Connect with Us

Tomori bind, Milani nxjerr në shitje kapitenin

Seria A

Tomori bind, Milani nxjerr në shitje kapitenin

Publikuar

-

Fikajo Tomori qëndron te Milani, Alesio Romanjoli largohet. Paraqitja e shkëlqyer e mbrojtësit anglo-kanadez nuk bëri gjë tjetër veçse konfirmoi orientimet gjithnjë e më të vendosura në rrugën “Aldo Rossi”.

Një lëvizje, që me sa duket hedh hije dyshimi mbi të ardhmen kuqezi të kapitenit me spaleta të hequra në ndeshjen delikate kundër Romës “së tij”, ku ai është rritur dhe nga ku u transferua në vitin 2015 për 25 milionë euro.

Ishte ende Milani i Berluskonit dhe mëngjarashi vinte me kredencialet e liderit në mbrojtjen kuqezi. Por, 6 vite më pas, rritja e tij ngadalësoi rrezikshëm, rendimenti i tij është kritikuar shumë së fundmi dhe palët duken larg rinovimit.

Paolo Maldini, në pragndeshjen me Romën, u tregua diplomatik, duke thënë se me Romanjolin në fushë skuadra është në këtë pozicion në klasifikim, por pranoi se Alesio mbeti keq që nuk u aktivizua.

Falë rrotacionit ia mund të gjejë shpejt një fanellë titullari (duke nisur nga sot me Udinezen). Mes tij dhe Piolit nuk ka asnjë krisje, profesionalizmi i tij nuk është vënë kurrë në dyshim, por me kapitenin në stol, rinovimi i kontratës që do edhe 15 muaj të skadojë, në këtë moment nuk është i thjeshtë.

Në moshën 26-vjeçare, mbrojtësi që fiton 3.5 milionë euro në vit, duhet të kishte bërë një kapërcim në cilësi, e përkthyer më pas edhe në rrogë. Në këto momente, Milani është më pranë konsiderimit të shitjes së tij në merkaton e verës.

Dhe me një kontratë kaq të shkurtër, do të pranonte edhe një çmim prej 20 milionë eurosh për kartonin, por nuk do përjashtonte as një formulë shkëmbimi. Sigurisht që duhet llogaritur edhe vullneti i lojtarit, nëse do të qëndrojë deri në fund të kontratës së tij. Por në këtë situatë, Milani vetëm për një gjë nuk ka dyshime. Me Tomorin, i cili po shkëlqen dhe të drejtën e blerjes së tij nga Çelsi, ata nuk do duan kurrsesi ta humbasin.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Lajm i madh nga Italia/ Ja kur rikthehet tifozët në stadiume

Publikuar

-

Nga

Lajme pozitive nga Italia, për sa i përket rikthimit të tifozëve në stadium. Një hap i vogël drejt normalitetit: nga 1 maji i ardhshëm, në Serinë A do të kthehet publiku në stadiumet që janë në zonën e verdhë.

Sipas Ansa-s, do të lejohet hyrja e publikut në impiantet e hapura deri në një maksimum prej 1.000 spektatorësh dhe ato të mbyllura deri në 500 për të gjitha aktivitetet sportive që kanë interes kombëtar. Gjithsesi pritet që në ditët në vijim të ketë një zyrtarizim nga qeveria në lidhje me këtë lajm.

Masa pritet të hyjë në fuqi në javën e 34 të kampionatit italian, që do të hapet nga ndeshja mes Veronë dhe Specias në Bentegodi. Inter do të luajë në Krotone, Milani do të sfidojë Beneventon.

Të dielën do të vazhdohet me Lacio-Xhenoa, Napoli-Kaljari, Sasuolo-Atalanta, Bolonja-Fiorentina, Udineze-Juve, Sampdoria-Roma dhe Torino-Parma.

LEXO TE PLOTE

Seria A

Gjest i madh nga Mandzukic, heq dorë nga rroga e muajit mars… se nuk ka luajtur

Publikuar

-

Nga

Sulmuesi i Milanit, Mario Manxukiç, ka bërë një gjest prej kampioni të vërtetë, teksa ka hequr dorë nga paga e tij për muajin mars, për shkak se nuk ishte i disponuëshëm në këtë periudhë, për shkak të një dëmtimi. Si pasojë, të gjitha të ardhurat e këtij muaji do të kalojnë për bamirësi.

Ky vendim është komplimentuar edhe nga presidenti i Milanit, Paolo Skaroni, i cili vlerëson etikën dhe profesionalizmin e kroatit dhe respektin e tij për klubin kuqezi. “Një gjest i jashtëzakonshëm. Klubi do të ketë kështu mundësinë për të mbështetur më tej Fondacionin Milan”, u shpreh ndër të tjera Skaroni. Rroga e muajit mars e Manxukiç është afro 300 mijë euro. Kroati ka firmosur kontratë 6 mujore me kuqezinjtë, e cila shkon në total 1.8 milionë euro.

LEXO TE PLOTE

Seria A

Hajdutët i hyjnë në shtëpi, Smalling hap kasafortën dhe u jep pasurinë me duart e tij

Publikuar

-

Nga

Kur Roma po festonte kualifikimin pasi shkoi në gjysmëfinalen e Europa League pas përballjes me Ajaksin, një surprizë e pakëndshme erdhi për Chris Smalling. Tre grabitës kanë hyrë në shtëpinë e mbrojtësit dhe e detyruan që të hap kasafortë për t’i marrë disa ora rolex dhe sende me vlerë.

Ngjarja ka ndodhur në mesnatën e sotme dhe policia është thirrur në orën 5 të mëngjesit, duke mbërritur menjëherë në vendngjarje. Smalling ishte i shokuar nga ajo që ndodhi, por gjendja e mbrojtësit të Romës është nën kontroll tanimë. Ky futbollist nuk ishte pjesë e skuadrës në ndeshjen kundër Ajaksit për shkak të një problemi muskulor.

LEXO TE PLOTE