Connect with Us

Kreu 61 vrasje me dorën e tij, historia famëkeqe e Altin Dardhës

Lajme

Kreu 61 vrasje me dorën e tij, historia famëkeqe e Altin Dardhës

Publikuar

-

Autor i 61 vrasjeve të kryera me dorën e tij, Altin Dardha ka qenë një ndër emrat më famëkeq në Beratin e fillimit të viteve 90.

Gazetari Ferdinand Dervishi ka shkruar një libër mbi aktivitetin e tij kriminal. Dervishi shpejgon se rugëtimin e Altin Dardhës drejt famës dhe realitetit të një vrasësi të papërmbajtshëm, libri e sjell edhe si produktin e një shoqërie në krizë duke fajësuar sidomos mundësitë që politika dhe shteti i kohës u krijuan elementëve me tendenca kriminale.

“Nga nesër në librari mund të gjeni librin e ri “Altin Dardha, historia e plotë e banditit që kreu 61 vrasje”. Libri është një rikthim më shumë se dy dekada pas në historinë tonë dhe tenton ndriçimin e një pjese të errët të saj – vitit 1997. Për këtë arsye, rrugëtimin e Altin Dardhës drejt famës dhe realitetit të një vrasësi të papërmbajtshëm, libri e sjell edhe si produktin e një shoqërie në krizë duke fajësuar sidomos mundësitë që politika dhe shteti i kohës u krijuan elementëve me tendenca kriminale.
Në libër të gjithë personazhet vijnë me emrat e tyre të vërtetë, kjo në funksion të një qëllimi të vetëm – sjelljen e historisë sa më pranë së vërtetës. Ngjarjet kryesore dhe pothuaj të gjitha vrasjet e vjetra vijnë të provuara me dokumente zyrtare të policisë, Interpolit etj”, shkruan Dervishi ne një postim në rrjetet sociale.

Ndërkohë ai ka publikuar edhe parathënien e shkruar nga gazetari Armand Shkullaku që mund të krijojë një ide më të plotë për këtë libër.

Idiotët e krimit dhe idiotët e politikës

Nga Armand Shkullaku

Që kur e kam njohur, rreth 23 vjet më parë, Ferdinand Dervishin gjithnjë e kam lidhur me kronikat kriminale të Beratit të ’97-ës dhe me emrin e një krimineli të panjohur atëbotë në Tiranë, por me një histori nga ato që janë të destinuara të shndërrohen në mite, – Altin Dardha. Kjo lidhje ndoshta vinte dhe vjen prej faktit se Ferdinandi trokiti për herë të parë në dyert e revistës Klan duke sjellë për botim pikërisht profilin e përgjakshëm të Altin Dardhës apo edhe sepse më vonë u shndërrua në një “specialist” të historive të veçanta kriminale në faqet e të përjavshmes që unë drejtoja.

Aq e fortë qe kjo lidhje mes Ferdinandit dhe rrëfimit mbi personazhin famëkeq, saqë edhe sot e kësaj dite, të gjithë ne që kemi punuar me të në ato vite, vazhdojmë ta thërrasim me pseudonimin që nënshkroi shkrimin e tij të parë në revistë dhe të parin profil të një krimineli të frikshëm, për të cilin nuk ekzistonte asnjë foto dhe besohej se kishte aftësinë t’u shpëtonte plumbave të rivalëve.
Mesa duket fiksimi i vjetër i Ferdinandit nuk mund të rrinte gjatë i ndrydhur. Ai sot ka sjellë një libër, ose më mirë një roman kriminal, ku nëpërmjet historisë së pabesueshme të Altin Dardhës vjen edhe skicimi i çmendurisë shqiptare të vitit 1997.

Berati, një qytet i shquar për bashkëjetesën dhe qytetarinë, në mënyrë të befasishme gdhihet i copëtuar nga bandat, i dhunuar, i ngujuar brenda mureve të shtëpive dhe me një bilanc tragjik jetësh të humbura.
Në 23 vjet, autori ka mbledhur me një durim të pazakontë çdo dëshmi, dokumente të kohës, copëra gazetash, informacione zyrtare, data dhe ngjarje që ndërthuren sa në Berat po aq edhe në qytete të tjera të vendit për të shkuar në Athinë, Janinë, Napoli… e për t’u rikthyer në qytetin e një mijë e një dritareve të mbyllura.

Falë këtij kërkimi maniak të autorit, libri nuk është thjesht kronika e një krimineli, por një lloj guide për të mësuar dhe ndoshta kuptuar Shqipërinë e asaj kohe. Mbi 300 të vrarë, rreth 60 prej tyre nga dora e vetë Altin Dardhës, janë një pjesëz e çmendurisë tragjike të ’97-ës, e cila mori me vete afro 3 mijë jetë njerëzish dhe tronditi përgjithnjë mijëra të tjera.

LEXO EDHE:  “Një natë me vrasje dhe tritol”/ Berisha: Policia është në misionin e mbjelljevje stinore të hashashit

Në rrëfimin e Dervishit tregohet jeta dhe aktiviteti i disa kriminelëve të kohës, bëmat e të cilëve lidheshin me luftën për territor, hakmarrjen, vendosjen e autoritetit, por edhe vrasjet për argëtim apo për histori femrash.

Nuk mungojnë aty edhe fillesat e njëfarë lidhjeje të krimit me politikën, ndonëse me personazhe periferikë dhe ende larg organizimit që ndeshim sot. Kriminelët atë botë lejonin ose pengonin politikanët të bënin fushata e takime, vetëshpalleshin me njërin apo tjetrin krah dhe shfrytëzonin ndikimin e tyre për të bërë ligjin në territore ku policia ishte e zbythur dhe pa asnjë lloj autoriteti. Ligjin e bënin bandat, komisariatet i kontrollonin bandat, madje edhe gjyqet i bënin po bandat.
Saga kriminale e Beratit dhe posaçërisht ajo e Altin Dardhës, që shfaqet në këtë libër, të sjell ndërmend historinë e serialit të famshëm “Peaky Blinders” në Anglinë e fillimshekullit të kaluar apo të mafias italiane në New York-un e rrëfyer nga Scorcese.

Por personazhet e romanit kriminal të Ferdinand Dervishit janë ende larg organizimeve të tilla, që atje shkonin deri në sferat më të larta të pushtetit. Banditët e Beratit, por edhe në qytete të tjera të Shqipërisë, nuk ishin në gjendje ta fshihnin veprimtarinë e tyre, të organizoheshin mes vetes dhe ta përdornin forcën në funksion të ndonjë plani afatgjatë. Jo, ata ishin të dhunshëm dhe idiotë njëkohësisht. Vrisnin në mes të qytetit, godisnin me top shtëpitë e kundërshtarëve, dhunonin policinë para syve të qytetarëve, dinin të grabisnin, por jo të bënin parà. Ishin injorantë të destinuar për t’i ngrënë kokat njëri- tjetrit.

Për shumë nga ne që e kanë jetuar atë periudhë, libri i Dervishit është një rikthim në kohërat e absurdit ku jeta e çdokujt ishte një kapriçio e rastësisë. Por është një rikthim për të kuptuar më mirë, falë distancës kohore, aftësinë tonë vetëshkatërruese dhe vijimësinë e këtij romani kriminal që ende sot shkruhet nga personazhe të fortë, kriminelë e vrasës, që ndryshe nga idiotët e Altin Dardhës kanë ditur të fusin në dorë idiotët e politikës.

Libri i Dervishit është një lexim i domosdoshëm edhe për ata që nuk e kanë njohur çmendurinë shqiptare të ’97-ës. Me fare pak reflektim, aty mund të gjesh shumë shpjegime se përse vazhdimisht u afrohemi katastrofave të tilla dhe se përse në 30 vjet kemi ndërruar vetëm emrat dhe formën e banditëve që vazhdojnë të na mbajnë peng.

Ferdinand Dervishi, ose Fede, siç e thërrasim me pseudonimin që nënshkroi shkrimin e parë për Altin Dardhën, nëse do të ketë ende durimin dhe vullnetin e duhur, do të ishte rrëfimtari i goditur për vijimin e romanit tonë kriminal.
——-
Ballina dhe kopertina e pasme

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Lajme

Umlaut vlerëson Vodafone Albania rrjeti më i mirë fiks në Shqipëri

Publikuar

-

Nga

umlaut vlerëson Vodafone Albania rrjeti më i mirë fiks në Shqipëri

Pas 4 viteve rresht cilësuar si rrjeti më i mirë celular në vend, Vodafone merr për herë të parë çertifikimin edhe për cilësinë e rrjetit fiks. Një  prej kompanive lider ndërkombëtarë në testimin e cilësisë së  infrastrukturave dixhitale, umlaut, publikoi rezultatet e testimeve më të fundit të kryera në Shqipëri për rrjetin fiks, ku rezulton se Vodafone Albania ka marrë pikët më të larta për  gjithë treguesit e performancës së  rrjetit fiks.

Në një ceremoni të zhvilluar online, Drejtori i Përgjithshëm për Telekomunikacionin në umlaut, Hakan Ekmen, i dorëzoi virtualisht çmimin Vodafone dhe përgëzoi kompaninë  për arritjen e këtyre rezultateve në testim!.

Drejtori i Përgjithshëm për Telekomunikacionin në umlaut tha:

E përgëzojmë Vodafone dhe skuadrën për ofrimin e eksperienës më të mirë të rrjetit fiks në Shqipëri. Kjo arritje merr akoma më shumë vlerë në kohë të vështira si të pandemisë Covid-19, ku nevoja për një internet te mirë janë domosdoshmëri për të përballuar sfidat si puna apo edukimi në distancë”.

Drejtori i Përgjithshëm i Vodafone Albania, Achilleas Kanaris, u shpreh:

“Jemi shumë krenar për këte arritje. Edhe pse operojmë për një kohë të shkurtër në tregun fiks, angazhimi dhe investimet tona për zhvillimin e infrastrukturës fikse kanë dhënë rezultat. Tashmë i ofrojmë klientëve tanë rrjetin më të mirë celular dhe fiks kudo në Shqipëri. Kjo na afron akoma më shumë me aspiratën tonë për të realizuar shoqërinë dixhitale në Shqiperi.. Zhvillimi i infrastrukturës fikse është nje domosdoshmëri për një të ardhme më të mirë. Investimet tona do vijojnë dhe premtojmë të sjellim risi në treg falë prezantimit të teknologjive të reja dhe shërbimeve dixhitale që pozicionojnë Vodafone si partner i zhvillimit

LEXO EDHE:  “Një natë me vrasje dhe tritol”/ Berisha: Policia është në misionin e mbjelljevje stinore të hashashit

LEXO EDHE:  Itali- Vrau ish-bashkëshorten rumune me thikë/ Dëshmia e shqiptarit në polici

umlaut ka analizuar cilësinë  e internetit fiks në  Shqipëri, duke testuar performancën e shërbimeve në  nivel kombëtar. Bazuar në  testimet e kryera, Vodafone Albania arriti 709 pikë  nga 1000  për sa i përket performancës së  rrjetit fiks në  total, rezultate që  theksojnë edhe një herë standardin e lartë në cilësinë e shërbimeve të  ofruara nga Vodafone në Shqipëri.

Vodafone Albania ka qenë dhe do të jetë gjithmonë forca lëvizëse e zhvillimit të industrisë së komunikimeve elektronike në Shqipëri. Kjo arritje në testet e performancës së rrjetit është rezultat i investimeve të vazhdueshme në infrastrukturën e rrjetit dhe angazhimit maksimal të kompanisë për të garantuar cilësinë dhe shërbimet më të mira celulare dhe fiks në treg për klientët.

Për më shumë informacion vizitoni: https://www.umlaut.com/en/benchmarking/albania

LEXO TE PLOTE

Aktualitet

Credins Bank vazhdon të mirëpresë artistë dhe artin e tyre në degën e saj qëndrore

Publikuar

-

Nga

Kur bëhet fjalë për ndjesitë që të jep një pikturë, mund të themi me plot bindje që gjithësecili nga ne përjeton emocione dhe eksperienca të ndryshme teksa e sheh.

Por, një gjë është e sigurt, kur këto emocione përjetohen nëpër muzeume apo ekspozita është vërtetë një eksperiencë mbresëlenëse. Është akoma edhe më bukur kur na ofrohet mundësia që ta përjetojmë artin në përditshmërinë tonë.

Credins Bank, si një bankë që gjithmonë vlerëson dhe ka pasur në fokus suportin ndaj artit dhe artistëve, vazhdon si çdo muaj të mirëpresë në zyrat e degës qëndrore ekspozita nga artistë te njohur Shqiptarë.
Bashkëpunimi këtë muaj do të jetë me artistin Dastid Miluka, një artist tepër i talentuar me një ekperiencë shumë-vjeçare në botën e artit. Pikturat e tij rrëfejnë histori të ndryshme, kthim pas në kohë, udhëtim nostalgjik duke i kombinuar me përjetime nga e tashmja. Një përqasje midis realitetit dhe fantazisë, e shprehur në ngjyra, tone dhe forma të ndryshme, i bëjnë veprat e Z. Miluka shumë të veçanta dhe të ngjallin interes për t’u parë nga publiku.

Dastid Miluka ka mbaruar universitetin e Arteve të Tiranës, dhe ka qënë pjesëmarrës në shumë ekzibicione e aktivitete nëpër Shqipëri e shumë vende të tjera të botës si Belgjikë, Zvicër, Francë, Hollandë ku ka demonstruar talentin e tij.

Ndaj Credins bank ka vendosur të paraqesë disa prej punëve te tij në ambientet e saj. Duam që kur klientët të vijne pranë bankës tonë, të ndihen komodë dhe të kënaqur jo vetëm nga facilitetet në shërbime që u ofrojmë dhe nga stafi ynë mikpritës, por edhe të kënë mundësinë të përjetojnë një eksperiencë të veçantë dhe të mësojnë më shumë për artin dhe artistët Shqiptarë.

LEXO EDHE:  Vrasja e gjykatësit italian nga mafia/ Meta: Arsyeja përse mbetet i pavdekshëm

LEXO EDHE:  Vrasja në Elbasan/ Shehi: Opozita nuk do tensione, jemi në buzë të selametit

Në këtë mënyrë, jo vetëm jemi suport për artin dhe artistët, por ndajmë me klientët tanë ndjesitë e veçanta që bota e artit të jep. Është dhe një mënyrë shumë interesante për t’u bërë një me konceptet e artistit si dhe të mësosh më shumë për të.

Këtë herë, ju ftojmë të na vizitoni pranë degës sonë qëndrore dhe të shijoni veprat e Z. Miluka ndërkohë që merrni çfarëdolloj shërbimi bankar që ju nevojitet.

Ju mirëpresim!

LEXO TE PLOTE

Lajme

Olta Gixhari shpërthen keq ndaj Veliajt/ “Është jashtë trurit”

Publikuar

-

Nga

Olta Gixhari shpërthen keq ndaj Veliajt/ “Është jashtë trurit”

Aktorja Olta Gixhari ka shpërthyer keq ndaj kryebashkiakut Erion Veliaj përsa i përket gjobave që ka marrë së fundi për parkimin e makinës. Aktorja ka treguar se është gjobitur sërish pasi ka parkuar para shtëpisë edhe pse mban vulën e rezidentit.

E revoltuar Olta i është drejtuar Veliaj duke i thënë se i ka rënë kryq e tërthor zonës ku jeton dhe nuk gjen asnjë vend parkimi pa pagesë.

Për më tepër shihni reagimin e saj në videot e mëposhtme./ CNA.al

LEXO TE PLOTE