Politikë
Largimi i shqiptarëve/ Shehi: Më 25 prill ulim traun për të penguar azilin
Kreu i LZHK-së Dashamir Shehi, ka ngritur disa akuza ndaj kryeministrit Edi Rama për qeverisjen e vendit, teksa kanë mbetur vetëm pak javë nga zgjedhjet e 25 prillit.
Shehi pretendon se keqeverisja e Ramës detyroi me mijëra shqiptarë, kryesisht të rinj, të braktisin vendin me shpresën për të fituar azil.
Sipas tij, kreu i qeverisë dhe Partia Socialiste pa frikë janë armiqtë më të mëdhenj të rinisë në këtë vend, pasi e bënë të pajetueshëm atdheun për ta.
Ai deklaron se më 25 prill së bashku më qytetarët do ta përmbysin këtë neodiktaturë, që po mban peng të ardhmen e djemve dhe vajzave tona, ndërsa thekson se do të ulin traun për të penguar azilin.
“Më 25 prill ulim traun për të penguar azilin!
Keqeverisja e Edi Ramës përgjatë viteve 2013-2018 detyroi më mijëra shqiptarë, kryesisht të rinj të braktisin vendin me shpresën për të fituar azil. Shume prej tyre u refuzuan nga autoritetet, teksa u detyruan të bien pre e bandave kriminale, duke rrënuar kështu të ardhmen e tyre. Ditën e sotme kam takuar me dhjetëra të rinj, kryesisht në njësinë 7 dhe 10 në kryeqytet, ku kryefjalë e bashkëbisedimit ishte përgatitja për zgjedhjet e 25 prillit. Edi Rama dhe Partia Socialistë pa frikë janë armiqtë më të mëdhenj të rinisë në këtë vend, pasi e bënë të pajetueshëm atdheun për ta.
Shumë prej atyre që takova me punën që kanë nuk sigurojnë as të ardhurat për një jetesë të dinjitetshme, ndaj emigrimi, e ndoshta dhe azili ka mbetur e vetmja shpresë për ta. Kreu i qeverisë dhe eunukët rreth tij i etiketojnë të rinjtë tanë si dembelë, por e vërteta është e kundërt, mjafto të shohësh arritjet në tyrë ne vendet e BE ku mundësitë e barabarta nuk kalojnë përmes zyrave të bashkëqeverisjes ose referenca e mirë nuk shënohet në teserën e partisë. Me 25 prill së bashku do ta përmbysim këtë neodiktaturë, që po mban peng të ardhmen e djemve dhe vajzave tona. Neodiktatura ka ulur këmbëkryq varfërinë në sofrat tona, ndaj përmes votës, do ti rikthejmë së pari dinjitetin vetës, e më pas edhe shtetit”, shkruan Shehi në rrjetet sociale./ CNA.al
Politikë
Rama jep lajmin e mirë/ Mbërrijnë të tjera doza vaksinash në aeroportin Nënë Tereza
Kryeministri Edi Rama ka bërë me dije se në aeroportin Nënë Tereza sapo kanë mbërritur 40,800 doza vaksinash Astrazeneca.
Përmes një postimi, Rama shkruan se në ditët në vijim pritet të vijnë edhe doza të tjera, për të mos ndalur ritmin e lartë të vaksinimit.
Këto doza vijnë nga marrëveshja që është nënshkruar me Covax.
“Aeroporti “Nënë Tereza” – Mbërrijnë 40,800 doza të vaksinës AstraZeneca, nëpërmjet instrumentit Covax, teksa presim mbi 250,000 vaksina në ditët në vijim, për të mos e ndalur ritmin e lartë të vaksinimit, derisa çdo qytetar 🇦🇱 të mbrohet nga virusi i rrezikshëm“, shkruan Rama./CNA.al
Politikë
Rindërtimi/ Basha: Kompensim për të gjitha familjet e dëmtuara nga tërmeti
Kreu i Partisë Demokratike Lulzim Basha gjatë një takimi elektoral në Kurbin u ka bërë thirrje qytetarëve që me 25 prill të votojnë numrin 9.
Më tej, Basha u shpreh se për të gjithë familjet e dëmtuara nga tërmeti do të ketë një proces vlerësimi në transparencë të plotë.
“Shikoni se çfarë bën me rindërtimin. Sot nga ky shesh është vendi ti them të gjithë të dëmtuarin nga tërmeti se detyra e qeverisë së re dhe e imja si kryeministër do të jetë vlerësimi në trasprencë dhe kompensim për të gjitha familjet e dëmtuara nga tërmeti.
Ejani bashkohuni me shpresën. Më 25 prill, ne të gjithë bashkë do të votojmë numrin 9. Më 25 prill, shqiptarët do largojnë me votë Edi Ramën. tetë vjet dështime dhe guxon e vjen prapë e kërkon edhe katër vite të tjera mandate.
Ne e duam Shqipërinë në BE, ndërsa Rama pasuron pak oligarkë në kurriz të shqiptarëve. Edhe pak ditë na kanë ngelur nga ndryshimi i vendit. Më prekin lotët e prindërve që kanë fëmijët në emigracion. Bashkë për ndryshim. Kurbini fiton, Lezha fiton dhe Shqipëria fiton. Zoti e bekoftë Shqipërinë. Fitore”, u shpreh Basha. /CNA.al
Politikë
“Betohu se më ke dashtë”/ Arsimi pendohet për këngën që i dedikoi Anës: Duhet me e korrigjuar
Para pak kohësh në mediat rozë u përfol për një lidhje mes Ana Lleshi dhe Arsimit. Këto lajme në një farë mënyre u pranuan edhe nga dy protagonistëve, por mesa duket lidhja e tyre ka përfunduar.
Madje ndjekësit e dyshes vunë re se Arsimi dhe Ana nuk e ndiqnin më njëri-tjetrin në llogaritë e tyre në Insatgram. “Prive” ka konfirmuar nga burime pranë dyshes se ata janë ndarë dhe shkak është bërë një debat që kanë pasur me njëri-tjetrin në distance.
Para se kjo lidhje të përfundonte, Arsimi i kishte dedikuar një këngë Anës , për të cilën është penduar. Në InstaStory, Arsimi ka ndarë me ndjekësit këtë pjesë, teksa shkruan “Bon be? Se më ke dasht? Të uroj më të mirat beba. Sardi, tani vëlla duhet me e korrigju njëçikë këtë pjesë.”./CNA.al
