Connect with Us

Bregu i sinqertë: Unë di t’i fitoj bukur penalltitë

Sport

Bregu i sinqertë: Unë di t’i fitoj bukur penalltitë

Publikuar

-

Dejvi Bregu prej disa vitesh mahnit në fushat e Superiores me talentin e tij dhe me gola shumë të rrallë. Por përveç tundjes së rrjetave në mënyrë spektakolare, Bregu shpesh është përmendur edhe për një “specialitet” tjetër të tijin, atë të fitimit të 11-metërshave.

Shpeshherë ai akuzohet se simulon apo vjedh 11-metërsha duke u rrëzuar me dashje për të fituar të tillë me kontakte minimale. I ngacmuar sot në studion e “Rubrika Sportive”, vetë Bregu është treguar i sinqertë teksa shpjegonte këtë “talent” të tijin.

“Unë i marr, por i marr bukur të them të drejtën”, ishte përgjigja e vlonjatit, duke bërë që të shpërthenin të qeshurat në sallë, aq sa edhe edhe prezantuesja Hygerta Sako të komentonte me një “Rroftë sinqeriteti” përgjigjen e futbollistit

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

La Liga

Në izolim prej tre ditësh, mesfushori i Real Madrid pozitiv me COVID-19

Publikuar

-

Nga

Federico Valverde u izolua tre ditë më parë për shkak të kontaktit me një person që rezultoi pozitiv me Covid-19. Mesfushori i Realit humbi takimin e fundjavës me Getafen, që përfundoi në barazim pa gola.

22-vjeçari nga Uruguai ka rezultuar pozitiv në tamponin e fundit. Valverde do duhet të vijojë të qëndrojë i izoluar me shpresën për të kaluar sa më shpejt këtë situatë.

 

Lajmi është bërë publik nga një postim zyrtar i kampionëve në fuqi të Spanjës. 3 gola dhe një asist regjistron këtë sezon lojtari latin i ekipit të Zinedine Zidane.

LEXO TE PLOTE

Kombëtare

“Një nga Kosova dhe një nga Maqedonia e Veriut”, flet trajneri Reja: Kam emra të rinjë për Shqipërinë

Publikuar

-

Nga

Stafi i ekipit kombëtar U-17 ka zhvilluar një seleksionim me lojtarë të përzgjedhur të kampionatit shqiptar. Të pranishëm në këtë seleksionim kanë qenë rreth 49 lojtarë të vitlindjeve 2005-2006, të cilat po mbahen vazhdimisht në vëzhgim nga stafi kuqezi për të përzgjedhur më pas ata më cilësorët.

Në seleksionimin e zhvilluar sot në Qendrën e Ekipeve Kombëtare në Kamëz kanë qenë të pranishëm edhe trajneri i Kombëtares shqiptare, Edoardo Reja, drejtori teknik i FSHF, Giancarlo Camolese dhe pjesëtarë të departamentit të ekipeve kombëtare në FSHF. Ata kanë ndjekur nga afër procesin stërvitor dhe kanë monitoruar lojtarët e ftuar në këtë seleksionim.

Tekniku Reja ndodhet në Shqipëri për t’u takuar dhe diskutuar me stafet e ekipeve kombëtare dhe më drejtuesit e zyrave rajonale të FSHF-së për ecurinë e punës me lojtarët e talentuar dhe për të ndjekur disa nga seleksionimet që zhvillohen gjatë kësaj periudhe.

Në një prononcim për mediat, trajneri kuqezi ka folur mbi punën që po bëhet me seleksionimet në Kombëtaret e moshave në Shqipëri, duke theksuar se niveli është i mirë. Gjithashtu, i pyetur mbi Kombëtaren, ai foli mbi grupin dhe të rinjtë që mund të përfshihen në Kombëtare.

“Po shoh lojtarët e rinj në aksion, ditën e djeshme ishim dhe në Shkodër, bëmë disa seleksionime në zyrat rajonale të FSHF dhe mund të themi që jemi në fillimin e seleksionimeve në sektorin e të rinjve në Shqipëri. Pastaj do të bëjmë dhe turneun në Zagreb dhe kjo do na japë mundësinë të bëjmë krahasimet me ekipet e tjera kombëtare të moshave për të kuptuar nivelin e pjekurisë së të rinjve tanë. Ky është vetëm fillimi i punës. Deri tani është punuar mirë, pasi këtu pashë disa cilësi të mira.

Ka djem që paraqesin cilësi si nga ana fizike ashtu dhe nga ana teknike. Sigurisht, punës së bërë deri tani i duhet dhënë vazhdimësi, duhet organizim mbi të gjitha nga ana taktike. Duhen gjetur stërvitjet e duhura në mënyrë që në të ardhmen këto kapacitete të zhvillohen”, – tha Reja, teksa vlerësoi nivelin e elementëve të rinj të kampionatit shqiptar. “Niveli është mjaft i mirë. Nga ana teknike pashë gjëra që më pëlqyen. Të rinjtë kanë performancë fizike të mirë, kanë shkathtësi dhe duhet t’i presim rritjen e tyre të mëtejshme. Por është një fillim i mirë. Duke parë seleksionimet, për shembull grup-moshat e vitlindjes 2005 janë më të formuar fizikisht, ndërsa grup-moshat e vitlindjes 2006 kanë ende mundësi përmirësimi”.

Më tej, trajneri i Shqipërisë ka folur edhe për ndeshjet e ardhshme miqësore të Kombëtares, që luhen në muajin qershor. Reja thekson se po punohet edhe për të afruar lojtarë të rinj, të cilët mund t’i vlejnë përfaqësueses në të ardhmen.

“Për sa i përket Kombëtares, duhet të presim dhe të shikojmë. Kam propozuar rreth 30 emra në mënyrë që të fillojnë të përgatiten edhe autorizimet për të shkuar në Angli. Por jam në proces vlerësimi. Të shikojmë se mund të përfshij edhe emra të tjerë. Grupin e kam pothuajse të formuar, por do të më pëlqente të përfshija edhe të tjerë, sidomos në ndeshjet miqësore.

Shpresoj të ketë dhe emra të rinj, do të shikojmë dhe gjatë fazës finale të sezonit nëse spikat ndonjë figurë e re. Kam pikasur disa lojtarë të rinj të vitlindjeve 2000 e 2001. Të shikojmë nëse do të pranojnë të vijnë në Shqipëri, pasi dikush është nga Kosova, një tjetër nga Republika e Maqedonisë së Veriut, prandaj ka edhe problematika nga ky këndvështrim. Jo të gjithë janë shqiptarë. Për shembull kemi krijuar një listë me një grup lojtarësh që aktivizohen në Itali, grup-mosha 2004, 2005, 2006 të cilët janë shqiptarë dhe nuk paraqesin probleme”, – ka deklaruar ndër të tjera trajneri Edoardo Reja.

LEXO TE PLOTE

BundesLiga

Futbollistët e Schalkes sulmohen me vezë nga tifozët pas rënies nga Bundesliga

Publikuar

-

Nga

Lojtarët dhe stafi i Schalkes janë sulmuar me vezë nga tifozët e tyre pas rënies nga Bundesliga për herë të parë pas 30 vjetësh. Schalke, të martën mbrëma pësoi humbje 1:0 nga Arminia Bielefeldi për të konfirmuar rënien në një kategori më poshtë për sezonin tjetër.

Për Schalken, ku luan Shkodran Mustafi, kjo ishte humbja e 21 këtë sezon. Pas kthimit nga Bielefeldi, futbollistët e Schalkes u sulmuan të mërkurën nga tifozët me vezë pasi rreth 600 prej tyre ishin mbledhur para stadiumit në shenjë pakënaqësie.

Policia e Gelsenkirchenit, tha se tifozët kishin ndezur fishekzjarrët derisa po prisnin lojtarët të dilnin nga autobusi i klubit.

“Sapo ekipi mbërriti dhe zbriti nga autobusi kishte protesta të ashpra”, tha policia në një deklaratë. “Lojtarët u sulmuan me vezë, si dhe u sulmuan verbalisht nga tifozët”. Në përgjigje në lidhje me incidentin, Schalke tha se disa “individë të paidentifikuar shkelën qartë linjat që nuk diskutohen”. “Ndërsa ka zhgënjim dhe zemërim të kuptueshëm për rënien, klubi kurrë nuk do ta pranojë atë kur integriteti fizik i lojtarëve dhe stafit të saj vihet në rrezik”, tha Schalke.

Nënkampioni i Bundesligës në vitin 2018, Schalke është një nga klubet më të mbështetura në Gjermani, duke tërhequr më shumë se 60.000 tifozë në ndeshjet që i luan në shtëpi.

LEXO TE PLOTE