Connect with Us

Kryenegociatori Mazi në Rumani/ Mbështetje e plotë për rrugën integruese të Shqipërisë në BE

Aktualitet

Kryenegociatori Mazi në Rumani/ Mbështetje e plotë për rrugën integruese të Shqipërisë në BE

Publikuar

-

Kryenegociatori i Shqipërisë për anëtarësimin në BE, Zef Mazi, me rang ministër shteti, zhvilloi një vizitë pune të nivelit të lartë në Rumani në datat 7-9 prill, ku mori mbështetjen e plotë dhe të vazhdueshme të Rumanisë për Shqipërinë në rrugën integruese në BE.

Sipas njoftimit për shtyp, kryenegociatori Mazi zhvilloi bisedime me ministrin e Punëve të Jashtme të Rumanisë, Dr. Bogdan Aurescu, me ministrin e Drejtësisë, Stelian-Cristin Ion, me Këshilltarin për Politikë të Jashtme të Presidentit të Rumamisë, Leonard Orban (i cili ka qenë edhe Komisioneri i parë i Rumanisë në Komisionin Europian), me Këshilltarin Diplomatik të Kryeministrit të Rumanisë, Cosmin Onisii, me Sekretaren e Shtetit të Ministrisë të Punëve të Jashtme të Rumanisë për Europën, Julia Magtei dhe Sekretarin e Shtetit për Politikat Globale dhe Strategjinë, Cornel Feruta, me Sekretarin e Shtetit të Ministrisë të Punëve të Brendshme Aurelioan Paduraru, me zv-Presidentet e Komisioneve respektive të Parlamentit dhe të Senatit rumun, si dhe me ish-kryenegociatorin e Rumanisë per aderimin në BE, S. Pushkash.

Takimet dhe konsultimet e nivelit të lartë në Rumani zhvillohen një vit pas miratimit unanim nga Këshilli Europian në mars 2020 i vendimit të BE-së për hapjen e negociatave të anëtarësimit me Republikën e Shqipërisë. Konsultimet ofruan një mundësi shumë të mirë për shkëmbim direkt dhe thelbësor mendimesh, në nivel të lartë ekzekutiv dhe legjislativ, mbi punën, përpjekjet dhe progresin e Shqipërisë në rrugën e integrimit, mbi forcimin e bashkëpunimit midis dy vendeve me fokus për të mësuar dhe përfituar nga përvojat e Rumanisë në procesin e anëtarësimit në BE në kohën kur Rumania ka qenë në fazën që është sot Shqipëria.

Në të gjitha takimet, në mënyrë të qartë, pa ekuivok, mikpritësit rumunë ritheksuan mbështetjen konkrete dhe konstante të Rumanisë për avancimin e procesit të zgjerimit të BE-së, me theksin në valencat strategjike të kësaj politike. Kjo është thelbësore për transformimin demokratik të qëndrueshëm, per prosperitetin dhe stabilitetin e rajonit.

Po ashtu, u ritheksua mbështetja e plotë, e vazhdueshme e Rumanisë për Shqipërinë në rrugën integruese në BE, u shpreh hapur nga të gjithë bashkëbiseduesit gatishmeria e plotë e Rumanisë për të dhënë gjithë ndihmën në përgjithësi dhe në veçanti në gjithë fushat që Shqipëria gjykon me interes.

Zyrtarët rumune përshëndetën orientimin strategjik, të vendosur të Shqipërisë për realizimin e objektivit të integrimit europian, për vijimin me ritme të plota, pa asnjë ulje vëmendje dhe fokusi te reformat në gjithë fushat, në forcimin e shtetit ligjor, të sigurisë të qytetarëve, të luftës kundër korrupsionit dhe krimit të organizuar, etj.

Zyrtarët shprehën gatishmëri për forcimin dhe dinamizimin e dialogut politik dypalësh në nivel të lartë dhe atë sektorial, atë parlamentar, për forcimin e marrëdhënieve ekonomike sepse aty ka potenciale të pashfrytëzuara, për të përfunduar ndonjë çështje ende pezull dhe kuadrin nënligjor për pakicat kombëtare.

Në takime u shkëmbyen mendime mbi situatat dhe dinamikat gjeopoltike në Europë, në rajonin tonë dhe më gjerë. U theksua rëndësia që i jepet bashkëpunimin rajonal në Ballkanin Perëndimor, vështirësitë e ndryshme në rrugën e tij drejt BE-së. Si shprehje konkrete e mbështetjes së Rumanisë për rajonin e Ballkanit Perëndimor u theksua edhe letra që Ministri rumun i Punëve të Jashtme, Bogdan Aurescu, së bashku me 8 Ministra të tjerë të vendeve anëtare të BE, i drejtuan Përfaqësuesit të Lartë, Josep Borrel, lidhur me nevojën për diskutim strategjik për Ballkanin Perëndimor dhe përfshirjen në axhendën e Këshillit të diskutimit mbi këtë çështje në mbledhjen e ardhshme të Këshillit në prill 2021.

LEXO EDHE:  Fondet për Coronën/ Duhen ngritur ura të mëdha brenda BE, kompromisi i mundur 

Kryenegociatori Mazi shprehu vlerësim të veçantë për këtë inisiativë, nënvizoi rëndësinë e mbajtjes në vëmendje në nivel europian të problematikës së Ballkanit Perëndimor, si pjesë e integruar e procesit të konsolidimit të unitetit dhe stabilitetit të kontinentit europian dhe e një të ardhme të përbashkët europiane.

Ai i shprehu mirënjohjen palës rumune për gjithë mbështetjen e saj, për gatishmërinë për të vijuar të japë ndihmesa, për sigurinë që na u dha se Shqipëria mund të mbeshtetet tek Rumania gjatë rrugëtimit në BE.

Në takime u shprehn vlerësime për angazhimin e autoriteteve të Shqipërisë për avancimin e reformave në të gjitha fushat, duke marrë përsipër, në mënyrë të pakthyeshme dhe konsensuale, anëtarësimin në BE, si një projekt madhor historik, qe gezon mbështetjen e gjerë të shoqërinë shqiptare.

Po ashtu u nënvizua rëndësia e vijimit të reformave në fushat thelbësore të shtetit të së drejtës për mbështetjen e dinamikës së përgjithshme të negociatave të anëtarësimit.

Respektimi i paketës së vlerave europiane përfaqëson dimension themelor. Ndjekja e saj gjatë gjithë procesit të negociatave do të sigurojë premisa të forta për zbatimin ne vend me efikasitet të politikave evropiane.

Po ashtu u njoh dhe u ritheksua përgëzimi për progresin në gjithe fushat dhe u inkurajua qe të vijojnë përpjekjet për bilanc sa me solid të progreseve në fusha kyçe, te raportimit te tyre si dhe per bashkepunim te ngushte me shtetet anetare dhe Komisonin Europian.

Një takim shumë të frytshëm u zhvillua me Ministrin e Drejtësisë të Rumanisë dhe me stafin e tij, me fokus njohjen me përvojën rumune për përgatitjen e procesit të negociatave për kapitullin 23.

Ministri përshëndeti progresin e Shqipërisë dhe theksoi gatishmërinë e të gjitha strukturave të kësaj Ministrie për të asistuar Ministrinë e Drejtësisë së Shqipërisë në procesin e negocimit për kapitullin 23.

Kryenegociatori theksoi peshën specifike që mbart kapitulli 23 në procesin e integrimit europian, si pjesë e grupit të kapitujve themelorë. Zëvëndësministrja e Drejtësisë njohu palën rumune me zhvillimet e fundit të reformës transformuese në sistemin e drejtësisë, me luftën kundër korrupsionit si dhe me përgatitjen e strukturës negociatore në Ministrinë e Drejtësisë së Shqipërisë.

Pala rumune parashtroi vështirësitë e hasura nga Rumania gjatë procesit të negocimit, nevojën e domosdoshme për rritjen e kapaciteteve administrative për t’u përballur me sfidat e këtij procesi.

Po ashtu u shkëmbyen mësimet e nxjerra në kuadër të luftës kundër korrupsionit, të reformimit të sistemit të drejtësisë në Rumani, si parakushte për të avancuar me procesin e integrimit.

Në takim u vendosën kontakte të vlefshme me drejtues të strukturave kyçe të Ministrisë së Drejtësisë për vijimin e diskutimeve në nivel teknik midis stafeve respektive të dy ministrive.

Kryenegociatori zhvilloi konsultime të rëndësishme në Ministrinë e Brendshme rumune, në kuadër të kapitulit 24, me Sekretarin e Shtetit të Rumanisë dhe me Drejtorët e Departamentave të bashkëpunimti ndërkombëtar, përfaqësues të policisë dhe të xhandarmërisë rumune që kanë marrë pjesë në bisedimet për anëtarësimin e Rumanisë ne BE.

Ekspozeja e palës rumune ishte shume e vlefshme, pasi ajo shtjelloi sfidat e hasura gjatë procesit të negociatave. Në takim u rikonfiurmua klima shume e mirë e bashkëpunimit dhe u shpreh hapur vullneti dhe gatishmëria për intensifikimin e bashkëpunimit bilateral dhe ne nivel teknik, me fokus trajnimin policor dhe shkëmbimin e ndërsjelltë të eksperiencës ne fushën e sigurisë publike.

“Vizita të tilla të shpeshta i shërbejnë përgatitjes sa më mirë të Shqipërisë për negociatat me BE”, thuhet në njoftimin e zyrës së shtypit./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

PD publikon kallëzimin në SPAK/ Alibeaj: Njësia 4 skemë kriminale e blerjes së votës

Publikuar

-

Nga

Ish deputeti i PD-së Enkelejd Alibeaj në një deklaratë për media ka prezantuar dosjen e kallëzimit që kanë dorëzuar në SPAK për skemën e blerjes së votave që sipas tij, është zbatuar nga kryeministri Edi Rama, Tom Doshi dhe Aqif Rakipi.

Alibeaj shtoi se SPAK nuk hetoi për këtë por lejoi deformimin e votës nga grupimi kriminal i Tom Doshit në njësinë 4 në Tiranë.

Ai theksoi se PD nuk do ta ndalë luftën për kthimin e Demokraçisë duke shtuar s ekëtë betejë do ta zhvillojnë në të gjitha frontet.

Deklaratë e plotë

Ditë pas dite, Partia Demokratike po bën publike për shqiptarët gjithnjë e më shumë fakte, prova dhe të dhëna rreth vjedhjes më të madhe të zgjedhjeve në histori kryer nga regjimi Rama-Doshi-Rakipi.

Viktimat e masakrës elektorale Rama-Doshi-Rakipi janë shqiptarët të çilëve iu mohua e drejta për të vendosur me votë ndryshimin jetik për vendin.

Prej më shumë se një muaji, Partia Demokratike ka dorëzuar në SPAK kallëzimin penal për veprën penale të “Korrupsionit aktiv në zgjedhje”, “Korrupsionit pasiv në zgjedhje”, “Kanosjes apo dhunimit ndaj pjesëmarrësve në zgjedhje” dhe “Marrjes ose përdorimit të paligjshëm të dokumenteve të identifikimit” për Tom Doshin, Filip Gjeloshin dhe Pal Gjeloshin dhe çdo person tjetër të paidentifikuar nga ana e jonë.

Megjithëse kishte 3 javë në dispoziçion, SPAK heshti duke lejuar merçenarët e aleançës Rama-Doshi-Rakipi të zbatojnë skemën kriminale të blerjes së votave.

Sot, ne po vëmë në dijeni opinionin publik se çilët janë personat e përfshirë në masakrën elektorale të 25 Prillit në qarkun e Tiranës dhe atë të Shkodrës duke përfshirë kallëzimin e dorëzuar në SPAK 3 javë përpara ditës së zgjedhjeve.

Këta persona kishin krijuar një skemë kriminale të blerjes së votës, shantazhimit të votuesve dhe mbledhjes së kartave të identitetit që vepron në Njësinë nr. 4 në Tiranë, Rruga “Siri Kodra”, Allias dhe Babrru. SPAK u njoftua përmes kallëzimit tonë se Tom Doshi i shpallur non-grata nga Departamenti Amerikan i Shtetit, Filip Gjeloshi dhe Pal Gjeloshi, elementë kryesorë të botës së krimit në Tiranë, të përfshirë në vepra penale si vrasje, rrëmbim personi dhe shumë të tjera, janë duke blerë vota në favor të kandidatit Tom Doshi. Seçilit prej të punësuarve në bizneset e kandidatit Doshi i është kërkuar prerazi të votojë dhe të sigurojë 20 emra dhe karta ID si vota të sigurta për Doshin, përndryshe do të pushoheshin nga puna.

Prej më shumë se 1 muaji, SPAK-ut i ishin vënë në dispoziçion numrat e tyre të telefonit dhe zona ku veprojnë për të shpërndarë para për blerjen e votave, por ata u lanë të lirë të deformojnë vullnetin e zgjedhësve.

Partia Demokratike nuk do ta ndalë luftën për rikthimin e demokraçisë. Beteja jonë do të zhvillohet në të gjitha frontet, mënyrat dhe mundësitë që ekzistojnë dhe përfundimi i saj do të jetë i qartë: përmbysja e regjimit Rama-Doshi-Rakipi dhe kthimi i Shqipërisë shqiptarëve.

Kjo betejë nuk ka të bëjë me PD-në por me të ardhmen tonë, të fëmijëve tanë dhe të demokraçisë. Shqipëria sot ka humbur, por nëse ne do të kishim fituar me banda, Shqipëria do të kishte humbur edhe nesër, jo vetëm sot. Detyra jonë është të qëndrojmë të vendosur dhe të luftojmë fort për kthimin e demokraçisë në vend.

LEXO TE PLOTE

Bota

Sulmi me bomba në një shkollë në Kabul/ Arrin në 50 numri i viktimave

Publikuar

-

Nga

Ka arritur në 50 numri i viktimave nga sulmi me bombë në një shkollë të vajzave në Kabul të Afganistanit, tha Ministria e Brendshme. Ndërkaq, nga shpërthimi janë plagosur edhe 100 persona të tjerë.

Shumica e viktimave nga sulmi që ndodhi më 8 maj ishin vajzta që studionin në këtë shkollë që gjendet në lagjen Dasht-e-Barchi, që banohet me shiitë hazara.

Zëdhënësi i Ministrisë së Brendshme, Tariq Arian tha se një makinë me bombë shpërtheu në hyrje të shkollës Sayed Al-Shuhada, ndërkaq edhe dy bomba të tjera shpërthyen në momentin kur studentët po tentonin që të iknin pas shpërthimit të parë.

Askush deri më tani nuk e ka marrë përgjegjësinë për këtë sulm.

Talibanët kanë mohuar se qëndrojnë prapa këtij sulmi dhe e kanë dënuar atë.

LEXO EDHE:  Rumania merr Presidencën e BE-së/ Lajme të mira për Shqipërinë

LEXO EDHE:  Vettingu/ Ndërkombëtarët ultimatum Kolegjit të Apelimit

Por, presidenti afgan, Ashtraf Ghani ka fajësuar talibanët për sulmin edhe pse nuk ka dhënë dëshmi për të mbështetur këto akuza.

Zyrtarët afganë për një kohë të gjatë akuzojnë talibanët se po mundohen që të mos marrin përgjegjësinë për sulme, duke lënë grupe të tjera, siç është grupi militant, Shteti Islamik që të marrë përgjegjësinë për sulme militante.

Militantët e IS-it dhe talibanët janë fajësuar për sulme që kanë lënë të vrarë qindra pjesëtarë të komunitetit Hazara viteve të fundit.REL

LEXO TE PLOTE

Politikë

Lufta e Bashës dhe humbja e PD-së

Publikuar

-

Nga

Lufta e Bashës dhe humbja e PD-së

Partia Demokratike humbi në zgjedhjet e 25 prillit. Partia Socialiste dhe Edi Rama do të jenë në pushtet edhe për katër vitet e ardhshme dhe ky tashmë është një fakt.

Lulzim Basha, lideri perëndimor, i cili nuk e pranon dot humbjen e radhës ka deklaruar se, zgjedhjet u manipuluan dhe u vodhën nga qeveria, ndonëse deri tani nuk ka asnjë ankimim në KQZ nga ana e PD-së.

Të vetmet tentativa nga selia blu janë daljet televizive të deputetëve të dalë nga zgjedhjet, të cilët kanë të njëjtën retorikë si gjithmonë, “nuk i njohim zgjedhjet por do hyjmë në Parlament”, deklarata të cilat janë në kontraditë me njëra-tjetrën.

Por gjithësesi, një tjetër fakt i dukshëm është lufta imagjinare e Lulzim Bashës. Një film i parë, me të njëjtën regji dhe skenar.

LEXO EDHE:  Kodheli akuza PD-së/ “Ka penguar procesin e integrimit me deklaratat tek ndërkombëtarët”

LEXO EDHE:  Fondet për Coronën/ Duhen ngritur ura të mëdha brenda BE, kompromisi i mundur 

Thirrjet për protesta dhe mosnjohja e zgjedhjeve do jetë refreni që do të na shoqërojë për katër vite rresht, por ndoshta këtë herë mund të jenë nga foltorja e Kuvendit dhe jo nga rruga.

Për fat të keq, PD ka humbur edhe demokratët e vërtetë. I vetmi që ka fituar është Lulzim Basha. Reformimi i partisë dhe largimi i tij deri tani është parë si e vetmja formë për të shpëtuar PD nga inekzistenca./CNA.al

LEXO TE PLOTE