Partizani-Kastrioti dhe Kukësi-Tirana janë dy ndeshjet e para të javës së 28-të të Superiores. Të dyja përballjet kanë nisur prej orës 16:00 dhe prej gati një ore janë mësuar edhe rreshtimet e këtyre skuadrave.

Trajneri Ilir Daja nuk ka bërë asnjë ndryshim te Partizani i tij, kurse Kastrioti në sulm luan me Dacin, për shkak se Devid vijon të jetë i dëmtuar. Në mesfushë në vend të Nurit është përzgjedhur Shkalla, kurse Zhivanaj aktivizohet në prapavijë.

Kukësi ka rikthyer Limajn në formacion, ndërsa në mbrojtje aktivizohet Lulaj në vend të Kurdic të pezulluar. Eze në sulm mbështetet nga Gashi dhe kapiteni Ibraimi, kurse Tirana kundërpërgjigjet me Cale, Seferi e Torassa. Pjesa tjetër e formacioni është e zakonshmja.

KATEGORIA SUPERIORE – JAVA 28
E shtunë, më 17 prill, ora 16:00

PARTIZANI-KASTRIOTI 1-1
Shënues: Hakaj 31′/ Daci 4′
PARTIZANI: Hoxha, Mala, Bitri, Belica, Hakaj, Broja, Murataj, Bardhi, Asani, Çinari, Stenio Junior. Trajner: Ilir Daja.
KASTRIOTI: Hidi, Neziri, Zhivanaj, Çela, Rami, Shkalla, Moraes, Mehmeti, Bardhi, Prodani, Daci. Trajner: Ramazan Ndreu.

31′ Esin Hakaj ka realizuar një gol mjaft të bukur në portën e Kastriotit, duke baraspeshuar shifrat në “Air Albania Stadium”

4′ Daci ka realizuar për Partizanin dhe Partizani kalon kështu në epërsi. Portieri Alban Hoxha u mundua ta ndalte, por pa sukses

KUKËSI-TIRANA 1-0
Shënues: Eze 24′
KUKËSI: Tafas, Baravykas, Bytyçi, Lulaj, Kotobelli, Demiri, Taipi, Limaj, Ibraimi, Gashi, Eze. Trajner: Mirel Josa.
TIRANA: Bekaj, Vangjeli, Najdovski, Hoxhallari, Toshevski, Çelhaka, Batha, Ismajlgeci, Torassa, Cale, Seferi. Trajner: Orges Shehi

Ashtu siç edhe pritej, Fidel Ylli është presidenti më i ri i Komitetit Olimpik Shqiptar. Pas asamblesë së ditës së sotme, ku është votuar për presidentin dhe drejtuesit e tjerë të KOKSH, Fidel Ylli është zgjedhur në krye të këtij institucioni me shumicë votash.

Ylli ka fituar me 40 vota, kundrejt 4 votave për Martin Bibën dhe 12 votave për Vojo Malon, ndërsa një votë ka dalë e pavlefshme.

Në asamblenë e ditës së sotme nuk munguan as debatet mes kandidatëve për president, me Martin Bibën që kërkoi shtyrjen e zgjedhjeve, por kjo nuk u realizua.

Ylli shihej edhe si favoriti kryesor për t’u zgjedhur si president i KOKSH dhe kjo ndodhi. Akuza të shumta kishte gjatë asamblesë, me FSHF që kërkuan shtyrjen e zgjedhjeve gjithashtu.

Ylli është zgjedhur në krye të KOKSH pa votën e FSHF dhe disa federatëve të tjera, të përjashtuara për arsye procedurale.

Në krye te KOKSH, Fidel Ylli pason Viron Bezhanin, i cili ishte shkarkuar pak kohë më parë. Kujtojmë se në të kaluarën, Ylli ka qenë një mundës me emër.

Janë luajtur ditën e sotme dy ndeshjet e grupit A, në Kategorinë e Parë, të vlefshme për “Play Off”.

Dinamo ka rimarrë kryesimin e renditjes, teksa ka mposhtu me rezultatin 2-1 Vorën, në një ndeshje të luftuar nga të dyja ekipet. Da Silva dhe Xhixhua, i dhanë bluve fitoren me dy golat e tyre, ndërsa për Vorën shënoi Keqa.

Korabi ka mposhtur mes tensionit Burrelin, në një ndeshje të dominuar nga matjanët, por në fund ishin miqtë që morën 3 pikët. Një gol i Paplekajt në minutën e 7-të i dha fitoren Korabit, në një ndeshje shumë të tensionuar, ku vendasit në disa raste pretenduan për penallti.

REZULTATET:

Burreli-Korabi 0-1

Paplekaj 7′

Dinamo-Vora 2-1

Da Silva 26′. Xhixhiua 47/ Keqa 53′