Connect with Us

Ëndrra kineze ishte joreale, futbolli i shpenzimeve të çmendura ka falimentuar

Sport

Ëndrra kineze ishte joreale, futbolli i shpenzimeve të çmendura ka falimentuar

Publikuar

-

Futbolli kinez ka falimentuar. Shpenzimet e tepruara për transferimet e “yjeve” të futbollit, që spikatnin në Europë, kanë çuar drejt zhdukjes shumë klube të vendit aziatik. I fundit, pa shkuar më tej, është kampioni në fuqi, Jiangsu Suning.

Të dielën, kompania që e mbështet financiarisht raportoi ndërprerjen e aktivitetit të ekipit të futbollit.

Titulli kampion, që fitoi së fundmi, nuk i ka shërbyer për të shmangur katastrofën. Borxhet e akumuluara ndër vite fundosën një skuadër që nga divizioni i dytë, brenda një kohe të shkurtër arriti të ngjitej në majën e futbollit kinez.

Peshën kryesore të falimentit e kanë ato 50 milionë euro të paguara për Álex Teixeiran disa sezone më parë apo 28 milionë të shpenzuara për Ramires. Edhe në vitin 2019 u fol rreth interesimit të Jiangsu Suning për blerjen e Gareth Bale.

Jiangsu është hallka e fundit në një zinxhiri që është ndryshkur prej kohësh. Kriza e futbollit kinez u përshpejtuar nga pandemia e Koronavirusit. Në tri sezone, në fakt, janë zhdukur 16 klube futbolli. Katër vjet më parë Kina arriti të shpenzonte 380 milionë euro për merkaton; në tregun aktual, vetëm 7.5 milionë.

Përforcimi i huaj më i shtrenjtë është kroati i panjohur Majstorovic, i cili kushton vetëm 3.3 milionë euro. As që mund të imagjinohet një shpenzim prej 60 milionësh, që u paguan pak kohë më parë për Oscar apo 55 milionë për Hulk.

Qeveria kineze e parandjeu rrezikun dhe gjeti një mënyrë për të ndalur shpenzimet e tepruara.

Masa e marrë konsiston në pagimin e së njëjtës shumë federatës kineze. Kështu, nëse një klub dëshiron të blejë një lojtar 10 milionë, duhet t’i paguajë edhe 10 milionë të tjera federatës. Për më tepër, që nga ky sezon është vendosur një kufi pagash prej 3 milionë eurosh.

Për rrjedhojë, janë larguar të gjithë emrat e mëdhenj: Teixeira, Hulk, Pellé, Ighalo, El Shaarawy, Rondón, Goulart … Ka pasur gjithashtu një eksod masiv teknikësh: Rafa Benítez, Vitor Pereira, Bruno Genesio apo Van Bronckhorst. Një kampionat i shkatërruar plotësisht, pa para, pa “yje” dhe pa kampion në fuqi. Ëndrra kineze ishte joreale.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Dënohet arbitri që anuloi golin e Ronaldos ndaj Serbisë

Publikuar

-

Nga

Anulimi i golit të Ronaldos në minutat e fundit në sfidën Portugali-Serbi, i ka kushtuar rëndë gjyqtarit holandez, Mario Diks, i cili është hequr nga lista e gjyqtarëve kryesore që do të udhëtojnë drejt Europianit 2021.

Gjyqtari Diks, në sfidën Serbi-Portugali luajti një rol kyç në rezultatin e ndeshjes e cila përfundoi në barazim 2-2. Episodi ndodhi në minutën e fundit të takimit dhe ishin të shumta polemikat për atë rast.

Një vendim ekstrem ky nga federata holandeze e arbitrimit për gjyqtarin Diks, i cili nuk është pritur mirë nga fansat e futbollit, pasi dënimin e tij e lidhin me imazhin e Ronaldos, ku portugezi akuzohet si “i përkëdhelur” nga UEFA.

LEXO TE PLOTE

Sport

Tahiri: Teuta nuk ndalet më, Skënderbeu po shpreson për mbijetesën

Publikuar

-

Nga

Superliga është futur në fazën më të bukur të saj. 4 ekipe luftojnë për vendin e parë në kampionat si dhe tre ekipe vazhdojnë të besojnë tek mbijetesa. Edhe pse dukej se do të ishte Bylisi skuadra që do të kishte shancin e “Play Out”, humbja e fundit ndaj Partizanit, e ka komplikuar shumë situatën.

Tashmë diferenca mes të dy ekipeve është vetëm tre pikë. Ndërkohë në krye të klasifikimit, Teuta është shkëputur me dy pikë nga vendini dytë, megjithatë gjithçka mbetet e hapur. Asnjë nga skuadrat kryesore nuk ka treguar vazhdimësi dhe ajo prej të cilave do të jetë më e kujdesshme do të dalë kampion.

Ish-futbollisti i Kombëtares Ermal Tahiri, i ftuar ditën e djeshme në emisionin Skaner në MCN TV tha se Skënderbeu është futur seriozisht në garën për t’i shpëtuar rënies nga kategoria. Gjithashtu ai deklaroi se Teuta i ka të gjitha shancet për tu shpallur kampione nëse arrin të tregohet e kujdesshme, pasi për nga ana cilësore është më lartë se të tjerat.

“Duke patur parasysh se të gjitha skuadrat janë afër njëra-tjetrës Skënderbeu do shpresojë për mbijetesë. Kampionati në fazën e fundit do jetë akoma më i bukur. Vendet e para kanë hyrë tani në fazën e fundit dhe kush lë pikë del automatikisht nga gara. Tani duhet psikologji, qetësi dhe administrim. Këto cilësi i ka më së shumti Teuta. Nëqoftëse mban këtë ritëm është e vështirë për ta ndalur,”-u shpreh Tahiri.

LEXO TE PLOTE

Sport

Trajneri i Legias tregon pse nuk aktivizohet Ernest Muçi

Publikuar

-

Nga

Në Poloni ka pasur shumë kritika nga ana e mediave për faktin se Ernest Muçi nuk po aktivizohet me Legian e Varshavës. I transferuar me aq shumë bujë nga Tirana, trajneri Michnieëicz e rriti edhe më tepër presionin mbi talentin shqiptar duke thënë:

“Nuk do e quajmë Muçi, por Mesi”. Por Ernesti ka marrë vetëm 68 minuta në fushë që nga koha kur u transferua te Legia, ndërsa në dy ndeshjet e fundit kundër Lech Poznan dhe Pogon ka qëndruar në stol. E përse vjen ky vendim i trajnerit Michnieëicz?

Për herë të parë tekniku i Legias ka sqaruar gjithë situatën duke u shprehur se Muçi duhet të jetë i durueshëm. “Pse nuk ka asnjë mundësi që të luajë? Se nuk është aq e thjeshtë. Unë e kuptoj shumë mirë se kur vjen një lojtari i ri e presin të gjithë që të marrë minutat. Do vij koha shpejt. Shembujt e Jakub Moder dhe Karboënik tregojnë se edhe lojtarët që po vijnë për miliona, presin shansin e tyre kur ekipi, si i joni, funksionon shumë mirë.

Duhet të keni parasysh që po konkurron me lojtarët kryesorë të kampionatit, Luquinhas dhe Kapustka. Të dy këta futbollistë kanë formë fantastike dhe janë forca e Legia-s. Muci duhet të pres shansin dhe të punojë shumë. Kohët e fundit kaloi dy javë në Shqipëri për Kombëtaren dhe nuk e kishim në klub. Koha e tij do të vij se është lojtari i ri. Për të është gjithçka e re.

Po e vëzhgoj në çdo ditë gjatë stërvitje dhe e shoh sesi është gjithmonë e më i lirshëm mes shokëve, flet më lirshëm, bën shaka, njeh secilin lojtar më emër dhe i di edhe epitetet që i kanë vendosur. Patjetër që do të na ndihmojë, do të marrë minutat. Jam i bindur se do të rritet me ne, por duhet të jetë shumë i durueshëm”, tha Michnieëicz.

LEXO TE PLOTE