Connect with Us

“Sigurimi i vaksinave, më lë pa gjumë natën”/ Erion Dasho ironizon keq Ramën

Politikë

“Sigurimi i vaksinave, më lë pa gjumë natën”/ Erion Dasho ironizon keq Ramën

Publikuar

-

“Vaksina kineze, e supersuksesshme”/ Dasho i ‘mbyll gojën’ Ramës: Lër të flasin ekspertët e pavarur!

Eksperti i Shëndetit Publik, Erion Dasho ka komentuar deklaratat e kryeministrit Rama, i cili sot nga Lezha u shpreh se sigurimi i vaksinave për popullatën e le pa gjumë.

Me tone ironike Dasho shkruan se liderët zakonisht i realizojnë ëndrrat duke punuar vetë dhe frymëzuar njerëzit rreth tyre, Borati përpiqet t’i realizojë ato duke fjetur dhe duke folur përgjumësh.

“Sot Borati njoftoi se ai ka një ëndërr, të vaksinojë qytetarët kundër COVID-it. Problemi është se ndërsa liderët zakonisht i realizojnë ëndrrat duke punuar vetë dhe frymëzuar njerëzit rreth tyre, Borati përpiqet t’i realizojë ato duke fjetur dhe duke folur përgjumësh.

Së pari, ai u kujtua të ëndërrojë pak si vonë, në dhjetor, kur çdo lider i përgjegjshëm kishte me muaj që punonte për të siguruar vaksinat për qytetarët e vet.

Së dyti, kur e pa se ëndrra në Neë York nuk i eci, Borati u ngushëllua me bojëra dhe penela dhe peshqeshe Krishtlindjesh dhe harroi se kishte lënë pas njerëz duke vdekur për shkak të papërgjegjshmërisë së tij.

Së treti, Borati nuk e ka seriozisht vaksinën. Gjithçka për të cilën ai kujdeset është demagojia. “Ëndrrën” e Neë York-ut e zëvendësoi me një fotografi me bosin e Pfizer. Sistemin e vaksinimit e zëvendësoi një megastrukturë me stadiume dhe pallate sporti, a thua se po vaksinohet Kina e India dhe jo një vend me popullsi sa një lagje e Parisit apo Berlinit.

Borat,Lëri ëndrrat dhe gjej vaksina!

Instituti Serologjik i Indisë po prodhon qindra milionë doza të vaksinës së Oksfordit, BioNTech në fabrikën e Marburgut po prodhon disa qindra milionë doza të tjera, Moderna ka nisur të shesë ndërkombëtarisht dhe Johnson & Johnson mori miratimin për vaksinën e parë me një dozë.

Në vend që të ëndërrosh me sy hapur, dërgo ekipe negociatorësh, angazho lobistë dhe siguro kontrata me të gjithë këto kompani.

Në se nuk e ke marrë vesh akoma, Shqipëria është nga vendet me vdekshmërinë më të lartë prej COVID-it dhe për momentin ka një prej incidencave më të larta në botë, megjithë mashtrimet dhe mapulimet e bashkë-ëndërrimtarëve të tu!

Borat, Problemi yt i madh është se ti ke vetëm një ëndërr! Si t’u ngelesh varur në qafë shqiptarëve edhe për një mandat tjetër.

Ndoshta ke një ëndërr tjetër akoma më të madhe! Të mos japësh llogari për kasaphanën me jetën dhe shëndetin e shqiptarëve!

Ëndërro, Borat, ëndërro!

Ke kohë deri në 25 prill për të ëndërruar.”/CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Votimi i emigrantëve/ Topalli: Miratimi i Kodit Zgjedhor u vonua me qëllim

Publikuar

-

Nga

Drejtuesja e Lëvizjes për Ndryshim Jozefina Topalli, ka komentuar në lidhje me fletën e votimit që do të përdoret në zgjedhjet parlamentare të 25 prillit. Sipas saj, kodi zgjedhor u vonua për të bërë të pamundur votimin e emigrantëve.

Më tej, ajo shprehet se vendi ka nevojë për ndryshim dhe ndryshimi nuk është as Edi Rama, as Lulzim Basha me Monika Kryemadhin dhe as Ilir Meta.

“Nuk di të them se cili variant është më mirë sepse është i paprovuar më parë. Mund të bëhej me numër apo siç bëhet në Danimarkë të vendos një fletë tjetër që të dihet kush emër korrespondon me numrin. Mund të ishte organizuar më mirë. Kodi zgjedhor ka vonuar shumë saqë bën të pamundur votimin e emigrantëve. Ka konsensus ndërmjet tyre sepse në të kundër do kishte përplasje.

Vendi ka nevojë për ndryshim dhe ndryshimi nuk janë Lulzim Basha apo Monika Kryemadhi apo Edi Rama apo Ilir Meta. Nëse nuk marr asnjë mandat do të tërhiqem nga jeta politike.”, u shpreh Topalli./CNA.al

LEXO TE PLOTE

Politikë

Rakipllari sulmon Frrok Çupin/ “Lëtyrë, shpifës ordiner”

Publikuar

-

Nga

Debati në emisionin “Open” mes gazetarit Robert Rakipllari dhe Frrok Çupit ka degjeneruar në sulme dhe fyerje personale mes tyre.

Ishte Çupi i nxiti debatin pasi Rakipllari citoi diçka gabim nga fjala e tij më herët në emisionin “Open”.

Më tej Rakipllari e quajti Çupin spiun sigurimi dhe lëtyrë, shpifës ordiner. Ky i fundit e quajti kolegun budalla dhe e paralajmëroi se do ta çonte në gjyq, për akuza të pavërteta.

Debati:

Rakipllari: Atëherë Çupi tha se Presidenti është pa pushtet…

Çupi: Jo nuk e thashë këtë, pse më vë në gojë gjëra që nuk i thashë.

Rakipllari: Po mirë

Çupi: Jo s’ka mirë, edhe njëherë po ta them mos vë në gojën tënde gjëra që unë s’i thashë kaq po të them.

Rakipllari: O Frrok mos bëj si i fortë.

Çupi: Unë s’po bëj si i fortë mos më thuaj mua gjëra të paqëna.

Rakipllari: Ore pse bërtet, pse do ta marrësh personale, unë s’di të kem gjëra personale me ty. Çfarë ke?

Çupi: Të jetë hera e fundit më dëgjove? (Bërtet)

Rakipllari: Unë nuk kam ardhur për debat me ty këtu, nuk bëj debat me një ish-spiun të Sigurimit të Shtetit.

Çupi: Unë spiun?

Rakipllari: Po ke qenë spiun, a ke qenë?

Çupi: Do shkojmë në gjyq me këtë që the.

Rakipllari: Kur të duash ti.

Çupi: Do ta paguash shumë shtrenjtë. Më citon keq.

Rakipllari: Nuk kam ardhur të bëj debat me ty. Kujdes dhe referoju mirë gjërave. Unë të dëgjova dhe të respektova deri në fund.

LEXO EDHE:  Marrëdhëniet me Ramën/ Bushati flet pa dorashka: S’kërkoj lëmoshë

LEXO EDHE:  A do paguhen sportistët, OJF-të dhe artistët/ Rama: E përballojnë situatën pa ne

Frrok Çupi: Pse ku ishte respekti?

Rakipllari: Kujdes me zhargonin! Kaq po them se nuk kam ardhur që të bëj debat me ty. Merre dhe ktheje se çfarë the. The për Metën që ky njeri kërkon pushtet. Ti nuk je jurist fare. Ke qenë, nuk je më tani. Presidenti shkon ku t’i dojë qejfi.

Çupi: S’ka punë me zgjedhjet ai.

Rakipllari: Si nuk ka punë me zgjedhjet ai? Mund të shkojë ku të dojë në çdo vend të Shqipërisë.

Çupi: Presidenti nuk mund që të rrahë policë dhe të mos shkojë i dehur nëpër studio. Nuk ka kompetencë more djalë. Ehuuuu me kë flas edhe unë. Presidenti nuk bën thirrje.

Rakipllari: Po lexoje more lexo! Ti ke qenë spiun i sigurimit të shteti dhe nuk po them gjë. Je një shpifës ordiner. Spiun! Ti ke qenë dhe mbaje. Unë nuk bëj debat me një lëtyrë si ty.

Çupi: Ti je i lumtur budalla i dashur.

Rakipllari: Do të vazhdoj me arsenalin.

Çupi: Do të të them ça lexoj për ty.

Rakipllari: Se ça thonë për një lëtyrë si ty. Eni nëse me kë thirrur që të… Nuk vazhdoj dot më, më ke sjellë njërin që të më thotë gjëra personale.

Çupi: Çfarë të thashë unë gjëra personale?/hashtag

LEXO TE PLOTE

Politikë

Investimet në infrastrukturë/ Gazetari “zë ngushtë” Ramën

Publikuar

-

Nga

Investimet në infrastrukturë/ Gazetari “zë ngushtë” Ramën

Gazetari Neritan Sejamini ka vënë në vështirësi mbrëmjen e sotme kryeministrin Edi Rama, teksa kanë debatuar për investimet në insfrastrukturë.

Sejamini tha se gjatë qeverisjes së Ramës janë marrë shumë para borxh dhe janë bërë shumë pak investime në infrastrukturë, ndërsa kreu i qeverisë e ka kundërshtuar.

Por gazetari listoi disa nga rrugët që ka bërë qeveria, prej të cilave vetëm dy janë rrugë kryesore, të tjerat janë dytësore.

Debati në Euronews Albania:

Sejamini: Keni marrë borxh 3.7 miliardë euro dhe jeni qeveria që keni bërë me pak investime në infrastrukturë në rrugë porte apo aeroporte. Pse keni vendosur që investimet t’i çoni në fusha të tjera dhe jo infrastrukturë, fushë që shton dhe rigjeneron ekonominë?

Rama: Ne nuk kemi bërë më pak, por më shumë, jemi qeveria që kemi investuar më shumë se sa çdo qeveri i mëparshme. Kemi investuar në disa rrugë të nisura prej tyre, më shumë se sa vetë ata kanë investuar.

Sejamini:  Kam përpara listën e rrugëve që keni ndërtuar ju, dhe vetëm dy janë rrugë kryesore, të tjerat janë rrugë dytësore. Përveçse Rruga e Elbasanit dhe bypassi i Fierit, që janë rrugë të mëdha, të tjerat janë dytësore.

LEXO EDHE:  A do paguhen sportistët, OJF-të dhe artistët/ Rama: E përballojnë situatën pa ne

LEXO EDHE:  Marrëdhëniet me Ramën/ Bushati flet pa dorashka: S’kërkoj lëmoshë

Rama: Është Rruga e Pogradecit.

Sejamini: Është zgjerim, rindërtim.

Rama: Rruga e Arbrit.

Sejamini: Është koncesion privat, është vazhdim i asaj që nisi më herët.

Rama: Është projekt i ribërë nga e para. Janë 7 ura të ndërtuara nga buxheti i shtetit. Pjesa që lidh poshtë rrugën e Kombit, rruga që lidh Milot-Lezhën. E vërteta është që janë shumë, autostrada Durrës-Lushnjë-Fier është financuar nga ne dhe pjesa më e madhe e punës është bërë në qeverisjen tonë./ CNA.al

LEXO TE PLOTE