Connect with Us

Makinë dhe mijëra euro e dollarë dhuratë/ Si ka ndryshuar pasuria e prokurorit, që paditi Ina Ramën

Vetingu

Makinë dhe mijëra euro e dollarë dhuratë/ Si ka ndryshuar pasuria e prokurorit, që paditi Ina Ramën

Publikuar

-

Paditi ish kryeprokuroren Ina Rama/ Pasuria e prokurorit që denoncoi emërimet klienteliste

Prokurori Bardhyl Shehu, në vitin 2009 u shkarkua nga Prokurorja e Përgjithshme  e saj kohe, Ina Rama.

Edhe pasi doli triumfues në Gjykata, nuk arriti të kthehej në detyrë deri pas përfundimit të mandatit të PP-së, Ina Rama.

Zëvendësuesi i kësaj të fundit Adriatik Llalla në vitin 2013, firmosi rikthimi në detyrë prokurorit Bardhyl Shehu.

Ndërkohë ky i fundit kishte ngritur një padi ndaj Ina Ramës për abuzim me detyrën,  por derisa Rama sot në Komisionin e Apelit të Vettingut, ajo padi ka rënë.

Për prokurorin Shehu hetimet Vetting kanë nisur në Dhjetor të vitit 2020 dhe sërish gjasat janë që i njëjti të përfundojë në duar të Ina Ramës dhe kolegëve të saj, nëse do të ketë ankimim qoftë nga Komisioneri Publik,  qoftë nga vetë ai si subjekt deklarues.

Shehu e ka të përqëndruar karrierën në Kurbin edhe është një nga prokurorët e denoncuar në emisionet e investigative në aspektin profesional.

Më herët, emisioni “Fiks Fare” ka sjellë historinë e një të riu nga Laçi, pasi drejtësia jo vetëm që e kishte harruar në burg por e kishte dënuar edhe në mënyrë të padrejtë.

Sipas “ Fiks fare”, i riu është procèduar dy herë nga Prokuroría e Kurbinit për dhunë ndaj babait, edhe pse prokurori, Bardhyl Shehu.  që ka ndjekur hetimet ka qenë i vetëdijshëm se i riu ka qenë disa herë viktimë e dhunës në familje.

Pasi dhuna në familjen e tij nga i ati i alkoolizuar është e përsëritur.

Në një kohë kur dosjen e ka çuar në gjykatë për këtë të ri, e vetmja zgjidhje që prokurori Shehu i jep për t‘i shpëtuar dhunës së ushtruar nga babai i alkoolizuar, është azili politik. Ai i sugjeron disa herë të largohet nga vendi, pasi kjo është e vetmja zgjidhje për të.

Thënë më qartë për prokuorin Shehu, ligjet janë vetëm në letër dhe nuk zbatohen.

Edhe në aspektin e pasurisë, prokurori Bardhyl Shehu është lakuar në media.

CNA.al ka hedhur dritë mbi deklarimet e tij pranë ILDKPKI-së, ku fillimisht në vitin 2003,  rezulton se nuk kishte as prona të tundshme dhe as të patundshme veç pagës.

Madje në vitin 2006 ai deklaron se babai i ka adhuruar një dhomë 16 m2 dhe 180 m2 tokë, tek Ura e Babrroi Tiranë. Kjo ishte pasuria e vetme e tij e patundshme.

Po të njëjtin vit ai deklaron shuma të konsiderueshme parash, për të cilat thotë se i janë dhuruar bashkëshortes nga nëna e saj.

Bëhet fjalë për 2 400 dollarë, 4 000 euro, 850 556 lekë, 180 000 lekë, 3 380 euro dhe 200 000 lekë. Dhe në vitin 2008 dhuratat për prokurorin vijojnë me një makinë nga kunati.

Pas shkarkimit dhe rikthimit në detyrë në vitin 2013 ai deklaron, Cash për të blerë shtëpi, marrë borxh nga vëllai i bashkëshortes në USA, 8 500 euro,apartament 151 44 m2 në Tiranë me vlerë 151 440 euro në emër të bashkëshortes.

Vendparkim 6.12 m2, me vlerë  25 000 euro në emër të bashkëshortes si dhe depozituar nga bashkëshortja  10 000 dollarë të vëllait dhe nënës së saj.

Borxhin 8 500 euro marrë kunatit deklaron se ia ka shlyer në vitin 2016, ndërkohë ka paguar shumë mijëra euro për shkollimin e djalit si dhe në vitin 2018, bashkëshortkja deklaron dhe një shumë 20 000 dollarë si borxh të marrë nga vëllai i saj, por nuk specifikohen arsyet.

Më poshtë po sjellim të detajuar pasurinë e deklaruar nga prokurori Bardhyl Shehu.

Viti 2003

Të ardhura të subjektit deklarues si opgj në prok në Tiranë, 435 870 lekë.

Viti 2004

Të ardhura të subjektit deklarues si opgj në prok në Tiranë, 535 272 lekë.

Viti 2005

Gjendja e llogarisë së subjektit deklarues 166 800 lekë.

Të ardhura të subjektit deklarues në prok Kurbin, 507 848 lekë.

Viti 2006

180 m2 tokë dhe 16 m2 dhomë, dhuruar nga babait në Urën e Babrroi në Tiranë.

Kaluar në llogarinë e bashkëshortes nga kunati për nxjerrjen e vizës për fëmijë të sëmurë shuma 3 000 000 lekë.

Dhuratë bashkëshortes nga nëna e saj, 2 400 dollarë, 4 000 euro, 850 556 lekë, 180 000 lekë, 3 380 euro dhe 200 000 lekë.

LEXO EDHE:  Foto-PS rikonfirmoi Pekën në detyrë?/ Zbulohet anëtari i KQZ  që e shoqëronte

Të ardhura të subjektit deklarues në prok Kurbin, 793 297 lekë.

Gjendja e llogarisë së subjektit deklarues, 523 494 lekë.

Të ardhura të bashkëshortes si ekonomiste, 27 100 lekë dhe 36 700 lekë.

Viti 2007

Kursime 146 280 lekë.

Të ardhura të subjektit deklarues në prok Kurbin, 976 860 lekë.

Orët shtesë dhe shpërblime, 135 859 lekë dhe 43 000 lekë.

Të ardhura të bashkëshortes si ekonomiste, 440 400 lekë.

Viti 2008

Kursime 376 660 lekë.

Makinë Benz 200, dhuruar nga kunati.

Të ardhura të subjektit deklarues në prok Kurbin, 779 535 lekë.

Orët shtesë dhe shpërblime, 130 526 lekë dhe 9 000 lekë.

Të ardhura të bashkëshortes si ekonomiste, 440 400 lekë.

Viti 2009

Të ardhura të subjektit deklarues në prok Kurbin, 510 000 lekë.

Orët shtesë dhe shpërblime, 51 700 lekë.

Të ardhura të bashkëshortes si ekonomiste, 175 000 lekë.

Viti 2013 (Para fillimit të detyrës)

Depozitë kursimi, 614 329 lekë.

Depozitë bankare, 71 801 lekë.

Depozitë kursimi, 71 163 lekë.

Cash për të blerë shtëpi marrë borxh nga vëllai në USA, 8 500 euro.

Ap 151 44 m2 në Tiranë me vlerë 151 440 euro në emër të bashkëshortes.

Vendparkim 6.12 m2, me vlerë  25 000 euro në emër të bashkëshortes.

Depozituar nga bashkëshortja  10 000 dollarë të vëllait dhe nënës së saj.

Depozitë bankare e bashkëshortes 100 000 lekë dhe 63 727 lekë.

Viti 2013 (Deklarara vjetore)

Depozitë bankare 772 544 lekë.

Të ardhura të subjektit deklarues si prokuror në Kurbin, 933 777 lekë.

Depozita bankare të bashkëshortes në shumat, 81 658 lekë, 285 27 euro dhe 3 573 dollarë.

Viti 2014

Depozitë bankare 206 064 lekë.

Të ardhura të subjektit deklarues si prokuror në Kurbin, 1 041 645 lekë.

Të ardhura nga interesat bankare të bashkëshortes, 151 506 lekë,  1629 lekë dhe 8.7 dollarë.

Të ardhura të bashkëshortes nga Alb Force, 28 513 dollarë.

Viti 2015

Depozitë bankare 484 682 lekë.

Të ardhura të subjektit deklarues si prokuror në Kurbin, 1 266 922 lekë.

Të ardhura nga interesat bankare të bashkëshortes, 12 414 lekë, 38 790 lekë.

Tërhequr nga bashkëshortja, 5 561 635 00 lekë.

Bashkëshortja i ka dhënë hua nënës së saj 5 000 000 lekë.

Të ardhura të bashkëshortes nga Alb Force, 2 500 dollarë.

Viti 2016

Të ardhura të subjektit deklarues si prokuror në Kurbin, 1 311 928 lekë.

Kursime, 459 356 lekë.

Depozita bankare të bashkëshortes në shumat 3 500 000 lekë dhe 8 500 dollarë.

Pagesat për shkollën e djalit, 3 600 euro.

Shlyer borxhin kunatit që ia kishte dhënë në vitin 2012 në shumën 8 500 euro.

Bashkëshortja ka paguar për licensën e avokatisë, 1 000 dollarë.

Pagesa për studime të djalit në USA, 300 dollarë.

Viti 2017

Të ardhura të subjektit deklarues si prokuror në Kurbin, 1 285 765 lekë.

Të ardhura të bashkëshortes si aksionere në APC SH.A, 1500 euro.

Të ardhura të bashkëshortes si administrator në një kompani 1 000 euro.

Viti 2018

Kursime, 419 003 lekë.

Kursime të bashkëshortes, 394 225 73 lekë.

Pensioni i nënës së bashkëshortes, 3 000 dollarë.

Të ardhura të subjektit deklarues si prokuror në Kurbin, 1 371 854 lekë.

Të ardhura të bashkëshortes  si punonjëse e Dv Alb Turist Hoteliers pranë Minitrisë së Ekonomisë, 766 520 lekë.

Bashkëshortja deklaron se i ka marrë borxh vëllait 20 000 dollarë./CNA.al

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Tensione në KPK/ Prokurori rebelohet, ndjek nga pas Komisionerët e Vettingut

Publikuar

-

Nga

Komisioni i Pavarur i Kuliafikimit ka shkarkuar sot nga detyra prokurorin e Beratit Tasim Puci, pasi e ka gjetur me shkelje në të tria kriteret.

Por, pas dhënies së vendimit ka reaaguar ashpër prokurori Puci. Sipas Birn, situata është tensionuar, pas shpalljes së vendimit të shkarkimit të tij nga detyra. Prokurori Puci,ka ndjekur anëtarët e trupës gjykuese teksa dilnin nga salla, duke i pyetur dy herë radhazi “Ku do më çoni tani”?

Situata është qetësuar me ndërhyrjen e forcave të sigurisë.

“Jam pa shtëpi e katandi,” ka thënë prokurori i saposhkarkuar përpara se të largohej nga salla.
Procesi i vetingut për prokurorin e Prokurorisë së Beratit, Tasim Puci u krye nga trupa e kryesuar nga Olsi Komici, me relatore Suela Zhegu dhe anëtare Genta Tafa Bungo. Sipas relatimit, ai u gjet me probleme në të tre kriteret e rivlerësimit.

LEXO EDHE:  Foto-PS rikonfirmoi Pekën në detyrë?/ Zbulohet anëtari i KQZ  që e shoqëronte

LEXO EDHE:  Prokurori i “listës së zezë”, së Tahirit/ Mbi 80 000 euro apartament dhe 15 000 makinë

Gjatë seancës dëgjimore, prokurori Puçi u pyet në lidhje me një kontratë noteriale në të cilën ai rezultonte pronar i një apartamenti, të cilin ia kalonte vjehrrit dhe disa shkëmbime financiare me këtë të fundit./CNA.al

LEXO TE PLOTE

Vetingu

Vettingu/ KPK “i pret kokën” prokurorit që shkonte i dehur në seancë

Publikuar

-

Nga

Komisioni i Pavarur i Kulifikimit ka shkarkuar nga detyra, prokurorin e Beratit, Tasim Pucci për shkak të problemeve me pasurinë.

Inspektorati i Lartë i Deklarimit dhe Kontrollit të Pasurive dhe Konfliktit të Interesave kishte sjellë në KPK një raport negativ për Pucin. Sipas këtij raporti Puci kishte bërë fshehje pasurie, nuk kishte burime të ligjshme dhe kishte deklarime të pasaktë e të rremë të pasurisë.

Puci e ka ushtruar profesionin e prokurorit që nga viti 2003, në Skrapar. Në kuadër të procesit të Vettingut, KLP ka analizuar tre dosjet e zgjedhura nga prokurori dhe pesë dosjet e zgjedhura me short dhe ka marrë parasysh të gjithë ankesat dhe vërejtjet për këtë prokuror, ndërsa ka shqyrtuar aftësitë profesionale.

Kujtojmë se prokurori Tasim Buci, më herët është ndëshkuar me “vërejtje” nga KLP. Siç ka raportuar e përditshmja “Panorama”, ai është akuzuar se ka shkuar në gjendje të dehur në një gjyq të zhvilluar në Berat, ndërsa në Tiranë në një proces të ndjekur prej tij, prokurori nuk ka respektuar solemnitetin në paraqitjen fizike të veshjes.

Gjithashtu prokurori Tasim Puci është denoncuar në vitin 2016 nga emisioni investigativ “Stop”, me argumentin se në bashkëpunim me gjykatën iu kishin dhënë lirinë, dy shtetasve të akuzuar për trafik të lëndëve narkotike. Dy shtetasit rezultonin të ishin të afërm të kryebashkiakut të Poliçanit, përkatësishtë vëllai dhe kunati./CNA.al

Skandalet e drejtësisë në Vetting/ Prokurori i dehur në seancë dhe me veshje joetike

LEXO TE PLOTE

Vetingu

Mbeti jashtë sistemit të drejtësisë për 15 vjet/ KPA “rrëzoi” bashkëshorten e Denar Bibës

Publikuar

-

Nga

Mbeti jashtë sistemit të drejtësisë për 15 vjet/ KPA "rrëzon" bashkëshorten e Denar Bibës

Nga Edmond Hoxhaj*

Kolegji i Posaçëm i Apelimit, KPA i ka rrëzuar si të pabazuar pretendimet e ish-këshilltares ligjore pranë Gjykatës së Lartë, Elona Kana, për të cilën Komisioni vendosi më 3 shkurt 2020 të ndërpresë procesin e rivlerësimit dhe i hoqi të drejtën për t’u emëruar në institucionet e drejtësisë për një periudhë 15-vjeçare.

Kana pretendonte në ankim se ishte larguar nga Shkolla e Magjistraturës dhe nuk kishte dhënë dorëheqje sipas nenit G të Kushtetutës. Sipas saj për këtë rast kishte boshllëk ligjorë dhe KPK nuk do duhej të dilte me vendim.

Trupi gjykues i KPA, i kryesuar nga Ina Rama, me relatore Rezarta Schuetz dhe anëtarë Albana Shtylla, Natasha Mulaj dhe Ardian Hajdari, i kujton Kanës në vendimin e zbardhur se vendi në Shkollën e Magjistraturës e kishte marrë si këshilltare ligjore e Gjykatës së Lartë.

Përkundër pretendimit të saj se kishte boshllëk, ishte parashikuar shprehimisht në ligj se për këshilltarët që nuk e kalonin procesin, ndërpritej edhe mundësia e vijimit të Shkollës së Magjistraturës.

Elona Kana, në momentin e hyrjes në fuqi të ligjit për rivlerësimin e gjyqtarëve dhe prokurorëve ka ushtruar detyrën e këshilltares ligjore në Gjykatën e Lartë.

Në maj të 2018-ës, ajo iu nënshtrua testimit për vlerësimin e aftësive profesionale për subjektet e rivlerësimit ex officio, të zhvilluar nga Shkolla e Magjistraturës. Pas kalimit me sukses të testimit, Kana zgjodhi të ndjekë programin e formimit fillestar në Shkollën e Magjistraturës, në profilin “gjyqtar”.

Pasi Komisioni i Pavarur i Kualifikimit, KPK vendosi përfundimin e hetimit administrativ për të tria kriteret e vlerësimit për Kanën, e ftoi atë në seancë dëgjimore.

Në seancën dëgjimore të zhvilluar më 2 tetor 2019, Elona Kana kërkoi përjashtimin e relatores së çështjes, Xhensila Pine, kërkesë që u rrëzua si e pabazuar në ligj e prova nga një trupë tjetër gjyqësore e KPK.

Kana ngriti dyshime për ndikim politik të Pines në qëndrimin ndaj saj, duke u shprehur se relatorja e çështjes ishte zgjedhur nga Partia Demokratike. Ajo e lidhi ndikimin politik me funksionin e bashkëshortit të saj, Denar Biba si nënkryetar i Komisionit Qendror të Zgjedhjeve. Gjithashtu, Kana e mbështeti kërkesën edhe me ndjesinë e saj se nuk ishin marrë parasysh provat dhe dokumentet e dorëzuara në lidhje me udhëtimet e punës, si dhe të ardhurat.

Pak ditë pas seancës dëgjimore, subjekti i rivlerësimit i paraqiti Këshillit Drejtues dhe Drejtorit të Shkollës së Magjistraturës dorëheqjen me shkrim nga vazhdimi i mëtejshëm i procesit akademik, duke vënë në dijeni edhe Komisionin për këtë veprim të sajin.

KPK riçeli hetimin për verifikimin e dorëheqjes duke e thirrur sërish Kanën në seancë dëgjimore më 30 janar 2020, për t’u dëgjuar. Pasi subjekti zgjodhi të mos ishte e pranishme, Komisioni e zhvilloi seancën dëgjimore në mungesë të saj dhe vendosi të ndërpresë procesin e rivlerësimit kalimtar dhe t’i heqi të drejtën për emërimin e saj në pozicione të caktuara në institucionet e drejtësisë për një periudhë 15-vjeçare.

Në ankim, Kana pretendon se vendimi i Komisionit është i paligjshëm dhe i paarsyetuar dhe se vjen në kundërshtim me parimet e përgjithshme të të drejtave dhe lirive të parashikuara nga Kushtetuta dhe nga KEDNj-ja.

Ajo e konsideron të gabuar zbatimin në rastin e saj, të pikës 2 të nenit G të Aneksit të Kushtetutës, që parashikon sanksionin për ndalimin e emërimit në sistemin e drejtësisë për një periudhë 15-vjeçare, kur subjekti i rivlerësimit dorëhiqet.

Subjekti i rivlerësimit, pretendon se Komisioni gjendej përpara një boshllëku ligjor dhe se ishte në pamundësi për të dhënë vendim përfundimtar, pasi në momentin e dorëheqjes, ajo ka qenë studente e Shkollës së Magjistraturës dhe nuk gëzonte asnjë status tjetër në kuptim të legjislacionit.

Kana argumenton se nuk ka dhënë dorëheqjen nga detyra e ndihmëses ligjore në Gjykatën e Lartë në kuptim të nenit G të Aneksit të Kushtetutës, ku parashikohet sanksioni që i heq subjektit të rivlerësimit të drejtën e emërimit në institucionet e drejtësisë. Ajo thekson se është larguar nga detyra në zbatim të nenit 165 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, ku parashikohen dispozitat kalimtare për ndihmësit ligjorë.

Kana pretendon se, në rastin e saj, as Kushtetuta dhe as legjislacioni nuk ka parashikuar se çfarë vendimi do të duhet të marrin institucionet e rivlerësimit për ndihmësit ligjorë të Gjykatës së Lartë, apo për subjekte të tjera që vazhdojnë Shkollën e Magjistraturës, kur dorëheqjen nga detyra për shkak të së cilës u bënë subjekte rivlerësimit. Sipas saj, Komisioni e kishte të pamundur për të dhënë vendim pasi ajo nuk gëzonte asnjë status pas dorëheqjes së dhënë.

Pasi analizon procedurën e ndjekur në Komsion për rivlerësimin e Kanës, Kolegji sjell në vëmendje se ndihmësit ligjorë të Gjykatës së Lartë përfshihen në kategorinë e subjekteve që i nënshtrohen procesit të rivlerësimit ex officio, në vijim të parashikimeve kushtetutese dhe ligjore, ashtu si gjyqtarët dhe prokurorët.

LEXO EDHE:  Konsulenti i Soros-it në Gjykatën e Tiranës/ Si u pasurua Julian Haxhiu?

LEXO EDHE:  Foto-PS rikonfirmoi Pekën në detyrë?/ Zbulohet anëtari i KQZ  që e shoqëronte

Në mënyrë të shprehur, ligjvënësi i ka kategorizuar ndihmësit ligjorë të Gjykatës së Lartë si subjekte të rivlerësimit”, vëren Kolegji.

Trupi gjykues i KPA, argumenton se subjektet e rivlerësimit ex officio, ndër të cilat edhe Kana, përfituan lehtësira ligjore për të ndjekur programin e trajnimit dyvjeçar në Shkollën e Magjistraturës.

Ndryshe nga procedura e zakonshme e programit trevjeçar që ndjek Shkolla e Magjistraturës për studentët që vijnë nga jashtë sistemit, për këshilltarët dhe ndihmësit ligjorë është përcaktuar të jetë dy vjet. Këto subjekte rivlerësimi, nuk përfitojnë bursë sikurse ndodh në rekrutimet e zakonshme, por marrin pagë barabartë me atë të pozicionit të tyre respektiv.

Ligji nr. 96/2016, në nenin 165 nuk parashikon humbjen e cilësisë së subjektit të rivlerësimit ex officio për shkak të ndjekjes së programit të formimit profesional në Shkollën e Magjistraturës, përkundrazi. Gjuha dhe fryma e dispozitave që rregullojnë procesin e rivlerësimit, dhe sidomos neni 165, pika 8 e ligjit nr. 96/2016, përcaktojnë që moskalimi me sukses i procesit të rivlerësimit përbën shkak për ndërprerjen e programit akademik në Shkollën e Magjistraturës”, evidentohet në vendim.

Trupi gjykues vëren se, përkundër nga çfarë pretendon Kana, gjatë procesit të rivlerësimit nuk ka paraqitur në asnjë moment kërkesë ku të parashtrojë pretendimin se nuk duhej t’i nënshtrohej procesit të rivlerësimit, pasi nuk përfshihej më në kategorinë e subjekteve të rivlerësimit duke qenë se ishte studente pranë Shkollës së Magjistraturës.

Kolegji konstaton se akti i dorëheqjes nga Kana para vitit të dytë të programit të formimit fillestar në Shkollën e Magjistraturës ka ndodhur pas ndërprerjes së seancës dëgjimore, që është një fazë që i paraprin marrjes së vendimit nga ana e Komisionit.

Në rast se këto subjekte vendosin të mos i nënshtrohen këtij procesi, atëherë ata përjashtohen nga mundësia e emërimit në disa prej organeve të drejtësisë, për një periudhë 15-vjeçare, sipas përcaktimeve në pikën 2 të nenit G të Aneksit të Kushtetutës”, konstaton Kolegji.

KPA e quan të pabazuar edhe pretendimin tjetër të Kanës se, ndalimi për 15 vite cënon të drejtën kushtetuese për punë, si dhe është në kundërshtim me parimin e proporcionalitetit pasi KPK ka vendosur masë penalizuese të njëtrajtshme për cilindo subjekt kur ndërpritet procesi i rivlerësimit, pa marrë parasysh specifikat rast pas rasti.

Kana ankohet edhe mbi formulimin e nenit G të Aneksit të Kushtetutës, duke pretenduar se bie ndesh me parimet e shtetit të së drejtës pasi parashikon një dënim fiks, shumë herë më të rëndë se dënimi penal dhe se në mënyrë jo proporcionale vendos trajtim të barabartë për subjekte krejtësisht të pabarabarta.

Kolegji thekson se kushtetutshmëria e parimeve mbi të cilat është bazuar procesi i rivlerësimit, nuk është objekt diskutimi i kësaj çështjeje. Në vijim, duke ju referuar edhe jurisprudencës së Gjykatës Kushtetuese, trupi gjykues vlerëson se parashikimi i nenit G të Aneksit të Kushtetutës është i qartë në frymën dhe gjuhën e tij, ku parashikohet se dhënia e dorëheqjes sjell ndërprerjen e procesit të rivlerësimit dhe sanksionon ndalimin prej 15 vitesh për të kryer detyra të caktuara në sistemin e drejtësisë.

Trupi gjykues i KPA vëren se në dritën e qëllimit për të cilin është ngritur sistemi i rivlerësimit, ndalimi i ushtrimit të detyrave në sistemin e drejtësisë për 15 vjet, nuk është disproporcional, për sa kohë shteti legjitimohet të sanksionojë ndalime të caktuara në fusha të caktuara të funksioneve publike.

Në vendim thuhet se pretendimi i subjektit bie ndesh edhe me kriteret e përcaktuara nga Gjykata Evropiane e të Drejtave të Njeriut, GjEDNj-ja dhe sillet në vëmendje çështja “Niadin kundër Rumanisë”.

Gjykata vëren se shteti nuk ka vendosur ndalime mbi punësimin e ardhshëm të kërkuesit”, citohet argumenti i GjEDNj në vendimin e KPA.

Më tej, trupi gjykues i Kolegjit vëren se nga ana e Komisionit rezulton të jenë respektuar parimet e procesit të rregullt ligjor, duke i dhënë mundësinë subjektit të rivlerësimit për të ushtruar të drejtat bazuar në parimin e kontradiktorialitetit, për t’u dëgjuar dhe për t’u mbrojtur, përpara marrjes së vendimit.

KPA lë në fuqi vendimin e KPK/ Bashkëshortja e Denar Bibës ngelet jashtë sistemit të drejtësisë për 15 vjet

LEXO TE PLOTE