Connect with Us

Ja pse maskat dhe distanca sociale janë të nevojshme, edhe për ata që janë vaksinuar

Shëndeti

Ja pse maskat dhe distanca sociale janë të nevojshme, edhe për ata që janë vaksinuar

Publikuar

-

Maska ka sjellë probleme me shëndetin e gojës/ Pesë këshillat e stomatologut të njohur

Vaksinat anti-Covid, janë mjeti më i mirë që kemi në dispozicion për të dalë nga kjo emergjencë shëndetësore. Por fatkeqësisht, për aq sa ne dimë deri tani, ato nuk janë arma përfundimtare që do ta zhdukë koronavirusin e ri nga planeti ynë.

Edhe pse ka disa të dhëna, se vaksinimi masiv mund të zvogëlojë transmetimin e virusit, ne ende nuk kemi prova se individët e vaksinuar, nuk mund ta marrin virusin pa e ditur këtë gjë. Pa harruar faktin që vaksinat e ulin shumë rrezikun e sëmundjes, por nuk e përjashtojnë plotësisht atë.

Për këtë arsye, autoritetet shëndetësore dhe ekspertët këmbëngulin, se të gjithë duhet të vazhdojmë të respektojmë masat e kufizimit dhe zbutjes:maskat dhe distanca sociale mbeten të nevojshme. Vaksinat që janë aktualisht në dispozicion, sigurojnë imunitet duke stimuluar prodhimin e antitrupave dhe qelizat e kujtesës.

Pesë mitet (gënjeshtrat) rreth Covid-19 dhe maskave

Por ndërsa ato janë që të gjitha shumë efektive në parandalimin e formave të rënda të Covid-19, nuk do të eleminojnë plotësisht rrezikun e sëmurjes nga virusi. Prandaj, ky rrezik i mbetur mund të zvogëlohet më tej duke vazhduar të mbahet maska ,​​dhe një distancë e sigurt nga njerëzit e tjerë.

Vazhdimi i respektimit të masave parandaluese edhe nëse jeni të vaksinuar, është gjithashtu një akt përgjegjësie ndaj shëndetit të të tjerëve. Koronavirusi i ri, është një patogjen i frymëmarrjes që hyn në trup kryesisht përmes mukozës së hundës, dhe aty fillon që të shumohet.

Njerëzit që preken të parët, zhvillojnë një reagim imune lokale, që çon gjithashtu në prodhimin e antitrupave, me synim kufizimin e përhapjes së virusit në pjesët e tjera të trupit.

Ndërkohë imuniteti që ofrohet nga vaksinat, zhvillohet në një formë të ndryshme.

Vaksinat injektohen në mënyrë intramuskulare, dhe më pas nga vendi i injektimit antitrupat emigrojnë përmes gjakut në pjesët e sipërme të trupit. Gjithsesi, shkencëtarët nuk e dinë ende se sa antitrupat e gjeneruar në këtë mënyrë, mund të arrijnë në kohë në mukozën e traktit respirator për të parandaluar shumimin viral, në rastin kur koronavirusi përpiqet të infektojë trupin e njeriut.

LEXO EDHE:  Nga erdhi Covid-19? Investigimi në Kinë çon drejt hipotezave të reja

Pesëfishohen importet e maskave në janar-korrik/ Arrijnë mbi 4 milionë euro

Nëse nuk ka sukses, ose nëse ka rrallëherë, patogjeni mund të krijojë infeksionin dhe të shumohet në mukozën e hundës. Në këtë rast, edhe nëse personi (që është vaksinuar), është mirë dhe asimptomatik, edhe një teshtimë e thjeshtë do të bënte që virusi të përhapet në mjedis dhe të mund të infektojë njerëz të tjerë, ndoshta jo të vaksinuar.

Pfizer, Moderna, AstraZeneca dhe Johnson & Johnson, kanë konfirmuar se po kryejnë studime për të verifikuar se deri në çfarë mase mund të parandalojnë produktet e tyre infeksionet e koronavirusit.

Për shembull, AstraZeneca po teston rregullisht vullnetarët e vaksinuar, për të kontrolluar për viruset në mukozën e hundës. Nga ana tjetër, Pfizer dhe Moderna, synojnë të testojnë gjakun e grupeve të vullnetarëve të vaksinuar, për të analizuar disa antitrupat të veçantë.

Prania e tyre do të tregonte se njerëzit, ndonëse të vaksinuar, e kanë marrë infeksionin e koronavirusit. Sidoqoftë, bazuar në të dhënat e disponueshme për momentin, ekspertët besojnë se me vaksinat aktuale është e lehtë të parandalohen format e rënda të Covid-19, më e vështirë për të parandaluar format e tjera simptomatike, dhe shumë më e vështirë për të parandaluar infeksionin.

Për këtë arsye, do të jetë e nevojshme të punohet mbi gjeneratat e ardhshme të vaksinave anti-Covid për ta adresuar edhe këtë aspekt, në mënyrë q​ë të stimulohet një imunitet më i madh lokal në traktin respirator. Ndoshta duke ndryshuar metodën e administrimit, për shembull duke përdorur një spraj për hundën./ Wired – Bota.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Vaksina kineze anti Covid/ Turqia konfirmon efikasitetin e lartë të Sinovac

Publikuar

-

Nga

Vaksina kineze anti Covid/ Turqia konfirmon efikasitetin e lartë të Sinovac

Mjekët turq konfirmojnë efikasitetin e lartë të vaksinës kineze të firmës Sinovac, e cila sipas tyre parandalon 100% vdekjet dhe shtrimin në spitale.

Ditët e fundit kanë qenë tepër të ngarkuara në spitalet COVID të Stambollit, me qindra njerëz që prisnin në radhë për t’u vaksinuar.

Në spitalin e urgjencës “FerihaOz”, i ndërtuar vitin e kaluar dhe me një kapacitet prej 1008 shtretërish, thonë se kurrë nuk kanë parë një turmë kaq të madhe njerëzish që duan të vaksinohen.

Turqia e filloi fushatën e saj me vaksinën kineze Sinovac më 14 Janar, me përparësi për punëtorët shëndetësorë dhe të moshuarit.

Deri në fillim të Prillit, vendi përdori ekskluzivisht vaksinat e kompanisë Sinovac,CoronaVac. Më vonë filloi administrimi i vaksinës së Pfizer-BioNTech dhe asaj ruse Sputnik V. Deri më tani në shkallë kombëtare janë administruar 25 milionë vaksina.

Mjekët turq bien dakord për efikasitetin e CoronaVac dhe kjo mbështetet tek të dhënat e mbledhura në terren.

LEXO EDHE:  Biden: Personat nga18 vjeç e sipër mund të vaksinohen nga 19 prilli

LEXO EDHE:  COVID-19 nuk njeh moshë/ Kalo publikon imazhe të mushkërive të dëmtuara nga të rinj që kanë humbur jetën

Rreth 4 000 punonjës të kujdesit shëndetësor morën dozën e dytë të vaksinës në Shkurt. Që nga ajo kohë janë raportuar mes tyre vetëm 60 raste të COVID-19, pa shtrime në spital dhe vdekje.

Mbrojtja nga vaksina u bë më e dukshme gjatë pikut të tretë të pandemisë që filloi në Mars.

Numri i infeksioneve ditore tejkaloi nivelin 60 mijë në të gjithë vendin dhe qeverisë iu desh të deklarojë një izolim kombëtare deri në 17 Maj.

Universiteti “Hacettepe” me qendër në Ankara njoftoi më parëse CoronaVac ka një normë efikasiteti prej 83,5% bazuar në studimet e fazës së tretë.

LEXO TE PLOTE

Shëndeti

Mjeku shqiptar në New York: Shanset që varianti indian të përhapet janë të mëdha

Publikuar

-

Nga

Mjeku shqiptar në New York: Shanset që varianti indian të përhapet janë të mëdha

Sulejman Çelaj, mjek dhe shef departament në një spital në New York thotë se tani ka ardhur koha që bota të rihapet pasi nuk mund të vazhdohet gjatë gjithë kohës me masa kufizuese.

“Besoj se ka ardhur koha që bota të rihapet besoj se nuk mund që të vazhdojmë gjithë jetën në të njëjtën kushte”, thotë ai duke shtuar se tashmë ka më pak raste pozitive nisur edhe nga fakti se shumë të prekur nuk shfaqin simptoma.

Duke folur për situatën në SHBA, mjeku shqiptar tha se situata është drejt normalizimit.

“Në New York ka përmirësim të dukshëm jeta gati është normalizuar, shkollat janë hapur dhe dalë nga dalë po i rikthehemi normalitetit”, u shpreh z. Çelaj.

LEXO EDHE:  Mbetet i ulët numri i rasteve të reja/ 4 të infektuar me Covid në 24 orë

LEXO EDHE:  Studimi/ Pasojat afat-gjate të Covid-it në pacientët e shëruar

Lidhur me shqetësimet për një përhapje të mundshme të variantit indian të COVID-19, mjeku shprehet se numri i lartë i vdekjeve vjen edhe për shkak të mungesës së kushteve sanitare dhe  higjienike por nga ana tjetër tha se ekziston rreziku që mutacioni të përhapet dhe në botë.

“Duhen pasur shumë gjëra parasysh, vendet e mbipopulluara siç është India dhe kushte sanitare dhe higjienike nuk janë të nivelit evropian. Varianti i Indisë nuk e di se sa do të përhapet në botë por shanset janë të mëdha pasi ka shumë banorë dhe njerëzit qarkullojnë”, përfundoi Sulejman Çelaj./euronews

LEXO TE PLOTE

Shëndeti

Nga Blerta Brati/ Disa pyetje-përgjigje mbi vaksinimin

Publikuar

-

Nga

Nga Blerta Brati/ Disa pyetje-pergjigje mbi vaksinimin

Është e rëndësishme të theksohet se të gjitha vaksinat e aprovuara aktualisht COVID-19 në mënyrë efektive zvogëlojnë rrezikun e sëmundjes serioze, shtrimin në spital dhe vdekjen, ndërsa ndihmojnë në frenimin e transmetimit të COVID-19 në komunitet. Një reduktim prej 50% i rasteve të infeksionit mund të luajë ende një rol të rëndësishëm në zhdukjen e një epidemie.🙏

👉Kam pasur efekte të mëdha anësore në dozën e parë, a do të marr ndonjë dozë të dytë?

Disa efekte anësore janë të mundshme, të tilla si temperatura, dhimbjet e muskujve, etj. “Ata zgjasin rreth 24 orë, maksimumi 3 ditë. Nëse e keni pasur me dozën e parë, mund ta bëni edhe me injeksionin e 2-të. Por kjo nuk është shqetësuese! Këto efekte janë një përgjigje imune krejtësisht normale e trupit tonë. Ato nuk janë të këndshme, por pasojat  e virusit janë shumë më të këqija “.

👉Pse të vaksinohen nëse nuk jam në rrezik?

Disa nuk duan të vaksinohen sepse nuk janë në rrezik ose nuk ndihen të shqetësuar. “Ne të gjithë duhet të jemi aktorë të solidaritetit dhe të mos mbështetemi te të tjerët”.

👉A janë vaksinat efektive kundër varianteve?

“Deri më tani, vaksina është efektive kundër varianteve kryesore; edhe nëse ka frikë me ato më rezistente si braziliani që humbet imunitetin me disa%. Por ne mund ta përshtatim vaksinën me këto variante “.

👉Cila përqindje imunizohet me vaksinimin?

95% për format e rënda. Por një person i vaksinuar mund të jetë ngjitës dhe të marrë një formë asimptomatike ose të ketë simptoma të lehta si një ftohje etj, në 20% të rasteve. Prandaj duhet të presim për të arritur mbulim të mjaftueshëm të vaksinimit; kjo është arsyeja pse ne aktualisht po mbajmë gjeste barriere, madje edhe për njerëzit që janë vaksinuar. Në fund të fundit, pakica e njerëzve që nuk do të vaksinohen do të rrezikojnë të kontraktojnë Covid nga njerëzit që janë vaksinuar dhe që do të jenë asimptomatike .

LEXO EDHE:  Shifra rekord nga Covid në Gjermani/ Rreth 30 mijë të infektuar dhe gati 600 viktima në 24 orë

LEXO EDHE:  Shifra rekord nga Covid në Gjermani/ Rreth 30 mijë të infektuar dhe gati 600 viktima në 24 orë

👉Sa kohë zgjat  imuniteti nga vaksinat?

Kohëzgjatja e imunitetit nga vaksina nuk dihet ende. “Ne nuk kemi ende te dhena të mjaftueshme, por në çdo rast mund të shohim se personat e parë të vaksinuar ende kanë imunitet të shkëlqyeshëm.”

👉Unë pata Covid pas dozës sime të parë, duhet akoma të marr dozën e dytë?

Ende duhet të vaksinoheni. Fakti që e keni pasur jep një imunitet më të shkurtër me kalimin e kohës sesa vaksina. Dhe kjo edhe nëse ekziston një prani e fortë e antitrupave në gjak në disa njerëz. Është me të vërtetë e rëndësishme të bësh të dyja dozat “. Nëse keni bërë Covid, duhet të prisni 14 ditë pas shërimit për t’u vaksinuar”.

👉A ndikon vaksinimi në pjellori/fertilitet?

“Përgjigjet janë të qarta: ARN-të dërguese janë vaksina të pastra që janë të sigurta dhe nuk kanë asnjë ndërveprim me ADN-në. Kjo lloj vaksine nuk është e re, as ARN gjithashtu ”.

👉Jam shtatzënë, a rekomandohet të vaksinoheni?

“Vaksina rekomandohet shumë nga gjinekologët dhe mjekët. Idealisht një vaksinë e ARN-së (Pfizer ose Moderna). Idealja është ta bëni këtë në tremujorin e dytë “.

👉A ekziston rreziku i vaksinimit të atyre nën 18 vjeç?

“Studimet e zhvilluara janë mjaft të favorshme; Mendoj se të dhena  do të paraqiten së shpejti. Aktualisht, vaksina Pfizer është e lejuar tashmë nga mosha 16 vjeç. Studime të tjera janë duke kërkuar një vaksinë për moshat 12 vjeç e lart.

Por nuk duhet të ngatërrojmë shpejtësinë dhe nxitimin. Do të rekomandohet vetëm kur të vërtetohet përfitimi i vërtetë dhe mungesa e rreziqeve shëndetësore “.

🤔Mos harroni se: “Frika nga vaksina nuk e ndalon virusin, kështu që virusi vazhdon të trembë”.

LEXO TE PLOTE