Connect with Us

Tensionimi nga Rusia/ SHBA: Pikëpyetje për motivet e Moskës në kufirin me Ukrainën

Bota

Tensionimi nga Rusia/ SHBA: Pikëpyetje për motivet e Moskës në kufirin me Ukrainën

Publikuar

-

Tensionimi nga Rusia/ SHBA: Pikëpyetje për motivet e Moskës në kufirin me Ukrainën

Ministri ukrainas i mbrojtjes tha të shtunën se vendi i tij mund të provokohet për shkak të tensionimit nga Rusia të gjendjes në zonën e konfliktit në rajonin lindor Donbass të Ukrainës.

Ministri, Andrii Taran, tha se akuzat ruse për shkelje të të drejtave të popullatës rusishtfolëse mund të jenë arsyeja për një rifillim të agresionit të armatosur kundër Ukrainës.

Kievi ka ngritur alarmin rreth një grumbullimi të forcave ruse pranë kufirit midis Ukrainës dhe Rusisë dhe për një shtim të dhunës përgjatë vijës së kontaktit që ndan trupat ukrainase dhe separatistët e mbështetur nga Rusia në Donbass.

Lëvizjet ushtarake ruse kanë nxitur shqetësimet se Moska po përgatitet të dërgojë forca në Ukrainë. Kremlini mohon që trupat e tij përbëjnë kërcënim, por thotë se ato do të qëndrojnë aty për sa kohë që Rusia e gjykon të arsyeshme.

Sekretari amerikan i Shtetit Antony Blinken dhe homologët e tij francezë dhe gjermanë i bënë thirrje Rusisë të premten për të ndalur grumbullimin e trupave dhe riafirmuan mbështetjen e tyre për Kievin në përballjen e tij me Moskën.

Shtetet e Bashkuara po akuzojnë Rusinë për fshehjen e qëllimit të vërtetë të shtimit të pranisë ushtarake në kufirin me Ukrainën.

Zyrtarët amerikanë nuk pranuan të japin hollësi mbi numrin ose llojet e forcave ruse që ata kanë vëzhguar të grumbullohen pranë territorit ukrainas. Por ata i përshkruan veprimet e Moskës si provokuese dhe destabilizuese, duke hedhur poshtë pohimet se lëvizjet thjesht kanë patur lidhje me stërvitje ushtarake.

“Ne nuk mendojmë se rusët kanë qenë plotësisht transparentë për atë që po bëjnë,” u tha gazetarëve të premten sekretari i shtypit i Pentagonit John Kirby.

“Është një shtim i madh forcash… më i madhi që kemi parë që nga viti 2014,” tha ai, duke vënë në dukje se grumbullime të tilla të mëparshme të forcës ushtarake ruse nuk kanë përfunduar mirë për fqinjët e Moskës.

“Është një histori, një mënyrë operimi që e kemi parë nga rusët në shumë vende dhe sigurisht që jemi të vetëdijshëm për këtë histori,” tha zoti Kirby, duke iu referuar aneksimit të Krimesë nga Rusia në vitin 2014.

“Kjo është një nga arsyet pse ne po e vëzhgojmë këtë me shumë, shumë kujdes,” tha ai.

Në Shtëpinë e Bardhë, sekretarja e shtypit Jen Psaki tha se SHBA po punojnë me partnerë dhe aleatët për të vlerësuar situatën dhe se çfarë mund të bëhet për të ulur tensionet.

LEXO EDHE:  Biden, Trump dhe politika e jashtme amerikane

“Ka një angazhim të vazhdueshëm diplomatik midis nesh dhe një numri vendesh në rajon, përfshirë Rusinë,” tha ajo.

Zonja Psaki nuk pranoi të komentojë më shumë rreth përpjekjeve diplomatike, por Gjermania dhe Franca shtuan zërat e tyre në korin e vendeve të cilat kërkojnë që Moska të tërhiqet.

Deri tani, thirrje të tilla duket se kanë patur pak ndikim. Rusia mori në mbrojtje të premten veprimet e saj ndërsa këmbëngul se është Ukraina përgjegjëse për tensionet e rritura.

“Ne jemi të lirë të lëvizim forcat tona të armatosura dhe çdo njësi në të gjithë territorin e Rusisë, sipas gjykimit tonë,” tha zëdhënësi i Kremlinit Dmitry Peskov.

“Ukraina po kthehet përsëri në një rajon potencialisht shumë të paqëndrueshëm. Çdo vend që ka një rajon të paqëndrueshëm, shpërthyes pranë kufijve të tij, sigurisht që merr masat e nevojshme për të garantuar sigurinë e vet,” shtoi ai.

Ndërkohë, zëvendës ministri i jashtëm i Rusisë u duk se ngriti shqetësime për njoftimet se SHBA po dërgon dy anije luftarake në Detin e Zi në një demonstrim mbështetjeje për Ukrainën.

Zyrtarët turq thanë të Premten se SHBA do të dërgonin dy anije në Detin e Zi javën e ardhshme (14-15 prill) dhe se ato do të qëndronin atje për afro dy javë.

Zyrtarët amerikanë të mbrojtjes amerikane nuk pranuan të konfirmojnë deklaratën turke por thanë se operacione të tilla janë rutinë.

“Ne do të fluturojmë, lundrojmë dhe veprojmë kudo që na lejon ligji ndërkombëtar. Për këtë bëhet fjalë dhe, në mënyrë të qartë, ne i marrim shumë, shumë seriozisht detyrimet tona në të gjithë zonën evropiane të operacioneve,” tha zëdhënësi Kirby.

Këtë javë, Presidenti ukrainas Volodymyr Zelenskiy i kërkoi NATO-s të lejojë vendin t’i bashkohet aleancës, për t’i dërguar Moskës një mesazh dhe për t’i dhënë fund luftimeve në rajonin e Donbasit, ku separatistët e mbështetur nga Rusia luftojnë me forcat ukrainase që nga prilli i vitit 2014./VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

SHBA përqendrohet tek vaksinimi/ Vazhdojnë të bien rastet me COVID-19

Publikuar

-

Nga

Ekipi i Shtëpisë së Bardhë për Përgjigjen ndaj COVID-19 tha të premten se është i përqendruar tek përmbushja e objektivit të ri të presidentit për të vaksinuar plotësisht 160 milionë amerikanë deri më 4 korrik, ndërkohë që vazhdon të ulet numri i infeksioneve, shtrimeve në spital dhe vdekjeve.

Në konferencën për shtyp të këtij ekipi, Koordinatori i Shtëpisë së Bardhë për COVID-19, Jeff Zients tha se në fund të ditës së premte, 110 milion Amerikanë do të jenë vaksinuar plotësisht dhe 150 milion Amerikanë, ose 57%, do të kenë marrë të paktën një dozë.

Zoti Zients tha se për të ndihmuar në përmbushjen e synimit të presidentit, qeveria do të vërë në dispozicion vaksina pa pasur nevojë për takim në 20,000 farmaci në të gjithë vendin. Agjencia Federale e Menaxhimit të Emergjencave (FEMA) gjithashtu do të dërgojë vaksina nga qendrat me kapacitet të lartë vaksinimi në të gjithë vendin në objekte më të nëpër komunitetet ku ka më shumë nevojë. Edhe mjekët e familjes dhe pediatrët do të jenë në gjendje të administrojnë vaksina.

Drejtorja e Qendrave për Kontrollin dhe Parandalimin e Sëmundjeve (CDC) Rochelle Walensky tha se mesatarja ditore kombëtare për infeksionet vazhdoi të binte gjatë dy javëve të fundit, duke u ulur 13% në 45,817 në ditë. Shtrimet në spital ranë me 8% dhe numri i vdekjeve me gati 4% gjatë së njëjtës periudhë.

Dr. Walensky foli edhe për një studim të fundit për vdekjet e shkaktuara nga ndërprerjet që shkaktoi pandemia në sistemet e kujdesit shëndetësor dhe komunitete, si dhe vdekjet e lidhura drejtpërdrejt me COVID-19.

LEXO EDHE:  Nënshkruhet Memorandumi/ 150.000 euro për zbatimin e programit të “Fullbright” për studentët ekselentë

LEXO EDHE:  Miqësia e re ogurzezë midis Rusisë dhe Kinës

Duke pasur parasysh këto të dhëna, studimi sugjeron që numri i vdekjeve globale nga pandemia është rreth 6.9 milion – më shumë se dyfishi i numrit të raportuar prej afro 3.2 milion. Në SHBA, nëse llogariten sipas këtij studimi, vdekjet nga pandemia janë mbi 905,000, në krahasim me 580,000 që janë njoftuar.

Dr. Walensky tha që CDC-ja ka qenë prej kohësh e vetëdijshme se vdekjet nga pandemia nuk janë vetëm ato për shkak të virusit, por edhe ato të personave që nuk ishin në gjendje ose nuk dëshironin të merrnin kujdes mjekësor ose vdiqën nga sëmundje të tjera sepse pandemia e bënte të pamundur marrjen e shërbimeve të zakonshme të kujdesit shëndetësor.

Ajo tha se CDC-ja po i analizon me kujdes ato vdekje dhe do të vendosë nëse do t’i llogarisë ato si specifike për COVID-19 ose si vdekje që kanë ndodhur si pasojë e tij. Zonja Walensky tha se sido që të analizohen këto shifra, ato janë një arsye më shumë për t’u vaksinuar./VOA

LEXO TE PLOTE

Kosova & Rajoni

Ministrat e BE-së/ Më 10 maj, diskutojnë për Ballkanin Perëndimor

Publikuar

-

Nga

Ministrat e Jashtëm të vendeve anëtare të Bashkimit Evropian do të diskutojnë për situatën në Ballkanin Perëndimor në një takim më 10 maj, konfirmoi për gazetarët selia e BE-së.

Dialogu për normalizimin e marrëdhënieve midis Kosovës dhe Serbisë pritet të jetë një ndër pikat kryesore të bisedimeve.

Në takimin që do të kryesohet nga shefi i politikës së jashtme të BE-së, Josep Borell, do të marrë pjesë edhe përfaqësuesi i posaçëm i BE-së për dialogun Kosovë-Serbi, Mirosllav Lajçak.

Lajçak pritet t’i informojë ministrat në lidhje me përgatitjet për një raund të ri të bisedimeve midis Kosovës dhe Serbisë.
Në kuadër të debatit për situatën në rajon, sipas njoftimeve të zyrtarëve në Bruksel, do të diskutohet “qasja gjeopolitike e BE-së ndaj Ballkanit Perëndimor”.

Burime të BE-së thanë se debati nuk do të përqendrohet në procesin e anëtarësimit të vendeve të rajonit.

LEXO EDHE:  Ministri Panariti Takon Ambasadorin Lu, diskutohet për ngjarjet e fundit në vend

LEXO EDHE:  Tërmeti tragjik/ Ambasada amerikane vijon të mbështesë Shqipërinë

“Edhe pa diskutim, është e qartë se Ballkani Perëndimor ka perspektivë evropiane. Ne do të merremi me politikën e jashtme [në atë takim”, tha një zyrtar evropian.

Ai paralajmëroi se ministrat e Jashtëm të BE-së do të diskutojnë për ndikimin e vendeve të treta në Ballkanin Perëndimor, sepse, siç tha, është e qartë se situata “ka ndryshuar dukshëm kur bëhet fjalë për ndikimin e jashtëm në vendet e rajonit”.

“BE nuk insiston në ekskluzivitetin e pranisë në rajon, por është e rëndësishme që BE të jetë e pranishme dhe të jetë një lojtare kryesore”, tha zyrtari evropian./Rel

LEXO TE PLOTE

Kosova & Rajoni

Kurti: Do ta përgatisim padinë për gjenocid ndaj Serbisë

Publikuar

-

Nga

Kryeministri i Kosovës, Albin Kurti, tha se Qeveria e tij do të përgatisë padi kundër Serbisë për gjenocid.

Kurti i bëri komentet në një mbledhje të Qeverisë të premten, ku u miratua edhe programi qeverisës 2021-2025.

“Do të bëjmë dialog parimor, të përgatitur e të barabartë me Serbinë, me marrëveshje të njohjes reciproke. Do ta përgatisim padinë për gjenocid ndaj Serbisë në Gjykatën Ndërkombëtare të Drejtësisë”, tha Kurti.

Për programin qeverisës, Kurti tha se paraqet vizionin e Qeverisë së tij përgjatë mandatit katërvjeçar dhe se ai do të rishikohet në çdo fillim viti financiar, përmes Kornizës Afatmesme të Shpenzimeve.

“Deri në fund të mandatit do ta përmbyllim reformën e administratës publike. Do të zbatojmë divrsifikimin e burimeve të energjisë, aseteve strategjike, ndërsa Trepçën do ta bëjmë ndërmarrje fitimprurëse. Do ta trajtojmë me prioritet mbrojtjen resurseve natyrore dhe të mjedisit dhe efiçencën e energjisë”, tha Kurti në mbledhjen e Qeverisë.

Deri në fund të mandatit, ai u zotua se do të ketë angazhim për qasje në ujë të pijshëm dhe për zgjidhjen e problemit me ujërat e zeza.

LEXO EDHE:  Terrorizoi banorët me armë/ Shpallet në kërkim autori

LEXO EDHE:  SHBA, i hapet rruga miratimit të vaksinës Pfizer

“Në infrastrukturë do të mundësojmë finalizimin e lidhjeve kyçe dhe ndërtimin e aksit Prizren – Tetovë. Do ta ndërtojmë parkun tekno-industrial më të madhin në rajon. Dhe, reforma e arsimit do të trajtohet me prioritet nga arsimi parashkollor”, tha Kurti.

Kurti ka marrë detyrën në mars, duke u zotuar se rimëkëmbja ekonomike do të jetë prioriteti kryesor i angazhimit në ditët, muajt dhe vitin e parë të qeverisjes së tij.

“Për këtë jemi të gatshëm të ofrojmë një intervenim ambicioz fiskal”, ka thënë më herët Kurti.

Ai ka premtuar një ekonomi ku, sipas tij, ka më shumë prodhim dhe eksport, më shumë punëtorë, më shumë kontrata të punës dhe më shumë respektim të të drejtave të punëtorit./Rel

LEXO TE PLOTE