Qytetarët shqiptarë në zgjedhjet e 25 prillit, përveç partive tradicionale, do të kenë përballë tyre një sërë partish të reja, të cilat janë shgprehur optimist se do të kenë një rezultat të kënaqshëm.

Myslim Murrizi ë këto zgjedhje vjen me partinë e tij Lëvizja Demokratike Shqiptare, ndërsa në një intervistë për CNA.al u shpreh se do të arrijë të marrë mandat të sigurt në Fier dhe Tiranë, ndërsa shtoi se është shumë afër marrjes së një deputeti edhe në Korçë dhe Durrës.

“Unë nuk mbahem sikur shoh filxhan, filxhan sheh Mona, por unë do të marr mandate në Fier, Tiranë, jam shumë afër mandatit në Korçë, Durrës, do të luaj fort dhe do të ketë surpriza në Lezhë dhe Dibër. Nuk do të ketë qark të Shqipërisë që LDSH nuk do të ketë vota në 5197 qendra votimi që ka Shqipëria”, tha Murrizi.

Por për kandidatin e PS në qarkun e Fierit Bujar Çela synimi i Murrizit do të jetë i pamundur. Në një intervistë për CNA.al, Çela deklaroi se Murrizi do të arrijë të marrë vetëm pak vota nga partia që ka dalë, PD, por sipas tij pa arritur të krijojë një mandat.

“Unë jam deputet jo me korrespodent, jam përditë. Myslimi është pjesë e atyre që janë zemëruar me nënën dhe me babën dhe po mundohen të gjejnë strehë te komshiu e komshia. Mua nuk më shqetëson fare;. E shumta ai do të marrë ndonjë mandat nga e djathta, por unë nuk e besoj, forcë politike nga ka ardhur.

Por Myslimi ka një marrëdhënie të shumëfishtë, të shumëprovuar dhe asjë herë nuk ka marrë mandat. E shumta ai do heqë ca vota nga e djathta, por pa prodhuar mandat dhe pa dëmtuar mandat për ata, se për ne jo e jo”, tha Çela për CNA.al.

Partia Socialiste dhe Partia Demokratike, si forcat më të mëdha kanë shtuar retorikat e tyre se do të dalin forcë e parë në çdo qark.

Fieri, që deri më sot mbahet si bastion i së majtës, për socialistët është fitore e sigurt.

Në një intervistë për CNA.al, kandidati i PS Bujar Çela, i cili renditet i shtati në këtë qark shprehet se në zgjedhjet e 25 prillit kanë të sigurt 10 mandate parlamnentare, ndërsa shtoi se janë afër mandatit të 11.

Sipas tij, deri tani fushata elektorale po ecën mjaft mirë nga PS dhe PD, ndërsa theksoi se lista eopozitës është zgjeruar pa patur asnjë përfitim e duke futur kryetarët e partive të vogla për tu siguruar një mandat në Parlament.

“Fushata elektorale për mua ka ecur mjaft mirë, një fushatë e qetë. Të dyja partitë e mëdha për mua janë korrekte me sjelljen, pastaj ka nga të vegjlit të cilët për të përfituar nga  numrat që nuk i gjejnë dot sillen jo në përputhje me kodin dhe me ato që kemi miratuar.

Partitë e vogla e kam fjalën për pseudomotrën e të dyja partive të mëdha. Lista e madhe e PD ka futur një tufë pseudopartishë që kanë vetëm kryetarë dhe janë vendosur në listë për të futur kryetarët në Parlament. Këta pas dy vjetësh i ka marrë malli shumë për pushtet dhe janë kthyer me listat e PD-së.

Ne në qarkun e Fierit kemi 10 mandate dhe duam të bëjmë 11”, tha Bujar Çela për CNA.al.

Vllaznia-Laçi ishte një nga dy gjysmëfinalet e Kupës së Shqipërisë të luajtura ditën e sotme në “Loro Boriçi”. Takimi u mbyll me fitoren 1-0 për shkodranët, falë golit të shënuar nga Ardit Hoxhaj në pjesën e parë.

Në fund ndeshja u mbyll me tension dhe sherr nga të dyja ekipet. Mbrojtësi i Laçit, Obanor goditi me shkelm mesfushorin e Vllaznisë, Herald Marku. Pas ndeshjes është publikuar edhe fotoja teksa shihen qartë shenjat e takës që Obanor i ka bërë Markut. Një goditje e ashpër që padyshim do të jetë objekt i Komisionit të Disiplinës.