Connect with Us

Deri më 19 prill, çdo i rritur në SHBA kualifikohet për vaksinën

Bota

Deri më 19 prill, çdo i rritur në SHBA kualifikohet për vaksinën

Publikuar

-

Deri më 19 prill, çdo i rritur në SHBA kualifikohet për vaksinën

Presidenti amerikan Joe Biden njofton të martën se çdo i rritur në vend mund të vaksinohet duke filluar nga 19 prilli, rreth dy javë më herët se afati që kishte njoftuar ai më herët.

Ndërsa shtohen furnizimet me tre vaksinat në SHBA, zoti Biden tha javën e kaluar se rreth 90% e të rriturve amerikanë do të kualifikoheshin deri në datën 19 prill, por tani ai po e zgjeron këtë numër duke përfshirë të gjithë të rriturit që duan të vaksinohen.

Sondazhet në shkallë vendi tregojnë se rreth 20% e të rriturve thonë se për arsye të ndryshme do të refuzojnë të vaksinohen.

Disa kanë thënë se mendojnë se është e panevojshme ose se injeksionet mund të rezultojnë të dëmshme, ndërsa të tjerë kanë shprehur mosbesim tek një program i drejtuar nga qeveria.

Përqindja e atyre që kundërshtojnë vaksinat ka rënë gjatë muajve të fundit, pasi shumica e njerëzve të vaksinuar nuk kanë raportuar asnjë ose vetëm efekte të përkohshme që nuk zgjasin më shumë se një ditë.

Zoti Biden, i cili u vaksinua para se të merrte detyrën në janar, do ta bëjë njoftimin në Shtëpinë e Bardhë pasi të vizitojë një qendër vaksinimi në Virxhinia, në periferi të Uashingtonit.

LEXO EDHE:  Mjeku kritikon Top Channel/ "Edhe në humor folën për COVID-19, duhet të qetësonin qytetarët"

Ai pritet të bëjë komente mbi “situatën e vaksinimeve” në vend. Shifrat e fundit të qeverisë tregojnë se më shumë se 62 milionë amerikanë janë vaksinuar plotësisht, rreth 23% e popullsisë mbi moshën 18 vjeçare.

Më shumë se 107 milion njerëz kanë marrë të paktën një dozë të vaksinave Moderna dhe Pfizer-BioNTech dhe një grup më i vogël njerëzish atë me një dozë të vetme të prodhuara nga Johnson & Johnson.

Fillimisht, Shtetet e Bashkuara i vunë vaksinat në dispozicion të të moshuarve dhe punonjësve thelbësorë të vijës së parë.

Data e re e kualifikimit brenda dy javësh do t’u japë të gjithë të rriturve një shans për t’u regjistruar për vaksinim./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

COVID-19 në Kosovë/ 9 viktima gjatë 24 orëve të fundit

Publikuar

-

Nga

Në Kosovë gjatë 24 orëve të fundit kanë humbur betejën me Covid-19, nëntë qytetarë, ku tre prej të cilëve në Prishtinë.  Lajmi i mirë është që janë shpallur të shëruar 727 pacientë.

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratorët private me metodën RT-PCR, si dhe laboratorët publike dhe private me metodën RAT, janë testuar gjithsej 4.351 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 571 raste pozitive./CNA/al

LEXO TE PLOTE

Kosova & Rajoni

Masat e shtrënguara nga Covid-19 në Kosovë/ Mbi 13 mijë qytetarë dynden drejt Shqipërisë

Publikuar

-

Nga

Mëngjesin e sotëm mbi 13 mijë qytetarë Kosovarë kaluan kufirin Vërmicë-Morinë, për të kaluar fundjavën në shtetin shqiptar, shumica prej tyre pranë bregdetit.

Qytetarët janë ndikuar janë ndikuar edhe nga masat e reja shtrënguese që vendosi Kosova kundër përhapjes së Covid-19.

Sipas Qendrës për Menaxhimin e Kufijve, në Vërmicë mëngjesin e së shtunës janë krijuar kolona deri në 400 metra, teksa pritjet janë shtuar deri në 30 minuta për të kaluar në anën e Shqipërisë./CNA.al

LEXO TE PLOTE

Bota

Covid-19/ Vaksina ruse “Sputnik“ do të mbërrijë në Gjermani

Publikuar

-

Nga

Qeveria federale do të negociojë me Rusinë për vaksinën kundër koronavirusit Sputnik V. Ministri i Shëndetësisë Jens Spahn tërheq vëmendjen, që të mos nxitet një debat me përfytyrime të gabuara.
“Vaksinat nuk kanë ideologji “, u shpreh kryeministri i Bavarisë Söder, përpara se ai të deklaronte për një marrëveshje paraprake për vaksinën ruse. Tani nisma e tij lidhur me Sputnik V po përkrahet në mbarë federatën. Madje edhe ministri federal i Shëndetësisë Jens Spahn vuri në dukje, se po bisedohet me Moskën për furnizimin me vaksinën ruse. Megjithatë ministri tërhoqi vëmendjen, që të mos nxitet një debat me përfytyrime të gabuara, sikurse u shpreh ai për median publike WDR.

Licencimi, kushtet, afatet, sasia

Porositja e vaksinës Sputnik V duhet të kapërcejë disa pengesa. Spahn theksoi, se fillimisht duhet pritur licencimi i kësaj vaksine nga BE-ja. “Për këtë Rusia duhet të furnizojë”. Për aq kohë sa nuk ka furnizim, nuk mund të ketë as licencim.

Çështja tjetër është porosia, tha Spahn. Komisioni i BE-së ka deklaruar, se ndryshe nga sa është vepruar me prodhuesit e tjerë si BioNTech, Moderna dhe AstraZeneca – me Sputnik V nuk do të ketë marrëveshje.
Po ashtu duhet të sqarohet, se kur dhe çfarë sasie mund të furnizohet, tha Spahn. “Për të bërë ndryshimin nga gjendja aktuale do të duhet që furnizimet të vijnë në dy deri në katër në muajt e ardhshëm – sepse në fakt për afat më të gjatë ne gjithsesi do kemi mjaftueshëm vaksina.”

“Sputnik V nuk mund të ndihmojë shpejt”

I ngarkuari i Komisionit të BE-së për vaksinat është skeptik. I pyetur nëse mund të ndihmojnë preparatet nga Rusia ose Kina që deri në verë të vaksinohet 70 përqind e të rriturve në BE, Thierry Breton në një blog shkruan: “Druaj, se përgjigja është jo.”

Francezi thekson, se nuk ka arsye të dyshojë në efikasitetin, sigurinë dhe cilësinë e vaksinave, që vijnë jashtë BE-së. Por megjithatë për ta vlerësuar këtë është kompetencë e Autoritetit Europian të Barnave EMA. Kjo instancë kryen verifikimet që nga fillimi i marsit. Sidoqoftë çdo sipërmarrje që do të prodhojë një vaksinë të re, duhet të presë të paktën dhjetë muaj, shkruan Breton. Ndaj duhet të përqendrohemi tek vaksinat, që ndërkohë janë licencuar ose-janë në prag të licencimit në BE.

LEXO EDHE:  E rëndë në Korçë/ Humbin jetën nga Covid prindërit e drejtorit të spitalit

LEXO EDHE:  10 raste të reja me Covid-19 në Kosovë/ Shërohen 38 të infektuar

Sa i sigurtë është prodhimi në Rusi?

Vendi anëtar i BE-së, Hungaria, në shkurt e ka licencuar në nivelin kombëtar vaksinën ruse Sputnik V dhe është duke e përdorur atë. Edhe Sllovakia e Çekia kanë porositur vaksinën Sputnik V, pa pritur licencimin e saj prej EMA-s. Por ndërkohë Sllovakia ka marrë një seri prodhimi të vaksinës nga Rusia, që ndryshon prej serive të tjera të verifikuara ndërkohë nga EMA dhe revista mjekësore “The Lancet”. Autoriteti sllovak i mbikqyrjes së barnave SUKL nuk mund t’i vlerësojë avantazhet dhe rreziqet e 200.000 dozave të livruara. Ndaj për mungesë të të dhënave nga prodhuesi vaksina nuk po përdoret.

Kryeministrat e landeve gjermane nuk janë në unanimitet

Pavarësisht nga kjo kryeministri i Saksoni-Anhaltit Reiner Haseloff dhe ministri i Shëndetësisë në Mecklenburg-Pomerani, Harry Glawe (të dy kristiandemokratë), shohin shanse të mëdha nga blerja e vaksinës ruse Sputnik V. Ndërsa Saksoni-Anhalt mbështetet edhe tek sugjerimi i qeverisë federale, kurse landet Mecklenburg-Pomerani dhe Bavaria kanë deklaruar, se do të veprojnë në mënyrë të mëvetsishme. Por ka edhe rezerva si p.sh. nga kryeministrja socialdemokrate e landit Renani-Palatinate Malu Dreyer. “Për sigurimin e vaksinave është përgjegjëse qeveria federale”, tërheq vëmendjen politikania socialdemokrate./DW

LEXO TE PLOTE