Connect with Us

Shtohen ritmet e infektimeve me koronavirus në Evropë

Bota

Shtohen ritmet e infektimeve me koronavirus në Evropë

Publikuar

-

Shtohen ritmet e infektimeve me koronavirus në Evropë

Rastet e infektimeve me koronavirus në Evropë u rritën 9% gjatë kësaj jave, duke i dhënë fund një periudhe përmirësimi që nga fundi i janarit. Duke njoftuar keqësimin e situatës, shefi për Evropën pranë Organizatës Botërore të Shëndetësisë tha se vendet evropiane duhet të rikthehen tek praktikat bazë.

Dr. Hans Kluge tha se në rajon ishin regjistruar mbi 1 milionë raste të reja vetëm gjatë javës së fundit. Shtimi i ritmeve të infektimit, sipas specialistit, është më i dukshëm në Evropën Qendrore e Lindore, por rritje ka pasur edhe në pjesën perëndimore të kontinentit.

Më shumë se gjysma e rajonit po përjeton shtim të ritmeve të përhapjes së sëmundjes, tha ai.

“Më shumë se një vit pas shfaqjes së pandemisë, sistemet tona shëndetësore nuk duhet të ishin në këtë gjendje,” tha zoti Kluge.

Situata kërkon një vëmendje më të madhe ndaj protokolleve bazë, shtoi zyrtari, duke nënvizuar rëndësinë e masave për të parandaluar shfaqjen e varianteve të reja, shtimin e testimeve, izolimin e të infektuarve dhe përpjekje për të përshpejtuar vaksinimet.

Gjermania njoftoi se po zgjat masat kufizuese për tre javë të tjera, deri më 28 mars, por ka lehtësuar disa kufizime për të mundësuar rihapjen e dyqaneve dhe bizneseve jo-esenciale në rajone ku shifrat e infektimeve kanë qenë më të ulëta.

Ndërkaq, Agjencia Evropiane për Mjekësinë tha se ka filluar të analizojë vaksinën e prodhuar nga rusët, Sputnik V, disa muaj pasi kjo vaksinë u hodh në përdorim në Rusi dhe pasi është miratuar ndërkohë në një numër vendesh që po e përdorin për imunizimin e popullatës.

LEXO EDHE:  Koronavirusi nuk ka të ndalur/ Shifra alarmante në botë, Brazili tejkalon 6 milionë të infektuar

Në një deklaratë të enjten, rregullatorët evropianë thanë se analiza e tyre bazohet në të dhënat e mbledhura nga studimet laboratorike me të rritur, që tregojnë se vaksina mund të jetë e efektshme në luftimin e virusit.

Megjithë skepticizmin pas një prezantimi të ngutshëm të vaksinës pa bërë prova në shkallë të gjerë, duket se Sputnik V është e suksesshme dhe nuk shkakton efekte shqetësuese. Sipas një studimi të botuar në revistën shkencore Lancet, Sputnik V ishte afro 91% efektive për parandalimin e rasteve të rënda të COVID-19.

Në Britani dhe disa vende të tjera, ku sistemi shëndetësor po përballet me variantin britanik të koronavirusit, autoritetet kanë njoftuar rregullore të reja për të përshpejtuar modifikimin e vaksinave ekzistuese për t’iu përgjigjur mutacioneve.

Rregulloret e reja bazohen në praktikat që ndiqen për të modifikuar çdo vit vaksinën kundër gripit në varësi të varianteve të reja sezonale./voa

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

22 vjet nga eksodi i madh/ Nënë e bijë kujtojnë fotografinë që bëri xhiron e botës

Publikuar

-

Nga

22 vjet nga eksodi i madh/ Nënë e bijë kujtojnë fotografinë që bëri xhiron e botës

Sot shënohet 22-vjetori i eksodit të shqiptarëve të Kosovës, kur gjatë luftës në 1998-1999, rreth një milionë shqiptarë u detyruan nga forcat paramilitare serbe të shpërnguleshin në Shqipëri dhe Maqedoninë e Veriut.

Ndonëse të dëbuarit e parë, rreth 187 kosovarë, e kaluan kufirin më 27 mars 1999, valët e eksodit vazhduan deri edhe në karvanë me 70 mijë persona. 16 prilli është data kur në Kukës shënohet Dita e Eksodit, si shenjë falënderimi dhe respekti për të gjithë ata që hapen dyert për të pritur vëllezërit e tyre shqiptarë nga Kosova.

Për ndërgjegjësimin e opinionit botëror për agresionin ushtarak mbi popullin shqiptar në Kosovë, shërbeu dhe një fotografi e një fotoreporteri të agjencisë së lajmeve “Reuters”.

Në foton e 16 prillit 1999, shfaqet Sherife Luta me vajzën e saj 6-muajshe në krah, Besjanën. Sherifja e kujton atë si ditë si “një ditë të rëndësishme për Kosovën dhe të gjithë popullin shqiptar” dhe tregon se i është dashur të qëndrojë rreth 3 muaj në RMV.

LEXO EDHE:  Shifra alarmante nga Covid-19 në Britaninë e Madhe/ 12 milionë njerëz futen në izolim

LEXO EDHE:  “Peshku i madh’ i Prokurorisë në kërkim/ Llalla me pasuri të sekuestruara, në arrati

Kurse Besjana, sot 22 vjeç tregon për Euronews Albania se ka mësuar për atë që kishte ndodhur vetëm pasi u bë 9 vjeçe. Ajo thotë se fytyra e nënës së saj shpreh qartë atë që kishte ndodhur atë ditë./ Euronews Albania

LEXO TE PLOTE

Bota

Vaksinohet kancelarja Angela Merkel/ Ja cilën vaksinë bëri

Publikuar

-

Nga

Kancelarja gjermane, Angela Merkel ka marrë dozën e parë të vaksinës AstraZeneca.

“Vaksinimi është çelësi për të dalë nga pandemia”, ka thënë Merkel, sipas një postimi të zëdhënësit të saj, Steffen Seibert.

Merkel shpesh ishte pyetur në lidhje me planet e saj për tu vaksinuar, por ajo kishte këmbëngulur se do të priste radhën në përputhje me rregullat e rrepta të vaksinimit të grupeve me përparësi në Gjermani./CNA.al

LEXO TE PLOTE

Kosova & Rajoni

Covid-19 në Kosovë/ 14 viktima gjatë 24 orëve të fundit

Publikuar

-

Nga

Rriten sërish shifrat e të infektuarve në Kosovë/ Ja sa persona kanë humbur jetën sot

Gjatë 24 orëve të fundit në Kosovë kanë humbur jetën 14 qytetarë si pasojë e Covid-19. Fatmirësisht 646 persona kanë fituar betejën me virusin.

”Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.230 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 520 raste pozitive./CNA.al

LEXO TE PLOTE