Connect with Us

Nga Mitro Çela/ Si “mbiu” SOROS në Shqipëri

Kultura

Nga Mitro Çela/ Si “mbiu” SOROS në Shqipëri

Publikuar

-

Nga Mitro Çela/ Si “mbiu” SOROS në Shqipëri

Sorsi “mbiu” në Shqipëri me anë të Fran Nazit. Me origjinë nga Puka. Me shkollë amerikane. I imët. Fjalë pak.

Në Tiranë mbriti ditët e fundit të dhjetorit 1990.

Ishte koha kur ishte krijuar PD-ja. Ishin ditët kur ëndërrohej per gazetën “RD”.

Në ato ditë partia dhe gazeta nuk kishin “shtëpi”.

Erdhi janari 1991. Doli një ferman nga qeveria. PD-ja do vendisej në një vilë. Ish shtëpia ku kishte jetuar gjeneral Spiro Mojsiu. Në mes të rrugës “Fortuzi”.

Në katin e dytë kishte  tre dhoma. Dy i mori partia. Një redaksia e gazetës.

Po rrija vetëm në zyrë. Kohë dreke. Bie dera:

-Jam Fran Nazi!

-Kam dëgjuar. Më ka folur Preç Zogaj…

Shkëmbyem kredencislet…

Ra telefoni…Ishte Ezmerka…

-Fasulet po të presin?…

-Kam një mik nga Amerika…Ta ftoj?…

-Po…

U bë fakt. “Pjata me fasule” na lidhi më shumë. Herë pas here pinim kafe.

Korrik 1991. Ra ka kali qeveria Nano. Lindi Qeveria e Stabilitetin. Blu e rrozë hanin në një çanak. Kryeministër Ylli Bufi-socialist. Zëvëndës Gramos Pashko. Këshilltar i Pashkos për ekonominë- Teodor Keko. Dori mendonte se duke qënë poet, e “thante” zanatin e ekonomistit…

Në këtë kohë Dori zbuloi ca dokumenta për arin që kishte ngrënë Enveri. Hartuam një plan dhe hapëm një debat në gazetë për arin.

Ra qeveria “Bufi”. U bënë zgjedhjet më 22 Mars 1992. Fitore e thellë e demokratëve. Berisha u bë President. Meksi-kryeministër.

LEXO EDHE:  Fjala e kryeministrit Hungarez kundër Soros/ Basha urdhëroi bojkotin e PD/ Nga Altin Goxhaj

Tetor 1992. Më fton për kafe Mynyr Tirana. Babai i gazetarit Genc Tirana, që punonim së bashke në “RD”. Për shumë vite kish punuar si prokuror. Dukej si mbi gjëmba:

-Prokuroria ta ka bërë benë. Duan të gjëjnë shteg ligjor. Je deputet….Por prangat i kanë gati?!

-Fajtor pa faj!

-Në emrin tënd kanë ardhur 250 kompjutra.

-Po pse unë? Ku i gjeta paratë? Rroga ime si deputet është 25 dollarë?!

-Ti me Teodor Kekon kini gjetur arin e Enverit. -Tha ish prokurori.-Për të pastruar arin, kini blerë kompjutera?!

U ndamë. Takova Dorin. Qeshëm me lot…

Të nesërmen shkova në prokurorinë e Tiranës. Dosjen time e kishte prokuror Kadriu. Trokita. U hap dera para meje një djalë i ri.

-Bëre mirë që erdhe vetë. Ja ku e ke mallin.

Ishin dy kompjutera. Dërgon:-Sorros. Merr: -Mitro Çela. Gazeta “RD”.

Totali 250 komjutera.

-O trego ku i gjete paratë? Ose bëj një deklaratë që je fajtor pa faj.

Bëra dy gisht deklaratë dhe përfundova tek Fran Nazi…

Ai zgurdulloi sytë duke thënë:

-Ti në prokurori? Por kompjuterat kanë ardhur për administratën e shtetit. Ka marrë edhe Presidenti Berisha. Edhe Meksi. Edhe ministrat…Unë e futa emrin tënd, për kollajllëk?! Të kërkoj ndjesë?!

-O Fran? Të fal që më more erzin në prokurori. Por nuk të fal që harrove t’i japësh një “vegël” edhe “RD”-së?!

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kultura

Rikthehen teatrot në Tiranë, ambientet e hapura kthehen në skena

Publikuar

-

Nga

Rikthehen teatrot në Tiranë, ambientet e hapura kthehen në skena

Me ngrohjen e kohës teatrot kanë vendosur që disa prej veprave ti vendosin në ambiente të hapura për një publik të reduktuar.  Për ta rikthimi pranë artdashësve është i domosdoshëm.

Ajo që na ka munguar më shumë përgjatë kësaj kohe mbetet teatri, jo në formën online por ai që ndjekim përballë dhe e duartrokasim për lojën aktoriale dhe emocionet që marrim. Por sikurse në të njëjtën periudhë të vitit të kaluar, teatrot kanë vendosur të rikthehen, me një kast të vogël aktorësh dhe për një publik të reduktuar.

Ambientet e hapura do të kthehen në skenën e ekzekutimit të veprave sikurse do të jetë Amfiteatri i Akademisë së Arteve për “Këngëtaren Tullace” të Eugene Ionesco, nga Teatri Metropol.

“Thelbi i veprës është kotësia, pra veprimet e kota të njerëzve të cilët nuk janë budallenj, nuk janë të pandërgjegjshëm, por rutina, përditshmëria, ajo që në shpesh herë nuk e vëmë re, na shtyn të shkojmë drejt disa veprimeve, disa reagimeve krejt të kota”, tha regjisori dhe koreografi Gjergj Prevazi.

Ndërsa Teatri Kombëtar Eksperimental ka zgjedhur që këtë javë t’ia kushtojë publikut të vogël.

LEXO EDHE:  Fjala e kryeministrit Hungarez kundër Soros/ Basha urdhëroi bojkotin e PD/ Nga Altin Goxhaj

LEXO EDHE:  Fjala e kryeministrit Hungarez kundër Soros/ Basha urdhëroi bojkotin e PD/ Nga Altin Goxhaj

“Hansel dhe Gretel” do shfaqet të mërkurën dhe “Drejt Imagjinatës” të premten për të vegjlit në ambient të hapur.

“Ishte konceptuar ndryshe, ishte konceptuar për t’u dhënë brenda, dritat kishin një pjesë të madhe të efektit që do të krijonte te fëmijët”, u shpreh regjisori Mateo Dervishaj.

Por si ka qenë ky vit për  komunitetin e artistëve?

“Natyrisht është si të mos komunikosh me një person apo me një grup personash dhe a e vështirë është të rikthehesh pas një viti, të rivendosësh kontaktin, komunikimin”, tha tha regjisori dhe koreografi Gjergj Prevazi.

“Ka sjellë një të mirë sepse na ka bërë të mendojmë gjatë dhe na ka lehtësuar anën kreative, kështu që unë ndjej që jam rritur gjatë kësaj periudhe, edhe pse me vështirësi”, u shpreh regjisori Mateo Dervishaj.

Edhe pse në vendet fqinje dhe përtej artistët janë rikthyer në skenë duke respektuar një sërë masash, këtu nuk ka ende një sinjal për të ekzekutuar veprat në skenat teatrore./euronews

LEXO TE PLOTE

Kultura

Kostumografia në film dhe teatër

Publikuar

-

Nga

Kostumografia në film dhe teatër

Kur artistët e kostumografisë në Hollivud kanë nevojë për një veshje të periudhës së Mbretëreshës Viktoria të gjysmës së dytë të shekullit XIX apo nga periudha e Mbretit Eduard të Anglisë në fillim të shekullit XX për një film të ri, zakonisht frekuentojnë koleksionisten e objekteve historike Helen Uffner. 72-vjeçarja me banim në Nju Jork ka ofruar kostume e veshje për më shumë se 1000 filma, produksione teatrale dhe sfilata mode gjatë 45 vjetësh. Korrespondentja e Zërit të Amerikës Nina Vishneva njofton.

Një thesar i vërtetë me veshje të vjetra, ndër to kapelen e Rachel Brosnahan në serialin The Marvelous Mrs. Maisel, trikon që veshi Tom Hanks në filmin The Bridge of Spies, si dhe këmishën e natës me të cilën Angelina Jolie u shfaq në filmin The Original Sin. Veshje të tjera u shfaqën kohët e fundit në filmin ‘US vs Billie Holiday’ dhe ‘Ma Rainey’s Black Bottom’, i cili fitoi Oscar për kostumografinë më të mirë në 2021.

Helen Uffner është themeluese e kompanisë Vintage Clothing, koleksioni më i madh privat amerikan i veshjeve nga periudha të ndryshme. Dhjetëra mijëra artikuj veshmbathjeje dhe zbukurime shoqëruese nga periudha viktoriane e deri në vitet 1980.

Në 1982, Woody Allen po punonte për filmin Zelig dhe kishte shkuar për të kërkuar veshje e kostume në Soho të Nju Jorkut. Ekipi i tij erdhi tek apartamenti im dhe bleu të gjitha rrobat që kisha në zotërim,” tregon zonja Uffner.

Ajo filloi të grumbullojë objekte të periudhave të shkuara që në moshë të re. Kursente para nga puna si kujdestare për fëmijët e fqinjëve. Fillimisht filloi të blinte libra të vjetër, pastaj unaza dhe më në fund kaloi te veshmbathja. Ajo thotë se ky interesim rrjedh nga fakti që familja nuk kishte pasur objekte të vjetra të trashëguara në breza. Pjesa më e madhe e paraardhësve ishin zhvendosur nga Polonia në Belgjikë, shumë prej tyre kishin vdekur në kampe përqëndrimi.

LEXO EDHE:  Kartmonedha të reja në tregun shqiptar/ Shikoni si duken

LEXO EDHE:  Skandal/ Avokati zbulon projektet e kryetarit të KLP-së në Fondacionin Soros

Më pëlqejnë shumë gjërat e vjetra. Sikur dëgjoj prej tyre historitë e shkuara. Dikur këto ishin gjëra të dashura për dikë,” thotë ajo.

Zonja Uffner gjente thesare ndër zotërime të trashëguara dhe fillimisht i shiste. Por me kalimin e kohës iu bë e vështirë t’i nxirrte nga dora. Ajo filloi t’ua huazonte zotërimet e saj regjisorëve të filmave dhe organizatorëve të sfilatave. Pasi përfundojnë filmimet, aktorët duhet t’i kthejnë kostumet, por nuk ndodh gjithmonë.

Ofruam shumë veshje për filmin The Irishman. Dy prej artikujve do të përdoreshin nga personazhi i interpretuar nga Robert De Niro. Një palë pizhama dhe një robdisham. Nuk na i kanë kthyer,” tregon ajo.

Veshjet mund edhe të dëmtohen gjatë xhirimeve. Ekipi realizues i filmit Titaniku nuk mund të garantonte se veshjet do të ktheheshin të padëmtuara, prandaj zonja Uffner vendosi të mos ofrojë gjë nga koleksioni i saj:

Vendosa të mos jap për këtë film. Mësova më vonë se kishin dëmtuar shumë veshje”.

Falë realizimeve teatrale të Hollivudit, apo produksioneve televizive, si dhe sfilatave të modës, ka kërkesa të vazhdueshme për zotërimet unike në koleksionin e zonjës Uffner.

Për 45 vjet, zonja Uffner ka luajtur një rol kritik në mijëra filma, produksione teatrale dhe projekte të tjera. Pasioni i saj ka ndihmuar që klientët e saj të fitojnë katër çmime Emmy dhe një Oscar, si dhe vlerësime të tjera.

Pandemia e ka ulur kërkesën, por puna po rigjallërohet përsëri.

Zotërimet e saj gradualisht po rikthehen në vëmendjen e ekipeve realizuese që i sjellin pranë nesh përmes ekranit të filmit./euronews

LEXO TE PLOTE

Kultura

Koço Qendro, kolosi i teatrit shqiptar feston 94 vjetorin e lindjes

Publikuar

-

Nga

Koço Qendro, kolosi i teatrit shqiptar feston 94 vjetorin e lindjes

Aktori i madh shqiptar Koço Qendro sot feston ditëlindjen. Koço Qendro ka lindur më 15 Maj të vitit 1927.

Qendro është i njohur për kryerolin e tij si Harpagoni nga vepra e shkrimtarit të njohur francez, Molier, “Kopraci”. Në karrierën e tij artistike, Koço Qendro numëron mbi 120 role.

Me energjinë e tij dhe mimikën ekspresive edhe në moshën 94 vjeçare iu ka rezistuar sfidave të skenës.

LEXO EDHE:  Fjala e kryeministrit Hungarez kundër Soros/ Basha urdhëroi bojkotin e PD/ Nga Altin Goxhaj

LEXO EDHE:  Skandal/ Avokati zbulon projektet e kryetarit të KLP-së në Fondacionin Soros

Harpagoni i Koço Qendros do të mbetet një nga rolet më brilante në teatrin shqiptar.

Disa nga rolet e tij më të spikatura janë:

Kopraci (2018)

Tre ditë nga një jetë (1986) – Kryeplaku i fshatit

Vendimi (1984) – Aleks Xinxa

Agimet e stinës së madhe (1981) – Aleks Lili

Përballimi (1976) – Sefedini

I teti ne bronz (1970) – Ballisti./ CNA.al

 

LEXO TE PLOTE