Connect with Us

Memelli pas fitores: Jam krenar për lojtarët, qëllimi është të shpëtojmë Skënderbeun

Sport

Memelli pas fitores: Jam krenar për lojtarët, qëllimi është të shpëtojmë Skënderbeun

Publikuar

-

Trajneri i Skënderbeut, Migen Memelli, u shpreh i lumtur, pas fitores së arritur në transfertë ndaj Partizanit. Tekniku pogradecar, foli pas ndeshjes për mikrofonin e “Gol pas Golit”, duke u shprehur me superlativa për lojtarët e tij.

NDESHJE PERFEKTE- Në partencë nuk niseshim në 2 vija paralele. Partizani ishte superfavorite. Ndeshja ishte përgatitur në mënyrën e tillë që të ishim të vendosur mirë në fund, të kishim qartësi. Duke kaluar minutat duke fituar besim. Në raport me statistikat, me përjashtim të mbajtjes së topit, Skënderbeu ka qenë më lartë. Këto 2 ditë kanë qenë shumë të rëndësishme. Dje bëra një mbledhje për gati 2 orë, si duhet të sillemi, çfarë duhet të bëjmë. Ishin 42 pikë në lojë. Intestiteti nuk ka qenë i duhuri në ndeshjet e mëparshme. Sot ka qenë gjithçka në perfeksion. Kam lojtarë me kualitet të lartë dhe të jashtëzakonshëm, për këtë jam krenar. Në aspketin psikologjik, moral, është një 3 pikësh që vlen, vjen karshi një skuadre të madhe si Partizani. U përballëm si të barabartë. Duhet të shikoni raportet e lojtarëve, ne kemi lojtarë kualitativ. Më pëlqen loja në grup dhe jo individë të caktuar.

E KISHIT MENDUAR FITOREN? Ne duhet t’i merrnim pikët aty ku duhet t’i merrnim. Mund të fitonim në Ballsh, sikurse dhe javën e kaluar ndaj Kastriotit. Ajo ishte ndeshje për t’u harruar. Mund të marrim pikë karshi edhe skuadrave si Partizanit. Nuk ka disnivel të lartë, mjafton të jesh i kujdesshëm. Ajo ccka vlen është 3 pikëshi. Ne e morëm atë çfarë kërkonim.

PIKAT E DOBËTA TË PARTIZANIT- I kam kërkuar skuadrës, që raporti i 2 sulmuesve tanë, në raport me 2 qendrat e mbrojtjes së Partizanit, ishim të avantazhuar, këtu duhet të përfitonim, këtu përfituam. Partizani është skuadër që ka lojë të jashtëzakonshme, e zhvendos shumë në krah, dyfishuam markimet, na rezultoi mirë. Lojtarët ishin rigorozë në këto gjëra. Një kohë me vonesë, apo 1 kohë më shpejt, prishet marrëdhënia dhe ka dis ekuilibra.

ÇFARË I KËRKOVE SKUADRËS DJE? 1 orë kam punuar në aspektin psikologjik dje. Mora raportet e kundërshtarit, punova tek lojtarët në aspektin psikologjik. Hakaj me Zguron dhe Idrizaj me Meksin nuk kanë disnivele. Raporti ishte i barabartë, diku lëshojmë pak, Partizani ka cilësi në sulm, me Jasir Asanin dhe Ccinari, i mbuluam shumë mirë.

MBIJETESA- Kemi një shans të artë që të vazhdojmë te ndeshja e radhës me Laçin. I takova lojtarëve të Partizanit, iu thashë që çuna vazhdoni se ka kampionat akoma, ata mund ta fitojnë, por edhe mund ta humbin kampionatin. Kjo është një ndeshje që edhe mund ta humbin. Kampionat ka akoma gjithsesi.

XHAKETA- Ma bënë pis xhaketën futbollistët me djersën e tyre, por mund t’i kishin vënë edhe flakën. Morëm atë që meritonin, qëllimi është objektivi final, për të shpëtuar skuadrën e Skënderbeut.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

La Liga

Ramos refuzon rinovimin e kontratës me Real Madridin

Publikuar

-

Nga

Pas 16 sezonesh tek Real Madrid, mbrojtësi Serxhio Ramos me shumë mundësi do të largohet nga madrilenët këtë verë, teksa çështje për tu zgjidhur është dhe kontrata e 35 vjeçarit i cili deri tani nuk ka rinovuar ende.

Sipas mediave spanjolle, Ramos ka refuzuar rinovimin e kontratës me madrilenët dhe ka pasur dhe një debat të shkurtër me presidentin e klubit, Fiorentino Perez, i cili dyshohet se i është drejtuar spanjollit me fjalët ‘’Ne duhet të planifikojmë që sezonin e ardhëm të bëjmë pa ty’’.

Nuk mungojnë dhe ofertat e klubeve europiane për mbrojtësin spanjoll, ku ndër to dy klubet e mëdha PSG-ja me Liverpulin. Nuk dihet ende e ardhmja e tij, por një gjë është e sigurte se qendërmbrojtësi spanjoll nuk do të luajë për madrilenët sezonin tjetër.

LEXO TE PLOTE

Sport

Korçarët kanë një golashënues, afrikani Mensah merr për dore Skënderbeun

Publikuar

-

Nga

Sulmuesi Alfred Mensah është njeriu gol i këtij sezoni për Skënderbeun, qoftë sa i përket kampionatit, ashtu edhe ndeshjeve në Kupën e Shqipërisë. Shtatlarti ganez po tregon një formë mjaft të mirë, teksa në sezonin e tij të dytë me fanellën e korçarëve po udhëheq sulmin me 6 gola në Superiore dhe 4 në kupë.

Mensah është një qendërsulmues tipik, i cili krahas golave, ka ndihmuar shumë skuadrën duke marrë disa penallti dhe dhënë asiste. Sa i përket Kupës, me 4 gola si Mensah janë këtë edicion edhe sulmuesit e Vllaznisë e Laçit, respektivisht Haris Dilaver dhe Kirian Nuabueze. Ndërsa në kuotën e 3 golave është një tjetër lojtar i Skënderbeut, Elvi Berisha, që shënoi në Durrës.

LEXO TE PLOTE

Sport

Nuk ka qetësi te Laçi/ Pas Selmanit largohet një tjetër futbollist

Publikuar

-

Nga

Pas qendërmbrojtësit Adolf Selmani, largimi i radhës nga Laçi është mesfushori i krahut, Klejdi Rapo. Në fakt, prej ditësh lojtari korçar nuk po stërvitet me ekipin, por nga ana e klubit nuk ka pasur ndonjë konfirmim zyrtar për prishjen e marrëveshjes.

Gjithsesi, “Panorama Sport” zbulon nga burime të sigurta në klub se Rapo nuk është më pjesë e Laçit. Mësohet se ai ka kërkuar letrat në klub dhe është larguar kësisoj para se të mbyllet ky sezon. Mesfushori erdhi si një përforcim që mund të shpërthente me kurbinasit në Superiore, pasi më parë kishte bërë mirë në Kategorinë e Parë me Devollin dhe Pogradecin.

26-vjeçari luajti vetëm 4 ndeshje këtë kampionat me fanellën bardhezi, nga të cilat dy herë si titullar në fitoren 1-0 kundër Teutës dhe barazimin 1-1 në javën e parë të kampionatit ndaj Bylisit. Ndërkohë, në ndeshjen e së dielës që kurbinasit kanë me ballshiotët, krahas largimeve të fundit dhe dënimit të Erhun Obanorit, trajneri Shpëtim Duro nuk do të ketë të gatshëm as mesfushorin Regi Lushkja, i cili mësohet se ka plotësuar numrin katër të kartonëve të verdhë.

LEXO TE PLOTE