatë dy javëve të fundit, duke u ulur 13% në 45,817 në ditë. Shtrimet në spital ranë me 8% dhe numri i vdekjeve me gati 4% gjatë së njëjtës periudhë.

Dr. Walensky foli edhe për një studim të fundit për vdekjet e shkaktuara nga ndërprerjet që shkaktoi pandemia në sistemet e kujdesit shëndetësor dhe komunitete, si dhe vdekjet e lidhura drejtpërdrejt me COVID-19.

LEXO EDHE:  Incident në zonën e “Astirit”/ Makina përplas dy protestues

LEXO EDHE:  Basha premton siguri në Durrës/ “Bodigardi” godet qytetarin, “mollë sherri” Bylykbashi

Duke pasur parasysh këto të dhëna, studimi sugjeron që numri i vdekjeve globale nga pandemia është rreth 6.9 milion – më shumë se dyfishi i numrit të raportuar prej afro 3.2 milion. Në SHBA, nëse llogariten sipas këtij studimi, vdekjet nga pandemia janë mbi 905,000, në krahasim me 580,000 që janë njoftuar.

Dr. Walensky tha që CDC-ja ka qenë prej kohësh e vetëdijshme se vdekjet nga pandemia nuk janë vetëm ato për shkak të virusit, por edhe ato të personave që nuk ishin në gjendje ose nuk dëshironin të merrnin kujdes mjekësor ose vdiqën nga sëmundje të tjera sepse pandemia e bënte të pamundur marrjen e shërbimeve të zakonshme të kujdesit shëndetësor.

Ajo tha se CDC-ja po i analizon me kujdes ato vdekje dhe do të vendosë nëse do t’i llogarisë ato si specifike për COVID-19 ose si vdekje që kanë ndodhur si pasojë e tij. Zonja Walensky tha se sido që të analizohen këto shifra, ato janë një arsye më shumë për t’u vaksinuar./VOA

LEXO TE PLOTE

Kosova & Rajoni

Ministrat e BE-së/ Më 10 maj, diskutojnë për Ballkanin Perëndimor

Publikuar

-

Nga

Ministrat e Jashtëm të vendeve anëtare të Bashkimit Evropian do të diskutojnë për situatën në Ballkanin Perëndimor në një takim më 10 maj, konfirmoi për gazetarët selia e BE-së.

Dialogu për normalizimin e marrëdhënieve midis Kosovës dhe Serbisë pritet të jetë një ndër pikat kryesore të bisedimeve.

Në takimin që do të kryesohet nga shefi i politikës së jashtme të BE-së, Josep Borell, do të marrë pjesë edhe përfaqësuesi i posaçëm i BE-së për dialogun Kosovë-Serbi, Mirosllav Lajçak.

Lajçak pritet t’i informojë ministrat në lidhje me përgatitjet për një raund të ri të bisedimeve midis Kosovës dhe Serbisë.
Në kuadër të debatit për situatën në rajon, sipas njoftimeve të zyrtarëve në Bruksel, do të diskutohet “qasja gjeopolitike e BE-së ndaj Ballkanit Perëndimor”.

Burime të BE-së thanë se debati nuk do të përqendrohet në procesin e anëtarësimit të vendeve të rajonit.

LEXO EDHE:  Incident në protestë/ Biznesi përplaset me deputetët e LSI-së

LEXO EDHE:  Obama, optimist për finalizimin e marrëveshjes me Iranin

“Edhe pa diskutim, është e qartë se Ballkani Perëndimor ka perspektivë evropiane. Ne do të merremi me politikën e jashtme [në atë takim”, tha një zyrtar evropian.

Ai paralajmëroi se ministrat e Jashtëm të BE-së do të diskutojnë për ndikimin e vendeve të treta në Ballkanin Perëndimor, sepse, siç tha, është e qartë se situata “ka ndryshuar dukshëm kur bëhet fjalë për ndikimin e jashtëm në vendet e rajonit”.

“BE nuk insiston në ekskluzivitetin e pranisë në rajon, por është e rëndësishme që BE të jetë e pranishme dhe të jetë një lojtare kryesore”, tha zyrtari evropian./Rel

LEXO TE PLOTE

Kosova & Rajoni

Kurti: Do ta përgatisim padinë për gjenocid ndaj Serbisë

Publikuar

-

Nga

Kryeministri i Kosovës, Albin Kurti, tha se Qeveria e tij do të përgatisë padi kundër Serbisë për gjenocid.

Kurti i bëri komentet në një mbledhje të Qeverisë të premten, ku u miratua edhe programi qeverisës 2021-2025.

“Do të bëjmë dialog parimor, të përgatitur e të barabartë me Serbinë, me marrëveshje të njohjes reciproke. Do ta përgatisim padinë për gjenocid ndaj Serbisë në Gjykatën Ndërkombëtare të Drejtësisë”, tha Kurti.

Për programin qeverisës, Kurti tha se paraqet vizionin e Qeverisë së tij përgjatë mandatit katërvjeçar dhe se ai do të rishikohet në çdo fillim viti financiar, përmes Kornizës Afatmesme të Shpenzimeve.

“Deri në fund të mandatit do ta përmbyllim reformën e administratës publike. Do të zbatojmë divrsifikimin e burimeve të energjisë, aseteve strategjike, ndërsa Trepçën do ta bëjmë ndërmarrje fitimprurëse. Do ta trajtojmë me prioritet mbrojtjen resurseve natyrore dhe të mjedisit dhe efiçencën e energjisë”, tha Kurti në mbledhjen e Qeverisë.

Deri në fund të mandatit, ai u zotua se do të ketë angazhim për qasje në ujë të pijshëm dhe për zgjidhjen e problemit me ujërat e zeza.

LEXO EDHE:  Incident në takimin e Ramës/Kryebashkiaku tenton të largojë qytetarin me dhunë, por …!

LEXO EDHE:  Ironia e fatit/ Preket nga koronavirusi zv.ministri i Shëndetësisë që tha se situata nuk është aq e rëndë

“Në infrastrukturë do të mundësojmë finalizimin e lidhjeve kyçe dhe ndërtimin e aksit Prizren – Tetovë. Do ta ndërtojmë parkun tekno-industrial më të madhin në rajon. Dhe, reforma e arsimit do të trajtohet me prioritet nga arsimi parashkollor”, tha Kurti.

Kurti ka marrë detyrën në mars, duke u zotuar se rimëkëmbja ekonomike do të jetë prioriteti kryesor i angazhimit në ditët, muajt dhe vitin e parë të qeverisjes së tij.

“Për këtë jemi të gatshëm të ofrojmë një intervenim ambicioz fiskal”, ka thënë më herët Kurti.

Ai ka premtuar një ekonomi ku, sipas tij, ka më shumë prodhim dhe eksport, më shumë punëtorë, më shumë kontrata të punës dhe më shumë respektim të të drejtave të punëtorit./Rel

LEXO TE PLOTE