Connect with Us

Me mbi 15 000 dollarë dhuratë, 4 shtëpi dhe dyqan/ Prokurori “pasha” që hoqi dorë nga dosja 184

Vetingu

Me mbi 15 000 dollarë dhuratë, 4 shtëpi dhe dyqan/ Prokurori “pasha” që hoqi dorë nga dosja 184

Publikuar

-

Në shtator 2019, Rifat Kojku u emërua në krye të Prokurorisë së Dibrës nga Këshilli i Lartë i Prokurorisë me 8 vota.

Ai zëvendësoi Esmeralda Keshin e cila u zgjodh anëtare e KLP. Rifat Kojku, për të cilin Vettingu ka nisur në Dhjetor të vitit 2020, është një nga prokurorët që ka hetuar dosjen 184, e cila ka si objekt hetimi, manipulimin e votave gjatë zgjedhjeve të vitit 2016 në Dibër.
Kujtojmë se në korrik vitit 2019, dosja në fjalë, nga Prokuroria për Krimet e Rënda u transferua në Prokurorinë e Dibrës, ku drejtuesja Esmeralda Keshi, të cilës një familjar i saj i ka dalë në përgjimet e dosjes 184, caktoi për hetimet prokurorin Rifat Kojku së bashku me një tjetër.

Prokurori Kojku pasi nisi hetimet për këtë dosje u zgjodh në krye të Prokurorisë së Dibrës dhe kjo u komentua si një “shpërblim” për shkatërrimin e dosjes 184. Por, më vonë u raportua se prokurori Kojku kishte hequr dorë nga kjo dosje, për arsye ende të paditura publikisht.

Duke iu referuar pasurisë së tij ndër vite, duket se nuk i ka munguar lidhja me pushtetin. Në vitin 2016 vajza e tij deklaron se ka punuar në Kryeministrit, ndërsa në vitin 2018, djali deklaron se ka punuar në Kontrollin e Lartë të Shtetit. Nëse ndalemi vetëm tek pasuria, patundshmëri dhe tundshmëri, prokurori Rifat Kojku rezulton me disa shtëpi një prej të cilave 86 m2 trashëgimi në Dibër.

Apartament banimi 88.79 m2, apartament banimi 99.72 m2, apartament banimi 100.69 m2, dyqan me sipërfaqe 27.16 m2 dhe garazh me sipërfaqe 21.40 m2 në Yzberisht. Gjithashtu ndër vite ai deklaron dhuratë nga motra 15 000 dollarë.

Më poshtë po sjellim të detajuar pasurinë e deklaruar nga prokurori Rifat Kojku.
Viti 2003
Ap banimi ku zotëron 20 % me vlerë, 0,0184 milion lekë.
Të ardhura të subjektit deklarues nga Prokuroria Dibër, 0,096 milion lekë.
Të ardhura të bashkëshortes nga paga, 0,036 milion lekë.
Të ardhura të djalit nga paga me vlerë, 0, 755 milion lekë.

Viti 2004
Shtëpi banimi blerë nga privatizimi, me vlerë 19 800 lekë.
Të ardhura të subjektit deklarues nga Prokuroria Dibër, 990 830 lekë.
Të ardhura të bashkëshortes nga paga si mësuese 248 000 lekë.
Pensioni i prindërve në shumat, 96 000 lekë dhe 36 000 lekë.

Viti 2005
Shtesë në shtëpi në papafingo me vlerë 450 000 lekë.
Të ardhura të subjektit deklarues nga Prokuroria Dibër, 1 115 332 lekë.
Të ardhura të bashkëshortes nga paga si mësuese 313 281 lekë.
Pensioni i prindërve në shumën 132 000 lekë.

Viti 2006
Shtëpi banimi.
Të ardhura të subjektit deklarues nga Prokuroria Dibër, 1 125 230 lekë.
Të ardhura të bashkëshortes nga paga si mësuese 333 731 lekë.
Pensioni i prindërve, 110 000 lekë dhe 50 000 lekë.
Detyrim për studime të vajzës, 1 720 euro.

Viti 2007
Kursime, 650 000 lekë.
Të ardhura të subjektit deklarues nga Prokuroria Dibër, 974 520 lekë.
Të ardhura të bashkëshortes nga paga si mësuese 342 000 lekë.
Pensioni i prindërve, 120 000 lekë dhe 80 000 lekë.
Detyrim për studime të vajzës, 200 000 lekë.

Viti 2008
Kursime 400 000 lekë.
Të ardhura të subjektit deklarues nga Prokuroria Dibër, 1 327 548 lekë.
Të ardhura të bashkëshortes nga paga si mësuese 417 000 lekë.
Pensioni i prindërve, 120 000 lekë dhe 80 000 lekë.

Viti 2009
Kursime, 450 000 lekë.
Të ardhura të subjektit deklarues nga Prokuroria Dibër, 1 062 834 lekë.
Të ardhura të bashkëshortes nga paga si mësuese 464 000 lekë.
Pagesë për studimet e vajzës, 250 000 lekë.

Viti 2010
Kursime, 500 000 lekë.
Të ardhura të subjektit deklarues nga Prokuroria Dibër, 1 117 000 lekë.
Të ardhura të bashkëshortes nga paga si mësuese 480 000 lekë.
Të ardhura nga ekonomia ndihmëse (nuk e sqaron), 100 000 lekë.
Pagesë për studimet e vajzës, 450 000 lekë.

Viti 2011
Kursime, 500 000 lekë.
Dhuratë nga dhëndëri dhe motra, 5 000 dollarë amerikan.
Të ardhura të subjektit deklarues nga Prokuroria Dibër, 1 229 296 lekë.
Të ardhura të bashkëshortes nga paga si mësuese 511 084 lekë.
Të ardhura nga ekonomia ndihmëse, pemëtore, 80 000 lekë.
Pagesë për studimet e vajzës, 550 000 lekë.

Viti 2012
Kursime 500 000 lekë.
Dhuratë e sjellë nga motra në SHBA, 5 000 dollarë.
Të ardhura të subjektit deklarues nga Prokuroria Dibër, 1 293 928 lekë.
Të ardhura të bashkëshortes nga paga si mësuese 520 183 lekë.
Të ardhura nga ekonomia ndihmëse, tokë e paregjistruar, 50 000 lekë.
Pagesë për studimet e vajzës, 500 000 lekë.

LEXO EDHE:  Mes biznesit të prindërve dhe dyerve të Gjykatës/ Gjyqtarja që “kopsiti” Prokurorinë për dosjen e vrasjes

Viti 2013
Kursime 370 000 lekë.
Ap 1+1 me sip 100.33 m2.
Ap 2+1 me sip 105.9 m2.
Ap 2+1 me sip 113.77 m2.
Garazh, 25 m2.
Dyqan me sip 28 m2. Këto prona do të ndërtohen ne pronën 300 m2, të blerë në vitin 1997, ku ka qenë në fazën e ndërtimit një banesë dy kat me papafingo, që ka filluar të ndërtohet në vitin 1999.
Të ardhura të subjektit deklarues nga Prokuroria Dibër, 1 229 827 lekë.
Të ardhura të bashkëshortes nga paga si mësuese 555 533 lekë.
Të ardhura nga ekonomia ndihmëse, tokë e paregjistruar, 50 000 lekë.

Viti 2014
Kursime, 450 222 lekë.
Dërguar nga vajza në SHBA, 5 992 dollarë.
Të ardhura të subjektit deklarues nga Prokuroria Dibër, 1 395 661 lekë.
Të ardhura të bashkëshortes nga paga si mësuese 569 591 lekë.
Të ardhura nga ekonomia ndihmëse, tokë e paregjistruar, 50 000 lekë.

Viti 2015
Kursime, 200 000 lekë.
Të ardhura të subjektit deklarues nga Prokuroria Dibër, 1 461 695 lekë.
Të ardhura të bashkëshortes nga paga si mësuese 575 321 lekë.
Të ardhura nga ekonomia ndihmëse, tokë e paregjistruar, 50 000 lekë.
Shpenzime për ndërtim ap, 500 000 lekë.
Shpenzime, për mobilim ap, 400 000 lekë.
Shpenzime për shkollimin e djalit, 200 000 lekë.
Shpenzime për aktivitetin e përditshëm familjar, 800 000 lekë.

Viti 2016
Ap banimi 88.79 m2 në Yzberisht.
Ap banimi 99.72 m2 në Yzberisht.
Ap banimi 100.69 m2 në Yzberisht.
Dyqan me sip 27.16 m2 në Yzberisht.
Garazh me sip 21.40 m2 në Yzberisht.
Blerë makinë për vajzën me vlerë, 244 800 lekë.
Blerë makinë për djalin me vlerë 173 320 lekë.
Shpenzime për aktivitetin e përditshëm familjar, 885 187 lekë.
Gjendje cash jashtë sistemin banker, 75 000 lekë.
Pakësim i llogarisë rrjedhëse të subjektit deklarues, 93 611 lekë.
Të ardhura të subjektit deklarues nga Prokuroria Dibër, 1 339 696 lekë.
Të ardhura nga qiraja e dyqanit, 75 000 lekë.
Bashkëshortja deklaron shpenzime për familjen 271 469 lekë.
Gjendje cash e bashkëshortes, 100 000 lekë.
Shtesë në llogarinë rrjedhëse të bashkëshortes, 194 819 lekë.
Të ardhura të bashkëshortes nga paga si mësuese 566 288 lekë.
Vajza deklaron makinë Kia me vlerë,244 800 lekë.
Vajza deklaron shpenzime të kryera për familjen,273 180 lekë.
Gjendja në llogarinë rrjedhëse të vajzës, 223 872 lekë.
Gjendja në llogarinë rrjedhëse të vajzës, 1 146 dollarë.
Të ardhura të vajzës nga puna në Kryeministri, 497 052 lekë.
Djali deklaron makinë Renault me vlerë, 173 320 lekë., të cilën e ka shitur me të njëjtën vlerë.
Shpenzime nga djali, 70 000 lekë.
Gjendje cash të djalit, jashtë sistemit bankar, 103 320 lekë.

Viti 2017
Ap 86 m2 në Peshkopi.
Shpenzime për familjen, 981 626 lekë.
Shpenzime të kryera cash, jashtë sistemit banker 100 000 lekë.
Shtesë cash 80 000 lekë.
Shtesë në llogarinë rrjedhëse të subjektit deklarues, 215 394 lekë.
Shtesë në llogarinë rrjedhëse të subjektit deklarues, 253 068 lekë.
Të ardhura të subjektit deklarues nga Prokuroria Dibër, 1 450 088 lekë.
Të ardhura nga qiraja e dyqanit, 180 000 lekë.
Bashkëshortja deklaron shpenzime të kryera për familjen, 401 039 54 lekë.
Bashkëshortja deklaron shpenzime nga gjendja cash, 30 000 lekë.
Shtesë në llogarinë rrjedhëse të bashkëshortes, 199 318 54 lekë.
Të ardhura të bashkëshortes nga paga si mësuese 600 358 lekë.
Vajza deklaron pakësimin e llogarisë rrjedhëse, 72 073 8 lekë.
Vajza deklaron pakësimin e llogarisë rrjedhëse, 1 146 dollarë.
Djali deklaron pakësimin e gjendjes cash, 103 320 lekë.
Të ardhura të djalit të arkëtuara për studime master në Bolonja, 3 652 53 lekë.

Viti 2018
Shpenzime në funksion të familjes, 1 168 566 lekë.
Pakësim llogarie e subjektit deklarues, 11 521 lekë.
Shtesë në gjendjen cash të subjektit deklarues, 280 000 lekë dhe 286 724 lekë.
Të ardhura të subjektit deklarues nga Prokuroria Dibër, 1 443 769 lekë.
Të ardhura nga qiraja e dyqanit, 180 000 lekë.
Bashkëshortja deklaron shpenzime të kryera për familjen, 402 989 5 lekë.
Shtesë në llogarinë e bashkëshortes, 50 000 lekë.
Shtesë në llogarinë e bashkëshortes, 146 585 5 lekë.
Të ardhura të bashkëshortes nga paga si mësuese 599 575 lekë.
Vajza deklaron shpenzime, 414 083 lekë.
Gjendje cash e vajzës, jashtë sistemit bankar 100 000 lekë.
Vajza deklaron pakësim në llogarinë rrjedhëse, 39 444 7 lekë.
Të ardhura nga DAP-i në Tiranë, 474 639 lekë.
Të ardhura të djalit nga KLSH, 45 727 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Mbeti jashtë sistemit të drejtësisë për 15 vjet/ KPA “rrëzoi” bashkëshorten e Denar Bibës

Publikuar

-

Nga

Mbeti jashtë sistemit të drejtësisë për 15 vjet/ KPA "rrëzon" bashkëshorten e Denar Bibës

Nga Edmond Hoxhaj*

Kolegji i Posaçëm i Apelimit, KPA i ka rrëzuar si të pabazuar pretendimet e ish-këshilltares ligjore pranë Gjykatës së Lartë, Elona Kana, për të cilën Komisioni vendosi më 3 shkurt 2020 të ndërpresë procesin e rivlerësimit dhe i hoqi të drejtën për t’u emëruar në institucionet e drejtësisë për një periudhë 15-vjeçare.

Kana pretendonte në ankim se ishte larguar nga Shkolla e Magjistraturës dhe nuk kishte dhënë dorëheqje sipas nenit G të Kushtetutës. Sipas saj për këtë rast kishte boshllëk ligjorë dhe KPK nuk do duhej të dilte me vendim.

Trupi gjykues i KPA, i kryesuar nga Ina Rama, me relatore Rezarta Schuetz dhe anëtarë Albana Shtylla, Natasha Mulaj dhe Ardian Hajdari, i kujton Kanës në vendimin e zbardhur se vendi në Shkollën e Magjistraturës e kishte marrë si këshilltare ligjore e Gjykatës së Lartë.

Përkundër pretendimit të saj se kishte boshllëk, ishte parashikuar shprehimisht në ligj se për këshilltarët që nuk e kalonin procesin, ndërpritej edhe mundësia e vijimit të Shkollës së Magjistraturës.

Elona Kana, në momentin e hyrjes në fuqi të ligjit për rivlerësimin e gjyqtarëve dhe prokurorëve ka ushtruar detyrën e këshilltares ligjore në Gjykatën e Lartë.

Në maj të 2018-ës, ajo iu nënshtrua testimit për vlerësimin e aftësive profesionale për subjektet e rivlerësimit ex officio, të zhvilluar nga Shkolla e Magjistraturës. Pas kalimit me sukses të testimit, Kana zgjodhi të ndjekë programin e formimit fillestar në Shkollën e Magjistraturës, në profilin “gjyqtar”.

Pasi Komisioni i Pavarur i Kualifikimit, KPK vendosi përfundimin e hetimit administrativ për të tria kriteret e vlerësimit për Kanën, e ftoi atë në seancë dëgjimore.

Në seancën dëgjimore të zhvilluar më 2 tetor 2019, Elona Kana kërkoi përjashtimin e relatores së çështjes, Xhensila Pine, kërkesë që u rrëzua si e pabazuar në ligj e prova nga një trupë tjetër gjyqësore e KPK.

Kana ngriti dyshime për ndikim politik të Pines në qëndrimin ndaj saj, duke u shprehur se relatorja e çështjes ishte zgjedhur nga Partia Demokratike. Ajo e lidhi ndikimin politik me funksionin e bashkëshortit të saj, Denar Biba si nënkryetar i Komisionit Qendror të Zgjedhjeve. Gjithashtu, Kana e mbështeti kërkesën edhe me ndjesinë e saj se nuk ishin marrë parasysh provat dhe dokumentet e dorëzuara në lidhje me udhëtimet e punës, si dhe të ardhurat.

Pak ditë pas seancës dëgjimore, subjekti i rivlerësimit i paraqiti Këshillit Drejtues dhe Drejtorit të Shkollës së Magjistraturës dorëheqjen me shkrim nga vazhdimi i mëtejshëm i procesit akademik, duke vënë në dijeni edhe Komisionin për këtë veprim të sajin.

KPK riçeli hetimin për verifikimin e dorëheqjes duke e thirrur sërish Kanën në seancë dëgjimore më 30 janar 2020, për t’u dëgjuar. Pasi subjekti zgjodhi të mos ishte e pranishme, Komisioni e zhvilloi seancën dëgjimore në mungesë të saj dhe vendosi të ndërpresë procesin e rivlerësimit kalimtar dhe t’i heqi të drejtën për emërimin e saj në pozicione të caktuara në institucionet e drejtësisë për një periudhë 15-vjeçare.

Në ankim, Kana pretendon se vendimi i Komisionit është i paligjshëm dhe i paarsyetuar dhe se vjen në kundërshtim me parimet e përgjithshme të të drejtave dhe lirive të parashikuara nga Kushtetuta dhe nga KEDNj-ja.

Ajo e konsideron të gabuar zbatimin në rastin e saj, të pikës 2 të nenit G të Aneksit të Kushtetutës, që parashikon sanksionin për ndalimin e emërimit në sistemin e drejtësisë për një periudhë 15-vjeçare, kur subjekti i rivlerësimit dorëhiqet.

Subjekti i rivlerësimit, pretendon se Komisioni gjendej përpara një boshllëku ligjor dhe se ishte në pamundësi për të dhënë vendim përfundimtar, pasi në momentin e dorëheqjes, ajo ka qenë studente e Shkollës së Magjistraturës dhe nuk gëzonte asnjë status tjetër në kuptim të legjislacionit.

Kana argumenton se nuk ka dhënë dorëheqjen nga detyra e ndihmëses ligjore në Gjykatën e Lartë në kuptim të nenit G të Aneksit të Kushtetutës, ku parashikohet sanksioni që i heq subjektit të rivlerësimit të drejtën e emërimit në institucionet e drejtësisë. Ajo thekson se është larguar nga detyra në zbatim të nenit 165 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, ku parashikohen dispozitat kalimtare për ndihmësit ligjorë.

Kana pretendon se, në rastin e saj, as Kushtetuta dhe as legjislacioni nuk ka parashikuar se çfarë vendimi do të duhet të marrin institucionet e rivlerësimit për ndihmësit ligjorë të Gjykatës së Lartë, apo për subjekte të tjera që vazhdojnë Shkollën e Magjistraturës, kur dorëheqjen nga detyra për shkak të së cilës u bënë subjekte rivlerësimit. Sipas saj, Komisioni e kishte të pamundur për të dhënë vendim pasi ajo nuk gëzonte asnjë status pas dorëheqjes së dhënë.

Pasi analizon procedurën e ndjekur në Komsion për rivlerësimin e Kanës, Kolegji sjell në vëmendje se ndihmësit ligjorë të Gjykatës së Lartë përfshihen në kategorinë e subjekteve që i nënshtrohen procesit të rivlerësimit ex officio, në vijim të parashikimeve kushtetutese dhe ligjore, ashtu si gjyqtarët dhe prokurorët.

LEXO EDHE:  Përplasja me Llallën/ Hajdari i “nxjerr bojën” ish-Kryeprokurorit

LEXO EDHE:  Ultimatum për deklarimin e pasurisë/ Kush janë shënjestrat e radhës të OFL

Në mënyrë të shprehur, ligjvënësi i ka kategorizuar ndihmësit ligjorë të Gjykatës së Lartë si subjekte të rivlerësimit”, vëren Kolegji.

Trupi gjykues i KPA, argumenton se subjektet e rivlerësimit ex officio, ndër të cilat edhe Kana, përfituan lehtësira ligjore për të ndjekur programin e trajnimit dyvjeçar në Shkollën e Magjistraturës.

Ndryshe nga procedura e zakonshme e programit trevjeçar që ndjek Shkolla e Magjistraturës për studentët që vijnë nga jashtë sistemit, për këshilltarët dhe ndihmësit ligjorë është përcaktuar të jetë dy vjet. Këto subjekte rivlerësimi, nuk përfitojnë bursë sikurse ndodh në rekrutimet e zakonshme, por marrin pagë barabartë me atë të pozicionit të tyre respektiv.

Ligji nr. 96/2016, në nenin 165 nuk parashikon humbjen e cilësisë së subjektit të rivlerësimit ex officio për shkak të ndjekjes së programit të formimit profesional në Shkollën e Magjistraturës, përkundrazi. Gjuha dhe fryma e dispozitave që rregullojnë procesin e rivlerësimit, dhe sidomos neni 165, pika 8 e ligjit nr. 96/2016, përcaktojnë që moskalimi me sukses i procesit të rivlerësimit përbën shkak për ndërprerjen e programit akademik në Shkollën e Magjistraturës”, evidentohet në vendim.

Trupi gjykues vëren se, përkundër nga çfarë pretendon Kana, gjatë procesit të rivlerësimit nuk ka paraqitur në asnjë moment kërkesë ku të parashtrojë pretendimin se nuk duhej t’i nënshtrohej procesit të rivlerësimit, pasi nuk përfshihej më në kategorinë e subjekteve të rivlerësimit duke qenë se ishte studente pranë Shkollës së Magjistraturës.

Kolegji konstaton se akti i dorëheqjes nga Kana para vitit të dytë të programit të formimit fillestar në Shkollën e Magjistraturës ka ndodhur pas ndërprerjes së seancës dëgjimore, që është një fazë që i paraprin marrjes së vendimit nga ana e Komisionit.

Në rast se këto subjekte vendosin të mos i nënshtrohen këtij procesi, atëherë ata përjashtohen nga mundësia e emërimit në disa prej organeve të drejtësisë, për një periudhë 15-vjeçare, sipas përcaktimeve në pikën 2 të nenit G të Aneksit të Kushtetutës”, konstaton Kolegji.

KPA e quan të pabazuar edhe pretendimin tjetër të Kanës se, ndalimi për 15 vite cënon të drejtën kushtetuese për punë, si dhe është në kundërshtim me parimin e proporcionalitetit pasi KPK ka vendosur masë penalizuese të njëtrajtshme për cilindo subjekt kur ndërpritet procesi i rivlerësimit, pa marrë parasysh specifikat rast pas rasti.

Kana ankohet edhe mbi formulimin e nenit G të Aneksit të Kushtetutës, duke pretenduar se bie ndesh me parimet e shtetit të së drejtës pasi parashikon një dënim fiks, shumë herë më të rëndë se dënimi penal dhe se në mënyrë jo proporcionale vendos trajtim të barabartë për subjekte krejtësisht të pabarabarta.

Kolegji thekson se kushtetutshmëria e parimeve mbi të cilat është bazuar procesi i rivlerësimit, nuk është objekt diskutimi i kësaj çështjeje. Në vijim, duke ju referuar edhe jurisprudencës së Gjykatës Kushtetuese, trupi gjykues vlerëson se parashikimi i nenit G të Aneksit të Kushtetutës është i qartë në frymën dhe gjuhën e tij, ku parashikohet se dhënia e dorëheqjes sjell ndërprerjen e procesit të rivlerësimit dhe sanksionon ndalimin prej 15 vitesh për të kryer detyra të caktuara në sistemin e drejtësisë.

Trupi gjykues i KPA vëren se në dritën e qëllimit për të cilin është ngritur sistemi i rivlerësimit, ndalimi i ushtrimit të detyrave në sistemin e drejtësisë për 15 vjet, nuk është disproporcional, për sa kohë shteti legjitimohet të sanksionojë ndalime të caktuara në fusha të caktuara të funksioneve publike.

Në vendim thuhet se pretendimi i subjektit bie ndesh edhe me kriteret e përcaktuara nga Gjykata Evropiane e të Drejtave të Njeriut, GjEDNj-ja dhe sillet në vëmendje çështja “Niadin kundër Rumanisë”.

Gjykata vëren se shteti nuk ka vendosur ndalime mbi punësimin e ardhshëm të kërkuesit”, citohet argumenti i GjEDNj në vendimin e KPA.

Më tej, trupi gjykues i Kolegjit vëren se nga ana e Komisionit rezulton të jenë respektuar parimet e procesit të rregullt ligjor, duke i dhënë mundësinë subjektit të rivlerësimit për të ushtruar të drejtat bazuar në parimin e kontradiktorialitetit, për t’u dëgjuar dhe për t’u mbrojtur, përpara marrjes së vendimit.

KPA lë në fuqi vendimin e KPK/ Bashkëshortja e Denar Bibës ngelet jashtë sistemit të drejtësisë për 15 vjet

LEXO TE PLOTE

Vetingu

Huatë nga prindërit “fundosin” gjyqtaren Alma Hicka

Publikuar

-

Nga

Huatë nga prindërit “fundosin” gjyqtaren Alma Hicka

Komisioni i Pavarur i Kualifikimit ka shkarkuar nga detyra gjyqatren Alma Hiçka.

KPK relatoi për së dyti mungesën e dokumentimit të të ardhurave të prindërve si dhe dyshimet për një rast të konfliktit të interesit, ndërkohë që kandidatja për Gjykatën e Lartë, Alma Hicka kërkoi konfirmimin në detyrë.

Në seancën e dytë dëgjimore të zhvilluar të mërkurën në Komisionin e Pavarur të Kualifikimit me kandiaten për Gjykatën e Lartë, Alma Hicka, u relatuan sërish mungesa të burimeve të ligjshme për krijimin e pasurive, si dhe një rast konflikti interesi gjatë kohës që ajo ushtronte detyrën e Avokates së Shtetit.

Relatorja Xhensila Pine vuri në dukje në relatim se Hicka kishte marrë tre hua nga prindërit e saj. Huaja e parë prej 250 mijë lekë ishte marrë në vitin 2003 për blerjen e një makine. E dyta në shumë 13 mijë euro ishte marrë për blerjen e një makine në vlerën 23.900 euro në vitin 2010. Huaja e tretë në shumën 4.2 milionë lekë ishte marrë në vitin 2015 për të financuar këstet e një apartamenti 90 mijë euro të blerë në Tiranë

LEXO EDHE:  Ultimatum për deklarimin e pasurisë/ Kush janë shënjestrat e radhës të OFL

LEXO EDHE:  Skandali me dosjen 184/ Ibsen Elezi degjeneron Prokurorinë

Pine tha në të tre rastet se huatë ishin deklaruar në deklarimet periodike, por nuk ishin deklaruar në deklaratën veting. Ajo tha se për këtë i ishin kërkuar shpjegime Hickës.
Po ashtu Pine vuri në dukje se të ardhurat e dokumentuara të prindërve nuk ishin të mjaftueshme për të financuar asnjë nga këto hua.

Duke iu referuar huasë prej 4.2 milionë lekë për apartamentin, Pine tha se nga analiza financiare rezultonte se prindërit e subjektit pa llogaritur shpenzimet e jetesës kishin pasur deri në atë periudhë më pak të ardhura të ligjshme se vetë huaja./CNA.al

LEXO TE PLOTE

Vetingu

Vettingu/ KPK jep vendimin për Elisabeta Imerajn

Publikuar

-

Nga

Komisioni i Pavarurr i Kualifikimit ka konfirmuar në detyrë prokuroren e Tiranës, Elisabeta Imerajn.

Elisabeta Imeraj është drejtuese e Prokurorisë së Tiranës që prej gushtit të vitit 2018.
Ajo u komandua në atë post pas shkarkimit prej KPK-së të ish-prokurorit, Dritan Rreshka. Imeraj që më herët ka qenë prokurore pranë Prokurorisë së Krimeve të Rënda.

Trupa gjykuese e KPK-së që kreu vlerësimin për Imerajn përbëhej nga Olsi Komici kryesues, Roland Ilia relator dhe Suela Zhegu anëtare./CNA.al

LEXO TE PLOTE