Kryeministri Edi Rama ka njoftuar se sot do të përkujtohen tragjedia e 21 Janarit.

Ndërmjet të tjerash ai e ka vënë theksin tek drejtësia.

“Mirëmëngjes dhe me bindjen që drejtësia vonon po nuk harron, si edhe ndjesinë më në fund pozitive nga shenjat e dallueshme të veprimit të drejtësisë së re, nderojmë sot katër protestuesit paqësorë të 21 janarit, vrasja barbare e të cilëve kërkon drejtësi”, shkruan Rama në rrjete sociale.

Kjo deklaratë ka ngjallur reagime tek qytetarët, të cilët kanë bërë përgjegjës Ramën për 21 janarin por edhe për drejtësinë që nuk funksionuar.

Rama ka zgjedhur t’u kthejë përgjigje disa qytetarëve, duke u justifikuar se ai ka bërë brenda mundësive çdo gjë për familjet e katër viktimave.

Ndërsa në lidhje me dështimin e drejtësisë, Rama ka thënë se kanë bërë një punë mjaft të madhe me Reformën në drejtësisë dhe se nuk janë në vitin 1945 kur gjyqet i bënte partia dhe Qeveria.

Sipas tij pot ë ishte bërë reforma në drejtësi në vitin 1990, sot nuk do të ishin këto halle.

Më tej, Rama u ka bërë thirrje qyterarëve për durim derisa drejtësia e re të jetë plotësisht funksionale.

Replikat mes Ramës dhe qytetarëve

Qytetari:Të erdhi dita prap të hedhësh lule në bulevard,se drejtësi duhen edhe ca vite të demostrosh zotrote si Kryeministër

Rama: Po, je shumë i saktë, duhet ende kohë që Reforma në Drejtësi të japë të gjitha frytet e saj, sepse u bë vetëm para pak vitesh, se po të ishte bërë që në vitet 90 do flisnim ndryshe fare sot.  Drejtësia në demokraci nuk bëhet me sustë, s’jemi në vitin 1945, kemi ndërruar sistem, nuk e bën kryeministri as partia drejtësinë lavdi Zotit, prandaj duhet durim, sepse ato vendet me drejtësi qe shohim ne, kishin sistem drejtësie të drejte kur ne s’ekzistonim fare si shtet.

Qytetari: Po naltmadhni po, por jeni aq bashkëfajtor sa është dhe Berisha me Lulin në këtë ngjarje që mos të permendim atë Mr.korrupsionin “Metën” , i dërguat njerëzit si cjapi tek kasapi dhe tani derdhni lot krokodili. Atë që ju bashke i keni bërë Shqipërisë për 30 vjet nuk ja ka bërë Enveri për 50 vjet.

Rama: Jo jo, ky është një këndvështrim krejt arbitrar dhe pa lidhje me realitetin, përpos edhe me një gjuhë që nga pikëpamja etike lë shumë për të dëshiruar, njësoj si të ngatërrosh vajin me uthullën, ndërsa për Enverin e për këto 30 vjet nuk ke ç’i thua kujt nuk e ka idenë as se ç’ishte enverizmi as se ç’është shtendërtimi dhe mirë s’e ka idenë, po as nuk do të mesojë, përkundrazi, jep edhe mend.

Qytetari:Kur thua ti që do bëjmë drejtësi që je në krye të shtetit kur ndihesh ti i pafuqishem përballë kësaj gjendje po ne njerëzit e thjeshtë që çdo ditë e ndjejmë këtë padrejtësi në çdo hap që hedhim? Po të ishe ti i vendosur jo vetëm që kjo drejtësi do ishte bërë me kohë, po dhe shumë gjëra të tjera.

Rama: Në vitin 1990 kemi zgjedhur një sistem demokratik, dmth nuk kemi më sistemin e 1945-ës, ku drejtësinë e bënte partia dhe Qeveria, kështu që na duhet punë e durim për të ndërtuar një drejtësi të drejtë e të pavarur, prandaj e bëmë edhe Reformën në Drejtësi, që po të ishte bërë në vitet 90 sot nuk do kishim këto halle.

Qytetari: 3 mandate i more dhe akoma nuk ja ke lehtësuar dhimbjen familjeve.

Rama: I kam bërë unë të gjitha ato që më takonin, edhe Reformën në Drejtësi edhe përkujdesjen për familjet sipas mundësive, sepse nuk jemi në vitin 1945, kur partia e Qeveria bënin edhe gjyqet, kështu që duhet durim e besim, nuk ka rrugë tjetër, përtej fjalëve që thuhen kollaj./E.S-CNA.al

Rezoluta e OKB-së që u miratua të enjten (20.01) në Nju Jork mund të shihet si një rezolutë historike. Vetëm njeherë më parë Kombet e Bashkuara kishin miratuar një rezolutë të iniciuar nga Izraeli. Në vitin 2005 kur OKB, më 27 janar, ditën përkujtimore të çlirimit të kampit të Aushvitcit e ngriti në Ditën Ndërkombëtare të Përkujtimit të Holokaustit. Që atëherë Kombet e Bashkuara kanë qenë gjithmonë në kritikë, sepse asnjë vend tjetër nuk është ekspozuar kaq shumë ndaj rezolutave dënuese sa Izraeli. Më shumë se Siria, Koreja e Veriut dhe Irani së bashku.

Prandaj habiti fakti që në Asamblenë e Përgjithshme të Kombeve të Bashkuara u pranua një rezolutë, që e paraqiti Izraeli së bashku me Gjermaninë, -edhe kjo një shenjë simbolike historike-, e që me fjalë të qarta drejtohet kundër mohimit dhe relativizimit të Holokaustit.

Brenda një kohe nuk do të ketë më të mbijetuar të Holokaustit

Vendimtare këtu është që rezoluta, por edhe fjalimet në OKB nuk drejtoheshin vetëm tek e shkuara, por sidomos në gjendjen aktuale dhe drejt së ardhmes. Një nga fjalitë më të rëndësishme të rezolutës: “Injorimi i fakteve historike të këtyre ngjarjeve të tmerrshme rrit rrezikun që ato të përsëriten.” Kjo prek thelbin e problemit në epokën digjitale, ku lulëzojnë fake neës, gënjeshtrat dhe relativizimi.

Rezoluta me këtë i përgjigjet realitetit të shekullit të 21, një realitet që brenda një kohe nuk do të ketë më të mbijetuar të Shoah; një realiteti në të cilin mohimi i Holokaustit po shtohet në Facebook dhe të rinjtë dinë gjithnjë e më pak për vrasjen masive ndaj hebrenjve në Europë. Prandaj rezoluta e OKB-së u bën thirrje shteteve të OKB-së për të zhvilluar programe arsimore për këtë dhe rekomandon këtu përdorimin e përcaktimit të antisemitizmit të Aleancës Ndërkombëtare për Përkujtimin e Holokaustit, IHRA.

Edhe kjo diçka e re, sepse përcaktimi i IHRA-s gjithmonë është kritikuar nga përfaqësues të kulturës dhe artit, me argumentin, se ai lejon shumë pak kritikë ndaj Izraelit. Por nga ana tjetër një përcaktim i paqartë i antisemitizmit pjesërisht e bëri gati të pamundur luftën kundër antisemitizmit. Tani pranimi i Aleancës Ndërkombëtare për Përkujtimin e Holokaustit nga 114 vende mund të përforcojë një përcaktim të tillë dhe me këtë edhe luftën kundër antisemitizmit.

Sfidat aktuale

Rezoluta u miratua në një ditë me simbolikë: ditën përkujtimore të Konferencës Ëannsee, ku u thurën planet për gjenocidin industrial ndaj hebrenjve europianë. Një sinjal i fuqishëm, që 80 vjet pas kësaj konference, kombe nga e gjithë bota jo vetëm që e pranojnë këtë gjenocid dhe nderojnë viktimat e tij, por përpiqen në mënyrë aktive kundrejt të gjitha sfidave aktuale që të mos përsëritet kurrë më diçka e ngjashme.

Një nga sfidat aktuale madje u dëgjua me zë në debatin e OKB-së. Si vendi i vetëm i bashkësisë ndërkombëtare, Irani u shpreh, se pse nuk do ta miratojë këtë iniciativë të inicuar nga Izraeli dhe Gjermania.

Kjo rezolutë duhet të jetë edhe një thirrje ndaj vetë Kombeve të Bashkuara, t’u tregojë vendin atyre shteteve në radhët e saj që antisemitizmin e kanë politikë shtetërore./DW

Presidenti Ilir Meta ka përsëritur qëndrimin e tij në lidhje me zgjedhjet e pjesshme lokale që do të mbahen në 6 mars.

Përmes një video mesazhi, Meta duket se i ka dërguar dhe një mesazh të koduar Lulzim Bashës pasi bojkotoi zgjedhjet e vitit 2019.

Në një videomesazh në rrjetet sociale, Meta thekson  “Boll më me bojkote!

Sipas kreut të shtetit, tashmë është koha që të rivendoset institucionet e votës së lirë.

“Boll më me bojkote! Koha për të rivendosur institucionin e votës së lirë! 🇦🇱”, shkruan Meta./CNA.al