Sport
Java e derbit në Kategorinë Superiore, zbardhet plani i plotë i FSHF-së
Ishte java e Tiranës, pasi të gjitha skuadrat e kreut u ndalën. Bardheblutë kanë mundësinë të rifuten në garë për titull dhe këtë mund ta bëjnë sërish nga derbi i kryeqytetit, sërish më një ish-portier në stol. Gjithsesi, pa fluturuar, kampionët në fuqi nuk janë skuadra e vjetshëm dhe ata e dinë vetë diçka të tillë.
Të shtunën, prej orës 13:00, Tirana përballet me Partizanin në “Selman Stërmasi” dhe shpreson që fitorja e vet të shoqërohet edhe me ndonjë ndalim tjetër të rivalëve. Sigurisht Partizani do mundohet të bëjë autokritikë, pas asaj disfate të djeshme me Skënderbeun.
Java e 24-t sjell disa duele interesante, me Vllazninë që e hap javën me një ndeshje kundër Bylisit të premten. Në të njëjtën ditë dhe orë, 13:00, Kukësi pret Apoloninë në Elbasan, kurse të nesërmen Laçi do tentojë të reagojë në transfertë me Skënderbeun. Java e 24-t mbyllet me Teuta-Kastrioti, të shtunën në orën 16:00.
KATEGORIA SUPERIORE – JAVA 24
E premte, më 12 mars 2021
Ora 13:00 | Vllaznia-Bylis
Ora 13:00 | Kukësi-Apolonia
E shtunë, më 13 mars 2021
Ora 13:00 | Tirana-Partizani
Ora 13:00 | Skënderbeu-Laçi
Ora 16:00 | Teuta-Kastrioti
Premier Liga
VIDEO/ Solskjaer nuk kursehet ndaj Son: E turpshme! Të ishte djali im, nuk do i jepja për të ngrënë
Fitorja e sotme e Mançester Junajtid ndaj Totenhemit nuk ka kaluar pa polemika. “Djajtë e kuq”, edhe pse fituan, në fund u ankuan për gjykimin e sfidës dhe sidomos për një episod në pjesën e parë ku Kavanit iu anulua një gol pasi u vlerësua se gjatë aksionit kishte një faull të MekToiminei ndaj Son.
Koreano-jugori mbeti i shtrirë në tokë pas një prekje në fytyrë dhe gjyqtari pasi pa pamjet me VAR, vendosi që goli i uruguaianit duhej anuluar. Një vendim që la të pakënaqur “djajtë e kuq” e mbi të gjithë trajnerin Ole Gunar Solskjaer, i cili pas sfidës nuk është kursyer ndaj futbollistit kundërshtar.
“Jam absolutisht i tronditur. Nëse ai do të kishte qenë djali im dhe do të kishte qëndruar në tokë duke kërkuar ndihmë nga shokët që të çohej, nuk do t’i jepja për të ngrënë pasi është e turpshme”, ishin fjalët e teknikut në përfundim të ndeshjes për ngjarjen në fjalë.
Seria A
Dëshirë e vjetër për Juventusin, PSG cakton çmimin për Mauro Icardin
Në verën e shkuar PSG vendosi të blejë shërbimet e Mauro Icardit pas një sezoni shumë të mirë në huazim nga Interi. Gjithsesi, në këtë sezon argjentinasi nuk ka arritur të zërë vend stabël në formacion.
Ai është një nga më të paguarit te PSG, por një talent si Mosie Kean i ka marrë vendin e titullarit dhe nuk po e lëshon më. Nga Franca bëjnë me dije se Icardi është nxjerrë në merkato.
Ai është dëshira e madhe e Juventusit dhe bardhezinjtë mund ta blejnë për një shifër relativisht të përballueshme. 40 milionë euro mësohet të jetë çmimi i vendosur për Icardin, i cili e ka provuar veten në Serie A me Interin.
Sport
Ish-sulmuesi i kombëtares italiane me detyrë të re, emërohet “timonier” i ri i skuadrës së…
Ish-sulmuesi i njohur i kombëtares italiane dhe i Udinezes, Antonio Di Natale është emëruar trajner i ri i skuadrës së Karrarezes e cila militon në Serinë C italiane.
Di Natale i cili përpara dy vitesh “vari këpucët në gozhdë” me fanellën e Udinezes merr drejtimin e skuadrës së Karrarezes pas shkarkimit nga detyra e trajnerit të Silvio Baldinit. Për teknikun Baldini, fatal ishin 5 humbjet rradhazi nga ku ish-skuadra e tij noton në “ujëra të turbullta” në vendin e 15, një vend më lart se zona e Play-Out-it.
Di Natale më parë ka qenë pjesë e Specias, ku tek ekipi i parë ka qenë pjesë e stafit teknik dhe tek Specia U-17 ishte trajner i parë i skuadrës.
Lajmin e afrimit të ish-sulmuesit të kombëtares italiane si trajner i Karrarezes, e bëri publik vetë klubi me anë të një komunikate në sajtin e saj zyrtar.
