Connect with Us

PPP-të e aeroporteve/ Efektet pozitive zbehen tërësisht nga rreziqet në planin afatgjatë

Ekonomi

PPP-të e aeroporteve/ Efektet pozitive zbehen tërësisht nga rreziqet në planin afatgjatë

Publikuar

-

Në kulmin e pandemisë dhe nën ethet e fushatës elektorale për zgjedhjet e 25 prillit, aeroportet kanë qenë një temë me vëmendje të veçantë për qeverinë.

Pas zvarritjeve të vazhdueshme të procedurës për aeroportin e Vlorës, për të cilin, jo pak herë u lakua se kishte interes shumë të lartë, vetëm dy kompani paraqitën oferta, ku njëra nuk përmbushte asnjë kriter. Kompania tjetër, një konsorcium mes Mabco Construction (Mabetex Group – 50% të aksioneve), YDA – Group (48%) dhe 2A Group SH.P.K (2%) ofroi 104 milionë euro, duke u shpallur fitues.

Por nuk është vetëm Vlora, aeroporti i Kukësit, i cili është dhënë me koncesion 35-vjeçar, u bë në disa raste “podium” ku u nënvizuan premtimet e mbajtura dhe si kreu i qeverisë Rama, ashtu edhe ministrja Balluku thanë se në prill do të nisin fluturimet. Për ta ilustruar këtë konkretisht, nuk munguan edhe demonstrime fluturimi, kritikuar jo pak nga njohësit e sektorit.

Entuziazmi i qeverisë me aeroportet kulmoi së fundmi me aeroportin e Sarandës. Jo se projekti nuk ishte lakuar më herët, por ministrja e Energjisë dhe Infrastrukturës deklaroi se pritej që shumë shpejt të shpallej gara. Sipas saj, në momentin që nënshkruhej kontrata për Vlorën do të nisin procedurat për aeroportin e Sarandës dhe për ta çuar para si projekt.

Ende mbetet për t’u parë sesi do të jetë skema e aeroportit të Sarandës, pasi Kukësi dhe Vlora janë me trafik të garantuar. Kjo do të thotë se të ardhurat e munguara ndaj kompanive, në rast se nuk arrihet trafiku, do të paguhen nga buxheti me paratë e taksapaguesve shqiptarë.

Aeroporti i Vlorës, qeveria garanton 138 milionë euro për kompaninë

Ndërtimi i një aeroporti në Jug të vendit padyshim që ka anët e mira, ashtu sikurse mbart edhe rreziqe. Ervin Minarolli, ish-drejtor i Autoritetit të Aviacionit Civil, shprehet se nëse projekti do të ishte më i vogël, do ta kthente më shpejt investimin e për rrjedhojë, do të kishte më pak ndikim në buxhet.

“Në qoftë se në Vlorë do të zhvillohej një aeroport modest, sigurisht që vlera e investimit do të ishte shumë e vogël dhe projekti më i justifikuar. Në çdo rast, duhet të kemi parasysh që pavarësisht dëshirës, aeroporti i Vlorës, jashtë sezonit veror, nuk mund ta konkurrojë Aeroportin e Tiranës, duke pasur parasysh dhe zonën e mbulimit për secilin prej tyre. Për më tepër që qeveria premton ulje me 25% të tarifave aeroportuale, gjë që e vështirëson dhe më shumë kthimin në kohë të investimit” – pohon Minarolli.

Vetë qeveria, në dokumentet e saj, pranon se një aeroport që nis nga green fjeld, pra ndërtohet nga e para dhe nuk ka të dhëna të sakta mbi pritshmërinë e trafikut, mbart rreziqe të larta. Mungesa e sigurisë për trafikun bëri të tërhiqej edhe kompania turke, e cila shfaqi interes në fazat e para kur u lakua aeroporti i Vlorës, në vitin 2018.

“Referuar të ardhurave totale të parashikuara në skenarët e studimit, vënë në dispozicion të Komisionit, shprehemi se ky projekt mbart risqe të larta për arsye se është një aeroport, i cili ndërtohet nga fillimi në një zonë të gjelbër (green field), dhe është e pamundur të parashikohet me saktësi trafiku dhe nuk ka një bazë të dhënash. Gjithashtu, sipas parashikimit të konsulentit, të kontraktuar nga Autoriteti Kontraktor për kryerjen e studimit, vërehet një normë e ulët kthimi në rastin bazë, e cila arrin 9.23%.

PPP-të e aeroporteve/ Efektet pozitive zbehen tërësisht nga rreziqet në planin afatgjatë

Në këto kushte, në rast se do të vendoset të vazhdohet me zhvillimin e këtij projekti, atëherë autoriteti kontraktues do të marrë masat për të garantuar të ardhurat e parashikuara në skenarin bazë, pra të ardhurat e munguara, midis nivelit faktik dhe atij të parashikuar në skenarin bazë për 10 vitet e para të operimit” – thuhet në dokumentet e hartuara nga konsulenti për këtë projekt.

 

Referuar tabelës, parashikohet që të ardhurat e garantuara në skenarin bazë për 10 vitet e para të operimit të jenë 9.6 milionë euro në vitin e katërt, 10.3 milionë në vitin e pestë, 11.2 milionë për të gjashtin, 12.1 milionë për të shtatin e kështu me radhë, me një kulmim prej 18.6 milionësh në vitin e trembëdhjetë nga nënshkrimi i kontratës. Në total, të ardhurat e garantuara duhet të jenë rreth 138 milionë euro.

Në rast të tejkalimit të të ardhurave të parashikuara në rastin optimist, atëherë të ardhurat mbi nivelin e parashikuar do të ndahen në raport 50:50 me shtetin.

Këto parashikime janë bërë përpara periudhës së pandemisë, ndërsa nuk ka vlerësim se si do të ndikojë situata aktuale në trafikun e pasagjerëve.

Rreziku mjedisor në lagunën Vjosë-Nartë dhe dilema e sigurisë së fluturimeve

Aeroporti i Vlorës do të ndërtohet në zonën e Akërnisë, afër me lagunën Vjosë-Nartë. Projekti vlerësohet se seriozisht mund të kërcënojë biodiversitetin e zonës sipas ambientalistëve. Aleksandër Trajçe, Drejtor Ekzekutiv i Shoqatës së Ruajtjes dhe Mbrojtjes së Mjedisit Natyror në Shqipëri, thotë se kërcënimi nuk është vetëm mjedisor, por fakti që ky është një korridor për shpendët shtegtarë, mund të kthehet në rrezik serioz edhe për fluturimet.

“Ndërtimi i aeroportit në brendësi të zonës së mbrojtur Vjosë-Nartë do të kishte pasoja shkatërrimtare për biodiversitetin e zonës dhe sidomos për shpendët folezues dhe migratorë, të cilët janë me mijëra në zonë. Për më tepër, prania e mijëra flamingove, pelikanëve, çafkave dhe shpendësh të tjerë të mëdhenj e rrit thellësisht rrezikun e përplasjes së tyre me avionët, çka përbën një rrezik serioz dhe për sigurinë e njerëzve” – pohon ai.

Trajçe nënvizon se në raportin e ruajtjes së biodiversitetit dhe zhvillimit ekonomik intensiv duhet të kishte mbizotëruar i pari, të paktën në një zonë që ka statusin “zonë e mbrojtur”. Ai vlerëson se një aeroport mund të ishte menduar diku më larg kësaj zone dhe këtu t’i lihej vendi aktiviteteve më miqësore me mjedisin dhe me zhvillim të qëndrueshëm.

“Qartazi që, në zonat e mbrojtura duhet të mbizotërojë ruajtja e natyrës dhe jo të prioritizohen modele intensive të zhvillimit ekonomik. Vjosë-Narta është një zonë e mbrojtur që në vitin 2004 dhe si e tillë, duhet të orientohet drejt ruajtjes së vlerave natyrore dhe biodiversitetit dhe jo drejt zhvillimeve intensive ekonomike. Modelet e ekonomisë së qëndrueshme si eko-turizmi, agro-turizmi apo turizmi i natyrës në përgjithësi janë prevalente në zona të mbrojtura.

Ndikimi në turizëm, pozitiv; A ka logjikë ekonomike për dy aeroporte në Jug?

Një nga lobuesit më të mëdhenj për praninë e një aeroporti në Jug të vendit ka qenë sektori i turizmit. Tur-operatorët, në jo pak raste, kanë lakuar se shumica e agjencive të huaja shohin me dyshim zgjerimin e turizmit të organizuar drejt Jugut, edhe për shkak të kohës së gjatë të udhëtimit.

LEXO EDHE:  Një tjetër shtet nis vaksinimin kundër Covid/ Zbulohet ku u bë injeksioni i parë

Megjithatë, në këtë aspekt, ndikon disi edhe mungesa e strukturave të mëdha të akomodimit. Sinjalet për një aeroport në Jug vlerësohet se mund të nxisin pikërisht investimet në struktura akomoduese me kapacitet të lartë në këtë rajon. Stela Dhami, Drejtore e Colliers International Albania, shprehet se kanë nisur interesimet e para për mundësitë e investimit në struktura akomodimi nga marka të njohura ndërkombëtare.

“Lajmi për aeroportin e Vlorës, patjetër që është një lajm pozitiv për zhvillimin e mëtejshëm të turizmit në vend. Shpesh kam cituar se pa pasur infrastrukturë turistike është shumë e vështirë që të tërhiqen drejt bregdetit shqiptar marka ndërkombëtare, të cilat do të përmirësonin prurjet e turistëve në Shqipëri dhe për rrjedhojë, do të ndikonin pozitivisht për imazhin e vendit.

Ndërtimi i aeroportit dhe komercializimi i tij, marrëveshjet me operatorë të caktuar turistikë, si dhe me agjenci ajrore të rëndësishme do të sillnin një fluks turistësh, nga i cili do të përfitonte e gjithë industria jonë e turizmit. ‘Colliers’, muajt e fundit, ka përfunduar një marrëveshje me një brand tjetër me 5 yje, i cili pritet të hyjë në Shqipëri në vitet e ardhshme, me një hotel prej 400 dhomash në zonën e Dhërmiut dhe mund të them me plot gojën, se aeroporti i Vlorës ka qenë një prej elementeve, i cili i ka bërë kompanitë të kenë dyshime mbi strategjinë e zhvillimit të turizmit.

Prandaj theksoj që lajmi për ndërtimin e tij është një shtysë e mëtejshme për ardhjen e më shumë markave prestigjioze në vend. Por e theksoj, që është shumë e rëndësishme me cilat agjenci fluturimi do të krijohen marrëveshje kontraktuale, sepse ato kanë në dorë të sjellin turizmin masiv drejt të cilit besoj se duhet të rrimë larg, apo turizmin më të qëndrueshëm” – nënvizon Dhami.

Gjithsesi, dilema në këtë rast, shtohet me aeroportin e Sarandës. Më herët kur është lakuar mundësia e një aeroporti në Jug, dilema ka qenë mes një aeroporti në Vlorë, Gjirokastër apo Sarandë. Prania e dy aeroporteve në një afërsi të tillë vlerësohet, sipas ekspertëve të fushës, si një risk për qëndrueshmërinë e tyre financiare.

Trafiku aktual, Italia mbetet destinacioni kryesor, me 50% të fluturimeve

Në vitin 2019, në Aeroportin Ndërkombëtar të Rinasit, i vetmi deri tani u arrit rekordi i pasagjerëve prej 3.3 milionë. Që prej vitit 2012, që përkon edhe me hapjen e vizave, trafiku ka njohur rritje dyshifrore, që u përshpejtua sidomos pas vitit 2017, kur vendi filloi të kthehej në një destinacion të preferuar turistik për të huajt.

Në vite normale, Italia ishte destinacioni kryesor i fluturimeve me rreth 50% të totalit (kryesojnë Roma e Milano), ndonëse pesha e saj ka ardhur në ulje të lehtë vit pas viti, si rrjedhojë e shtimit të linjave drejt shteteve të tjera, si Gjermania, apo Mbretëria e Bashkuar.

Rritje njohën dhe çarterat, të nxitur nga turizmi. Në total, përmes çarterave fluturuan 324 mijë pasagjerë në 2019-n, me një rritje prej 10% me bazë vjetore. Avionët direkt nga Polonia përbënin pjesën më madhe të trafikut të çarterave. Hyrja e operatorëve loë cost, sidomos Ëizz Air solli dhe një rënie të ndjeshme të çmimeve të biletave.

Në 2020-n, tregu i udhëtimeve ishte më i godituri nga pandemia, me trafikun e pasagjerëve që u tkurr me 61%. Dr. Constantin von Alvensleben, Drejtor i Përgjithshëm Ekzekutiv, Tirana International Airport ka pohuar më herët për Monitor se rikuperimi do të jetë i ngadaltë.

“Edhe në skenarin më pozitiv, ekspertët nuk presin rikuperim në nivelet e 2019-s para vitit 2024. Por, ekziston një perspektivë shumë reale që kjo rimëkëmbje mund të zgjasë edhe më shumë, ndoshta deri në vitin 2029. Sipas planit të deritanishëm, shpresojmë të arrijmë në 1.7 milionë pasagjerë, nga 1.3 milionë pasagjerë në vitin 2020. Ky sigurisht që është skenari më optimist”.

Drejtori i TIA nuk e sheh si “kërcënim” Aeroportin e Kukësit. “Besojmë se në të ardhmen do të ketë rritje të kërkesës, pavarësisht efekteve të pandemisë në sektorin e turizmit. Shqipëria i ka të gjitha potencialet që të jetë më aktive dhe më atraktive, jo vetëm për sezonin e verës, por gjatë gjithë vitit. Parë në këtë këndvështrim, mendojmë se për vetë pozicionin e aeroportit të Kukësit do të jetë një vlerë e shtuar. Aeroporti i Kukësit përbën një rritje të rëndësishme të ofertës së fluturimeve në Shqipëri, veçanërisht për Veriun dhe për nga madhësia, mendoj se do të jetë një konkurrent i drejtpërdrejtë i Aeroportit të Prishtinës dhe Shkupit”.

Si konkurrent të drejtpërdrejtë ai sheh aeroportin ndërkombëtar të Vlorës. “Pa diskutim që ndërtimi i aeroportit të ri në Vlorë do të thotë konkurrencë për TIA-n, në veçanti për të gjithë pasagjerët që jetojnë në Jug ose që udhëtojnë drejt Jugut. Të gjithë besoj jemi dakord me faktin që konkurrenca na nxit të jemi në përmirësim të vazhdueshëm dhe përmirësimi na bën edhe më konkurrues edhe përtej nesh.

Aeroporti i Vlorës do të jetë një destinacion turistik dhe shumica e pasagjerëve që vizitojnë Shqipërinë gjatë sezonit të verës, veçanërisht ata që zgjedhin Jugun, do t’i drejtohen pikërisht këtij aeroporti. Kjo për ne është konkurrencë e drejtpërdrejtë, pasi gjatë sezonit të verës ne kemi dhe fluksin më të madh të pasagjerëve. Megjithatë, ne vlerësojmë se Shqipëria ka ende potenciale të pashfrytëzuara në sektorin e aviacionit civil.

Nëse i referohemi situatës aktuale të shkaktuar nga COVID-19, treguesit nuk janë pozitivë dhe rritja e konkurrencës do të na i vështirësonte paksa gjërat. Shpresojmë që kjo situatë të ndryshojë në të ardhmen. Jemi të bindur në potencialet që ofron Shqipëria, veçanërisht në sektorin e turizmit, dhe besojmë se në vitet e ardhshme, paralelisht me rritjen e investimeve në këtë sektor dhe zgjerimin e hapësirave akomoduese, do të ketë një rritje të vazhdueshme të interesit të turistëve të huaj.

Aeroporti i Vlorës, në këtë kuptim, do të jetë një aktor i rëndësishëm në rritjen e trafikut ajror. Shpresojmë që do të mund të rikuperojmë “humbjet” nga konkurrenca, me rritjen e përgjithshme të numrit të turistëve në të ardhmen”, pohon ai./Monitor

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Ekonomi

BSH: Efekti direkt i pandemisë u ndie më shumë në hoteleri dhe në industrinë përpunuese

Publikuar

-

Nga

Banka e Shqipërisë e vlerëson rreth 6.3% efektin e drejtpërdrejtë negativ të pandemisë në ekonominë shqiptare për 9 muajt e parë të vitit 2020.

Vlerësimi është kryer duke marrë parasysh ndikimin e masave kufizuese të ndërmarra në secilin komponent të kërkesës agregate dhe, më tej, nëpërmjet aplikimit të tabelave input-output, është filtruar ndikimi i tyre në Prodhimin e Brendshëm Bruto.

Nga kjo analizë, ka rezultuar që sektorët që pësuan goditjen më të fortë nga pandemia ishin Akomodimi, Shërbimet dhe Industria Përpunuese. Sipas Bankës së Shqipërisë, rreth 75% e ndikimit të vlerësuar negativ të pandemisë së Covid-19 u përqendrua në këta tre sektorë. Pjesa tjetër e ndikimit negativ u shpërnda mes ndërtimit, industrisë nxjerrëse dhe tregtisë, çka tregon se në këta sektorë ndikimi ishte më i kufizuar. Sektori ku ndikimi i pandemisë u vlerësua më i ulët ishte bujqësia, duke qenë se aktiviteti i fermerëve nuk u ndikua shumë nga masat shtrënguese.

E zbërthyer sipas komponentëve të kërkesës agregate, rezulton se goditjen më të fortë e kanë pësuar eksportet, të cilat kanë rënë me 40.6%. Për eksportin e mallrave dhe të shërbimeve, vlerësimet janë bazuar në treguesit faktikë të tregtisë së mallrave dhe të shërbimeve.

Ndërkohë, komponentët e kërkesës së brendshme, konsumi privat dhe investimet kanë rënë përkatësisht me 4.5% dhe 5.8% në terma vjetorë. Për konsumin privat, vlerësimi është mbështetur në nën-komponentët sektorialë të kërkesës konsumatore, të cilët u ndikuan nga mbyllja dhe nga kufizimet në aktivitetet e bareve dhe restoranteve, e transportit publik dhe privat, e transportit ndërkombëtar të udhëtarëve etj. Për investimet, vlerësimi është bazuar në ecurinë e sektorit ndërtues dhe të importit të mallrave kapitale.

LEXO EDHE:  Skënder Brataj kundër Akademisë së Shkencave/ Kanë nxjerrë rezultate të pavërteta, ja sa është imunizimi

LEXO EDHE:  Menaxhimi i pandemisë nga qeveria/ Noka: Edi Rama ka kopjuar programin e PD-së

Paralelisht, Banka e Shqipërisë ka kryer edhe një vlerësim për efektin e goditjes në punësim, që vlerësohet në rreth -3% në terma mesatarë vjetorë. Kjo goditje vlerësohet të ketë prekur kryesisht punësimin e aktiviteteve “Akomodim”, “Industri përpunuese” dhe “Shërbime të tjera”. Sipas madhësisë së ndërmarrjeve, rënia e punësimit vlerësohet e shpërndarë përkatësisht, 39.6% në ndërmarrjet me mbi 50 të punësuar, 39.5% në ndërmarrjet me 1-9 të punësuar dhe 21% në ndërmarrjet e vogla.

Shpejtësia dhe ashpërsia e impaktit të masave shtrënguese të ndërmarra ndikoi negativisht edhe besimin e konsumatorëve dhe bizneseve, duke rritur pasigurinë e tyre për të ardhmen. Treguesi i ndjesisë ekonomike preku nivelin më të ulët historik në tremujorin e dytë të vitit. Mbyllja e detyruar e aktivitetit, rënia e kërkesës së brendshme dhe të huaj, problemet në zinxhirët e furnizimit dhe në qarkullimin e punonjësve ishin arsyet e raportuara nga bizneset si përgjegjëse për rënien e aktiviteteve në prodhim dhe shërbime, në reduktimin e punësimit dhe në përkeqësimin e gjendjes financiare.

Nga ana e tyre, Banka e Shqipërisë thekson se konsumatorët u bënë më pesimistë për të ardhmen, të ndikuar kryesisht nga pritjet negative për punësim, ndërkohë që kujdesi i shtuar në kryerjen e shpenzimeve u pasqyrua tek vlerësimet e tyre në rënie për blerjet e mëdha. Por, me lehtësimin gradual të masave, besimi i agjentëve ekonomikë erdhi në përmirësim dhe arriti të rikuperojë pothuaj 85% të rënies së shënuar në tremujorin e dytë./Monitor

LEXO TE PLOTE

Ekonomi

Shifrat e FMN-së/ Ekonomia shqiptare pritet të arrijë nivelin e parakrizës që këtë vit

Publikuar

-

Nga

Shifrat e FMN-së/ Ekonomia shqiptare pritet të arrijë nivelin e parakrizës që këtë vit

Fondi Monetar Ndërkombëtar është optimist që ekonomia shqiptare do të arrijë nivelin e parakrizës që këtë vit.

Në të dhënat e publikuara të Pasqyrës Ekonomike Globale të prillit, FMN parashikon që Prodhimi i Brendshëm Bruto (PBB), me çmime korente në 2020-n të arrijë në rreth 17.1 miliardë lekë, duke e tejkaluar nivelin e para pandemisë. Më herët, fondi parashikonte se niveli i parakrizës do të mund të tejkalohej vetëm në vitin 2022.

Rishikimi i shifrave erdhi, pasi FMN përmirësoi vlerësimin për ecurinë ekonomike për vitin 2020, me një rënie prej -3.5%, nga -7.5% që ishte pritshmëria fillestare një vit më parë, kur sapo kishte filluan pandemia.

Rishikimi erdhi në linjë me publikimet zyrtare të INSTAT, sipas të cilave ekonomia u tkurr me 3.31% në 2020-n, më pak edhe se vetë pritshmëritë e qeverisë prej -4.5%. Më pesimistja ishte Banka Europiane për Rindërtim dhe Zhvillim, që priste një tkurrje prej -9% në 2020-n, e nisur nga varësia e lartë që ka ekonomia nga turizmi.

Në rajon, Shqipëria ka rënien më të ulët pas Serbisë (-1%). Shteti ballkanik më i goditur nga pandemia në 2020-n ishte Mali i Zi, me -15.2%, duke pasur ecurinë më negative nga gjithë Europa në Zhvillim. Maqedonia Veriut u tkurr me -4.5%, Kosova me -6%, Bosnjë Hercegovina me -5.5%.

Një tjetër shtet me varësi të lartë nga turizmi, Kroacia, u tkurr me -9%, sipas tabelave të FMN-së. Shteti i vetëm me rritje në Europën në zhvillim është Turqia, me +1.8%.

Sipas INSTAT, ekonomia humbi 560 milionë euro nga pandemia

Në vitin 2020, ekonomia ka humbur rreth 71 miliardë lekë, (560 milionë euro), si rrjedhojë e pandemisë që ktheu përmbys gati të gjithë sektorët në vend.

LEXO EDHE:  Ndërron jetë nga Covid-19 drejtori i shkollës në Tiranë

LEXO EDHE:  Kosova drejt mbylljes/ Baret dhe restorantet paralajmërojnë protestë

Sipas të dhënave të INSTAT, Prodhimi i Brendshëm Bruto (PBB), që llogarit vlerën e mallrave dhe shërbimeve përfundimtare të prodhuara nga ekonomia në një periudhë të caktuar, në vitin 2020 ishte 1.61 trilionë lekë (gati 13 mld euro), nga 1.68 trilionë lekë në 2019-n, duke u tkurrur me -4.2% në vlerë nominale dhe -3.3% në vlerë reale (duke llogaritur dhe deflatorin e PBB-së, prej -0.9%, që është negativ, ndonëse inflacioni mesatar në 2020-n ishte 1.6%!).

Të dhënat e detajuara vjetore të INSTAT, të përpunuara nga “Monitor” tregojnë se nga 11 aktivitete kryesore ekonomike, vetëm 3 prej tyre ishin me rritje, “pasuritë e paluajtshme”, “ndërtimi” si dhe “Administrata publike; arsimi; shëndetësia”. Të gjithë sektorët e tjerë ishin me rënie, më e fortë në grupin “Tregtia; transporti; aktivitetet e akomodimit dhe shërbimit ushqimor”, që vuajtën direkt pasojat e kufizimeve dhe ndalimit të udhëtimeve, si dhe në industri (shiko grafikun: Ndryshimi i PBB-së në vlerë, sipas aktiviteteve ekonomike).

Pavarësisht shifrave të ulëta të rënies ekonomike, gjeneratorët kryesorë të punësimit kanë marrë një goditje të fortë. Dy sektorët me rënien më të lartë “Tregtia; transporti; aktivitetet e akomodimit dhe shërbimit ushqimor” dhe industria kanë gjithsej 340 të punësuar sipas INSTAT, ose 64% të të punësuarve në sektorin privat jobujqësor./Monitor

LEXO TE PLOTE

Ekonomi

Air Albania do të ulet në Kukës/ Balluku: Me 18 Prill, fluturimi i parë

Publikuar

-

Nga

Rrogat e larta?/ Balluku: Kur isha drejtuese kam luftuar për kontrollorët

Pas pak ditësh do të përfundojnë punimet në aeroportin e Kukësit dhe do të realizohet fluturimi i parë.

Kështu ka deklaruar sot Ministrja e Transporteve Belinda Balluku, gjatë prezantimit si kandidate për deputete nga drejtuesi politik i PS në Tiranë, Erion Veliaj.

Sipas Ballukut, fluturimi i parë, në aeroportin e Kukësit do të realizohet më datë 18 Prill.

“Për pak ditë dorëzojmë aeroportin e Kukësit. Në datë 18 Prill do të kemi fluturimin e parë atje dhe dua që të shikoj shumë të gjithë ata që folën për projekte 3D dhe foto të marra nga projekte të tjera se çfarë do të thonë kur Air Albania të ulet atje me 132 kuksianët”, deklaroi Belinda Balluku./CNA.al

LEXO TE PLOTE