Connect with Us

Edi Rama drejtë “Hagës”!

Opinione

Edi Rama drejtë “Hagës”!

Publikuar

-

Edi Rama drejtë “Hagës”

Nga Ylli Dylberi

Shënim: këto që do të lexoni më poshtë janë pjesë të akuzës që do t’i dërgohet këto ditë SPAK

Neqoftese gjere me sot Edi Rama, kryetari i Partise Socialiste dhe Kryeminister i Shqiperise ka arritur t’i shmanget ndeshkimit  te madh popullor duke perdorur lloj lloj manipulimesh .

Ne mandatin e pare qe “ fitoi “ ne zgjedhjet e vitit 2013 ,  ai perdori nje nga metodat qe kishin rezultuar te sukseseshme ne shume vende qe permbysen regjimin komunist .

Vjedhja dhe blerja votave , dhuna e ushtruar ndaj votuesve nga bandat e ndryshme kriminale , dhjetefishuan votat e hedhura ne  kutite e kandidateve te Partise socialiste .

Por kjo nuk do te ishte e mjaftueshme  per te ardhur ne pushtet pa miratimin e nderkombetareve .

2 .

Dhe Rama , i cili qe pergatitur me pare per  “betejen “ me nderkombetaret nuk e pati te veshtire t’ia arrinte qellimit .

Pas takimit qe organizoi me oligarket ne Surrel naten e fitores , i shperndau sipas planit qe kish ndertuar me pare.

Oligarket e medhenj , biznesmenet me te pasur u nisen me cantat plot Euro ne drejtim te Ambasadave perendimore te akredituara ne Tirane .

Cdo gje shkoj sipas parashikimeve . Ne oren dymbedhjete , ne mesnate , te gjithe e informuan Kryeministrin e ardheshem per misionin e arritur .

I  vetmi qe kish hasur pengese , qe oligarku i cili duhej te “ BLINTE  “ ambasadorin e Shteteve te Bashkuara te Amerikes .

Kete te fundit e kishin keq informuar se gjoja Ambasadori Gjerman ishte “ SHITUR “ me cmim me te larte se ai .

Dhe kjo s’ishte gje e vogel . Behej fjale per autoritetin e nje superfuqie .

3.

Por pas numerimit te Eurove te konvertuara ne dollare kjo pengese u kapercye .

Por bemat e Edi Rames nuk mund te mbaronin pas mandatit te pare .

I etur per pushtet ai do te bente c’eshte e mundur per te siguruar edhe nje mandat te dyte .

Ndryshe nga i pari , rrugetimi drejte mandatit tjeter do te ishte me  i lehte .

Atij nuk do t’i duhej te ecte perseri ne rruge te pa shkelura . Perkundrazi .

I bindur qe populli kish te drejte kur thoshte se “ PARAJA HEDH UJIN PERPJETE “ , ne zgjedhjet e vitit 2017 Rama ndryshoi vetem taktiken duke ruajtur te njejten  strategji .

Per kete iu desh te bente vetem nje levizje , te NGRINTE steken akoma me lart .

Neqoftese ne zgjedhjet e kaluara bleu vetem ambasadoret ,  kesaj rradhe do t’i duhej te BLINTE kokat e shteteve me  te medha te botes .

4.

Komisionit Europian nuk mund te shiteshin me te njejtin cmim si ambasadoret e tyre .

Kesaj rradhe Putini i Surrelit ishte i vetedijshem se kish te bente me nje biznes te pa zakonte i cili nuk mund te perballohej vetem me Eurot qe vinin nga korrupsioni i tenderave .

I bindur se ne nje biznes te tille Eurot nuk pinin uje , ai vendosi t’i BLEJE me klering .

Keshtu , Presidentit te Shteteve te Bashkuara i premtoj se do t’i dhuronte si kembim aeroportin e Kuksit , Kancelares Merkel aeroportin e Vlores dhe Presidentes te Komisionit Europian aeroportin e Sarandes .

Per realizimin e strategjise se tij ngarkoi sekretarin e pergjitheshem te Partise socialiste , Taulant Ballen .

Nje jave me vone Taulant Balla do t’i telefononte nga Shtepia e bardhe shefit te tij :

“ Bace , u kry .”

Keshtu , Putini i Surrelit , siguroj edhe nje mandat te dyte per te sunduar shqipetaret edhe kater vjet te tjera .

5.

Dhe sot , kur kane mbetur vetem pak dite nga zgjedhjet e njezet e pese Prillit  , diktatori me i gjate i Europes , ne vend qe te heqe dore nga lufta per kolltukun e Kryeministrit , te ulet perballe Kavaletit ne Keshtjellen e tij te  Surrelit , te hedhe ne kanavace portretet e analisteve Fatos Gjekmarkaj  , Andi Lubonja ,

Agron Bushati dhe Yjeve :  Rakipi , Manjani dhe Dylgjeri , te cilet shkarkuan mbi te vagona me balte qe ta rrezonin nga kolltuku pa u shkuar ndermend se benin te KUNDERTEN e asaj qe donin .

LEXO EDHE:  Largimi i Renzit dhe gezimi i disave ne Tirane/ Nga Alban Daci

Skenarin e pergatitur per te fituar zgjedhjet e njezet e pese Prillit do ta kishin zili te gjithe ata qe enderrojne te vdesin ne kolltuk dhe jo ne krevat .

Kete here imagjinata e shfrenuar e tij do te kapercente cdo kufi .

Pak muaj perpara zgjedhjeve organizoj nje takim te fshehte me doktoreshe Najada Comon dhe inxhinjeren Luljeta Bozo ne

Qytetin Li Fu , ne jug te Kines veriore .

6.

Pasi u njohen me skenarin , te dyja rane dakort per te realizuar rolet e tyre .

Duhet thene se rroli i doktoreshes ishte me i veshtire se roli i tjetres .

Profesoreshe Najada duhej ta organizonte punen ne ate menyre qe shumica e pacienteve te shtruar ne spitalin e saj te vdisnin .

Ne pamje te pare kjo ishte nje pune e cila nuk kerkonte shume mundim . Veshtiresia qendronte ne seleksionimin e tyre .

Pcientet qe do te vdisnin duhej te ishin me cdo kusht VOTUES te L.S.I-se dhe Partise Demokratike .

Ne skenar ishte parashikuar me hollesi edhe  menyrat per realizimin e tij .

Vdekje nga uria , perdorimi i ilaceve te skaduara dhe nxjerrja e pacienteve nga spitali ne prag te vdekjes duke i konsideruar te sheruar tek familjaret e tyre    ( Ja si e zbulon per shqipetaret kete plan makaber ne shkrimin e tij tek JUGUlajm.net YLLI DYLGJERI )

7.

“ …sic ka mitologjia greke Iliaden ne shqipetaret kemi Najaden .

Najada eshte miti qe te con ne parajse pas zanave , oreve dhe katallanit me nje sy . Najada eshte me dy sy , pa vetulla ,pa qerpike dhe e kuqe .

I vdekuri perpara se te mbylle syte mermerit : Ta shohe edhe njhere najaden dhe SHKON NE PARAJSE. …”

Nje prononcim i tille nuk do te qe plotesisht  i besueshem pa perforcimin e njerit prej yjeve te drejtesise Shqipetare .

Pas Yllit te pare , ja cfare shkruan Ylli i dyte ne Faxëeb.al :

“ Pacientet nuk kane vdekur nga Covidi por nga uria “ , thote ish pacienti i infektivit Andon Qako .

Ne deklaraten e tij ish pacienti citohet te kete thene :

8.

“…ka pasur mungese ushqimi dhe me kane kercenuar me vdekje per te me detyruar qe te dal perpara kohe nga spitali …”

Por edhe pas deklarates te mjekes ne spitalin infektiv se “ …keto jane shpifje per te mashtruar opinionin publik “ , njeri nga yjet e  qe braktisi drejtesine shqipetare per t’u bere analist me shprese se do te ndriconte me shume ne kete fushe ngul kembe :

“ … Sejcili prej nesh zgjedh te besoje cilindo nga deklaruesit publik . Pershtypja e ime eshte se pacienti besohet me shume …”

Roli qe iu besua Profesoreshes Bozo ne skenarin e Rames do te ishte po kaq i rendesishem sa i Prefesoreshe Najades por me i lehte per t”u realizuar.

Pas termetit te vitit shkuar kur mijra shqipetare mbeten pa strehe , me porosi te  Kryeministrit Zonja Bozo do te infiltrohej ne shtabin qendror te Rindertimit te banesave dhe shkollave te rrenuara . Se bashku me njerezit e saj te besuar , do te seleksiononte nje per nje banoret e pa strehe .

9.

Votuesit e Partise Socialiste , pa perjashtim , do t’i sistemonte ne vilat e reja qe do te ndertoheshin , ndersa antaret e Partise Demokratike , ata te L.S..I-se dhe simpatizantet e tyre nuk do te leviznin nga banesat e rrenuara .

Komisionet e verifikimit do t’i certifikonin te riparueshme banesat e demtuara .

Inxhinjerja Bozo ishte e bindur se deri ne njezet e pese prill nje termet i lehte nga ato qe bien me dhjetra ne dite do t’i rrafshonte banesat e “ riparuara “ duke zene brenda te gjithe banoret e saj .

Keshtu , te vdekurit e spitaleve dhe ata qe do te humbasin jeten nga shembja e banesave nuk do “ MUND “  te votojne  ne 25 Prill dhe  Putini i Surrelit do te rrembeje edhe mandatin e trete te qeverisjes .

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Nga Andi Bushati/ “Zoti Luli” timonin gjithmonë nga gremina

Publikuar

-

Nga

“Zoti Luli” timonin gjithmonë nga gremina

Partia Demokratike është kthyer në një makineri gjigande gënjeshtrash, aq sa mund ta ketë zili edhe vetë Rilindja. Duke organizuar shfaqen foshnjakërisht të shpifur të dorëzimit të arkave me fakte në KQZ, duke përkundur iluzionin se zgjedhjet mund të përsëriten në 9 qarqe, duke mospranuar se disfata tashmë është çertifikuar, ajo nuk po bën gjë tjetër, veçse po mashtron, së pari militantët e saj dhe më pas gjithë publikun.

Ato “kartonë të rëndë me prova” që u dorëzuan me pompozitet qesharak përpara kamerave, nuk kanë brenda asgjë. Sepse krimi i vërtetë elektoral nuk gjendet në kutitë e votimit, por në të gjithë mjedisin që i ka rrethuar ato. Faktet që po dalin, aty këtu, për pretendimet e PD-së, nuk kanë aspak peshë për organet që do të gjykojnë vlefshmërinë e zgjedhjeve.

Kështu, nëse ministri i rendit Çuçi akuzohet se e ka drejtuar fushatën e tij me ish policë të inkriminuar, ky është një gjykim moral dhe publik për figurën e tij, por aspak një fabul që ngre pikpyetje ligjore për mandatin e tretë në Gjirokastër. As fakti se dordolecët e komitetit teknik të ekspertëve u përdorën për të penguar votuesit emigrantë të opozitës dhe për të lejuar ata të PS-së që të votonin, nuk mund të trajtohet juridikisht nga KQZ. Madje madje, as argumenti madhor i votave të Tomës dhe Qifes, që bind cilindo që reket të gjykojë ftohtë, se pretendimi për kasaphanë elektorale është i drejtë, nuk mund të ketë vlerën e provës në një proces të kontestimit të rezultatit.

Pra, arkat e PD realisht janë të zbrazura, elementët që mund të sillnin përsëritjen e ndonjë qarku deri më tani mungojnë dhe beteja ligjore e opozitës i ngjan një përleshje me mullinjtë e erës.

Por, thënë këtë shtrohet pyetja: atëherë pse është futur ajo në këtë rrugë qorre? Atëherë pse po sillet sikur e ka zbuluar botën pas 25 prillit? Pse deri në mëngjesin e së hënës foli për fitore dhe më pas e zëvendësi atë me masakër?

Shpjegimi më i thjeshtë që japin kundërshtarët është ai se kjo po bëhet për të shpëtuar lëkurën e Bashës dhe imazhin e tij prej humbësi recidivizt.

Në fakt e gjitha nuk është, as kaq e thjeshtë, as kaq sipërfaqësore.

Sepse këtu në lojë nuk është emri i një personi qoftë ky dhe lideri i opozitës, por mbi të gjitha politikat që ai ndërmori dhe që u përkrahën unanimisht nga gjithë PD-ja.

Personalisht mendoj se opozita i ka humbur këto zgjedhje shumë kohë më parë, në 3 pika kyçe që nuk kanë të bëjnë aspak me 25 prillin. Së pari, kur u zbyth nga përbetimi për të mos lejuar të zhvilloheshin votime moniste në 30 qershor 2019. Së dyti, kur u ul në tryezën 14 janarit për reformën elektorale. Dhe së treti, kur nënshkroi marrëveshjen e 5 qershorit.

Me të treja këto akte PD dorëzoi spektrin e rrugës radikale, tradhëtoi kredon e atyre që patën marrë në dorë molotovët, duke provuar edhe qelitë, pasi besuan në slloganin e një qeverie teknike që do të përgatiste zgjedhje normale.

LEXO EDHE:  Basha akuza SPAK/ Po inkurajoni vjedhjen duke mos i hetuar! Jeni bashkëpërgjegjës

LEXO EDHE:  I ndjeri Edi Rama të shtunën ndahet nga jeta ...!

Me këto pirueta fondamentale PD pranoi në heshtje se bëri gabim që dogji mandatet, bojkotoi pushtetin lokal dhe zgjodhi obsionin se Rama mund të sfidohej edhe përmes votës. Ajo u zbraps nga një politikë që e kishte argumentuar qartë dhe drejtë, se nuk mund të ketë zgjedhje të lira në një mjedis autokratik.

Në kohën e këtij ndryshimi absurd kursi shumë kritikë të qeverisë aktuale e fshikulluan këtë kthim timoni në drejtim të greminës. Edhe Lapsi.al ka pasur një vijë të qartë editoriale kundër këtij absurdi. Por “zoti Luli”, që preferon më tepër të luajë rolin e kanakarit të ambasadorëve, sesa atë të liderit që mbron interesat e tërë opozitarëve, i shpërfilli këto qëndrime, duke i etiketuar si revolucionare, dhe vazhdoi të udhëheqë me vendosmëri në rugën drejt disfatës.

Madje ai lëpiu gjithçka kishte pështyrë se regjimi nuk mposhtet me votë dhe filloi të besonte tek “uragani blu” aq shumë, sa edhe në mëngjesin e 26 prillit shpalli se fitorja thjeshtë duhej numëruar.

Në fakt, në kuti gjendej ajo që kishte vendosur prej kohësh regjimi. Aty ishte rezultati i financuar nga koncesionet e oligarkëve, i propoganduar nga TV e mëdha, të kapura prej kohësh, nga policia politike që la deri në fund të lirë banditët që blenin zgjedhësit, nga yjet në ngjitje të SPAK-ut, që vetëm rrinin e vështronin krimet, nga makineria shtetërore që shpërndau miliona nga buxheti për të ndryshuar votën, madje dhe nga shkenctarët ambulantë të komitetit të ekspertëve që vendosën në mbyllin kufinjtë.

25 Prilli ishte prova ulëritëse se nuk ka autokrat që e lëshon karrigen demokratikisht. Ai provoi edhe njëherë se Basha i 2019 kishte plotësisht të drejtë, ndonëse Luli i mëpasëm, i shantazhuar nga ambasadorët dhe i kapur nga kushedi ç’interesa, e ndryshoi tërësisht kursin. Edhe njëherë, si katër vite më parë, ai e çoi PD dhe opozitën drejt katastrofës.

Pikërisht këtë kthesë politike që rezultoi fatale, këtë përgjegjësi për shpënien e opozitës si cjapi te kasapi, do të fshehë manipulimi me arkat bosh që po çohen në KQZ. Me anë të saj PD po reket të krijojë iluzionin, sikur gjithçka është një çështje teknikalitetesh, sikur po u hapën ca dosje, po të shqyrtohen ca fakte, rezultati edhe mund të ndryshojë.

Dhe këtu problemi nuk është tek gënjeshtra që po tentohet të instalohet. Ajo do të shuhet shpejt, aq sa dhe më të qorrollepsurit që duan të besojnë në fantazi të pamundura do ta kuptojnë. Por, shqetësimi është se duke u përpjekur të imponojë këtë alibi, opozita nuk do të jetë në gjendje kurrë të ndërgjegjësohet se përse humbi realisht. Ajo do të vazhdojë të vetëmashtrohet duke menduar se regjimi mund të bjerë me votë dhe me betejë parlamentare, për ti lënë sërish timonin Lulit, krahu i të cilit pret gjithmonë nga gremina.

LEXO TE PLOTE

Opinione

“Masakra zgjedhore”?/ I mbani mend ç’thanë panelistët natën e 25 prillit pas exit polleve

Publikuar

-

Nga

“Masakra zgjedhore”? I mbani mend ç’thanë panelistët natën e 25 prillit pas exit polleve

Nga Ylli Pata

Le të kthehemi pak në natën e 25 prillit, sidomos kur dolën exit pollet që parashikonin një epërsi të PD-LSI apo mos arritjen e 71 mandateve nga Edi Rama.

Këto momente janë përjetësuar edhe në një kolazh filmik që u bë viral para ca ditësh në rrjete. Hullia e debatit ishte krejt ndryshe; njëri fliste për një fitore të opozitës si pasojë e Trupave të Mbrojtjes së Votës, që sipas tij arritën të sprapsin “regjimin e Edi Ramës”.

Dikush tjetër thoshte se triumfi i opozitës në Tiranë është sinjali i pastër i fitores, që tregon se pikërisht në qendrën e qytetaruar njerëzit dolën masivisht dhe votuan për ndryshimin.

Presidenti i Republikës tha se “procesi zgjedhor ka marrë 10 me yll”, ndërsa Lulzim Basha gjithashtu vlerësoi në mënyrë të “shkëlqyer”, daljen e njerëzve në mënyrë demokratike në votime dhe shprehjen e vullnetit të tyre.

Kështu thanë pak a shumë edhe panelistët pro opozitës, megjithëse ndonjëri si Bushati, nuk se i besoi aq shumë, por të tjerët ishin në eufori.

Sikur të nesërmen në mëngjes, trendi i numërimit të zgjedhjeve do të kishte përforcuar exit pollet, atëherë përshkallëzimi i euforisë së darkës do të bëhej me gazin në dërrasë, e me marshin e 6-të.

Blerja e votës do të ishte një frazë arkeologjike e përdorur vite më parë, që do të harrohej si koncept.

Mirëpo, gjithçka ndryshoi në mëngjes, kur exit pollet nuk u konfirmuan nga kutitë e votimit. Në fillim pati një heshtje të gjatë, madje edhe një inkurajim të fortë nga Lulzim Basha e Ilir Meta që të numëroheshin votat se aty ndodhej fitorja e opozitës. Madje deklaruan se në fillim po numërohen qendrat pro qeverisë dhe po lihen në fund ato të bastioneve të opozitës. Po flitej për Tiranën.

E kur u numëruan të gjitha votat e Tiranës: doli se opozita kishte fituar vetëm dy njësi administrative në të gjiithë qarkun: njësinë 8 me 400 vota plus dhe Kamzën. Të gjitha të tjerat PS fitoi me diferencë të madhe.

Pati 24 orë “refleksion” dhe nisi e ashtuquajtura fabul për “masakrën parazgjedhore”.

LEXO EDHE:  Largimi i Renzit dhe gezimi i disave ne Tirane/ Nga Alban Daci

LEXO EDHE:  Rama shkarkon Drejtorin e Përgjithshëm të Punësimit/ Mësoni kush do e zëvendësojë

Dhe në fakt, në vend që të analizohen votat e hedhura në kutitë e 25 qershorit, që janë një objekt i pafundëm analizash dhe përfundimesh politike, diskutohet për hipoteza e për akuza ku nuk ka asnjë provë.

Madje Andi Bushati, nuk është i kënaqur me këtë situatë dhe i kërkon paneleve televizive të mos merren as me fatin e Lulzim Bashës si humbës, e as me rezultatin, por thjesht me “masakrën”.

Po kush e vendos që në Shqipëri procesi zgjedhor ka qenë një masakër? Zgjedhjet tek ne i administron PS dhe PD që kanë krijuar të gjitha komisionet zgjedhore, grupet e numërimit, e deri në KQZ.

Çdo veprim që merret në zgjedhje, votim, numërim, e tabulim nuk mund të merret nëse nuk ka një miratim si nga komisionerët e PS-së, ashtu edhe nga të PD-së.

Pas komisionerëve, që janë nëpunës të emëruara nga opozita, janë gjykata, por edhe arbitri ndërkombëtar, pra OSBE-ODIHR dhe kancelaritë kryesore të Fuqive të Mëdha.

Tani, i bie që të gjithë këta: komisionerë, KQZ, gjykata, OSBE-ODIHR, por edhe SHBA, Gjermania, Franca, Italia, Britania e Madhe etj përkrahin “masakrën zgjedhore” e vetëm panelistët që ndryshuan mendjen janë për “zgjedhje të lira”.

Në zgjedhjet e vitit 2009, vëzhguesit e OSBE-ODIHR-it deklaruan se “procesi numërimit shkoi keq dhe shumë keq në pjesën dërmuese të KZAZ-ve”, një frazë që në mënyrë të qartë vinte dyshimin e legjitimitetit të zgjedhjeve. Por asnjëherë nuk u fol nga këta panelistë që janë pot ë njëjtit prej shumë vitesh se ka pasur “masakër zgjedhore”.

Për të parë sjelljen e tyre, mjafton t’i ktheheni mbrëmjes së 25 prillit, është edhe me video…

LEXO TE PLOTE

Opinione

Nga Eduard Zaloshnja/ A u rritën PS e PD në kurriz të LSI-së?

Publikuar

-

Nga

Eduard Zaloshnja

Për të ditur se sa votues iu shtuan/pakësuan partive që arritën të fitojnë mandate parlamentare, duhet ditur së pari sa prej votuesve që i votuan këto parti para katër vjetësh janë aktualisht gjallë dhe fizikisht në Shqipëri.

Duke përdorur të dhënat mbi vdekjet vjetore dhe mbi emigracionin që raporton INSTAT-i, si dhe duke faktorizuar faktin që më 2017, në 20% të qendrave të votimit, u konstatua votim familjar për të afërm që ishin në emigracion (shihni raportin e ODHIR/OSBE), mund të ekstrapolohet se rreth 700 mijë nga ata që votuan PS-në para katër vjetësh janë aktualisht gjallë dhe fizikisht në Shqipëri (për PD-në, shifra është rreth 400 mijë dhe për LSI-në, rreth 200 mijë).

Por sa votuan më 25 prill për këto parti? Numri i votave të vlefshme nuk na jep një përgjigje të plotë për këtë pyetje, sepse mbi 83 mijë fletë votimi dolën të pavlefshme nga lloji i fletws sw votimit në formë fjalëkryqi. Po presupozojmë se shpërndarja e fletëve të pavlefshme ishte pak a shumë proporcionale për partitë e mëdha (ndonjë parti e vogël pa numërues në komisione mund të jetë penalizuar te fletët e pavlefshme, por kjo nuk ndikon shumë në shpërndarjen proporcionale për partitë e mëdha).

Bazuar në presupozimin e mësipërm, mund të ekstrapolohet se rreth 808 mijë votues votuan për PS-në, pavarsisht se disa mijra nuk e zgjidhën saktë fjalëkryqin e fletës së votimit… Në të njëjtën mënyrë mund të ekstrapolohet se rreth 655 mijë votues votuan për PD-në dhe rreth 115 mijë votuan për LSI-në.

LEXO EDHE:  Fotot ekskluzive – Plas skandali/Ben Blushi “shitet” tek Rama, në pazar me Endri Fugën?!

LEXO EDHE:  Rama mungoi në ceremoninë e Metës/ Presidenca: E ftuam por po merrej me Bjellorusinë

Grafiku shoqërues ilustron qartë se rritja e madhe e numrit të votuesve të PS-së dhe PD-së (përkatësisht 108 mijë dhe 255 mijë) nuk shpjegohet vetëm me tkurrjen e LSI-së. Të dyja partitë e mëdha (e sidomos PD-ja) sollën në kutitë e votimit shumë më tepër votues se sa ishte deficiti i LSI-së (85 mijë).

LEXO TE PLOTE