Seria A
Pse nuk shkëlqeu Gabigol te Inter? Menaxheri: Zaneti dhe Ikardi ishin xhelozë për të
Gabriel Barbosa apo Gabigol siç njihet më së shumti, ishte një nga ata lojtarë me pritshmëri të larta në momentin kur mbërriti në Itali për të luajtur me Interin. Por, përveç disa shkëndijave, sulmuesi brazilian nuk la asnjë gjurmë tjetër në San Siro dhe u largua pa bujë.
Mirëpo, sipas menaxherit të lojtarit, Vagner Ribeiro, për përfaqësuesin e tij pati xhelozi nga ana e Zanetit dhe Ikardit, të cilët në këtë formë e penguan të zhvillohej.
“Po si mund të funksiononte Gabigol kur nuk luante? Shkoi te Inter dhe ata bënë një festë të madhe në teatër, të gjithë ishin me kravata të zeza. Një festë më e madhe edhe se ajo që u bë për Kaka.
Kjo shkaktoi xhelozi te Zaneti dhe te Ikardi që në atë kohë ishte kapiten i skuadrës. Të dy argjentinasit ishin xhelozë për të. Kështu u përcoll për në Portugali, madje pa u provuar dhe më pas u rikthye te Santos. Aty ku u shpall më pas edhe golashënuesi i kampionatit brazilian. Këtë performancë e përsëriti edhe te Flamengo”, u shpreh Ribeiro.
Seria A
Dëshirë e vjetër për Juventusin, PSG cakton çmimin për Mauro Icardin
Në verën e shkuar PSG vendosi të blejë shërbimet e Mauro Icardit pas një sezoni shumë të mirë në huazim nga Interi. Gjithsesi, në këtë sezon argjentinasi nuk ka arritur të zërë vend stabël në formacion.
Ai është një nga më të paguarit te PSG, por një talent si Mosie Kean i ka marrë vendin e titullarit dhe nuk po e lëshon më. Nga Franca bëjnë me dije se Icardi është nxjerrë në merkato.
Ai është dëshira e madhe e Juventusit dhe bardhezinjtë mund ta blejnë për një shifër relativisht të përballueshme. 40 milionë euro mësohet të jetë çmimi i vendosur për Icardin, i cili e ka provuar veten në Serie A me Interin.
Seria A
VIDEO/ Darmian bën heroin, Interi fitore mes vuajtjesh ndaj Cagliarit
Interi nuk ka ndërmend të ndalet në Seria A. Skuadra e Antonio Contes mori fitoren e radhës në kampionat kundër Cagliarit, në shifrat minimale 1-0. Ishte një duel i vështirë për zikaltërit që hasën vështirësi në gjetjen e hapësirave. Në pjesën e parë rastet për shënim ishin të pakta. Në minutën e 69-të ndërkohë De Vrij gjeti shtyllën pas një tentative me kokë.
Gjithsesi goli nuk do të vononte, pasi në minutën e 77-të, gjatë një aksioni të bukur të Hakimit në krahun e djathtë, mbrojtësi maroken shërben në zonë për Darmian, që e ka të thjeshtë për ta shtyrë në rrjetë. Me këtë fitore Interi ruan kreun me 74 pikë, 11 më shumë se Milani i vendin të dytë.
FT| INTER-CALGARI 1-0
Darmian 77′
Seria A
Shumë pranë marrëveshjes, zbulohen detaje të reja në kontratën e Ibrës me Milanin
Milan dhe Zlatan Ibrahimoviç janë shumë pranë rinovimit të kontratës.
Këtë gjë e ka konfirmuar edhe vetë edhe drejtori i kuqezinjve, Paolo Maldini gjatë një interviste me “Corriere dello Sport” ku tha se janë shumë afër rinovimit.
Sipas të njëjtës të përditshme thuhet se marrëveshja do të arrihet në bazën e 7 milionëve të eurove me bonuse të përfshira siç janë prezencat dhe golat e realizuar.
