Connect with Us

37-vjeçari rrezikon të humbasë shikimin/ Pas ndërhyrjes së Stop i rikthejnë KEMP-in

Denoncim

37-vjeçari rrezikon të humbasë shikimin/ Pas ndërhyrjes së Stop i rikthejnë KEMP-in

Publikuar

-

37-vjeçari rrezikon të humbasë shikimin/ Pas ndërhyrjes së Stop i rikthejnë KEMP-in

Emisioni Stop ka udhëtuar drejt fshatit Grykë të Topojës në Fier, ku banon një 37-vjeçar së bashku me nënën e tij. Roland Muçaraku ka probleme me shikimin.

Por së fundmi rrezikon që të verbohet plotësisht. Gjendja ekonomike e tij është e dobët dhe Rolandi nuk ka mundësi as të vizitohet, e jo më t’i nënshtrohet ndërhyrjes kirurgjikale.

Në vitin 2014 shkoi në Itali për t’u trajtuar dhe punuar dhe prej atëherë e deri më sot, KEMP-i iu ndërpre. Ai nuk e di nëse është pranuar ose jo nga komisioni në Kempin Epror, edhe pse ka bërë gati dosjen.

Roland Muçaraku: Në 2014 më kanë prerë KEMP-in. Kam pasur çikë sytë që shikoja dhe punoja kur gjeja ndonjë punë ose më merrnin shokët. Fillimisht më bënte rreze syri i djathtë. Pastaj m’u vesh fare, nuk shikoj. Pastaj pas 1 viti më dha rreze syri i majtë, më bënte një pikë si të zezë, pastaj po më vishet fare. Nuk shikoj më fare, as 10% nuk shikoj afër. Kam vajtur në Tiranë kam bërë dy gjilpëra në syrin e majtë. Këto i kam bërë për infeksion, për perden e syrit dhe s’më ka dhënë rezultat, as shikim asgjë. Kam parë vetëm një muaj qartë me syze, pastaj pas 1 muaji më është prerë prapë, më bënte rreze. Në Tiranë vete dhe kërkoj çfarë më ka syri, të paktën ta di, mbase nuk operohet, por ta di që verbohem edhe të mbledh mendjen. I bëra procedurat për KEMP-in, erdha në Seman, i postoi ai i Semanit në Tiranë dhe kanë ngelur dokumentet në Tiranë. Që në Qershor deri tani, asnjë përgjigje asnjë gjë. S’kam njeri, kush do më ndihmojë, kush do më gatuajë, kush do më nxjerri mua përjashta. Mirë sot që dalloj çik dhe eci, po nesër? Po u qorova fare, nuk shikoj të eci, kush do më ndihmojë mua? Mamanë e kam invalide, vetë jam invalid. Kam ilaçet.

Nëna e Rolandit thotë se është kthyer nga Italia ku po qëndronte te vajza e saj, vetëm për t’u kujdesur për 37-vjeçari pasi nuk del për shkak se shikon shumë pak.

Nëna e Roland Muçarakut: Që në ’94 me djalin që m’u vra, edhe tani me Yllin që pësoi aksidentin në Greqi, më erdhi që andej i sëmurë, ka prekur cipën e trurit. Ai është në Krujë, në spital, në Zahari. Isha te çupa në Itali për vete për operim, nuk u bëra, erdha vetëm për Rolandin. Rolandi po bën 5 muaj nuk ka dalë nga shtëpia. Dil i them unë, bëj një xhiro. Vjen një shoku i tij e merr ai me motor dhe e bie se vetë nuk ikën, nuk del. As deri te dyqani nuk del, i marr unë. Vajta në Seman edhe ju thashë për ndihmë për Rolandin edhe për Yllin. Jo më thanë mua, merr pensionin.

Por pas interesimit të emisionit “Stop”, vjen edhe lajmi i mirë që Rolanda Muçaraku do të trajtohet sërish me KEMP. Njësisë Topojë i kërkuam ndihma ushqimore për të dhe na u premtua se do të mblidhen shumë shpejt.

LEXO EDHE:  Denoncimi i ish-deputetes/ Prokuroria të nisë hetimet për Ministren e Financave

Aleksandër Kola, administrator i Njësisë Topojë: Është paraqitur pranë institucioneve mjekësore, ka marrë fletë drejtimi për KEMP dhe nga ana jonë është përcjellë dokumentacioni për në Tiranë. Presim përgjigje sa më shpejt nga ky institucion që ky zotëri të trajtohet me atë çka i takon në bazë të rregullave dhe ligjeve të shtetit. Ndihma jonë do të jetë e pakursyer jo vetëm nga ana e Bashkisë por edhe nga biznesmenë të ndryshëm të cilët do kontaktojmë me këta dhe në kohën më të shkurtër pranë familjes së tyre do t’u çojmë ndihma ushqimore.

Rolandi kërkon po ashtu një palë syze të reja dhe një operacion për sytë, që të mos verbohet plotësisht. Drejtuesi i emisionit, Saimir Kodra, i premtoi publikisht Rolandit që do ta ndihmojë për të blerë syze të reja dhe do ta asistojë për kontrollet mjekësore./ tvklan.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

“Kam hedhur firmë këtu”/ Çfarë deklaron doktori që nxori me epikrizë 26-vjeçaren

Publikuar

-

Nga

“Kam hedhur firmë këtu"/ Çfarë deklaron doktori që nxori me epikrizë 26-vjeçaren

Një nënë e re 26-vjeçare nga Tropoja, e martuar në Elbasan ka denoncuar rastin e saj në emisionin “Stop” për një problem që ka me familjen e ish-burrit. Ajo tregon se është dhunuar nga bashkëshorti dhe prindërit e tij, dhe për këtë arsye ka vendosur që të divorcohet. Por edhe pse kishte menduar se me divorc mund të mbyllte problemet, ato janë shtuar. Ajo tashmë ka një urdhër-mbrojtjeje nga gjykata, por i kanë nxjerr probleme me kujdestarinë e fëmijës.

E reja tregon se gjatë procesit gjyqësor për divorcin në gjykatë janë paraqitur disa dokumente: një epikrizë nga materniteti “Mbretëresha Geraldinë”, ku shkruhej, se gruaja vuante nga një çrregullim depresiv, si dhe një recetë nga një mjeke psikiatre, që i kishte dhënë mjekim.

Unë jam gati që të bëjë të gjitha kontrollet mjekësore për të vërtetuar se nuk kam asnjë problem“, thotë 26-vjeçarja. Nga ana tjetër pas divorcit 26-vjeçares i është bërë një kallëzim nga ish-vjehrra për shitje të fëmijës, akuzë, që u provua si e pavërtetë.

Pas këtij kërkesës së ndihmës tek emisioni “Stop”, 26-vjeçarja ka zhvilluar një takim  me mjekun gjinekolog Albert Cakoni, i cili kishte firmosur se nëna e re kishte epikrizë. Doktori pranon që ka firmosur në dokument, por thotë se nuk e dinte se për çfarë kishte firmosur.

Firma dhe vula është e imja. Këtë epikrizën përcjellëse, e nxjerr statistika, nuk e kam nxjerrë unë. Unë kam mbaru operacionin e gjërat e tjera, mua mund të më sjellin sa të duash epikriza. “Doktor firmose, vulose”! “A e kam operuar unë?” “Po”. Kam hedh firmë këtu bum, bum!

Që ta dish, s’ke hak e hile prej doktor Bertit në këtë muhabet, më vraftë Zoti, në qoftë se unë di gjë në këtë punë! Epikrizën nuk e kam dhënë unë, sepse e nxjerrin nga kartela, se kush e ka nxjerrë nga Statistika duhet ta kenë ata, se unë s’kam shkuar me e nxjerrë kastile në botë.

Unë nuk të mbaj mend ty, mua s’më ka ndodh ndonjë rast. Ne na çohen gratë dhe shkojnë e hyjnë në sallë të operacionit vetë. Ti muhabetit shkoi deri në fund, nuk kam fare për ça pisllëku kanë dashur të bëjnë ata“, ka qenë kjo deklarata e mjekut gjatë takimit me të renë.

LEXO EDHE:  Pamjet makabre: Si vriten dhe hidhen qentë në landfillin e Sharrës

LEXO EDHE:  Largohen nga puna 120 persona në Drejtorinë e Transportit/ Pesë deri 20 mijë euro ryshfet për punësim

Duke qenë se mjeku pranon që nuk ka përpiluar asnjë dokument, “Stop” ka ndjekur të renë e cila ka kërkuar shpjegime nga zyra e statistikës në spital. Por dhe punonjësit në këtë zyrë thonë se nuk kanë përpiluar asnjë dokument që ta nxirrnin atë me epikrizë.

Denoncuesja: Unë jam e interesuar të di, kush e ka marrë këtë epikrizë, pasi vetëm unë kam të drejtë ta marr?

Punonjësja: Edhe të duash ti, nuk ia japim njeriu tjetër.

Denoncuesja: Epo dua ta di kush e ka marr me emër-mbiemër..!

Punonjësja: S’e di unë, ne nuk japim, veç personit fizik me kartë identiteti.

Denoncuesja: Atë doja të dija unë, kush e ka marrë?

Punonjësja: Jo, jo me kartën tënde, pa qenë ti, nuk e japim.

Denoncuesja: Unë nuk e kam marrë pra!

Punonjësja: Atë tani nuk e di, ke unë ke ardhur ti? Ke kërkuar gjë?

Denoncuesja: Jo pra!

Punonjësja: Kujt duhet t’i kërkoj llogari, se kush e ka marrë?

Punonjësja: Mjekut!

Denoncuesja: Mjeku më tha, që nuk e di, duhet të pyesësh te Statistika!

Punonjësja: Te Statistika, s’ka pse të adreson këtu ai! Në statistikë, po nuk erdhe ti, unë nuk dal këtu!

Por as tek zyra e statistikave nuk i kanë dhënë zgjidhje të resë, e cila tashmë vijon gjyqin dhe rrezikohet që t’i merret fëmija me dokumente të falsifikuara të cilat e nxjerrin me epikrizë dhe probleme mendore./ tvklan.al

LEXO TE PLOTE

Denoncim

Donin ta nxirrnin me probleme mendore/ Psikiatrja zbulon skemën e manipulimit të vjehrrës së 26-vjeçares

Publikuar

-

Nga

Donin ta nxirrnin me probleme mendore/ Psikiatrja zbulon skemën e manipulimit të vjehrrës së 26-vjeçares

Historia e 26-vjeçares nga Tropoja, e cila ka denoncuar në emisionin “Stop” se është dhunuar nga bashkëshorti dje vjehrra dhe këta të fundit kanë tentuar ta nxjerrin me probleme mendore me dokumente të falsifikuara, është edhe më e trishtë.

Emisioni “Stop” zbuloi se epikriza që ishte firmosur për të ishte e pavërtetë dhe kjo gjë u pranua si nga mjeku që e kishte firmosur dhe nga punonjësja e zyrës së statistikave nga maternitet. Por problemet për të rënë vijojnë edhe më tej.

Për të rezulton një dokument nga një klinikë e mjekes psikiatre Fatime Elezi, se është me probleme mendore dhe që ka lëshuar një recetë për ta mjekuar. Denoncuesja 26-vjeçar e pajisur me një kamerë të fshehtë nga emisioni “Stop” ka shkuar në klinikën e mjekes Elezi dhe kjo e fundit pranon që ka lëshuar një recetë për të, por deklaron se nuk e ka paciente dhe nuk e ka tanuar më parë.

Mësohet se gjithçka është bërë nga ish-vjehrra e 26-vjeçares, Alma Ibrahimi, e cila është shtirur si nëna e denoncueses.

Mjekja: Unë kam thënë në Prokurori, që nuk e kam parë asnjëherë… Më ka ardhur mami i vet, e prezantuar me emrin Refije, Alma, 2 emra, Refije në pasaportë, Alma më thonë.

Denoncuesja: A ishte flokë të zeza..?

Mjekja: Flokë të zeza, kaçurrela, e shkurtër, e dobët, kështu ishte. Dëshmia ishte kjo: “Më ka ardhur një zonjë, është prezantuar si mami, me emrin Alma. Filloi të qajë, paraqiti ankesat e veta, kam vajzën e sëmurë dhe tha: të lutem më jepni një recetë, që ta kem për në Gjermani!

Ajo duhet të procedohet dhe kaq, sepse është manipulatore! Ti kaq thuaj, ore njeri receta është e 13: 05, unë kam ik nga shtëpia në 2019 dhe s’ka asnjë lidhje.

Por problemi i 26-vjeçares nuk mbaron këtu. Për çështjen e divorcit është caktuar një psikologe, e quajtur Najada, që haptazi mban anën e ish-burrit të denoncueses.

LEXO EDHE:  STOP-Si abuzohet me abonetë e studentëve në tregun e zi/Nga 6 mijë lekë në …!

LEXO EDHE:  STOP/Gjinekologia që “bën edhe priftin me barrë”

Psikologe Najada: Domethënë, ti s’ke komunikim me Hoseliton?

Denoncuesja: Jo, jo.

Psikologe Najada: Domethënë ti për punën e fëmijës, që të vijë ta takojë, Hoselito, nuk ke problem për këtë pjesë?

Denoncuesja: Unë dua çdo gjë me vendim gjykate, në mënyrë ligjore se nuk u kam besë.

Psikologe Najada: Eh tani, dëgjo! Nuk përbën rrezikshmëri, në qoftë se ai është, të mendosh..,nuk mund ta kontrollojmë në çdo moment, ka konsumuar ashtu ai, apo s’ka. Kush është ai baba, që të jetë në një gjendje siç je dhe ti, nënë, që të shkojë të takojë fëmijën, në gjendje, që mendon ti?

Denoncuesja: Po ku i ka faktet që ka ardhur që të kërkojë vajzën?

Psikologia: A të ka marrë Hoselito në telefon? A të ardhur Hoselito vetë prezent? A ka ardhur të takojë fëmijën?

Denoncuesja: Asnjëherë.

Psikologia: Po mirë tani, në qoftë se vjen Hoselito, për të takuar fëmijën, ti e pengon. Kjo është pjesa?

Denoncuesja: Ku të vi ta takojë, ku do ta takojë vajzën?

Psikologia: Të vijë atje moj, në Tropojë! Po do jem dhe unë prezente aty. Do jem unë, do vij dhe ai të takohet prezent, të shikohet marrëdhënia, të afrohet njëherë fëmija me babanë se ka kaq kohë.

Denoncuesja: Me prezencën tuaj po.

Psikologia: Po pra sigurisht. Pastaj atë e vendos Gjykata, si do çmojë Gjykata lënien për rritje dhe edukim për fëmijën.

Lidhur për këtë çështje vendimin e fundit do ta japë Gjykata e Elbasanit./ tvklan.al

LEXO TE PLOTE

Denoncim

Denoncimi i Stop/ Gruaja nxirret me depresion, për t’i marrë kujdestarinë e vajzës

Publikuar

-

Nga

Denoncimi i Stop/ Gruaja nxirret me depresion, për t’i marrë kujdestarinë e vajzës

Një nënë e re 26 vjecare nga Tropoja, e martuar në Elbasan ka sjellë në jetë fëmijën e parë, një vajzë. Pas lindjes, ajo thotë, se është dhunuar nga bashkëshorti dhe prindërit e tij.

Lidhur me këtë ngjarje, është pajisur me urdhër-mbrojtjeje një vjecare. Pas këtij momenti, i ka ardhur kërkesë- padia nga avokati i bashkëshortit, për zgjidhjen e martesës dhe kujdestarinë e vajzës.

Për të përligjur kujdestarinë, ishin bashkëngjitur dy dokumente: një epikrizë nga materniteti “Mbretëresha Geraldinë”, ku shkruhej, se gruaja vuante nga një crregullim depresiv, si dhe një recetë nga një mjeke psikiatre, që i kishte dhënë mjekim.

Gjatë kësaj kohe, nënës së re, i është bërë një kallzim nga ish-vjehrra për shitje të fëmijës, akuzë, që u provua si e pavërtetë.

LEXO EDHE:  Kompania PPP e mikut të Ramës rrezikon jetën e qytetarëve/ Mbetjet spitalore i hedh në përrua

LEXO EDHE:  Largohen nga puna 120 persona në Drejtorinë e Transportit/ Pesë deri 20 mijë euro ryshfet për punësim

Denoncuesja takon mjekun gjinekolog Albert Cakoni, i cili thotë, se e ka hedhur firmën në dokumentin e epikrizës, pa e ditur, se cfarë firmoste./tv klan

LEXO TE PLOTE