Connect with Us

Skandal në Fiks Fare/ 3000 euro për një protezë në Spitalin Ushtarak

Denoncim

Skandal në Fiks Fare/ 3000 euro për një protezë në Spitalin Ushtarak

Publikuar

-

Skandal në Fiks Fare/ 3000 euro për një protezë në Spitalin Ushtarak

Fiks Fare transmetoi mbrëmjen e së mërkurës një tjetër skandal në lidhje me bluzat e bardha. Shërbimi që qytetarët duhet ta marrin falas, mjekët e keqpërdorin duke marrë lekë nën dorë. 3000 euro i kushtoi një qytetari proteza e vënë në këmbë në spitalin Universitar të Traumës në Tiranë.

Në Fiks Fare u ankua qytetari Isa Blloku 31 vjeç nga fshati Dardhë i Librazhdit i diagnostifikuar me Coxartros sinistro. Në nëntor të 2011 ai shprehet se kundrejt pagesës së 3000 eurove bëri operacion për vendosjen e një proteze .Pas 3 vitesh diagnostifikohet edhe në këmbën tjetër dhe kontakton mjekun Sokrat Bërdufi i cili e kishte operuar edhe para 10 vitesh duke u paguar nën dorë. Mjeku Bërdufi
i propozon të njëjtën mënyrë siç kishin proceduar në 2011, të paguhej por kësaj radhe meqë e njihte pacientin i ka kërkuar 2800 euro siç shprehet z. Blloku.

Në pamundësi ekonomike, Isa Blloku regjistrohet për t’u vendosur në listë pritje për një protezë falas nga Spitali Ushtarak. Por sot e pesë vjet që pret ende nuk i ka ardhur radha, dhe gjëndja e tij është përkeqësuar. Ai i është drejtuar Fiks Fare për të zgjidhur problemin shëndetësor që ka dhe të mund të operohet për të vënë protezën tjetër.

Isa Blloku takon edhe mjekun Sokrat Bërdufi ku që në fillim të takimit me qytetarin , mjeku i thotë ” a i ke lekët?”. Kur qytetari i përgjigjet se do mundohet t’i gjejë atehërë mjeku Bërdufi vazhdon i kërkon të njëjtën shifër si operacioni i parë që i ka bërë, 3000 euro. Por gjatë bisedës me qytetarin mjeku tregohet “zemër bardhë” duke i bërë një skonto prej 200 eurosh. ” Do flas edhe me këta që të të bëjmë një skonto deri në 2800 euro dhe duhet të gjeshë vetë dy litra gjak” shprehet mjeku Bërdufi. Kur qytetari e pyet mjekun se në cilën datë do e lënë ndërhyrjen ai i përgjigjet se “duhet të bëhesh gati njëherë pastaj shohim”. Në momentin që qytetari do të ketë shumën e kërkuar nga mjeku do të vendoset edhe data e operacionit. Mjeku hedh edhe idenë se operacionin mund ta kryejnë në spitalin e Elbasanit.

LEXO EDHE:  Paradoksi/ Rubineti nxjerr ajër, sahati mat ujë (video)

Fiks Fare u interesua pranë drejtorisë së Spiatlit Ushtarak në lidhje me listën e pritjes së protezave. Gazetarëve të Fiksit u pohohet se lista nuk ka lëvizur fare pasi janë pezulluar operacionet e planifikuara , ku pacientët mund të përfitojnë protezat falas, kjo për shkak të pandemisë covid -19. Në këtë spital vazhdojnë ndërhyrjet vetëm për rastet emergjente.

Në vitin 2016, ish ministri i Shëndetësisë , Ilir Beqaj, do të deklaronte se protezat për pacientët do të financoheshin nga buxheti i shtetit. Po sa para u shpenzuan asokohe për protezat dhe aktualisht a financohen nga buxheti i shtetit? Fiks Fare i jep përgjigje këtyre pyetjeve me anë të dokumentave të siguruara mbi tenderat e kryera nga Ministria e Shëndetësisë dhe Spitali Universitar i Traumës pas vitet 2016.

Sipas dokumentave, në datë 30 nëntor 2016, Ministria e Shëndetësisë, ka akorduar 60 milion lekë për “materiale mjeksore ortopedike” për Spitalin e Traumës. Nje kontratë me afat 24 muaj.

Pas përfundimit të saj, Spitali i Traumës, rishpall tenderin më datë 5 gusht 2019, me fond 195 milion lekë , po me afat 24 muaj. Por që sipas dokumenteve ky tender është anuluar në datën 9 shtator, pasi asnjë firmë nuk përmbushte kushtet e kërkuara.

Në shtator të 2019, Spitali i Traumës bën një tender emergjent për proteza, me fond 15 milion lekë. Ndërkohë që në të njëjtën kohë rishpall tenderin kryesor.

Sipas dokumentave, fituesit e tenderit kryesor me fond 2 milion euro janë shpallur në datën 28 tetor 2019. Firma fituese duhet të furnizonte me proteza Spitalin e Traumës për një përiudhë 2 vjeçare. Kjo kontratë përfundon në tetor të 2021. Por edhe pse kontrata vazhdon të jetë në fuqi, 31 vjeçarit që u ankua në Fiks Fare i duhet ta sigurojë privatisht protezën, ose duhet të presë operacionin e planifikuar edhe pse ka 5 vite që pret./ tch

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

“Kam hedhur firmë këtu”/ Çfarë deklaron doktori që nxori me epikrizë 26-vjeçaren

Publikuar

-

Nga

“Kam hedhur firmë këtu"/ Çfarë deklaron doktori që nxori me epikrizë 26-vjeçaren

Një nënë e re 26-vjeçare nga Tropoja, e martuar në Elbasan ka denoncuar rastin e saj në emisionin “Stop” për një problem që ka me familjen e ish-burrit. Ajo tregon se është dhunuar nga bashkëshorti dhe prindërit e tij, dhe për këtë arsye ka vendosur që të divorcohet. Por edhe pse kishte menduar se me divorc mund të mbyllte problemet, ato janë shtuar. Ajo tashmë ka një urdhër-mbrojtjeje nga gjykata, por i kanë nxjerr probleme me kujdestarinë e fëmijës.

E reja tregon se gjatë procesit gjyqësor për divorcin në gjykatë janë paraqitur disa dokumente: një epikrizë nga materniteti “Mbretëresha Geraldinë”, ku shkruhej, se gruaja vuante nga një çrregullim depresiv, si dhe një recetë nga një mjeke psikiatre, që i kishte dhënë mjekim.

Unë jam gati që të bëjë të gjitha kontrollet mjekësore për të vërtetuar se nuk kam asnjë problem“, thotë 26-vjeçarja. Nga ana tjetër pas divorcit 26-vjeçares i është bërë një kallëzim nga ish-vjehrra për shitje të fëmijës, akuzë, që u provua si e pavërtetë.

Pas këtij kërkesës së ndihmës tek emisioni “Stop”, 26-vjeçarja ka zhvilluar një takim  me mjekun gjinekolog Albert Cakoni, i cili kishte firmosur se nëna e re kishte epikrizë. Doktori pranon që ka firmosur në dokument, por thotë se nuk e dinte se për çfarë kishte firmosur.

Firma dhe vula është e imja. Këtë epikrizën përcjellëse, e nxjerr statistika, nuk e kam nxjerrë unë. Unë kam mbaru operacionin e gjërat e tjera, mua mund të më sjellin sa të duash epikriza. “Doktor firmose, vulose”! “A e kam operuar unë?” “Po”. Kam hedh firmë këtu bum, bum!

Që ta dish, s’ke hak e hile prej doktor Bertit në këtë muhabet, më vraftë Zoti, në qoftë se unë di gjë në këtë punë! Epikrizën nuk e kam dhënë unë, sepse e nxjerrin nga kartela, se kush e ka nxjerrë nga Statistika duhet ta kenë ata, se unë s’kam shkuar me e nxjerrë kastile në botë.

Unë nuk të mbaj mend ty, mua s’më ka ndodh ndonjë rast. Ne na çohen gratë dhe shkojnë e hyjnë në sallë të operacionit vetë. Ti muhabetit shkoi deri në fund, nuk kam fare për ça pisllëku kanë dashur të bëjnë ata“, ka qenë kjo deklarata e mjekut gjatë takimit me të renë.

LEXO EDHE:  Fiks Fare/ “Bën shumë nxehtë”, hidhen në “kosh” 3 milionë USD për sheshin kryesor në Berat

LEXO EDHE:  Aksidenti në Vlorë/ Njeriu i Ilir Metës administrator i firmës që ndërton rrugën

Duke qenë se mjeku pranon që nuk ka përpiluar asnjë dokument, “Stop” ka ndjekur të renë e cila ka kërkuar shpjegime nga zyra e statistikës në spital. Por dhe punonjësit në këtë zyrë thonë se nuk kanë përpiluar asnjë dokument që ta nxirrnin atë me epikrizë.

Denoncuesja: Unë jam e interesuar të di, kush e ka marrë këtë epikrizë, pasi vetëm unë kam të drejtë ta marr?

Punonjësja: Edhe të duash ti, nuk ia japim njeriu tjetër.

Denoncuesja: Epo dua ta di kush e ka marr me emër-mbiemër..!

Punonjësja: S’e di unë, ne nuk japim, veç personit fizik me kartë identiteti.

Denoncuesja: Atë doja të dija unë, kush e ka marrë?

Punonjësja: Jo, jo me kartën tënde, pa qenë ti, nuk e japim.

Denoncuesja: Unë nuk e kam marrë pra!

Punonjësja: Atë tani nuk e di, ke unë ke ardhur ti? Ke kërkuar gjë?

Denoncuesja: Jo pra!

Punonjësja: Kujt duhet t’i kërkoj llogari, se kush e ka marrë?

Punonjësja: Mjekut!

Denoncuesja: Mjeku më tha, që nuk e di, duhet të pyesësh te Statistika!

Punonjësja: Te Statistika, s’ka pse të adreson këtu ai! Në statistikë, po nuk erdhe ti, unë nuk dal këtu!

Por as tek zyra e statistikave nuk i kanë dhënë zgjidhje të resë, e cila tashmë vijon gjyqin dhe rrezikohet që t’i merret fëmija me dokumente të falsifikuara të cilat e nxjerrin me epikrizë dhe probleme mendore./ tvklan.al

LEXO TE PLOTE

Denoncim

Donin ta nxirrnin me probleme mendore/ Psikiatrja zbulon skemën e manipulimit të vjehrrës së 26-vjeçares

Publikuar

-

Nga

Donin ta nxirrnin me probleme mendore/ Psikiatrja zbulon skemën e manipulimit të vjehrrës së 26-vjeçares

Historia e 26-vjeçares nga Tropoja, e cila ka denoncuar në emisionin “Stop” se është dhunuar nga bashkëshorti dje vjehrra dhe këta të fundit kanë tentuar ta nxjerrin me probleme mendore me dokumente të falsifikuara, është edhe më e trishtë.

Emisioni “Stop” zbuloi se epikriza që ishte firmosur për të ishte e pavërtetë dhe kjo gjë u pranua si nga mjeku që e kishte firmosur dhe nga punonjësja e zyrës së statistikave nga maternitet. Por problemet për të rënë vijojnë edhe më tej.

Për të rezulton një dokument nga një klinikë e mjekes psikiatre Fatime Elezi, se është me probleme mendore dhe që ka lëshuar një recetë për ta mjekuar. Denoncuesja 26-vjeçar e pajisur me një kamerë të fshehtë nga emisioni “Stop” ka shkuar në klinikën e mjekes Elezi dhe kjo e fundit pranon që ka lëshuar një recetë për të, por deklaron se nuk e ka paciente dhe nuk e ka tanuar më parë.

Mësohet se gjithçka është bërë nga ish-vjehrra e 26-vjeçares, Alma Ibrahimi, e cila është shtirur si nëna e denoncueses.

Mjekja: Unë kam thënë në Prokurori, që nuk e kam parë asnjëherë… Më ka ardhur mami i vet, e prezantuar me emrin Refije, Alma, 2 emra, Refije në pasaportë, Alma më thonë.

Denoncuesja: A ishte flokë të zeza..?

Mjekja: Flokë të zeza, kaçurrela, e shkurtër, e dobët, kështu ishte. Dëshmia ishte kjo: “Më ka ardhur një zonjë, është prezantuar si mami, me emrin Alma. Filloi të qajë, paraqiti ankesat e veta, kam vajzën e sëmurë dhe tha: të lutem më jepni një recetë, që ta kem për në Gjermani!

Ajo duhet të procedohet dhe kaq, sepse është manipulatore! Ti kaq thuaj, ore njeri receta është e 13: 05, unë kam ik nga shtëpia në 2019 dhe s’ka asnjë lidhje.

Por problemi i 26-vjeçares nuk mbaron këtu. Për çështjen e divorcit është caktuar një psikologe, e quajtur Najada, që haptazi mban anën e ish-burrit të denoncueses.

LEXO EDHE:  Lagjja në Cërrik që rrezikon të përmbytet nga firma e inerteve

LEXO EDHE:  Skandali- 7.5 mln lekë për restaurimin e kishës/ Punëtorët vetëm një ditë në punë

Psikologe Najada: Domethënë, ti s’ke komunikim me Hoseliton?

Denoncuesja: Jo, jo.

Psikologe Najada: Domethënë ti për punën e fëmijës, që të vijë ta takojë, Hoselito, nuk ke problem për këtë pjesë?

Denoncuesja: Unë dua çdo gjë me vendim gjykate, në mënyrë ligjore se nuk u kam besë.

Psikologe Najada: Eh tani, dëgjo! Nuk përbën rrezikshmëri, në qoftë se ai është, të mendosh..,nuk mund ta kontrollojmë në çdo moment, ka konsumuar ashtu ai, apo s’ka. Kush është ai baba, që të jetë në një gjendje siç je dhe ti, nënë, që të shkojë të takojë fëmijën, në gjendje, që mendon ti?

Denoncuesja: Po ku i ka faktet që ka ardhur që të kërkojë vajzën?

Psikologia: A të ka marrë Hoselito në telefon? A të ardhur Hoselito vetë prezent? A ka ardhur të takojë fëmijën?

Denoncuesja: Asnjëherë.

Psikologia: Po mirë tani, në qoftë se vjen Hoselito, për të takuar fëmijën, ti e pengon. Kjo është pjesa?

Denoncuesja: Ku të vi ta takojë, ku do ta takojë vajzën?

Psikologia: Të vijë atje moj, në Tropojë! Po do jem dhe unë prezente aty. Do jem unë, do vij dhe ai të takohet prezent, të shikohet marrëdhënia, të afrohet njëherë fëmija me babanë se ka kaq kohë.

Denoncuesja: Me prezencën tuaj po.

Psikologia: Po pra sigurisht. Pastaj atë e vendos Gjykata, si do çmojë Gjykata lënien për rritje dhe edukim për fëmijën.

Lidhur për këtë çështje vendimin e fundit do ta japë Gjykata e Elbasanit./ tvklan.al

LEXO TE PLOTE

Denoncim

Denoncimi i Stop/ Gruaja nxirret me depresion, për t’i marrë kujdestarinë e vajzës

Publikuar

-

Nga

Denoncimi i Stop/ Gruaja nxirret me depresion, për t’i marrë kujdestarinë e vajzës

Një nënë e re 26 vjecare nga Tropoja, e martuar në Elbasan ka sjellë në jetë fëmijën e parë, një vajzë. Pas lindjes, ajo thotë, se është dhunuar nga bashkëshorti dhe prindërit e tij.

Lidhur me këtë ngjarje, është pajisur me urdhër-mbrojtjeje një vjecare. Pas këtij momenti, i ka ardhur kërkesë- padia nga avokati i bashkëshortit, për zgjidhjen e martesës dhe kujdestarinë e vajzës.

Për të përligjur kujdestarinë, ishin bashkëngjitur dy dokumente: një epikrizë nga materniteti “Mbretëresha Geraldinë”, ku shkruhej, se gruaja vuante nga një crregullim depresiv, si dhe një recetë nga një mjeke psikiatre, që i kishte dhënë mjekim.

Gjatë kësaj kohe, nënës së re, i është bërë një kallzim nga ish-vjehrra për shitje të fëmijës, akuzë, që u provua si e pavërtetë.

LEXO EDHE:  Skandaloze: Appleton i nxjer të gjitha në shesh

LEXO EDHE:  Paradoksi/ Rubineti nxjerr ajër, sahati mat ujë (video)

Denoncuesja takon mjekun gjinekolog Albert Cakoni, i cili thotë, se e ka hedhur firmën në dokumentin e epikrizës, pa e ditur, se cfarë firmoste./tv klan

LEXO TE PLOTE