Connect with Us

“Tërbohet” Safet Gjici: Turp i madh, Laçi nuk fitonte kurrë ndaj nesh

Sport

“Tërbohet” Safet Gjici: Turp i madh, Laçi nuk fitonte kurrë ndaj nesh

Publikuar

-

Safet Gjici ka shpërthyer ndaj arbitrit Klajdi Kola, pas humbjes 1-2 ndaj Laçit në “Elbasan Arena”. Në një deklaratë ekskluzive për “Panorama Sport”, presidenti i nderit të skuadrës verilindore, ndër të tjera u shpreh:

“A e patë ju çfarë arbitrimi që bëri ai? Çfarë penalltie të turpshme dha? Shumë turp! Po tendencioze është se nuk ka rrugë tjetër. S’ka kuptim tjetër. Nuk është hera e parë.

Pa diskutim që do të fitonim. Ju e patë se çfarë loje kishte Laçi dhe çfarë loje bëmë ne. Arbitri, çdo lloj faulli e jepte atje ku rrezikohej që ne të bënim gol. Turpi më i madh është për penalltinë. Është një turp”, deklaroi Gjici.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Dënohet arbitri që anuloi golin e Ronaldos ndaj Serbisë

Publikuar

-

Nga

Anulimi i golit të Ronaldos në minutat e fundit në sfidën Portugali-Serbi, i ka kushtuar rëndë gjyqtarit holandez, Mario Diks, i cili është hequr nga lista e gjyqtarëve kryesore që do të udhëtojnë drejt Europianit 2021.

Gjyqtari Diks, në sfidën Serbi-Portugali luajti një rol kyç në rezultatin e ndeshjes e cila përfundoi në barazim 2-2. Episodi ndodhi në minutën e fundit të takimit dhe ishin të shumta polemikat për atë rast.

Një vendim ekstrem ky nga federata holandeze e arbitrimit për gjyqtarin Diks, i cili nuk është pritur mirë nga fansat e futbollit, pasi dënimin e tij e lidhin me imazhin e Ronaldos, ku portugezi akuzohet si “i përkëdhelur” nga UEFA.

LEXO TE PLOTE

Sport

Tahiri: Teuta nuk ndalet më, Skënderbeu po shpreson për mbijetesën

Publikuar

-

Nga

Superliga është futur në fazën më të bukur të saj. 4 ekipe luftojnë për vendin e parë në kampionat si dhe tre ekipe vazhdojnë të besojnë tek mbijetesa. Edhe pse dukej se do të ishte Bylisi skuadra që do të kishte shancin e “Play Out”, humbja e fundit ndaj Partizanit, e ka komplikuar shumë situatën.

Tashmë diferenca mes të dy ekipeve është vetëm tre pikë. Ndërkohë në krye të klasifikimit, Teuta është shkëputur me dy pikë nga vendini dytë, megjithatë gjithçka mbetet e hapur. Asnjë nga skuadrat kryesore nuk ka treguar vazhdimësi dhe ajo prej të cilave do të jetë më e kujdesshme do të dalë kampion.

Ish-futbollisti i Kombëtares Ermal Tahiri, i ftuar ditën e djeshme në emisionin Skaner në MCN TV tha se Skënderbeu është futur seriozisht në garën për t’i shpëtuar rënies nga kategoria. Gjithashtu ai deklaroi se Teuta i ka të gjitha shancet për tu shpallur kampione nëse arrin të tregohet e kujdesshme, pasi për nga ana cilësore është më lartë se të tjerat.

“Duke patur parasysh se të gjitha skuadrat janë afër njëra-tjetrës Skënderbeu do shpresojë për mbijetesë. Kampionati në fazën e fundit do jetë akoma më i bukur. Vendet e para kanë hyrë tani në fazën e fundit dhe kush lë pikë del automatikisht nga gara. Tani duhet psikologji, qetësi dhe administrim. Këto cilësi i ka më së shumti Teuta. Nëqoftëse mban këtë ritëm është e vështirë për ta ndalur,”-u shpreh Tahiri.

LEXO TE PLOTE

Sport

Trajneri i Legias tregon pse nuk aktivizohet Ernest Muçi

Publikuar

-

Nga

Në Poloni ka pasur shumë kritika nga ana e mediave për faktin se Ernest Muçi nuk po aktivizohet me Legian e Varshavës. I transferuar me aq shumë bujë nga Tirana, trajneri Michnieëicz e rriti edhe më tepër presionin mbi talentin shqiptar duke thënë:

“Nuk do e quajmë Muçi, por Mesi”. Por Ernesti ka marrë vetëm 68 minuta në fushë që nga koha kur u transferua te Legia, ndërsa në dy ndeshjet e fundit kundër Lech Poznan dhe Pogon ka qëndruar në stol. E përse vjen ky vendim i trajnerit Michnieëicz?

Për herë të parë tekniku i Legias ka sqaruar gjithë situatën duke u shprehur se Muçi duhet të jetë i durueshëm. “Pse nuk ka asnjë mundësi që të luajë? Se nuk është aq e thjeshtë. Unë e kuptoj shumë mirë se kur vjen një lojtari i ri e presin të gjithë që të marrë minutat. Do vij koha shpejt. Shembujt e Jakub Moder dhe Karboënik tregojnë se edhe lojtarët që po vijnë për miliona, presin shansin e tyre kur ekipi, si i joni, funksionon shumë mirë.

Duhet të keni parasysh që po konkurron me lojtarët kryesorë të kampionatit, Luquinhas dhe Kapustka. Të dy këta futbollistë kanë formë fantastike dhe janë forca e Legia-s. Muci duhet të pres shansin dhe të punojë shumë. Kohët e fundit kaloi dy javë në Shqipëri për Kombëtaren dhe nuk e kishim në klub. Koha e tij do të vij se është lojtari i ri. Për të është gjithçka e re.

Po e vëzhgoj në çdo ditë gjatë stërvitje dhe e shoh sesi është gjithmonë e më i lirshëm mes shokëve, flet më lirshëm, bën shaka, njeh secilin lojtar më emër dhe i di edhe epitetet që i kanë vendosur. Patjetër që do të na ndihmojë, do të marrë minutat. Jam i bindur se do të rritet me ne, por duhet të jetë shumë i durueshëm”, tha Michnieëicz.

LEXO TE PLOTE