"Po hidhet asfalt elektoral ilegalisht"/ Këlliçi thirrje Prokurorisë të nisë hetimet

28 Mars 2021, 17:26, Politikë CNA
"Po hidhet asfalt elektoral ilegalisht"/ Këlliçi thirrje

Kreu i FRPD-së, Belind Këlliçi, ka denoncuar se në Unazën e re po hidhet asfalt elektoral dhe punimet i bëjnë natën.

Ai i bën thirrje  Prokurorisë së Posaçme SPAK dhe Prokurorisë së Tiranës, të nisin hetimet për këtë krim elektoral që bëhet natën hajdutërisht.

?Po shtroni rrugën drejt burgut?, shkruan Këlliçi.

Deklarata e Belind Këlliçi

Prej 2 javësh, në rr. ?Milto Sotir Gurra? në Unazën e Re, po hidhet asfalt elektoral. Punimet i bëjnë natën.

Nuk ka asnjë tabelë që informon banorët e lagjes për këto punime. Nuk ka asnjë kontratë, asnjë tender, se nuk pret puna. Duan t’u hedhin hi syve banorëve me një shtresë asfalti që për punë muajsh do çahet si petë byreku.

Me të më njoftuar banorët për këtë maskaradë fushate, telefonova policinë dy herë që të vinin në vendngjarje. Askush nuk erdhi.

I bëj thirrje Prokurorisë së Posaçme SPAK dhe Prokurorisë së Tiranës, të nisin hetimet për këtë krim elektoral që bëhet natën hajdutërisht. Kërkoj vëmendjen e Prezencës së OSBE-së dhe misionit vëzhgues ODIHR në Shqipëri, dhe të ambasadave të shteteve mike, të veprojnë për të ndaluar këtë model abuzimi me taksat e qytetarëve shqiptarë për qëllime elektorale.

Dëshpërimi juaj për pushtet nuk është asgjë krahasuar me dëshpërimin ekonomik të qytetarëve që kanë pritur 8 vjet për të parë punët tuaja.

Po shtroni rrugën drejt burgut.’/CNA.al

 

Lajmet e fundit nga