Connect with Us

A duhet t’i bojkotojnë Shtetet e Bashkuara Lojrat Olimpike në Kinë?

Bota

A duhet t’i bojkotojnë Shtetet e Bashkuara Lojrat Olimpike në Kinë?

Publikuar

-

A duhet t'i bojkotojnë Shtetet e Bashkuara Lojrat Olimpike në Kinë?

Përplasjet politike mbi një ligj të ri zgjedhor në shtetin jugor të Xhorxhias, po kontribuojnë edhe në një debat lidhur me çështjen nëse Shtetet e Bashkuara duhet t’i bojkotojnë Lojërat Olimpike Dimërore të vitit 2022 në Pekin, të Kinës.

Të martën, zëdhënësi i Departamentit të Shtetit Ned Price pranoi se SHBA do të diskutojë me aleatët nëse do t’i bojkotojnë së bashku lojërat për të protestuar kundër shtypjes nga ana e Pekinit ndaj pakicave dhe abuzimeve të mëdha të të drejtave të njeriut.

“Një qasje e koordinuar do të jetë jo vetëm në interesin tonë, por edhe të aleatëve dhe partnerëve tanë,” u tha ai gazetarëve në një konferencë të përditshme shtypi. Por ai theksoi se nuk është marrë asnjë vendim përfundimtar.

Administrata sinjalizoi gatishmërinë për të konsideruar një veprim të tillë pak pasi republikanët konservatorë kërkuan që Presidenti Joe Biden të justifikonte pjesëmarrjen e SHBA-së në lojëra.

Ligjvënësit republikanë ishin të pakënaqur me mbështetjen nga ana e zotit Biden për një protestë kundër ligjit për zgjedhjet në Xhorxhia, , përfshirë vendimin e Ligës së Bejsbollit për të zhvendosur lojën finale nga Atlanta dhe e akuzuan administratën për hipokrizi që nuk bojkotonte Lojërat Olimpike.

Aktivistët në të gjithë botën kanë kërkuar që vendet të bojkotojnë Lojërat e Pekinit për të protestuar ndaj politikave të brendshme të vendit, përfshirë atë që Departamenti i Shtetit e ka quajtur “gjenocid” ndaj ujgurëve myslimanë në provincën Xinjiang dhe goditjen ndaj lëvizjes pro-demokracisë në Hong Kong.

Megjithëse kishte pasur disa diskutime mbi mundësinë që Shtetet e Bashkuara të bojkotojnë Lojërat Olimpike Dimërore ose të kufizojnë pjesëmarrjen, kësaj çështjeje deri tani nuk i ishte kushtuar shumë rëndësi në debatin publik.

Por gjërat kanë ndryshuar pasi zoti Biden tha në një intervistë javën e kaluar me kanalin televiziv sportiv ESPN se ai do të mbështeste vendimin e Ligës së Bejsbollit për të zhvendosur lojën jashtë Xhorxhias, si reagim ndaj ligjit të shtetit për zgjedhjet.

Akuzat për shtypjen e votës

Pas fitoreve të demokratëve në zgjedhjet e përgjithshme dhe në dy garat për senatin që u dhanë demokratëve kontroll të plotë të Kongresit, legjislatura me shumicë të thellë republikanë e shtetit të Xhorxhias miratoi një sërë masash që ndryshonin ligjet e votimit të shtetit.

Konsensusi i përgjithshëm është se disa elementë të ligjit do ta bëjnë më të vështirë votimin në zonat urbane të shtetit, të cilat janë më të larmishme nga pikëpamja racore dhe kanë prirjen të votojnë për demokratër, dhe do të zgjerojnë qasjen në zonat rurale dhe kryesisht të bardha që favorizojnë republikanët.

Javën e kaluar, gjatë intervistës për ESPN-in zotit Biden iu kërkua të shprehej për vendimin e Ligës së Bejsbollit.

“Unë mendoj se sportistët po veprojnë me shumë përgjegjësi,” tha zoti Biden. “Unë i mbështes me forcë.”

Dy ditë më pas, kur kampionati njoftoi se do të zhvendosë lojën nga Atlanta në Denver të Kolorados, reagimi i së djathtës ishte i menjëhershëm. Një numër komentatorësh konservatorë dhe zyrtarësh të zgjedhur kritikuan atë që e quajtën “kulturë përjashtimi” dhe u bashkuan rreth kërkesës që zoti Biden të justifikojë pjesëmarrjen e SHBA-së në Lojërat Olimpike, duke pasur parasysh trajtimin që i bën qeveria kineze popullit të vet.

LEXO EDHE:  Vendimi për Tahirin/ Kush janë dy përfaqësueset e SHBA që ndoqën gjyqin maratonë

“Pasi Joe Biden të vendosë të bojkotojë Lojërat Olimpike në Kinë, ku regjimi komunist kinez po kryen gjenocid, atëherë ai mund të flasë për Xhorxhian”, shkruante në Twitter senatorja republikane Marsha Blackburn nga shteti Tenesi.

“Presim me padurim të shohim se çfarë do të thotë presidenti i Shteteve të Bashkuara në lidhje me rregullat e votimit të Kinës,” shkruante bordi editorial i gazetës Wall Street Journal.

Redaktorët e gazetës thonë se ata nuk mbështesin bojkotimin, megjithëse ata kërkojnë nga zoti Biden të shpjegojë pse ai nuk po bën thirrje për një gjë të tillë.

Mbështetja për bojkot

Megjithatë ka disa vjet që ligjvënës konservatorë kanë shprehur kundërshtime për pjesëmarrjen e plotë të SHBA-së në Lojërat e Pekinit. Ata kanë sugjeruar që nga bojkotimi i plotë e deri tek një “bojkot diplomatik” më i kufizuar, sipas së cilit delegacioni amerikan të drejtohej nga një zyrtar më i ulët i administratës dhe jo nga presidenti ose nënpresidentja.

Muajin e kaluar, senatori republikan Mitt Romney nga Utah, i cili ishte president dhe shef ekzekutiv i Komitetit Organizativ të Lojërave Olimpike Dimërore të vitit 2002 në Salt Lake të shtetit të tij, bëri thirrje për një bojkotim të kombinuar ekonomik dhe diplomatik të Lojërave Dimërore 2022. Ai shkruante në gazetën New York Times:

“Të demonstrojmë kundërshtimin tone ndaj abuzimeve të Kinës në një mënyrë që të dëmtojë Partinë Komuniste kineze dhe jo sportistët tanë amerikanë: pakësoni të ardhurat e Kinës, bllokoni propagandën e tyre dhe zbuloni abuzimet e tyre .”

Jules Boykoff, profesor i shkencave politike në Universitetin e Paqësorit dhe autor i katër librave rreth politikës së Lojërave Olimpike tha, “Shumë nga argumentat për bojkotimin e lojërave, ose zhvendosjen e tyre, në të vërtetë kanë ardhur nga qarqet Republikane. (Senatori i Floridës) Marco Rubio, për shembull, ka mbajtur këto qëndrime, ashtu si edhe (Kongresmeni) Christopher Smith në New Jersey.”

Prof. Boykoff thotë se këto argumenta kanë pasur mbështetje edhe nga demokratë.

” Pra ka mbështetje dypartiake për ta shqyrtuar këtë mundësi”, tha ai.

Bojkotimi i plotë nuk ka shumë gjasa të ndodhë

Megjithatë disa ekspertë besojnë se ka pak të ngjarë që të ndodhë diçka më shumë sesa një bojkot i kufizuar diplomatik.

Victor A. Matheson, një profesor në Universitetin Holy Cross në Boston i cili studion ekonominë e sportit, tha se historikisht, bojkotet olimpike kanë qenë shumë jopopullore brenda vendit sepse “sportistët humbin mundësinë për të konkurruar, dhe në shumë sporte, kjo është mundësia e vetme për përfitim financiar pas një pune ndoshta prej disa dekadash.”

“Do të isha shumë i befasuar nëse i bojkotojmë ato. Mendoj se do të ishte shumë e vështirë politikisht për Presidentin Biden, kryesisht sepse aq shumë amerikanë mendojnë për vetë sportistët, të cilëve do t’u mungonte kjo mundësi.”

Por fakti që ky debat po ndodh mund të jetë një shenjë se në të ardhmen, abuzimet me të drejtat e njeriut mund të jenë një faktor i rëndësishëm për t’u konsideruar kur organizatat ndërkombëtare shqyrtojnë ofertat për të organizuar aktivitete të mëdha./voa

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Kosovë-Serbi/ Vuçiç: Pres vazhdimin e dialogut në maj ose qershor

Publikuar

-

Nga

“Për inat të PE”/ Vuçiç bën deklaratën e fortë: Do të vazhdoj punën drejt delegjitimimit të pavarësisë së Kosovës

Presidenti i Serbisë, Aleksandër Vuçiç, deklaroi sot se pret që në takimet që do të zhvillojë në Bruksel  do të ketë bisedime pozitive dhe konstruktive si dhe vazhdimin e dialogut me Prishtinën në Maj ose Qershor.

Vuçiç u shpreh se gjatë vizitës së tij të parë në Bruksel, ai do të bisedojë me përfaqësuesit evropianë – Borell, Von der Leyen, Varhelyi dhe Lajçak.

Vuçiç ka folur edhe rreth dokumentit jo zyrtar të publikuar në disa media sllovene, ku bëhet fjale për ri përcaktim të kufijve në Ballkanin Perëndimor.

“Unë jam i zhgënjyer me çmobilizimin e plotë intelektual të publikut tonë, elitës dhe pseudo-elitës, ku ata ofrojnë vlerësime për diçka që askush nuk e ka parë në asnjë mënyrë dhe janë apriori pro ose kundër diçkaje. Unë iu përkas atyre që do t’i hidhen mbi kokë dikujt, pa parë diçka ”, tha Vuçiç./CNA.al

 

LEXO TE PLOTE

Bota

Shifrat/ Arrin në 3 milionë numri i viktimave në botë nga koronavirusi

Publikuar

-

Nga

Shifrat/Arrin në 3 milionë numri i viktimave në botë nga koronavirusi

Numri global i të vdekurve nga koronavirusi ka kapërcyer shifrën marramendëse prej 3 milionë njerëzish.

Të dhënat e regjistruara nga Universiteti Johns Hopkins, vijnë mes pengesave të përsëritura në fushatën e vaksinimit në mbarë botën dhe një krize të thelluar në vende të tilla si Brazili, India dhe Franca.

Numri i të vdekurve është afërisht i barabartë me popullsinë e Kievit të Ukrainës; Karakasin e Venezuelës ose qytetin metropolitan të Lisbonës në Portugali.

LEXO EDHE:  SHBA ka prova për sulmin kimik në Siri

LEXO EDHE:  Lotaria Amerikane/ Thirrja e ambasadës: Si të bëni një aplikim të suksesshëm

Shifra e vdekshmërisë në mbarë botën nga koronavirusi është më e lartë se popullsia e Çikagos (2.7 milionë) dhe e barabartë me popullsinë e Filadelfias dhe Dallasit të marra së bashku./voa

LEXO TE PLOTE

Kosova & Rajoni

Aksident i rëndë në Gjakovë/ Humbin jetën tre persona, dyshohet se janë shqiptarë

Publikuar

-

Nga

Një aksident i rëndë ka ndodhur mëngjesin e sotëm në fshatin Raçë të Gjakovës.

Mësohet se si pasojë e aksidentit kanë humbur jetën tre persona. Sipas mediave kosovare, dyshohet se viktimat janë shtetas shqiptarë.

“Ju njoftojme se sot rreth ores 07:40 policia është per një aksident ne Fshatin Raçë .Patrullat policore kane shkuar ne vendin e ngjarjes ku kane verejtur se brenda veturës e cila kishte dalë jashte rruges kane qenë 3 persona. Ne vendin e ngjarjes ka shkuar ambulanca , zjarrëfikser , njësia e trafikut si dhe prokurori kujdestar.Nga ana e personelit mjeksorë ne vendin e ngjarjes eshte konstatuar se personat qe gjendeshin brenda veturës ishin pa shenja jete. Ju mbajmë te informuar”, thotë zëdhënësi i Policisës së Kosovës për rajonin e Gjakovës, Nusret Gjurkaj./CNA.al

LEXO TE PLOTE