Connect with Us

Shitet për 2.9 milionë dollarë postimi i parë në Twitter

Teknologji

Shitet për 2.9 milionë dollarë postimi i parë në Twitter

Publikuar

-

Twitter pezullon llogaritë false të mbështetësve të Trump

Një biznesmenit në Malajzi i është shitur për 2.9 milionë euro postimi i parë në Twitter i shpikësit të Twitterit, Jack Dorsey. Postimi është publikuar me 21 mars 2006 dhe në mbishkrim thuhej “vetëm po e vendos tëeetin tim”.

Postimi është shitur në një ankand për bamirësi. Postimi u ble, duke përdorur kriptomonedhën eter, një rival i bitcoinit.

“Ky është vetëm një tëeet. Mendon që vite më vonë njerëzit do ta kuptojnë vlerën e vërtetë të postimit, si të pikturës së Mona Lizës”, ka shkruar ai./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Teknologji

Mark Zuckerberg përdor rivalin e WhatsApp për të komunikuar

Publikuar

-

Nga

Mark Zuckerberg përdor rivalin e WhatsApp për të komunikuar

Kur bëhet fjalë për mesazhe private, duket se edhe Mark Zuckerberg nuk i beson paketës së aplikacioneve të Facebook për t’i mbajtur të dhënat e tij të sigurta.

Gjiganti i teknologjisë së Silicon Valley është kapur duke përdorur aplikacionin e sigurt të bisedës “Signal”, një konkurrent i drejtpërdrejtë i WhatsApp në pronësi të Facebook.

Zuckerberg, ishte një nga më shumë se 530 milionë përdorues të Facebook, të dhënat e të cilëve u gjetën së fundmi të disponueshëm në një faqe në internet për hakerat.

Numrat e telefonit të njerëzve, ID-të në Facebook, emrat dhe më shumë u grumbulluan nga platforma e mediave sociale dhe u botuan në internet.Facebook është përpjekur të sigurojë përdoruesit, duke thënë se të dhënat u zbuluan në 2019 dhe që atëherë janë siguruar.

LEXO EDHE:  Twitter hap “luftë” ndaj profileve ekstremiste

LEXO EDHE:  Njerëzit janë shokuar/ Twitteri sapo zbuloi që Fenty është emri i Rihannës

Kjo është një siguri e vogël për Zuckerberg, megjithatë, i cili si rezultat i rrjedhjes është ekspozuar si një përdorues i një prej konkurrentëve më të mëdhenj të Facebook. Eksperti i sigurisë kibernetike Dave Walker së fundmi theksoi se numri i telefonit i shefit të Facebook u botua si pjesë e derdhjes së të dhënave./ CNA.al

LEXO TE PLOTE

Teknologji

A është i sigurt aplikacioni TikTok? Ja çfarë duhet të dini

Publikuar

-

Nga

Tik Tok është një aplikacion popullor i mediave sociale, i ndërtuar rreth një arkivi të madh videos të shkurtra të realizuara nga përdoruesit e tij. Në pronësi të kompanisë kineze “ByteDance”, TikTok parashikohet që t’i tejkalojë brenda këtij viti 1 miliard përdorues aktivë mujorë.

Kjo e bën atë një nga aplikacionet më të mëdha të mediave sociale, me gati të njëjtën trafik aktiviteti si Instagram. Çdo kompani e mediave sociale me një shtrirje të ngjashme, si për shembull Facebook, është kritikuar vazhdimisht për politikat e saj të privatësisë.

TikTok ka marrë një vëmendje të madhe gjatë viteve të fundit. Administrata Trump tentoi vazhdimisht që të ndalojë aplikacionin në SHBA, duke përmendur rrezikun që “ByteDance”, të ndajë të dhënat e saj të përdoruesve me qeverinë kineze.

Edhe presidenti i ri amerikan Xho Bajden, e cilësoi që në vjeshtën e vitit 2020, kur ishte ende kandidat, aplikacionin TikTok si “një çështje vërtet shqetësuese”. Shumë ekspertë të sigurisë kibernetike, sugjerojnë që të gjitha këto gjëra të mbahen parasysh, por mos të teprohet.

“Nga të gjitha rreziqet serioze kibernetike me të cilat përballet një konsumator i zakonshëm, TikTok nuk është në krye të listës. Shumica e amerikanëve duhet të shqetësohen më shumë për mashtrimin me kartat e kreditit dhe me mbrojtjen e fjalëkalimeve, sesa nga TikTok”- thotë Monika Itën-Kardone, bashkëthemeluese dhe zyrtarja kryesore operative e “Chargebacks911”.

Edhe Çester Visnievski, shkencëtar i kërkimit në kompaninë “Sophos” bie akord me këtë konstatim:”TikTok nuk paraqet më shumë rrezik për një përdorues, sesa çdo aplikacion tjetër në mediat sociale. Kjo nuk do të thotë që nuk ka shumë rreziqe, dhe që ndryshon shumë nga Facebook, Twitter apo Instagram”.

Ndërsa politikanët vazhdojnë të diskutojnë masat legjislative kundër TikTok – senatorët republikanë Xhosh Houli dhe Rik Skot prezantuan një projektligj në vitin 2020 për të mos lejuar punonjësit federalë ta përdorin aplikacionin në pajisjet qeveritare – ka ende pak prova për dëmet e tij.

Eksperit Pol Bishof nga kompania “Comparitech”, është kritik ndaj sulmeve të forta ndaj aplikacionit:”Rreziqet e supozuara të TikTok ndaj sigurinë kombëtare, ishin kryesisht të motivuara politikisht”.

LEXO EDHE:  Frika nga sulmet kibernetike/ Mbyllen qindra llogari ruse në Twitter dhe Facebook

LEXO EDHE:  Twitter hap “luftë” ndaj profileve ekstremiste

Gjithsesi ekspertë të tjerë të sigurisë kibernetike shprehin shqetësim mbi cenimin e privatësisë. Si çdo aplikacion i mediave sociale, TikTok mbledh të dhënat e përdoruesve.

Por shkalla e të dhënave që kërkohen është e jashtëzakonshme.

Aliza Vigderman, gazetare në “Security.org”, tha se TikTok mund të mbledhë deri në 50 lloje informacioni nga përdoruesit 13 vjeç e sipër, nga mosha, emri i përdoruesit, gjinia, adresa e postës elektronike deri në detaje në lidhje me telefonin tuaj celular, përmbajtjen e mesazheve, dhe përcjelljen e të dhënave në lidhje me aktivitetet tuaja në internet.

Për shkak se kompania ndan informacione me “shitësit e reklamave, marketingut dhe analizave”, Vigderman vlerësoi se “informacioni juaj nuk është i sigurt me TikTok”. Që ta përdorë TikTok, një përdorues duhet ta lejojë aplikacionin të ketë qasje tek mikrofoni, kamera, kontaktet, dhe shërbimin e vendndodhjes.

Shumë politikanë amerikanë, besojnë se Kina mund të përdorë TikTok për të spiunuar qytetarët e SHBA-së. Vetë TikTok, thotë se i ruan të dhënat personale të përdoruesve amerikanë në servera që i ka në SHBA, për t’i mbrojtur ata nga kërkesat e qeverisë kineze, por besueshmëria e këtij shpjegimi është e debatueshme.

Po si mund të reduktohen rreziqet e mundshme nga TikTok? Së pari mos përdorni emrin tuaj të plotë apo të specifikoni moshën tuaj. Së dyti mund ta bëni llogarinë tuaj private. Së treti mos lejoni që t’ju gjejnë përdoruesit e tjerë, Dhe së fundmi mos lejoni që përdoruesit e tjerë të ndërveprojnë me ju. Gjithashtu ju mund të aktivizoni opsionet e privatësisë, dhe të kufizoni vetëm tek miqtë numrin e atyre që mund t’ju dërgojnë mesazhe të drejtpërdrejta. / Business Insider – Bota.al

LEXO TE PLOTE

Teknologji

Si të shtoni titra automatikisht në videot tuaja në Tik Tok?

Publikuar

-

Nga

Si të shtoni titra automatikisht në videot tuaja në Tik Tok?

Tik Tok më në fund ka krijuar një tipar automatik të titrave. Aktualisht, krijuesit e Tik Tok duhet të shtojnë manualisht titra në videot e tyre, por së shpejti ata do të jenë në gjendje të përdorin një mjet që mund ta bëjë këtë për ta.

Tik Tok sapo ka njoftuar veçorinë automatike të titrave, por mund të duhet pak kohë për t’u shpërndarë për të gjithë.

Ajo do të jetë e vlefshme fillimisht në gjuhën angleze amerikane dhe japoneze. Kompania ka në plan të nxjerrë më shumë mundësi gjuhe në muajt e ardhshëm.

Si të shtoni titra automatikisht në videot e Tik Tok?

Karakteristika e titrave automatike të Tik Tok do të shfaqet në faqen e redaktimit pasi të keni ngarkuar ose regjistruar një video.

LEXO EDHE:  ISIS kërcënon punonjësit e Twitter për mbylljen e llogarive

LEXO EDHE:  Tani edhe në Twitter video 360 gradë

Thjesht do të duhet të klikoni në ikonën e titrave automatik edhe pastaj kontrolloni dy herë nëse është e saktë.

Teksti i transkriptuar automatikisht do të shfaqet në video dhe do të jeni në gjendje të redaktoni titrat pasi ato të gjenerohen.

Shikuesit gjithashtu do të jenë në gjendje të çaktivizojnë titrat me ikonën e tyre të re. Ju mund të duhet të azhurnoni aplikacionin tuaj për të parë funksionin e ri./ CNA.al

LEXO TE PLOTE