Connect with Us

“Doktor” Google, 33% e shqiptarëve përdorin internetin për informacione shëndetësore

Sociale

“Doktor” Google, 33% e shqiptarëve përdorin internetin për informacione shëndetësore

Publikuar

-

Interneti, ndër të tjera, është burim i madh informacioni për shëndetin.

Sipas të dhënave të Eurostat, 33% e shqiptarëve të moshës 16-74 vjeç përdorën internetin për të kërkuar në Google informacione që u takojnë çështjeve të shëndetit në vitin 2020.

Por në krahasim me vendet e tjera të Europës, Shqipëria dhe disa vende të tjera të rajonit, si Bosnja, Rumania dhe Bullgaria kishin përqindje të ulëta të kërkimeve në internet për shëndetin.

Një në dy shtetas të BE-së (55%) të moshës 16-74 vjeç raportuan se kishin kërkuar informacione shëndetësore në internet në lidhje me dëmtime të ndryshme, sëmundje, ushqimin, përmirësimin e shëndetit dhe të tjera informacione që lidheshin me kujdesin për shëndetin.

Për më tepër, 20% e qytetarëve të BE-së raportuan se caktuan takime në internet për seanca terapie fizike dhe të tjera.

Më pak (13%) kanë përfituar shërbime shëndetësore nëpërmjet një faqe në internet ose aplikacioneve, në vend që të vizitojnë spitalin ose një mjek fizikisht. Ndërsa 11% e qytetarëve dhanë të dhënat e tyre personale shëndetësore në internet.

Në vitin 2020, përqindja më e lartë u regjistrua në Finlandë, ku 77% e njerëzve të moshës 16-74 vjeç kërkuan në internet për tema të lidhura me shëndetin në tre muajt e fundit para sondazhit, ndjekur nga Holanda (76%), Danimarka (72%) ) dhe Gjermania (70%).

Në të kundërt, interesi më i ulët ishte në Rumani me (28%), Bullgari (29%), Itali (35%; të dhëna 2019) Shqipëri me 33%.

LEXO EDHE:  Çfarë i ndodh trupit nëse ndalojmë ngrënien e bukës dhe makaronave

Gjatë dekadës së fundit, pjesa e individëve që kërkojnë informacion shëndetësor në internet është rritur në shumicën dërrmuese të vendeve në Europë.

Ofruesit e kujdesit shëndetësor e dinë që kur pacientët e tyre përjetojnë simptoma të sëmundjeve, instinkti i parë nuk është gjithmonë të telefononi në zyrën e mjekut, por kërkimi në internet.

Po profesionistët e fushës këshillojnë se shpesh përgjigjet e kërkimit nuk janë të sakta dhe bëhen shkak për shmangien e vizitës tek mjeku.

Mjekët këshillojnë se, vizitat personale në zyrë janë gjithmonë metoda më e mirë për të gjetur zgjidhjen pasi në këtë mënyrë trajtohet historiku i pacientit dhe i sëmundjes që është përcaktues kryesor për vënien e diagnozës. Ekspertët e mjekësisë sugjerojnë konsultat mjekësore në internet duke komunikuar direkt me mjekun personal ose të familjes nëpërmjet aplikacioneve të internetit.

Asnjë burim në internet nuk është një zëvendësim për një vizitë tek mjeku, por interneti është një mjet i vlefshëm për të përmirësuar mënyrën e jetesës./Monitor

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sociale

Rikthehen vranësirat/ Ulen temperaturat afrikane

Publikuar

-

Nga

Kthjellime, vranësira dhe reshje shiu/ Parashikimi i motit për ditën e sotme

Territori shqiptar në orët para të ditës do të jetë në dominimin e kthjellimeve. Por, orët e mesditës dhe pasdites sjellin vranësira të lehta dhe kalimtare përgjate kufirit Lindor. Ndërsa ultësira peëendimore do të vijojë të jetë me mot të kthjellët.

Sipas MeteoAlb, temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 17°C deri në 40°C.

Era do të fryejë e lehtë dhe mesatare me shpejtësi 35 km/h nga drejtimi Veriperëndimor duke krijuar në det dallgëzim 3 ballë./CNA.al

LEXO TE PLOTE

Sociale

Vala e të nxehtit/ Meterologu grek: Pas temperaturave të larta, priten reshje të forta shiu

Publikuar

-

Nga

Vala e të nxehtit në rajon/ Meterologu grek: Pas temperaturave të larta, priten reshje të forta shiu

Rajoni është goditur nga vala e të nxehtit afrikan ditët e fundit duke bërë që temperaturat të regjistrojnë vlera ekstremisht të larta.

Meteorologu grek Klearchos Marousakis ka deklaruar se “fenomene të motit të dhunshëm” mund të pasojnë, si ajo që ndodhi në Evropën perëndimore dhe qendrore”.

Marousakis u shpreh se kjo është ajo që ndodhi në Europën perëndimore dhe qendrore ku temperaturat e larta u pasuan nga reshje të forta shiu.

“Nuk do të ishte surprizë nëse një sekuencë e tillë e fenomeneve të papritura të motit të ndodhin edhe në rajon.

Ditët që do të pasojnë do të jenë të vështira për vendin tonë pasi temperaturat do të variojnë nga 40 deri në 43 gradë celcius. Ndërsa gjatë natës temperaturat do të jenë mes vlerave 32 deri në 34 gradë në qendrat e mëdha urbane dhe në pjesën tjetër deri në 30 gradë”./CNA.al

LEXO TE PLOTE

Sociale

Alarmante/ 185 mijë fëmijë në Shqipëri, të rrezikuar nga shfrytëzimi

Publikuar

-

Nga

Që prej viti 2013, 30 korriku është caktuar si ”Dita Botërore kundër Trafikimit ” të Qenieve Njerëzore.

Nisur nga kjo ditë CRCA/ ECPAT Shqipëri përmes një deklaratë kanë bërë të ditur shifra shqetësuese që sipas tyre tregojnë situatën e rëndë të fëmijëve në vendin tonë.

Në deklaratë thuhet se pavarësisht se që prej vitit 2001 e deri më sot, Qeveria shqiptare me mbështetjen e komunitetit ndërkombëtar, kanë zbatuar një sërë masash dhe programesh për parandalimin e trafikimit të qenieve njerëzore, 20 vjet më pas, trafikimi i fëmijëve nga Shqipëria, sidomos për qëllime të shfrytëzimit seksual, për të kryer krime dhe në punë skllavëruese, vazhdon të ndodhë pa u sfiduar nga asgjë.

Raporti nënvizon se Varfëria, mungesa e shpresës, situata politike, përfshi edhe pandeminë, kanë sjellë një shtim të risqeve për trafikimin dhe shfrytëzimin e fëmijëve nga Shqipëria.

LEXO EDHE:  Trafik droge dhe prostitucioni/ Shkatërrohet banda shqiptare në Milano

LEXO EDHE:  Shkaktohet prej celularit, kjo është sëmundja që po prek gjithë njerëzimin

“Bazuar në të dhënat e Bankës Botërore, te paktën 14 përqind e popullsisë në vend jeton në varfëri absolute, ose rreth 414,000 persona, nga të cilët  të paktën 185,000 janë fëmijë. Varfëria është një ndër faktorët kryesorë që ushqen trafikimin, kriminalitetin, skllavërinë për punë dhe shfrytëzimin seksual të fëmijëve”, vijon deklarata.

Nisur nga kjo situatë, CRCA/ECPAT Shqipëri, i kërkon sot publikisht Qeverisë Shqiptare:  Krijimin e një programi kombëtar të eliminimit të varfërisë së fëmijëve, duke e kthyer këtë çështje në thelbësore për Qeverinë e re që do të formohet në Shtator 2021; Ngritjen e një task-force në nivel kombëtar dhe vendor për eliminimin e trafikimit dhe shfrytëzimit seksual të fëmijëve; Krijimin e një Fondi Kombëtar për Fëmijët, për të financuar ushqimin dhe shërbimet falas për të gjithë fëmijët që jetojnë nën minimumin jetik të varfërisë në Shqipëri.

LEXO TE PLOTE