Connect with Us

“E gjithë bota po tallet me ne”, në Gjermani duan “kokën” e Lëv pas humbjes me Maqedoninë e Veriut

BundesLiga

“E gjithë bota po tallet me ne”, në Gjermani duan “kokën” e Lëv pas humbjes me Maqedoninë e Veriut

Publikuar

-

Joakim Lëv ka bërë të ditur se do të largohet nga drejtimi i Gjermanisë pas përfundimit të Europianit të këtij viti. Por tashmë në Gjermani kërkojnë largimin e menjëhershëm të tij pasi mendojnë se cikli ka përfunduar me humbjen historike përballë Maqedonisë së Veriut në shtëpi.

E përditshmja “BILD” shkruante me shkronja të mëdha sot: “Ka mbaruar gjithçka Jogi” në komentin e saj për ndeshjen. “Kjo është disfata e tretë historike për të cilën Lëv duhet të përgjigjet pas shumë vitesh si trajner i kombëtares. Eliminimi i parë historik në grupe gjatë Botërorit të Rusisë. Humbja më e thellë që nga vitit 1931 me atë rezultat 6-0 në Spanjë. Dhe tani kjo 1-2 ndaj Maqedonisë së Veriut, vendi i 65 në renditjen botërore.

Bota e futbollit tani po tallet me ne! Në një klub të Bundesligës, Lëv do ta kishte humbur vendin e punës dhe me të drejtë. Magjia e trajnerit Lëv si kampion bote për fat të keq ka avulluar. Shërbimi i tij ndaj futbollit gjerman është i padiskutueshëm, por koha e tij ka mbaruar. Është e trishtueshme, por është e vërtetë shkruante në komentin e saj e përditshmja që kishte hapur një sondazh nëse trajneri duhej shkarkuar para Europianit, me një rezultat që deri pasdite shihte me 86% votat “po”.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

BundesLiga

Zbulohet e ardhmja e Zherom Boateng

Publikuar

-

Nga

Vetëm pak ditë pasi Hasan Salihamixhiç deklaroi se Zherom Boateng nuk do të jetë më pjesë e Bajernit të Mynihut në fund të sezonit, zërat për skuadrën e tij të re kanë nisur të qarkullojnë në mediat gjermane dhe ato angleze.

“Daily Mail” shkruan se të interesuar për mbrojtësin e Bajernit janë Çelsi dhe Arsenali. Dy skuadrat londineze duan të forcojnë skuadrën e tyre dhe mendojnë që Boateng ka eksperiencën e duhur për të ndihmuar skuadrat e tyre.

Boateng nuk do të rinovojë në Mynih dhe pas 11 vitesh pritet të largohet nga kampionët e Bundesligës. Bajerni ka menduar që tani për një zëvendësues të tij dhe të Alabës duke mbyllur marrëveshjen me mbrojtësin francez të Lajpcigut, Dajot Upamekano, që do të pjesë e bavarezëve në sezonin e ardhshëm.

LEXO TE PLOTE

BundesLiga

Nuk ka qetësi te Bayerni, dëmtohen dy titullarë para ndeshjes së kthimit ndaj PSG

Publikuar

-

Nga

Dhimbje koke për Hansi Flikun para ndeshjes ndaj Union Berlinit në fundjavë dhe atë të kthimit ndaj Parisit në Champions. Sipas “Bild”, listës të të dëmtuarve te kampionët e Gjermanisë i janë shtuar edhe mbrojtësi Niklas Zyle dhe mesfushori Leon Gorecka.

Të dy lanë fushën e lojës para kohe në ndeshjen ndaj Parisit për shkak dëmtimi. Mediat gjermane tregojnë për probleme muskulore për të dy lojtarët të cilët me shumë mundësi do të humbasin edhe ndeshjen në fundjavë ashtu dhe atë të Champions-it ndaj Parisit duke ia ndërlikuar edhe më shumë shanset për kualifikim skuadrës gjermane. Flik duhet të sajojë një formacion kompakt për sfidën e dytë me francezët të cilët fituan ndeshjen e parë në Mynih me rezultatin 3-2.

Një mundësi është kalimi i David Alabës në mesin e fushës në vend të Goreckës dhe Boatengut në vend të Zyles i cili do të formojë qendrën e mbrojtjes me Hernandezin. Flik, edhe pse shpreson në një rikuperim të polakut i cili me 99% të shanseve do të jetë jashtë, do t’i besojë sulmin e skuadrës sërish Erik Çupo-Moting i cili shënoi në ndeshjen e parë golin e 2-1 për skuadrën e tij. Gjithsesi, koeficienti për t’u kualifikuar skuadra e Flikut ka rënë shumë pas mungesave të shumta.

LEXO TE PLOTE

BundesLiga

Zbulohet arsyeja pse arbitri i kërkoi autograf Halandit

Publikuar

-

Nga

Në ndeshjen Mançesteri Siti-Borusia Dortmund e vlefshme për çerekfinalet e Ligës së Kampionëve, në tunelin e dhomave të zhveshjes ndodhi një episod i çuditshëm, ku asistenti i gjyqtarit kryesor, rumuni Oktavian Sovre u pa teksa i kërkonte sulmuesit Erling Haland një autograf.

Videoja bëri bujë në rrjete sociale, ku shumë prej njerëzve nuk e kuptonte pse gjyqtari e bëri një veprim të tillë, por sipas anglezes “Daily Mirror”, pas këtij xhesti qëndron një e vërtetë e dhimbshme.

Gjyqtari Sovre është pjesë e shoqatës së fëmijëve me autizëm në Rumani, dhe qëllimi i tyre është të mbledhin fonde në mënyrë që të ndihmojnë në kurimin e të sëmurëve, dhe veprimi i Sovre ka ardhur pikërisht për këtë qëllim.

Një veprim prekës ky nga ana e rumunit, që ka surprizuar shumë njerëz të cilët e kanë mbështetur në rrjetet sociale.

LEXO TE PLOTE