Connect with Us

“Sot Shkodra ka humb një margaritar”/ Gazetarja përlot me fjalët, pas ndarjes nga jeta të Anila Dushit

Sociale

“Sot Shkodra ka humb një margaritar”/ Gazetarja përlot me fjalët, pas ndarjes nga jeta të Anila Dushit

Publikuar

-

“Sot Shkodra ka humb një margaritar”/ Gazetarja përlot me fjalët, pas ndarjes nga jeta të Anila Dushit

Gazetarja e njohur nga Shkodra, Anila Dushi ka humbur betejën me Covid-19, duke ndërruar jetë ditën e sotme.

Dushi ka qenë e shtruar në repartin infektiv të spitalit të Shkodrës prej ditësh por pavarësisht përpjekjeve të mjekëve nuk ka arritur të mbijetonte.

Miq, kolegë e të njohur kanë shprehur ngushëllimet për këtë humbje të madhe. Një ndër ta është dhe gazetarja e njohur e kronikës, Nikoleta Kovacci e cila duke konsideruar si ‘vrasje’ shkruan se Shkodra ka humb një margaritar, media një mendje të lirë e të afërmit e miqtë një grua të pazakontë, e gjitha mirësi!

Kur humbet një mike fjale….

-Anilë ç`a asht ajo vrasje? Ç`a ka ndodh? A dihen rrethanat? Pse po i ndodh Shkodrës kjo gja? A mundena me pas foto nga vendi i ngjarjes sonte? Po ndonjë dëshmi?- ky ishte komunikimi i vazhdueshëm në rast ngjarjesh të randa që trondisnin Shkodrën e me ta krejt opinionin publik. Anila gjithmonë e në çdo orë e hapte telefonin, përgjigjej, jepte zgjidhje dhe një opinion krejt real për atë çka ndodhte, ç`a kishte ndodh ma herët dhe ç`a pritej të ndodhte në vazhdim!

Ashtu, me atë shëndetin gjithnjë kërcënues, Anila gjente zgjidhje! Mi niste materialet që të nesërmen gazeta jonë të ishte në lartësinë e asaj ç`a na kishim në mendje dhe zemër! Ashtu vazhduam, gjatë, prej shumë e shumë kohësh duke u rropat me thanë të vërtetat, ato të idhtat që rrallë thuheshin; rrallë guxoheshin të mendoheshin e jo ma të shkruheshin e të mbesnin në letër! Bashkë dinim t`i thurnim mirë faktet, t`i ruanim e t`i transmetonim. Edhe atëherë kur kishte pengesa, edhe atëherë kur autocensura dhe censura ishin ul kambëkryq në ‘llojin’ tonë, edhe atëherë kur në fakt duhej të fshihnim diçka për të nxjerrë diçka tjetër.

Anila kishte gjithnjë shpirtin e madh të mirëkuptimit si pak kush në bashkëpunime të tilla. Gëzohej si fëmijë kur të nesërmen në gazetën tonë Shkodra e saj kishte hapësirën e duhun, ndonëse shpesh konsiderohej periferi. Tirana ka akumulu frikë dhe një lloj droje tek njerëzit që katapultohen në sajë shërbimesh të ulëta ndaj eprorëve të çfarëdo llojë qofshin. Por, na bashkë, mundëm të mbesnim në sipërfaqe në sajë të latimit të rrallë të fjalës, besimit të verbër në njana-tjetrën, besimit sublim mbi atë që duhej të ishte e pranishme, ani pse e ndalueme.

LEXO EDHE:  Covid i merr jetën një tjetër mjeku në Shqipëri

Anila ishte e lodhun me vrasjet, me indtrigat që mbillnin krim e pabesi e shpesh më thoshte: “Aman, se Shkodra nuk e meriton këtë çmenduri! Po unë sod due ma ba një reportazh për Kosmaçen. Ka investu një banor i zonës e ka ba një vneshtë të madhe! Pak ma përtej asht edhe një artizan i rrallë. A mundena të bajmë një histori?”

E ashtu vazhdonim, duke iu sjell rrotull Shkodrës së saj që sot e humbi! E qetë, e mençur, e papërtueshme, dashamirëse, kurajoze e me një kujtesë brilante, Anila jetonte çdo sekond me median, me faktin, me lajmin, me reportazhin, me fjalën! Ishte si të thuash një shkamb në Shkodrën e trazueme, që asnjëherë s`ndejti duarkryq, asnjëherë nuk heshti, e asnjëherë nuk u ankua për gjithë prapësinat e randa që i ndodhnin medias kudo nëpër këtë vendin tonë të marrun peng nga mungesa e të vërtetës.

…Sot Shkodra ka humb një margaritar, media një mendje të lirë e të afërmit e miqtë një grua të pazakontë, e gjitha mirësi! Para një jave pata komunikimin e fundit me të; mu ankue! Jo për veten, as gjërat e veta, por për kohën e vendin! Më tregoi se “gjërat në komunitetin tonë gjithnjë po bahen ma të paqarta! Shkodra është në kaos dhe se gjithë politika aty luan teatrin e turpit të vet”! Anila e donte Shkodrën si jetën! Çudi pse nuk e deshën edhe pak ma shumë te dyja! Te dyja ia patën me hile, te dyja nuk e anashkaluan peshën e fjalës së saj!

Anila e la gjurmën, emnin, mirësinë dhe dashurinë, te kushdo që e njohu, por edhe tek Shkodra dhe jeta..!

Lamtumirë mike dhe bashkëudhëtare fjale….

 

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Aktualitet

Helmimi nga uji në Krujë/ Qytetarët edhe sot drejt spitalit

Publikuar

-

Nga

cna lajme sociale

Situata e helmimeve në Krujë nuk ka ndryshime.

Raportohet se edhe ditën e sotme, raste të shumta janë drejtuar në spitalin e Krujës.



Banorë, të cilëve u janë shfaqur, shenjat e helmimit, sipas abc news, kanë kërkuar ndihmën e mjekëve, për shkak të gjendjes së rënduar.

Në krahasim me dy ditët e para, ka një rënie të fluksit të pacientëve, por situata ende mbetet shqetësuese./CNA.al

LEXO TE PLOTE

Sociale

Diell por ftohtë/ Njihuni me parashikimin e motit për ditën e sotme

Publikuar

-

Nga

cna lajme sociale

Vija bregdetare do të jetë në dominimin e kthjellimeve gjatë gjithë ditës.

Ndërsa pjesa tjetër e territorit do të ketë kthjellime dhe kalime vranësirash, të cilat më të dukshme do të jenë përgjatë zonës Lindore, ku vranësirat do të pësojnë zhvillim të përkohshëm, por nuk do gjenerojnë reshje.



Sipas MeteoAlb, temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 5°C deri në 22°C.

LEXO EDHE:  Heronjtë e Infektivit/ Manastirliu publikon fotot dhe vlerëson punën e infermierëve

LEXO EDHE:  Vaksina e Pfizer-it/ Kanadaja e treta që e miraton pas Britanisë dhe SHBA-ve, zbardhet se çfarë u vendos për fëmijët

Era do të frytjë e lehtë dhe mesatare me shpejtësi 35 km/h nga drejtimi Verior-veriperendimor duke sjelle në brigjet detare dallgëzim 2 – 3 ballë./CNA.al

LEXO TE PLOTE

Politikë

Foto-Kullat nuk ndalen/ Rrethohet Liqeni i Tiranës

Publikuar

-

Nga

Një sërë projektesh vijojnë të jetësohen në kryeqytet, duke e cilësuar kështu Tiranën  një kantier të hapur për ndërtim. Bëhet fjalë kryesisht për godina të mëdha multifunksionale, të projektuara për zyra, qendra tregtare, hotele e ndërtesa për banim.

Nga fotot mëposhtme që po sjell CNA.al, shihet rrethimi i Liqenit të Tiranës me gardhe, për t’i hapur vend ndërtimit të kullave.



Tirana po përjeton një bum të lartë ndërtimesh, një pjesë e madhe e të cilave në zonën qëndrore të saj.

LEXO EDHE:  Vaksina e Pfizer-it/ Kanadaja e treta që e miraton pas Britanisë dhe SHBA-ve, zbardhet se çfarë u vendos për fëmijët

LEXO EDHE:  “Të mbyllen baret dhe restorantet”/ Pipero: Respektoni masat që të shmangim mbylljen

Kujtojmë se jo më gjatë se të premten e kaluar, dolën në dritë 17 vendimet e radhës të Këshillit Kombëtar të Territorit, ku jo vetëm në Tiranë, por në të gjithë Shqipërinë janë projektuar për ndërtim projekte të mëdha, duke nisur nga vila, hekurudha e porte./CNA.al

LEXO TE PLOTE