Aktualitet
Tjetër humbje për bluzat e bardha/ Ndërron jetë mjeku i njohur, themelues i PD në Librazhd
Një tjetër mjek ka ndërruar jetë ditën e sotme, duke i shkaktuar një tjetër humbje bluzave të bardha.
Mësohet se ka ndërruar jetë mjeku i njohur gjinekolog Gjergji Dhono, i cili kishte një karrierë të gjatë një spitalin e Librazhdit.
Prej disa javësh Dhono ka shfaqur probleme shëndetësore. Fatkeqësisht sot ai është shuar, duke shkaktuar dhimbje të madhe te familjarët dhe miqtë.
Gjithashtu ai ishte një ndër themeluesit e Partisë Demokratike në qytetin e Librazhdit.
Homazhet do të zhvillohen tek rruga e Kavajës tek Internacional Tirana, ndërsa varrimi do të bëhet në orën 13:00 në Kavajë./ CNA.al
Aktualitet
“Vrasje e paralajmëruar”/ Artan Hoxha: Pjerin Xhuvani, dëshmori i parë i zgjedhjeve
Gazetari Artan Hoxha e ka cilësuar atentatin në Elbasan si një vrasje të paralajmëruar më parë.
Përmes një postimi në rrjetin social, Hoxha theksoi se vrasja e Pjerin Xhuvanit nuk ishte jashtë parashikimeve, ndërsa sipas tij ai ishte edhe dëshmori i parë i zgjedhjeve.
“Kronika e nje vrasje të paralajmeruar…
Asgje jashte parashikimeve…
Deshmori” i pare i zgjedhjeve parlamentare të 25 prillit 2021, eshte mjeku psikiater Pjerin Xhuvani.
Ndersa autori i dyshuar, nje nga efektivet me te trajnuar te Forcave Speciale, qe ka sherbyer 6 muaj në Afganistan si instruktor trajnimi i policise Afgane….”, tha Hoxha./CNA.al
Politikë
Vrasja në Elbasan/ Reagon BE: Të hetohet me shpejtësi, ndalni gjuhën e urrejtjes
Delegacioni i Bashkimit Europian në Shqipëri KA reaguar pas ngjarjes së rëndë në Elbasan, ku mbeti i vrarë një person, dhe u plagosën 4 persona të tjerë.
BE deklaron se akti i dhunshëm duhet të hetohet me shpejtësi dhe të gjenden përgjegjësit, teksa bën thirrje për vetëpërmbajtje.
“Akti i dhunshëm që ndodhi sot në Elbasan duhet të hetohet me shpejtësi nga autoritetet kompetente, dhe duhet të bëhet qartësi në lidhje me përgjegjësitë dhe të ndiqet në tërësi. Ne bëjmë thirrje për përmbajtje dhe shmangie të dhunës, retorikës inflamatore dhe gjuhës së urrejtjes në këtë moment vendimtar të fushatës elektorale”./CNA.al
Kronika
Vendi nuk gjen qetësi/ Të shtëna me armë zjarri në Vlorë
Pas atentatit të ndodhur në qytetin e Elbasanit ku mbeti i vrarë Pjerin Xhuvani duket se vendi nuk po gjen qetësi.
Të shtëna më armë janë dëgjuar sërisht ditën e sotme në qytetin e Vlorës. Ngjarja ka ndodhur në fshatin Poro të Novoselës.
Mësohet se me armë është qëlluar në drejtim të një lokali ne pronësi të shtetasit me iniciale GJ.N. Ende nuk dihet nëse ka të lënduar, ndërsa policia ndodhet në vendin e ngjarjes./CNA.al
