Sociale
“Qytetarët kanë frikë të vijnë në spital”/ Brataj: Rastet janë në rënie, nuk jam dakord me lockdown-in
Drejtuesi i Qendrës Kombëtare të Urgjencës Mjekësore, Skënder Brataj u shpreh se nuk është dakort me masat e vendosura të Covid-19.
Sipas tij ka ulje të rasteve të të infektuarve si dhe situata është e menaxhueshme.
“Rastet janë gjithmonë dhe në rënie pranaj unë nuk jam dakort me lockdown-in si dhe me masat e tjera të vendosura. Sot janë rreth 600 raste të reja, pra numri është gjithmonë e në rënie”, u shpreh Brataj.
Brataj u shpreh se qytetarët kanë frikë të shkojnë në spital pasi besojnë teoritë që në spital nuk marrin shërbimin e duhur si dhe lihen pas dore.
“Shumica e personave të prekuar nga Covid-19 vijnë me vonesë në spital. Ata kanë frië të vijnë në spital pasi u besojnë teorive që në spital nuk merr kujdesin e nevojshëm dhe se lihesh pas dore. Situata të tilla edhe kanë ndodhur por nuk ka spital perfekt”– u shpreh ai./CNA.al
Sociale
Kosovarët ‘dynden’ drejt Shqipërisë/ Mbi 48 mijë qytetarë kaluan kufirin gjatë fundjavës
Një numër i konsiderueshëm qytetarësh nga Kosova, vizituan këtë fundjavë Shqipërinë.
Përgjatë tri ditëve të kaluar (premte, shtunë dhe e diel) rezulton se kanë hyrë në Shqipëri 48.621 persona.
Vetëm të dielën në hyrje dhe daljet e pikave kufitare Kosovë-Shqipëri janë kontrolluar 47 mijë e 83 persona.
Në pikën kufitare në Vermicë kanë hyrë 26 mijë e 267 qytetarë, ndërsa në dalje janë kontrolluar 15 mijë e 939 persona.
Ndërsa në total të dielën në Kosovë kanë hyrë 28 mijë e 665 persona. Kështu kanë bërë të ditur nga zyra për informim e Policisë së Kosovës.
Në pikën kufitare Vermicë, Qafë e Prushtit, Qafë e Morinës dhe Dragash janë kontrolluar 12 mijë e 702 vetura. Prej tyre 7 mijë e 754 në hyrje të pikave kufitare dhe 4 mijë e 943 në dalje.
Ndërsa të shtunën në hyrje dhe dalje të pikave kufitare janë kontrolluar 24 mijë e 221 persona. 9 mijë e 445 persona janë kontrolluar në hyrje dhe 14 mijë e 776 në dalje.
Kurse të premten në gjitha pikat kufitare Kosovë-Shqipëri janë kontrolluar 23 mijë e 255 persona./euronews
Sociale
Vaksina kineze/ Rakacolli: Është e sigurtë, më pak efekte anësore se Pfizer
Zv/ministja e Shëndetësisë, Mira Rakacolli garanton të gjithë qytetarët se vaksinat e përdorura janë të sigurta, ndërsa nuk hezitoi në krahasimet mes tyre.
Lidhur me vaksinën kinezë Sinovac, Rakacolli thotë se nuk ka pasur absolutisht asnjë ekfekt anësor
“Meqë po flasim për vaksinën e Sinovac, ajo u është injektuar mjaft njerëzve dhe nuk ka pasur absolutisht asnjë ekfekt anësor. Në një kohë që nga vaksina Pfizer, 80% e atyre që e kanë bërë kanë pasur dhimbje në vendin e injektimit apo efekte të tjera anësore të lehta. Ndërkohë që nuk kemi asnjë event madhor si humbje jete apo shtrime në spitale për shkak të vaksinës”, tha Rakacolli./CNA.al
Sociale
Shtohen të infektuarit në Korçë/ Drejtori i Kujdesit Shëndetësor: Në tubimet elektorale s’respektohen masat
Qarku i Korçës është duke u përballur përsëri me një rritje të numrit të infektimeve gjatë ditëve të fundit, madje duke u renditur i dyti në shkallë vendi, në tabelën që Ministra e Shëndetësisë përditëson.
Fluksi i turistëve, të favorizuar edhe nga moti i mirë por edhe tubimet elektorale të partive të ndryshme mendohet se kanë ndikuar në këtë situatë.
Për shifrat e larta të raportuara në qytetin juglindor, drejtori i Njësisë Vendore të Kujdesit Shëndetësor në Korçë, Mikel Llogori u shpreh në Euronews Albania se nuk duhet të ulet vigjilenca dhe duhet të respektohen masat anti-COVID.
“Duke e krahasuar me nëntorin e vitit të kaluar, jemi në kushte shumë të mira. Kjo nuk do të thotë të ulim vigjilencën apo të mos të mbrohemi”, u shpreh zoti Llogori.
Drejtori i Njësisë Vendore të Kujdesit Shëndetësor në Korçë theksoi më tej se edhe në tubimet elektorale të zhvilluara në këtë qytet nuk janë respektuar masat anti-COVID.
“Shifrat e dy ditëve të fundit na kanë treguar se kujdesi duhet të jetë akoma i lartë. Faktorët kryesorë janë ulja dhe mos-mbajtja e masave nga ana e qytetarëve dhe lëvizja e turizmit. Ka edhe grumbullime të llojeve të tjera”, tha ai./CNA.al
