Connect with Us

Gjermani/ Më shumë pushtet federatës në luftën kundër Coronës

Bota

Gjermani/ Më shumë pushtet federatës në luftën kundër Coronës

Publikuar

-

/
Gjermani: Më shumë pushtet federatës në luftën kundër Coronës

Presioni u bë shumë i madh në fund. Por nëse do të kishin respektuar të gjitha landet “frenën e emergjencës” në rast të rritjes së infektimeve, atëherë nuk do të ishte problem një rishpërndarje e kompetencave në luftë kundër pandemisë. Fjala ishte për rikthimin e kufizimeve, nëse shifrat e infektimeve me Corona në rajone të caktuara do të kalonin një vlerë të caktuar. Në raste nevoje madje do të vendosej edhe ora e ndalimqarkullimit. Kjo ishte ujdia e landeve dhe federatës në fillim të marsit.

Por “frena e emergjencës” nuk u shkel në shumë raste. Tani federata dhe landet së bashku me grupet parlamentare në Bundestag kanë rënë dakord të ndryshojnë ligjin për mbrojtjen nga infeksionet. Sipas kësaj është federata ajo që vendos për ato zona me shifra të larta infektimesh, kudo në Gjermani. Të martën që vjen kabineti qeveritar kërkon të miratojë këtë projektligj, ende nuk dihet, se kur do të bëhet votimi në Bundestag.

Për Gjermaninë nuk është gjë e vogël ndryshimi i kompetencave të federatës dhe landeve. Landet me kompetenca të fuqishme dolën si një mësim nga koha e nacionalsocializmit. Asnjëherë më nuk duhej të qeverisej në mënyrë centraliste pa kufizim. Si pasojë landet federale në ligjin themelor të pasluftës morën një pozicion shumë të fortë.

Kjo zbatohet edhe tani në kohë pandemie. Vërtet që sipas kushtetuës, qeveria ka përgjegjësinë “për masa kundër sëmundjeve të rrezikshme e të transmentueshme në shoqëri”, por sipas ligjit aktual të mbrojtjes nga infeksionet në fund janë landet që i nxjerrin rregulloret e masave mbrojtëse kundër Coronës dhe i zbatojnë ato. Edhe në ndryshimin e fundit të ligjit në nëntor 2020 vetëm flitet për “synimin” për masa të njësuara federale, jo më shumë.

Deutschland - Coronavirus - Beratungen von Bund und Ländern - Pressekonferenz

Gjermania si qilim me arna

Rezultati i kësaj gjendjeje është një Gjermani si qilim me arna, me masa të ndryshme nga landi në land dhe konkurrencë landesh për politikën e duhur kundër Coronës, herë lirim masash, herë ashpërsim të fortë. Nëse janë të hapura shkollat apo dyqanet, nëse ka një detyrim për testim apo ndalimqarkullimi secili land vendos vetë. E për sa kohë që shifrat e infektimeve uleshin dukej një konkurrencë positive. Por prej javësh shifrat shënojnë rritje, qytetarët janë të irrituar, për shumë vetë masat janë jologjike, dhe njerëzit kanë humbur orientimin, se cilat rregulla vlejnë. Thirrjet për një veprim të njësuar u shtuan.

LEXO EDHE:  Përhapja e Covid në institucionet arsimore/ Mbyllet kopshti në Elbasan

Merkel paralajmëroi

Kancelarje Merkel në një intervistë të fundit në ARD kishte kritikuar që landet nuk i zbatojnë masat që u vendosën së bashku në konferencën e kryeministrave të landeve me kancelaren. Nëse kjo nuk ndryshon “në kohë të shpejtë”, Merkel la të kuptohej, se federata me gjasa do të marrë iniciativën për ndryshimin e ligjit të infeksioneve.

Disa deputetë konservatorë ndërmorrën së fundmi një iniciativë që do t’i jepte më shumë kompetenca federatës, kjo për shkak se po bëhet e pamundur të veprohet së bashku dhe dëmi për Gjermaninë po rritet. Ideja u mbështet edhe nga kryetari i CDU dhe kryeministri i landit, Renani Veriore-Vestfali, Armin Laschet dhe kryeministri bavarez, Markus Söder, (të dy luftojnë për postin e kandidatit për kancelar shën.red.) Ata ranë dakord për shfuqizimin e kompetencave të tyre.

Kanzleramt | Beratungen von Bund und Ländern zu Corona-Pandemie Zyra e kancelares Merkel

Ideja për ndryshimin e ligjit shkaktoi debat të ashpër në Gjermani. Kryetari ekzekutiv i grupit parlamentar socialdemokrat, Carsten Schneider e quajti idenë e deputetëve të unionit, një përpjekje për t’u marrë pushtetin landeve. Deputeti konservator dhe një ndër iniciatorët, Norbert Röttgen u shpreh për gazetën “Bild” se nuk bëhet fjalë për dobësimin e landeve, por “bëhet fjalë që federata të jetë në gjendje të veprojë”.

E realisht federata nuk do të kërkojë në vend të landeve zbatimin e masave kundër Coronës, por do të jetë shtojcë në bashkëpunimin me to. Kritikë e ashpër vjen nga partia ultra e djathtë, Alternativa për Gjermaninë, AfD. Dy krerët e grupit parlamentar, Alice Weidel dhe Alexander Gauland u shprehën për “atentat kundër rendit federal dhe parimeve demokratike bazë të republikës sonë.”

Skeptike dhe kritike ishte edhe partia bashkëqeverisëse, SPD, por ndërkohë zëvendëskancelari socialdemokrat, Olaf Scholz përpiqet ta shesë ndryshimin e ligjit për mbrojtjen nga infeksionet si progres që u sjell qytetarëve “më shumë transparencë dhe qartësi”. Për kryeministrat e landeve është e qartë – ata do ta kishin shmangur këtë humbje të përkohshme të pushtetit, nëse do të kishin reaguar sipas kryeministres së landit Renani-Palatin, Malu Dreyer, “që vendimet që ishin marrë edhe të zbatoheshin.”/dw

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Tronditet Berlini/ Gjenden të masakruar 5 persona brenda banesës, mes tyre 3 fëmijë

Publikuar

-

Nga

Një ngjarje e rëndë ka tronditur Gjermaninë, ku 5 persona përfshirë tre fëmijë u gjetën të pajetë në një shtëpi në jug të Berlinit.

Ishte policia gjermane që gjeti pesë të viktimat në një ndërtesë banimi në Königs Ëusterhausen në Brandenburg.

Sipas zyrës së prokurorit publik të Cottbus, trupat kanë plagë me armë zjarri dhe me thikë.



Kanë qenë fqinjët ata që kanë sinjalizuar policinë, pasi kanë raportuar se asnjë prej anëtarëve që dyshohen të jenë një familje, nuk janë parë të dalin jashtë banesës.

LEXO EDHE:  Merkel paralajmëron “forcat centrifugale” në BE

LEXO EDHE:  Ofensivë imazhi e universiteteve gjermane

Ne supozojmë se bëhet fjalë për një krim vrasjeje”, tha zëdhënësi i policisë.

Policia është ende duke punuar në lidhje me shkaqet e këtij krimi të rëndë dhe indentifikimin e autorëve./CNA.al

LEXO TE PLOTE

Bota

Kriza sociale në Afganistan, njerëzit përballen me urinë

Publikuar

-

Nga

Fitorja e talebanëve ka sjellë pasiguri në shumë nivele për të rinjtë dhe të moshuarit në Afganistan.

Studentët universitarë janë në vitet kyçe të arsimimit, por lufta dhe një regjim i ri po pengojnë karrierën e tyre.

Dhe ky nuk është i vetmi kërcënim. Me ardhjen e dimrit, Afganistani po përballet me mungesën e ushqimeve.

“Temperaturat pritet të bien në minus 25 gradë Celsius, dhe shumë familje të zhvendosura nuk kanë strehim të duhur, një kërkesë parësore nëse duan t’i mbijetojnë të ftohtit të ashpër në Afganistan. Kriza humanitare po përshkallëzohet çdo ditë në Afganistan. Uria ka pushtuar vendin. Afro 23 milionë njerëz, që është 55 për qind e popullsisë, po përballen me nivele ekstreme të urisë dhe gati nëntë milionë prej tyre janë në rrezik të urisë”, tha Babar Baloch, zëdhënës i Agjencisë së OKB-së për Refugjatët (UNHCR).

LEXO EDHE:  Merkel paralajmëron “forcat centrifugale” në BE

LEXO EDHE:  Gripi po ngatërrohet me Covid-19/ Mjeku tregon si të bëni dallimin mes tyre

Në të gjithë vendin, problemet ekonomike i kanë detyruar njerëzit të fillojnë punë të reja për të mbijetuar.



Në Kandahar, disa njerëz po punojnë duke mbledhur lulëkuqe.

“Erdha në mëngjes të fitoja ca para për prindërit, gjysmën e ditës shkoj në shkollë, gjysmën tjetër të ditës përgatitem për provimin por tani situata është e tillë që më duhet të bëj diçka. përndryshe nuk fitoj, dhe unë punoj për të kultivuar opium”, tha Ahmad Wali, student./Euronews

 

 

LEXO TE PLOTE

Bota

Shpërthen vullkani në Indonezi/ Informacionet e para

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Në rajonin e Javas Lindore të Indonezisë shpërtheu vullkani Semeru.

Sumeru është një nga vullkanet më të larta në ishullin e Java është Semeru (Semeru), është quajtur edhe Muhomeru (Mahameru). Ajo është e vendosur në pjesën jugore të caldera Tanger (kompleksi vullkanik) dhe është gjatë gjithë kohës aktiv.

Pas shpërthimit shumë nga banorët që jetonin në zonat afër u evakuuan në zona më të sigurta.

LEXO EDHE:  Goditjet e pandemisë/ Ekonomia gjermane me humbje në tremujorin e parë 2021

LEXO EDHE:  “Jemi gati ta sjellim vaksinën “Sputnik V” në Shqipëri”/ Rusia i shkruan Ramës për të negociuar



Në një deklaratë për “TvOne” Thoriqul Haq, Zyrtari i rajonit Lumajang u shpreh se vendbanimet përreth u mbuluan nga tymi dhe hiri kështu, shumë fshatra u zhytën në errësirë.

Për fat të mirë, nga raportimet e para nuk ka informacion për të lënduar apo persona që kanë humbur jetën./CNA.al

LEXO TE PLOTE